ഓര്‍മ്മകള്‍

ഓർമ്മയിൽ ഒരു മുണ്ടിനീര് !

2009-06-20T22:00:00.002+05:30

വിവാഹശേഷം ഞങ്ങൾ രണ്ടു പേരും കൂടെ ഹണിമൂൺ ആഘോഷത്തിന്റെ ഭാഗമായ “ സ്ഥലങ്ങൾ കാണൽ “ പരിപാടിയുമായി ഇരിങ്ങോൾ വനദുർഗ്ഗാ ക്ഷേത്രത്തിൽ പോയി.മിഥുനം സിനിമയിലെ മോഹൻ ലാലിന്റെ സ്വഭാവമാണു നവവരന്.എവിടെ പോയാലും വീട്ടുകാരും ബന്ധുക്കളും ഒക്കെ ഉണ്ടാകും.ഇത്തവണ കൂടെ ഉണ്ടായിരുന്നത് ആശാന്റെ 4 ഫ്രണ്ട്സും ഫാമിലിയും ആണ്.എല്ലാവരും കൂടെ ഭഗവതിയെ തൊഴുതതിനു ശേഷം വനമെല്ലാം ചുറ്റി നടന്നു കണ്ടു.ക്ഷീണിച്ചപ്പോൾ കൈയ്യിൽ കരുതിരുന്ന തണ്ണിമത്തൻ മുറിച്ച് കഴിച്ചു.ഉച്ചയോടെ തിരിച്ച് വീട്ടിലെത്തി.

വീട്ടിൽ എത്തി അല്പം കഴിഞ്ഞപ്പോഴേക്കും എനിക്ക് കുറെശ്ശെ പനിയും ചെവി വേദനയും ശരീര വേദനയും തുടങ്ങി.കാര്യമാക്കിയില്ല.പനി വന്നാൽ സ്ഥിരം ചെയ്യാറുള്ളതു പോലെ ഒരു പാരസെറ്റാമോളും കഴിച്ച് കിടന്നു.വൈകുന്നേരമായപ്പോഴേക്കും എന്റെ മുഖത്തിനു എന്തോ വ്യത്യാസം വരുന്നതു പോലെ തോന്നി.താടയാകെ തൂങ്ങി വരുന്നു.ഇനി അതെന്റെ തോന്നലായിരിക്കുമോ ? പനി വന്നാൽ താട വീർക്കുമോ ? എണീറ്റ് കണ്ണാടിയിൽ ഒന്നു നോക്കി.ദൈവമേ പൂർണ്ണചന്ദ്രനേപ്പോലിരുന്ന എന്റെ മുഖം ഇപ്പോൾ ഇര പിടിച്ചു കഴിഞ്ഞ അമീബയെപ്പോലെ ഇരിക്കുന്നു.മുഖത്തിനു ഒരു ഭംഗീം ഇല്ല കാണാൻ.കരച്ചിലു വന്നു പോയി. മുഖം ഈ കോലത്തിൽ കാണുമ്പോൾ ഒറ്റനോട്ടത്തിൽ കണവൻ കൈ വെച്ചതാന്നു തോന്നും.സ്വഭാവമഹിമയ്ക്ക് ഭർത്താവിന്റെ വക സർട്ടിഫിക്കറ്റ് കരണക്കുറ്റിക്ക് കിട്ടിയതു പോലെ ഇരിക്കും!

എന്റെ മുഖം കണ്ടപ്പോൾ അമ്മയ്ക്ക് കാര്യം മനസ്സിലായി.ഇത് മുണ്ടിനീരാണു.

“ നീ ശുദ്ധം നോക്കാതെയാണോടീ അമ്പലത്തിൽ പോയത് ?”

അമ്മയുടെ ചോദ്യം കേട്ടപ്പോൾ വിറഞ്ഞു വന്നെങ്കിലും ആരോഗ്യസ്ഥിതി മോശമായ കാരണത്താലും പുതുപ്പെണ്ണ് അധികപ്രസംഗം നടത്തിയാൽ നാട്ടുകാരും വീട്ടുകാരും എങ്ങനെ പ്രതികരിക്കും എന്ന് ഉറപ്പില്ലാത്തതിനാലും ഞാൻ ഒന്നും മിണ്ടിയില്ല.അല്ലെങ്കിൽ തന്നെ ദൈവം കോപിക്കുന്നതു കൊണ്ടാണു മനുഷ്യനു അസുഖം വരുന്നതെന്നു പറയുന്ന ഇവരോടൊത്ത് എങ്ങനെ കഴിയും എന്റെ ഭഗവതീ എന്നു മനസ്സിൽ വിചാരിച്ചപ്പോളേക്കും വന്നു അടുത്ത കണ്ടുപിടിത്തം

“ മുണ്ടിനീരിനു ചികിത്സയായി കണ്ണൻ ചിരട്ട കഴുത്തിൽ കെട്ടിത്തൂക്കിയാൽ മതി “

എന്റെ ദേവീ ! ഇതൊക്കെ കേൾക്കാനാണോ ഞാൻ പ്രേമിച്ച് കല്യാണം കഴിച്ച് ഇവിടെ എത്തപ്പെട്ടത്.മൂത്തോർ വാക്കും മുതുനെല്ലിക്കയും ആദ്യം കയ്ക്കും എന്നാണല്ലോ വയ്പ്.അതു കൊണ്ട് എതിർത്തൊന്നും പറയാൻ വയ്യ.അമ്മ തന്നെ അടുക്കളയിൽ പോയി കണ്ണൻ ചിരട്ടയുടെ കണ്ണ് തുളച്ച് അതിലൂടെ വാഴവള്ളി കടത്തി അതുമായി വന്നു.അതും കഴുത്തിലിട്ടു വിഡ്ഡിയെപ്പോലെ കിടന്നപ്പോൾ എന്റെ പരിചയക്കാർ ആരും ഈ വഴി വരല്ലേ എന്നായിരുന്നു മനസ്സിൽ പ്രാർത്ഥന !

നീ ഇന്ന് അപ്പുറത്തെ മുറിയിൽ കിടന്നാൽ മതി.അവന്റൊപ്പം കിടക്കണ്ട എന്നും കൂടി കേട്ടപ്പോളാണു സങ്കടം ഇരട്ടിച്ചത്.അങ്ങനെ ഒരു രാത്രി ഐസൊലേഷൻ വാർഡിൽ കഴിച്ചു കൂട്ടി.

പിറ്റേ ദിവസം രാവിലെ ഞാൻ കണ്ണനോട് പറഞ്ഞു എനിക്ക് ഈ കിടപ്പ് വയ്യ.ഹോസ്പിറ്റലിൽ പോകണം.അങ്ങനെ അടുത്തുള്ള ഹോസ്പിറ്റലിൽ പോയപ്പോളാണു ഈ അസുഖത്തെ പറ്റിയുള്ള കൂടുതൽ വിവരം ലഭിച്ചത്. Mumps അഥവാ മുണ്ടിനീര് പരോറ്റിഡ് ഗ്രന്ഥികള്‍ എന്നു വിളിക്കുന്ന കവിളിന്റെ പാര്‍ശ്വത്തില്‍ ഉള്ള ഗ്രന്ഥികളേ ബാധിക്കുന്ന ഒരു രോഗം ആണ്.ഈ രോഗം മൂലം മരണം അപൂര്‍വ്വമാണ്.എങ്കിലും ഇതുണ്ടാക്കുന്ന അസ്വസ്ഥതകളും പാര്‍ശ്വ ഫലങ്ങളും നിസ്സാരമാക്കി തള്ളിക്കളയാവുന്നതല്ല.ഭക്ഷണം കഴിക്കാൻ പോയിട്ട് വെള്ളം കുടിയ്ക്കാൻ വരെ ബുദ്ധിമുട്ടനുഭവപ്പെട്ടു.ച്ഛർദ്ദിക്കാൻ തോന്നലുണ്ടായാലും ച്ഛർദ്ദിക്കില്ല.താട തൂങ്ങി കിടങ്ങുന്നത് ഒരു എക്സ്ട്രാ ഫിറ്റിംഗ് പോലെ ആയതിനാൽ അതിന്റെ അസ്വസ്ഥത വേറേ !

മിക്സോ വൈറസ് കുടുംബത്തില്‍ പെട്ട ഒരു തരം വൈറസുകളാണ് ഈ രോഗം ഉണ്ടാക്കുന്നത്.5 വയസ്സിനും 15 വയസ്സിനും ഇടക്കുള്ള കുട്ടികളിലാണു ഈ രോഗം അധികവും കണ്ടു വരുന്നത്.പക്ഷേ 21 വയസ്സായെങ്കിലും 15 പോലും തോന്നിക്കാത്ത സന്തൂർ സുന്ദരി ആയതിനാലും കാന്താരിക്കുട്ടി എന്ന പേരിൽ ഒരു കുട്ടി ഉള്ളതു കൊണ്ടും ആയിരിക്കാം ഈ വൈറസ് എന്നെക്കേറി ആക്രമിച്ചത് !

ചൂടുപനി,ചിക്കംന്‍ പോക്സ് എന്നീ രോഗങ്ങളേക്കാള്‍ കൂടുതല്‍ പേര്‍ക്ക് ഈ രോഗം ബാധിക്കുന്നുണ്ടെങ്കിലും ഇവരില്‍ 30 മുതല്‍ 40 ശതമാനം പേരില്‍ രോഗ ലക്ഷണങ്ങള്‍കണ്ടെന്നു വരില്ല.പ്രായം ചെന്നവരിലാണു കുട്ടികളേക്കാള്‍ കൂടുതല്‍ രോഗ ലക്ഷണങ്ങളും അതിന്റെ പ്രത്യാഘാതങ്ങളും കാണപ്പെടുന്നത്.രോഗലക്ഷണങ്ങള്‍ കാണുന്നതിനു 4 മുതല്‍ 6 ദിവസം തൊട്ട് രോഗം മാറി ഒരാഴ്ച്ചയോളം നീണ്ടു നില്‍ക്കുന്ന സമയ പരിധിക്കുള്ളില്‍ ഒരാളില്‍ നിന്നു മറ്റൊരാളിലേക്ക് രോഗം പകരാം.ആറു മാസത്തിനു താഴെയുള്ള കുഞ്ഞുങ്ങളില്‍ ഈ രോഗം കണ്ടെന്നു വരില്ല.ഒരു പ്രാവശ്യം ഈ രോഗം ബാധിച്ചാല്‍ രണ്ടാമതൊരു പ്രാവശ്യം ഈ രോഗം വരാനുള്ള സാധ്യത കുറവാണ്. (എന്റെ ഭാഗ്യം !!! ഇനി വരില്ലല്ലോ !! )

ഉമിനീരില്‍ കൂടിയോ നേരിട്ടുള്ള സ്പര്‍ശനം വഴിയോ തുമ്മൽ,ജലദോഷം എന്നിവ വഴിയോ ഈ രോഗം പകരാം.(ഐസൊലേഷൻ വാർഡിൽ ആക്കിയത് നന്നായ്യീന്ന് ഇപ്പോ മനസ്സിലായി ! )മുണ്ടി നീരിനോടു കൂടിയോ മുണ്ടി നീരു വന്നതിനു ശേഷമോ വൃഷണങ്ങള്‍,പാൻ‌ക്രിയാസ് ,അണ്ഡാശയങ്ങള്‍,പ്രോസ്റ്റേറ്റ് എന്നീ ഗ്രന്ഥികളെ ഈ രോഗം ബാധിക്കാം.അപൂര്‍വ്വമായി നാഡീവ്യൂഹത്തെയും ഈ രോഗം ബാധിക്കാം.മുണ്ടിനീരിനെ തുടര്‍ന്നുണ്ടാകുന്ന വൃഷണ വീക്കം ബീജങ്ങളുടെ എണ്ണം കുറക്കും എന്നും തല്‍ഫലമായി സന്താനോല്പാദാന ശേഷി കുറയുകയും ചെയ്യുന്നു എന്നു പറയ്യാറുണ്ട്.പാങ്ക്രിയാസിനു വീക്കം ഉണ്ടായാല്‍ പ്രമേഹം ഉണ്ടാകും എന്നും പറയപ്പെടുന്നു.

രോഗ പ്രതിരോധത്തിനു ഇന്നു ഫലപ്രദമായ മരുന്നുകള്‍ ലഭ്യമാണ്.പക്ഷേ അന്ന് ഞാൻ അനുഭവിച്ച വേദനയും വിഷമവും ഓർക്കുമ്പോൾ ആർക്കും ഈ അസുഖം വരല്ലേ എന്ന് പ്രാർത്ഥിച്ചു പോകുന്നു.

ചിത്രങ്ങൾക്കും വിവരങ്ങൾക്കും കടപ്പാട് : ഗൂഗിൾ

ജൂൺ ഒന്ന് - ലോകക്ഷീരദിനം

2009-06-01T00:00:00.003+05:30

ഐക്യരാഷ്ട്രസഭയുടെ കീഴിലുള്ള ഫുഡ് ആൻഡ് അഗ്രിക്കൾച്ചർ ഓർഗനൈസേഷൻ ( എഫ്.എ .ഒ ) ന്റെ ആഹ്വാനമനുസരിച്ച് ജൂൺ ഒന്ന് ലോകക്ഷീരദിനമായി ആചരിക്കുകയാണു.2001 മുതൽ പല രാജ്യങ്ങളിലും ഈ ദിനം ആഘോഷിക്കുന്നുണ്ടെങ്കിലും കേരളത്തിൽ ആദ്യമായാണു ഇങ്ങനെ ഒരു ആഘോഷം നടക്കുന്നത്.പാലുല്പാദനത്തിന്റെ കാര്യത്തിൽ സ്വയം പര്യാപ്തത കൈവരിക്കണം എന്നുള്ളതാണു നമ്മുടെ ലക്ഷ്യം.ഇപ്പോഴും കേരളത്തിനു ആവശ്യമുള്ള പാലിന്റെ 30 ശതമാനത്തോളം അയൽ സംസ്ഥാനങ്ങളിൽ നിന്നും നമ്മൾ വാങ്ങുകയാണു.ഈ ദുഃസ്ഥിതി മാറിയേ തീരൂ.നമുക്കാവശ്യമുള്ള പാൽ നമുക്കു തന്നെ ഉല്പാദിപ്പിക്കാൻ കഴിയണം.എന്നാൽ ക്ഷീരമേഖലയിൽ നിന്ന് യുവാക്കൾ പിൻ മാറുന്നതായാണു അനുഭവം.പഴയ കർഷകർ മാത്രമാണു ഇപ്പോഴും പശുവളർത്തൽ ഒരു ഉപജീവനമാർഗ്ഗമായി കൊണ്ടു നടക്കുന്നത്.ക്ഷീരമേഖല ഒട്ടും തന്നെ ലാഭത്തിലല്ല എന്നുള്ളതാണ് ചെറുപ്പക്കാർ ഈ രംഗത്തു നിന്നും പിൻ വാങ്ങാൻ കാരണം.പാലിന്റെ ഗുണമേന്മ അനുസരിച്ചാണു ക്ഷീരസംഘങ്ങളിൽ നിന്നും കർഷകനു പാൽ വില ലഭിക്കുന്നത്.പശു വളർത്തലിന്റെ ചെലവും അതിൽ നിന്നും ലഭിക്കുന്ന വരുമാനവും പലപ്പോഴും തുലനം ചെയ്തു പോകാറില്ല.ഈ അവസ്ഥക്കൊരു മാറ്റമുണ്ടാകണം.ഉല്പാദകനു മെച്ചപ്പെട്ട വില കിട്ടണം.ക്ഷീര ദിനം ആചരിക്കുമ്പോൾ ഇക്കാര്യങ്ങൾ നമ്മുടെ മനസ്സിലുണ്ടാകണം

കേരളത്തിൽ ആദ്യമായാണു ക്ഷീരദിനം ആചരിക്കുന്നത് എന്നു പറഞ്ഞുവല്ലോ.ക്ഷീരവികസനവകുപ്പിന്റെ നേതൃത്വത്തിൽ വിപുലമായ പരിപാടികളാണു ആസൂത്രണം ചെയ്തിട്ടുള്ളത്.ഓരോ ക്ഷീരോല്പാദക സഹകരണ സംഘങ്ങളിലും സംഘം പ്രസിഡണ്ട് ക്ഷീരപതാക ഉയർത്തുന്നതോടെ പരിപാടികൾക്ക് തുടക്കമാകും.സംഘം പരിസരത്ത് ഒരു വൃക്ഷത്തൈ നടുക,സംഘത്തിൽ ഇന്ന് പാലളക്കുന്ന അംഗങ്ങളിൽ നിന്നു നറുക്കിട്ടെടുത്ത് ഒരാൾക്ക് സമ്മാനം നൽകുക,സംഘത്തിൽ പായസമുണ്ടാക്കി സംഘാംഗങ്ങൾക്കും അടുത്തുള്ള അംഗൻ വാടികൾക്കും സ്കൂളുകൾക്കും നൽകുക,ക്ഷീര കർഷകരുടെ മക്കൾക്കായി ഉപന്യാസമത്സരം.ചിത്രരചനാമത്സരം,പ്രസംഗമത്സരം തുടങ്ങിയവ സംഘടിപ്പിക്കുക,ക്ഷീര കർഷകരുമായി സംവാദം നടത്തുക,മികച്ച ക്ഷീരകർഷകരെ ആദരിക്കുക എന്നിവ ആഘോഷപരിപാടികളിൽ ചിലതു മാത്രം.കേരളത്തിലെ ക്ഷീരമേഖല പരിപോഷിപ്പിക്കാൻ അടുത്ത 5 വർഷത്തേക്ക് നമുക്ക് ചെയ്യാൻ കഴിയുന്ന കാര്യങ്ങളെപറ്റി ചർച്ച നടത്തി അതിന്റെ റിപ്പോർട്ട് സർക്കാരിനെ അറിയിക്കാൻ ആണു ഉദ്ദേശിക്കുന്നത്.

ഈ വർഷം ക്ഷീര ദിനം ആഘോഷങ്ങൾ കഴിയുമ്പോൾ ക്ഷീരകർഷകർക്കായി മെച്ചപ്പെട്ട പദ്ധതികൾ വരും എന്നു നമുക്ക് പ്രതീക്ഷിക്കാം.സാമ്പത്തിക മാന്ദ്യത്തിന്റെ പശ്ചാത്തലത്തിൽ പല പ്രവാസികളും നാട്ടിൽ വരുന്നുണ്ട്.അവർക്ക് ഡയറി ഫാമുകൾ തുടങ്ങാവുന്നതാണു.അതിനുള്ള സാമ്പത്തിക സഹായവും മറ്റു കാര്യങ്ങളും സർക്കാർ ചെയ്യുമെന്ന് പ്രത്യാശിക്കാം.

ചിത്രങ്ങൾക്ക് കടപ്പാട് : ഗൂഗിൾ

തൊടുപുഴയിലെ ബ്ലോഗേഴ്സ് മീറ്റ് - എന്റെ ചിന്തകൾ !

2009-05-25T20:39:00.007+05:30

ബ്ലോഗ്ഗിംഗ് നിർത്തണം നിർത്തണം എന്ന അതിമോഹവുമായി നടന്ന എന്നെ തൊടുപുഴ മീറ്റിലേക്ക് ക്ഷണിച്ചത് ഹരീഷ് ആയിരുന്നു.സ്നേഹപൂർവമായ ആ ക്ഷണം നിരാകരിക്കാൻ കഴിയാതെ ഞാൻ വരാം എന്നു സമ്മതിച്ചത് എന്റെ ഏറ്റവും നല്ല തീരുമാനമായിരുന്നു എന്നെനിക്ക് വഴിയേ മനസ്സിലായി

തൊടുപുഴ മീറ്റിനുള്ള എന്റെ ഒരുക്കങ്ങൾ ശനിയാഴ്ചയേ തുടങ്ങി.വൈകിട്ട് ഒരു 5.30 മണിയോടേ കോൺസ്റ്റബിൾ വിനയയും അനിൽ @ ബ്ലോഗും എന്റെ വീട്ടിലെത്തി.മക്കളേ അമ്മേടെ ഒരു കൂട്ടുകാരി വിനയ ആന്റി വരുന്നുണ്ട് ട്ടോ എന്നു മക്കളോട് നേരത്തെ പറഞ്ഞു വെച്ചിരുന്നു.വിനയയെ കണ്ടപ്പോൾ അവർ ചോദിച്ചു വിനയ ആന്റി വരും എന്നു പറഞ്ഞിട്ട് ഈ അങ്കിൾ ആണോ വന്നിരിക്കുന്നത് എന്ന് !! കുളി കഴിഞ്ഞ് ഒരു നൈറ്റി ധരിക്കുന്നത് വരെ വിനയ ഒരു പെൺകുട്ടിയാണെന്ന് മക്കൾക്ക് പ്രത്യേകിച്ച് എന്റെ മോൾക്ക് തോന്നിയില്ല.

ഞായറാഴ്ച രാവിലെ പതിവിലും നേരത്തെ എണീറ്റു വീട്ടുജോലികളൊക്കെ ഒതുക്കി,തിടുക്കത്തിൽ ബ്രേക്ക് ഫാസ്റ്റും കഴിച്ച് മോളും വിനയയുമൊത്ത് ബസ് സ്റ്റോപ്പിലേക്ക്.പടിക്കൽ നിന്നു തന്നെ ബസ് കിട്ടും എന്നത്എനിക്ക് സൗകര്യമായി.ഇവൾ ഇത് ഏതു പുരുഷന്റെ കൂടെയാ നിൽക്കുന്നത് എന്ന് സംശയഭാവത്തിൽ നോക്കുന്ന പലർക്കും ഞാൻ വിനയയെ പരിചയപ്പെടുത്തി.ബസിൽ കയറിയ ഉടനെ സ്ത്രീകൾക്ക് റിസർവ് ചെയ്തിരിക്കുന്ന സീറ്റിൽ ഇരിക്കാൻ ഭാവിച്ച എന്നെ വിനയ നിരുത്സാഹപ്പെടുത്തി.അവിടെയല്ല നമുക്ക് മുൻപിലെ സീറ്റിൽ ഇരിക്കാം.ഡ്രൈവറുടെ തൊട്ടു പുറകിൽ രണ്ടാമത്തെ സീറ്റിൽ ഇരിപ്പുറപ്പിച്ചിട്ട് വിനയ എന്നോട് പറഞ്ഞു.ഇത് ജനറൽ സീറ്റ് ആണു.ആദ്യം കയറുന്നവർ ഇവിടെ ഇരുന്നാൽ പിന്നീട് കയറുന്ന സ്ത്രീകൾക്ക് രിസർവേഷൻ സീറ്റിൽ ഇരിക്കാമല്ലോ.യാത്രയിലുട നീളം വിനയ ഓരോരോ കാര്യങ്ങൾ പറഞ്ഞു കൊണ്ടിരുന്നു.ഇടക്ക് ബസിലിരുന്ന് മൂളിപ്പാട്ട് പാടി.സ്നേഹമയിയായ ഒരു അമ്മയായി,ഭാര്യയായി,ചേച്ചിയും അനിയത്തിയും മകളും ഒക്കെയായി വിനയയെ അപ്പോൾ എനിക്കു തോന്നി.എത്രത്തോളം തെറ്റിദ്ധരിക്കപ്പെട്ട ഒരു വ്യക്തിത്വമാണു വിനയയുടേതെന്ന് അവരെ അടുത്തറിഞ്ഞപ്പോളാണു മനസ്സിലായത്.

10.15 മണിയോടെ തൊടുപുഴയിൽ എത്തിയ ഞങ്ങൾക്ക് ഹരീഷ് വിശദമായി വഴി പറഞ്ഞു തന്നിരുന്നതിനാൽ
അർബൻ ബാങ്ക് കണ്ടുപിടിക്കാൻ ബുദ്ധിമുട്ടുണ്ടായില്ല.അവിടെ എത്തിയപ്പോൾ അവിടെ നിരക്ഷരൻ,ലതിച്ചേച്ചി,അനിൽ,ശിവ,സരിജ വഹാബ്,ധനേഷ് തുടങ്ങിയവർ എത്തിയിട്ടുണ്ട്.ഓരോരുത്തരെയും വിശദമായി പരിചയപ്പെട്ടു.ഫോർമൽ ആയ ഒരു മീറ്റിംഗ് ആവാതെ എല്ലാവർക്കും വട്ടമിട്ടിരുന്ന് യാതൊരു ഫോർമാലിറ്റിയും ഇല്ലാതെ മീറ്റ് നടത്താം എന്ന് തീരുമാനിച്ചു.എല്ലാവരും കൂടെ വട്ടത്തിൽ കസേരകൾ ഇട്ട് ഇരുന്നു.എഴുത്തുകാരിച്ചേച്ചിയുടെ മോൾ പ്രിയയുടെ മംഗളശ്ലോകത്തോടെ പരിപാടിക്ക് ഔപചാരികമായ തുടക്കമായി.പിന്നീട് പർസ്പരം പരിചയപ്പെടൽ . ബ്ലോഗ്ഗേഴ്സ് പലരും എത്തിക്കൊണ്ടിരുന്നു.പാവത്താൻ,ബാബുരാജ്,മണികണ്ഠൻ,അനൂപ് കോതനല്ലൂർ, ചാണക്യൻ,മണി ഷാരത്ത്,ശാർങ്ധരൻ,എഴുത്തുകാരിചേച്ചി,മോൾ അങ്ങനെ എല്ലാവരും.വിനയയുടെ കവിതയും നൃത്തവും,ചാർവാകന്റെ പാട്ട്,ലതിച്ചേച്ചിയുടെ കവിത,പ്രിയയുടെ പാട്ട് തുടങ്ങിയവ പരിപാടിക്ക് കൊഴുപ്പേകി.

ഏകദേശം 11 മണിയോടെ ബൂലോകരുടെ പ്രിയകവി,നിമിഷ കവിയും ഷാപ്പന്നൂർ മുതലാളിയുമായ കാപ്പിലാന്റെ നിഴൽ ചിത്രങ്ങൾ എന്ന പുസ്തകത്തിന്റെ പ്രകാശന കർമ്മം കാപ്പിൽ പള്ളിയിൽ വെച്ച് നടന്നതു പോലെ തന്നെ ഈ മീറ്റിലും നടന്നു.എല്ലാവരും ഓരോ പുസ്തകം വാങ്ങുകയുണ്ടായി.ഞങ്ങളുടെ കൂട്ടത്തിലെ ഒരു ബ്ലോഗ്ഗറുടെ ആദ്യ കവിതാസമാഹാരം വാങ്ങാൻ കഴിഞ്ഞതിന്റെ ത്രില്ലിലായിരുന്നു പലരും.അദ്ദേഹത്തിന്റെ കാളാമുണ്ടം,പഴത്തൊലി എന്നീ കവിതകൾ വീണ്ടും വീണ്ടും പലരും വായിക്കുന്ന ദൃശ്യവും ഇടക്കു കണ്ടു !

ഉച്ചയോടെ വിഭവ സമൃദ്ധമായ ഭക്ഷണം.ചിക്കൻ ബിരിയാണി,ഐസ് ക്രീം.സദ്യ വേണ്ടവർക്ക് നല്ലൊരു സദ്യ.അപ്പോഴേക്കും ചെറിയ ഒരു മഴയുടെ വരവായി.തൊമ്മൻ കുത്ത് യാത്ര ഉപേക്ഷിക്കേണ്ടി വരുമോ എന്ന സംശയം പല മുഖങ്ങളിലും.
പ്രകൃതി ചതിച്ചില്ല.മഴ മാറിനിന്നു.എല്ലാവരും കൂടെ “ വെറുതേ ഒരു ഭാര്യയിൽ “ സുഗുണനും കുടുംബവും ടൂറു പോയ“ യാത്ര “ ബസിൽ കയറി തൊമ്മൻ കുത്തിലേക്ക്!യാത്രയിലുടനീളം നാട്ടുകാരന്റെയും ഹരീഷിന്റെയും കമന്ററി.പള്ളികളും വെറുതേ ഒരു ഭാര്യയുടെ ഷൂട്ടിംഗ് ലൊക്കേഷനും ഒക്കെ കണ്ട് യാത്ര.യാത്രക്ക് കൊഴുപ്പേകാൻ ചാർവാകന്റെയും,ലതിച്ചേച്ചിയുടെയും വിനയയുടെയും മറ്റും പാട്ടും കവിതയും.

തൊമ്മൻ കുത്തിലേക്ക് പോകുന്ന വഴിക്ക് ,പല വിനോദയാത്രാ സംഘങ്ങളെയും കണ്ടു.പല പല കാഴ്ചകളും.കാട്ടിലൂടെ ഏറുമാടവും മറ്റും കണ്ട് യാത്ര തുടർന്നപ്പോൾ തെന്നി വീൺ മുട്ടു ചിരട്ട തെന്നിമാറിയ നിലയിൽ ഒരു സംഘത്തെ കണ്ടത് മനസിൽ വേദനയായി.

തൊമ്മൻ കുത്തിലെ അതിമനോഹരമായ വെള്ളച്ചാട്ടം കണ്ട് തിരികേ ആഡിറ്റോറിയത്തിലേക്ക്.അവിടെ ഞങ്ങളേ കാത്ത് കപ്പയും കാന്താരിച്ചമ്മന്തിയും.ബ്ലോഗ് മീറ്റിനെ പറ്റി ഓരോരുത്തരുടെയും അഭിപ്രായങ്ങൾ പറഞ്ഞ്,ഹരീഷിനു നന്ദിയും പറഞ്ഞ് ഒരു മടക്ക യാത്ര നടത്തിയപ്പോൾ ബ്ലോഗ്ഗിംഗ് നിർത്തണം എന്ന് ഇനി ഒരിക്കലും ഞാൻ തീരുമാനിക്കില്ല എന്നായിരുന്നു മനസ്സിൽ

ബ്ലോഗ് മീറ്റിൽ നിന്ന് ചില ചിത്രങ്ങൾ മാത്രം.

വിനയ കാന്താരിയുടെ വീട്ടിൽ

എഴുത്തുകാരിച്ചേച്ചിയുടെ മകൾ.എഴുത്തുകാരിച്ചേച്ചി,ലതി ചേച്ചി

കുരിശായോ ഭഗവാനേ !(ഹരീഷിന്!!)

ഇങ്ങനെ എടുത്താ മതിയോ ?? സുനിൽ കൃഷ്ണൻO

വഹാബും അനിലും രണ്ടു വഴിയേ !!

അനിൽ

വിനയ,നാട്ടുകാരന്റെ കൂട്ടുകാരി, നാട്ടുകാരൻ.

ലതിച്ചേച്ചിയുടെ മകൻ കണ്ണൻ,വിനയ,നാട്ടുകാരൻ,ഭാര്യ

തൊമ്മൻ കുത്തിൽ എത്തിയപ്പോൾ
<
ആ വെള്ളത്തിലേക്ക് ചാടാൻ തോന്നുന്നുണ്ട് !

തൊമ്മൻ കുത്തിലെ കാഴ്ച !

ഹെൽമെറ്റ് വരുത്തി വെച്ച വിന

2009-05-10T22:11:00.001+05:30

ഹെൽമറ്റ് വരുത്തി വെച്ച വിന ഇവിടെ!!!

ഒരു ഹെൽമെറ്റ് വരുത്തി വെച്ച വിന !!!

2009-05-09T20:07:00.003+05:30

ഇപ്രാവശ്യം എന്റെ നല്ല പാതി ലീവിനു വന്ന കാലം. ഒരു മാസത്തെ ലീവേ കമ്പനി അനുവദിച്ചിട്ടുള്ളൂ.ഒരു മാസം എന്നുള്ളത് “ഠപ്പേ “ന്നങ്ങട് പോകും.ഈ ദിവസങ്ങളിൽ എന്തൊക്കെ പരിപാടികൾ പ്ലാൻ ചെയ്യണം.വീഗാലാൻഡ്,ഇരിങ്ങോൾക്കാവ്,മറൈൻ ഡ്രൈവ്,കോടനാട്,ഭൂതത്താൻ കെട്ട് തുടങ്ങിയ വിനോദസഞ്ചാര കേന്ദ്രങ്ങൾ.കുറഞ്ഞത് 4 സിനിമ.പിന്നെ ബന്ധുക്കളുടെ വീടുകളിലെല്ലാം പോകണം.ഇപ്പറഞ്ഞതെല്ലാം അസാദ്ധ്യമായ കാര്യമായതിനാൽ എന്റെ വീട്ടിലെങ്കിലും ഒന്നു പോകണം.

അങ്ങനെ തിങ്കളാഴ്ച നല്ല ദിവസം നോക്കി ഞങ്ങൾ വീട്ടിൽ പോകാനിറങ്ങി.രാഹുകാലത്തിനു മുന്നേ യാത്രയാവണം .എന്നാലേ വഴിക്ക് ഒരു പ്രശ്നവും ഇല്ലാതെ തിരിച്ചെത്താൻ കഴിയൂ.ഈ മനുഷ്യനു ബൈക്കിൽ ആരാണ്ട് കൂടോത്രം കൊടുത്തിട്ടുണ്ട് എന്നതിനാൽ കാർ വേണ്ടാന്നു വെച്ച് ബൈക്കിലാണു യാത്ര പുറപ്പെട്ടത്.പുതിയ നിയമമനുസരിച്ച് ഇരുചക്രയാത്രികർക്ക് ഹെൽമെറ്റ് നിർബന്ധമാക്കിയിട്ടുണ്ടല്ലോ.ഷാമ്പൂ ചെയ്ത് നല്ല സിൽക്കു പോലാക്കി ഭംഗിയായി ചീവിയിട്ട തലമുടി നാലു മനുഷ്യരെ കാണിക്കാൻ പറ്റാത്തതിന്റെ സങ്കടം ഉള്ളിലൊതുക്കി ഞാനും ഹെൽമെറ്റ് ധരിച്ചു.

“എന്തായാലും നമ്മളൊരു വഴിക്കു പോകുവല്ലേ.പോകുന്ന വഴിക്ക് എന്റെ ഒരു കൂട്ടുകാരന്റെ വീടുണ്ട്. അവിടെ കൂടി ഒന്നു കയറാം “

“ഓ. അതിനെന്താ.നമുക്ക് അവിടേം പോകാം. “

പരമാവധി സമയം നല്ലപാതിയുടെ കൂടെ തന്നെ കഴിയാൻ ഇഷ്ടപ്പെട്ടിരുന്ന ഞാൻ സമ്മതം മൂളി.

ഞങ്ങളുടെ വീട്ടിലേക്കു പോകുന്ന വഴിയിൽ നിന്നും അല്പം മാറിയാണു കൂട്ടുകാരന്റെ വീട്.ആദ്യമായിട്ടാണു ആ വഴിക്ക് ഞങ്ങൾ രണ്ടു പേരും പോകുന്നത്.തനി നാട്ടിൻ പുറം ആണു.ടാറിടാത്ത വഴിയാണു കൂടുതലും.വണ്ടി ഏതൊക്കെയോ വഴികളിലൂടെ കറങ്ങിക്കൊണ്ടിരുന്നു.ഒരു 10 - 15 കിലോ മീറ്റർ ദൂരം ഞങ്ങൾ വഴിയറിയാതെ കറങ്ങി.കുറെ അധികം കയറ്റിറക്കങ്ങളും വളവുകളും ഉള്ള വഴി.ആരോടെങ്കിലും വഴി ചോദിക്കാമെന്നു വെച്ചാൽ റോഡിൽ ഒരു മനുഷ്യനെ പോലും കാണാനില്ല.

അങ്ങനെ കുറെ അധികം ദൂരം ഊടുവഴികളിലൂടെ കറങ്ങി കഴിഞ്ഞപ്പോൾ ദാ ഒരു ചേച്ചി അവിടെ പശുവിനെ മാറ്റിക്കെട്ടാൻ വേണ്ടി വന്നിരിക്കുന്നു.ചേച്ചിയെ കണ്ടാൽ നമ്മുടെ ഭാഗ്യദേവത കനിഹയെ പോലുണ്ട്.നല്ല കോട്ടൺ സാരി ഞറിഞ്ഞുടുത്ത്, സാരിയുടെ ഞൊറിവുകൾ അല്പം പൊക്കി കുത്തിയിരിക്കുന്നു.പശുവിന്റെ കയർ ചേച്ചിയുടെ കയ്യിലുണ്ട്.

“ നമുക്ക് ആ ചേച്ചിയോട് വഴി ചോദിക്കാം കണ്ണാ “

ബൈക്ക് ചേച്ചിയുടെ അടുത്തേക്ക് നീക്കി നിർത്തി ഞങ്ങൾ വഴി ചോദിക്കാൻ വാ തുറക്കുന്നതിനു മുൻപേ കേട്ടത് ഒരു അലർച്ചയാണു

“ അയ്യോ കള്ളന്മാർ ! ഓടി വരണേ !! “

ചില കെ എസ് ആർ ടി സി ബസിന്റെ ഡ്രൈവർമാർ ഇടക്ക് സഡൻ ബ്രേക്ക് ഇടുമ്പോൾ കേൾക്കുന്ന ഒച്ച പോലെ ഒരു അലർച്ച !! കഴുത്തിൽ കിടക്കുന്ന ഏകദേശം 2 പവൻ തൂക്കം വരുന്ന “താര “ മാലയിൽ രണ്ടു കൈ കൊണ്ടും മുറുക്കെ പിടിച്ചു കൊണ്ടാണു അലർച്ച.ഒരു ഒന്നൊന്നര കിലോമീറ്റർ ദൂരം ആ ശബ്ദം കേട്ടു കാണും.ഡോൾബി ഡിജിറ്റൽ സൗണ്ടിലുള്ള ആ ഒച്ച കേട്ട് ചേച്ചിയുടെ പശു കയറും വലിച്ച് ഓടാൻ തുടങ്ങി !

ഹെൽമറ്റിനു നന്ദി !! ചേച്ചിയുടെ ഒച്ച കേട്ട് കർണ്ണ പടം പൊട്ടിപ്പോയില്ല. എങ്കിലും “ എന്റയ്യോ “എന്നൊരു കരച്ചിൽ ഞങ്ങളുടെ തൊണ്ടയിൽ വന്നലച്ചു. അല്പം പോലും ശബ്ദം വെളിയിലേക്ക് വന്നില്ലെങ്കിലും!

എങ്ങു നിന്നൊക്കെയോ ആളുകൾ വടിയും പത്തലുമായി ഓടി വരുന്ന ഒച്ച കേട്ടപ്പോൾ ഞങ്ങളുടെ നടുക്കം പൂർത്തിയായി.അന്യഗ്രഹ ജീവികളെ നോക്കുന്ന പോലെ നാട്ടുകാർ ഞങ്ങളെ തന്നെ തുറിച്ചു നോക്കിയപ്പോൾ എന്റെ ദൈവമേ ആ 10.30 എ എം നു ഞങ്ങൾ ഉടലോടെ സ്വർഗ്ഗത്തിലേക്കു പോയെങ്കിൽ എന്ന് ആത്മാർഥമായി ആഗ്രഹിച്ചു പോയി.നാണക്കേടു കൊണ്ട് മനുഷ്യന്റെ തൊലിയുരിയുന്നു.ജീവിതത്തിലിന്നേ വരെ അന്യന്റെ മുതൽ പരസ്യമായി ആഗ്രഹിച്ചിട്ടില്ലാത്ത ഞങ്ങളെ ഒരു സ്ത്രീ വിളിച്ചതു കേട്ടില്ലേ ??? കള്ളന്മാർ എന്ന് !!!

ഓടിക്കൂടിയ ആൾക്കാരുടെ വടികൾ ഞങ്ങളുടെ പുറത്തു പതിയും മുൻപേ ഞങ്ങൾ പറഞ്ഞു.
“ എന്റെ പൊന്നു ചേട്ടന്മാരേ ചേച്ചിമാരേ,ഞങ്ങൾ ......എന്ന ആളുടെ വീട്ടിൽ പോകാനുള്ള വഴി ചോദിക്കാൻ വണ്ടി നിർത്തിയതാ.അല്ലാതെ കള്ളന്മാരല്ല “

ഹോ ! അത്രേ ഉള്ളോ.

എന്നിട്ടാണു നാട്ടുകാർ സംഭവം വിശദീകരിച്ചത്.ഒരാഴ്ച മുൻപ് ബൈക്കിൽ വന്ന രണ്ടു പേർ വഴി ചോദിക്കാനെന്ന വ്യാജേന വണ്ടി നിർത്തി ഒരു ചേച്ചിയുടെ കഴുത്തിൽ നിന്നു മാല പൊട്ടിച്ചെന്ന്.അവർ ഹെൽമെറ്റ് ധരിച്ചിട്ടുണ്ടായിരുന്നു.അതിനാൽ ഏതു ഹെൽമെറ്റ്ധാരികളെയും അവർ സംശയക്കണ്ണുകളോടെയാണു വീക്ഷിക്കുന്നത്.

എന്തായാലും ഈ സംഭവത്തോടെ കൂട്ടുകാരന്റെ വീട്ടിൽ പോകാനുള്ള ആഗ്രഹം ഉപേക്ഷിച്ച് ഞങ്ങൾ എന്റെ വീട്ടിലേക്കു പോയി.തടി കേടാവാതിരുന്നത് ആരു ചെയ്ത സുകൃതം കൊണ്ടാണോ !!!!

അല്പം “ ചക്ക വിശേഷങ്ങൾ “

2009-03-22T11:38:00.000+05:30

മുറ്റത്തെ പ്ലാവിൽ നിറയെ ചക്കകൾ ഉണ്ടായിരിക്കുന്നു.മൂത്തു തുടങ്ങി.കഴിഞ്ഞ മാസം ഇടിച്ചക്കത്തോരനായിരുന്നു പ്രധാന കറി.എത്ര സ്വാദിഷ്ടമാണു ഇടിച്ചക്കത്തോരൻ.ചക്ക മൂപ്പെത്തുന്നതിനു മുൻപു തന്നെ പറിച്ച് മുള്ളു കളഞ്ഞു ചെറിയ കഷണങ്ങളാക്കി അല്പം ഉപ്പും മഞ്ഞളും ചേർത്തു വേവിച്ചെടുക്കും.എന്നിട്ട് അമ്മിക്കല്ലിൽ വച്ച് ഒന്നു ചതച്ചെടുത്ത് അതു തോരനാക്കിയാൽ ചോറിനു വേറൊന്നും വേണ്ട.

ഇപ്പോൾ ചക്കകൾ മൂപ്പെത്തിത്തുടങ്ങി.പണ്ടൊക്കെ ഞങ്ങളുടെ വീട്ടിലെ ഭക്ഷണക്രമത്തിൽ ചക്കക്കും ചക്കവിഭവൾക്കും ഒരു പ്രധാന സ്ഥാനമാണു ഉണ്ടായിരുന്നത്.ഇഞ്ചി,മഞ്ഞൾ,കച്ചോലം തുടങ്ങിയവ ഒക്കെ നടുന്നതിന്റെ സമയമാകുമ്പോൾ ചക്കപ്പുഴുക്കിനൊക്കെ ഒരു പ്രത്യേക രുചി ആയിരുന്നു.അന്നൊന്നും വീട്ടിൽ കൃഷിപ്പണിക്ക് ആളേ കൂട്ടുന്ന പതിവില്ല.അമ്മയും അച്ഛനും മൂന്നു ആൺ മക്കളും അവരുടെ ഭാര്യമാരും കൂടി ഇറങ്ങും.രാവിലെ ചായക്കു ശേഷം അച്ഛനും ആണ്മക്കളും കൂടി പറമ്പിലേക്ക് ഇറങ്ങും.മണ്ണ് കിളച്ചൊരുക്കി വാരം മാടി ഇടുമ്പോളേക്കും മുറിച്ച ഇഞ്ചിവിത്തും അനുബന്ധ സാമഗ്രികളായ ചാണകം,എല്ലു പൊടി തുടങ്ങിയവയുമായി പെണ്ണുങ്ങളും ഇറങ്ങും.അമ്മ മിക്കവാറും അടുക്കളയിൽ ആയിരിക്കും.10 മണി ആകുമ്പോളേക്ക് പണിസ്ഥലത്തേക്ക് ചോറ്,കറികൾ,കഞ്ഞിവെള്ളം തുടങ്ങിയവ എത്തിക്കും.വീണ്ടും തിരിച്ചു പോയി ഉച്ചത്തേക്ക് പുഴുക്ക് ഉണ്ടാക്കുന്നതിനായി കപ്പയോ ചക്കയോ കാച്ചിലോ ശരിയാക്കും.ഉച്ചയാകുമ്പോളേക്കും അമ്മയുടെ വരവ് നോക്കിയിരിക്കുന്നത് ആക്രാന്തത്തോടെയായിരിക്കും!അന്നു കഴിച്ച ചക്കപ്പുഴുക്കിനൊക്കെ എന്തു രുചിയായിരുന്നു! അല്ലെങ്കിലും വിശപ്പു കൂടുമ്പോൾ ഭക്ഷണത്തിനൊക്കെ സ്വാദ് കൂടും എന്ന സത്യം ആരും പറയാതെ തന്നെ എനിക്കു മനസ്സിലായിരുന്നു !!

അന്നൊക്കെ മഴക്കാലത്തേക്കുള്ള കരുതൽ എന്ന നിലയിൽ ചക്ക വിഭവങ്ങൾ കരുതി വെയ്ക്കുമായിരുന്നു.ഇങ്ങനെ കരുതി വെയ്ക്കുന്ന ആഹാര സാധനങ്ങൾ കഴിച്ച് മഴക്കാലം ചെലവഴിച്ച എത്രയോ ദിനങ്ങൾ ഓർമ്മയിൽ ഉണ്ട്.

എന്തൊരു നശിച്ച മഴയാ ! മനുഷ്യനെ ഒന്നു പുറത്തിറങ്ങാൻ കൂടി സമ്മതിക്കില്ല എന്ന് മഴയോടു പരാതി പരാതി പറഞ്ഞാലും ആ മഴക്കാലങ്ങൾ സുന്ദരമായിരുന്നു.ആകാശം മൂടിക്കെട്ടി നിൽക്കുന്ന കർക്കടക സന്ധ്യകളും വല്ലപ്പോഴും മേഘത്തുണ്ടുകൾക്കിടയിലൂടെ എത്തിനോക്കുന്ന സൂര്യനും !
പഴയ മഴക്കാല വിഭവങ്ങളിൽ ഏറ്റവും ഇഷ്ടം ചക്ക വരട്ടിയതാണ്.കള്ളക്കർക്കടകത്തിലെ മഴ പെയ്യുന്ന വൈകുന്നേരങ്ങളിൽ കഴിച്ചിരുന്ന ചക്കവരട്ടിയതിന്റെ രുചിയും മധുരവും ഇന്നും നാവിലുണ്ട്.നല്ലതു പോലെ പഴുത്ത വരിക്കച്ചക്കയുടെ ചുള വളരെ ചെറുതായി കൊത്തിയരിഞ്ഞ് ഓട്ടുരുളിയിലിട്ട് അല്പം വെള്ളവും ഒഴിച്ച് അടുപ്പത്തു വെയ്ക്കും.ചക്കപ്പഴം നന്നായി വെന്തു കഴിയുമ്പോൾ ആവശ്യത്തിനു ശർക്കര ചേർത്ത് നന്നായി ഇളക്കണം.ശർക്കരയും ചുളയും കൂടെ കുഴമ്പു പരുവത്തിലാകുമ്പോൾ പാകത്തിനു പശുവിൻ നെയ്യും ചേർത്ത് ഇളക്കിയിളക്കി വെള്ളമയം തീർത്തും മാറ്റണം.അവസാനം പാത്രത്തിൽ നിന്നും വിട്ടു പോരുന്ന പരുവമാകുമ്പോൾ ഇറക്കി വെച്ച് തണുത്തതിനു ശേഷം ഭരണിയിലാക്കി അടച്ചു മൂടിക്കെട്ടി വെയ്ക്കും.ഭരണിയുടെ വായ ചക്ക മൊളഞ്ഞീൻ “ ഉപയോഗിച്ച് അടച്ചു ഭദ്രമാക്കും.ഈ ചക്ക വരട്ടിയതു കൊണ്ട് ചക്കയട,ചക്കപ്രഥമൻ തുടങ്ങിയവയുണ്ടാക്കും.ഇല്ലെങ്കിൽ കാപ്പിയോടൊപ്പം ഇതു മാത്രമായും തിന്നും.മഴക്കാലത്ത് ആനയെ തിന്നാനുള്ള വിശപ്പായിരിക്കുമല്ലോ.അപ്പോളൊക്കെ ഇതൊക്കെയാണു ആകെ ഒരു ആശ്വാസം !!മഴ പെയ്യുന്ന വൈകുന്നേരങ്ങളിൽ 2 ചക്കയട മാത്രം മതി.

പണ്ടൊക്കെ ചക്ക മുറിക്കുമ്പോൾ ഊറി വരുന്ന ചക്ക മൊളഞ്ഞീൻ ചിരട്ടപ്പുറത്ത് തേച്ചു വെക്കും.ഒരു ചക്കക്കാലത്തെ എല്ലാ ചക്കയുടെയും മൊളഞ്നീൻ ഇങ്ങനെ ഒരു ചിരട്ടയിൽ ശേഖരിക്കും.ഇത് ഭരണി അടക്കേണ്ട ആവശ്യങ്ങൾ വരുമ്പോൾ ഉരുക്കി ഉപയോഗിക്കും.കടുമാങ്ങ.ചെത്തുമാങ്ങാ അച്ചാർ,ഉപ്പുമാങ്ങ ഇവയൊക്കെ ഭരണികളിൽ ആണു തയ്യാറാക്കുന്നത്.ഈ ഭരണികൾ അടയ്ക്കാൻ ഞങ്ങൾ ഉപയോഗിച്ചിരുന്നത് ചക്ക മൊളഞ്ഞീൻ ആയിരുന്നു.

ചക്ക ഉണക്കി സൂക്ഷിക്കുന്ന വിദ്യയും ഞങ്ങൾ ഇടക്ക് പ്രയോഗിക്കാറുണ്ട്.കൂഴച്ചക്കയുടെ ചുള പുഴുങ്ങിയെടുത്ത് വെയിലത്തുണക്കി സൂക്ഷിക്കാറുണ്ട്.ഉനക്കിയ ചക്ക വെള്ളത്തിലിട്ടു കുതിർത്ത് കറിക്കു ഉപയോഗിക്കും.അല്ലെങ്കിൽ അവിയലിൽ ചേർക്കും.അതുമല്ലെങ്കിൽ ഉപ്പേരി വറക്കാനും ഉപയോഗിക്കാറുണ്ട്.

“വെടിക്കുരു “ എന്ന അപരനാമധേയത്തിൽ അറിയപ്പെടുന്ന ചക്കക്കുരുവും ഞങ്ങൾ സൂക്ഷിച്ചു വെക്കും.പാട കളഞ്ഞു ഉണക്കിയാണു ചക്കക്കുരു സൂക്ഷിക്കുന്നത്.പാട ഉണ്ടെങ്കിൽ ചക്കക്കുരു പെട്ടെന്ന് ചീഞ്ഞു പോകും!ഞങ്ങൾ ഒരു പാത്രത്തിൽ മിക്കവാറും ഉരുളിയാണു എടുക്കുന്നത്.ഉരുളിയിൽ മണൽ വിരിക്കും.അതിന്റെ മുകളിൽ ചക്കക്കുരു നിരത്തും വീണ്ടും മണൽ .പിന്നെ ചക്കക്കുരു.അങ്ങനെ ഉരുളി നിറയെ സൂക്ഷിച്ചു വെയ്ക്കാം.ഇങ്ങനെ സൂക്ഷിച്ചു വെയ്ക്കുന്ന ചക്കക്കുരു മഴക്കാലത്ത് ഉപയോഗിക്കാം.ചക്കക്കുരു കൊണ്ട് തോരനും മെഴുക്കുപുരട്ടിയും ഒക്കെ ഉണ്ടാക്കാം.

ഇപ്പോൾ ഈ രുചികളൊക്കെ അന്യം നിന്നു പോയിരിക്കുന്നു.ചക്ക വിഭവങ്ങളാക്കാൻ ഇന്നു സമയം ഇല്ല.എല്ലാം റെഡി മെയ്ഡ് ആയി മാർകറ്റിൽ കിട്ടും .പിന്നെ എന്തിനു മെനക്കെടണം എന്നാണു ഞാൻ ഉൾപ്പെടെയുള്ള വീട്ടമ്മമാരുടെ ചിന്ത.അവരെ കുറ്റം പറയാനും പറ്റില്ല.ഓഫീസ് ജോലികളും വീട്ടുജോലിക്കുമിടയിൽ ഈ രുചികളൊക്കെ പൈസ കൊടുത്ത് വാങ്ങിക്കഴിക്കാനേ നമുക്കൊക്കെ പറ്റൂ ! എന്ന് മാത്രമോ പണ്ടൊക്കെ നമ്മുടെ പറമ്പിൽ എത്ര ഫലവൃക്ഷങ്ങൾ ആയിരുന്നു.ഇന്നു ഇത്തിരി ഭൂമിയിൽ മരങ്ങളുടെ എണ്ണവും കുറഞ്ഞു വരുന്നു.ഫാസ്റ്റ് ഫൂഡും പിന്നെ ഒരു നൂറു കൂട്ടം രുചികളും നമ്മെ ഭരിക്കുമ്പോൾ ആ പഴയ നല്ല സ്വാദ് നമ്മൾ മറന്നതിൽ വലിയ അൽഭുതം ഒന്നും ഇല്ല.

കാത്തിരുപ്പ്

2009-03-16T16:42:00.000+05:30

കാത്തിരുപ്പ്

2009-03-15T14:50:00.001+05:30

മരങ്ങളെയും ചെടികളെയും പൂക്കളെയും തഴുകി കൊണ്ട് എങ്ങു നിന്നോ വന്നെത്തിയ ഒരു മന്ദ മാരുതൻ അവളെ ഗാഡ്ഡ നിദ്രയിൽ നിന്നും മെല്ലെ തഴുകി ഉണര്‍ത്തി.
എന്തേ അവൻ വരാത്തൂ ? അവള്‍ കുണ്ഠിതപ്പെട്ടു.

എത്രയോ ദിനരാത്രങ്ങളിൽ അവന്റെ വരവും കാത്തു കണ്ണിലെണ്ണയും ഒഴിച്ചു ഞാന്‍ കാത്തിരിക്കുന്നു..

അവള്‍ ചുറ്റുപാടും ഒന്നു നോക്കി.മരുന്നുകളുടെയും ലോഷന്റെയും അതി രൂക്ഷ ഗന്ധമാണ് അന്തരീക്ഷമാകെ.കട്ടിലിനരികിലെ ഡ്രിപ്പ് സ്റ്റാൻഡിൽ നിന്നും നിറമില്ലാത്ത ദ്രാവകം തുള്ളി തുള്ളിയായി തന്റെ ഞരമ്പിലേക്ക് കയറുന്നതും നോക്കി അവൾ അല്പ സമയം കിടന്നു . ആരുടെയൊക്കെയോ അടക്കി പിടിച്ച തേങ്ങലുകള്‍ കേൾക്കുന്നുവോ ? . അമ്മയുടെ കണ്ണുകളില്‍ നിന്നും കണ്ണു നീർ ഒഴുകിയിറങ്ങുന്നതു അവള്‍ അറിയുന്നു.മോനും മോളും ഒന്നും അറീയാതെ കട്ടിലിനരികിൽ ഇരിക്കുന്നു.എന്തോ കുസൃതി കാണിക്കുന്ന മോനോട് “ മോൻ അടങ്ങിയൊതുങ്ങി ഇരിക്കൂ .അമ്മയ്ക്കു വാവു അല്ലേ ! അമ്മ ഉറങ്ങിക്കോട്ടെ “ എന്ന് അമ്മ പറയുന്നത് അവൾ ഉറക്കത്തിലെന്നോണം കേട്ടു.

അവള്‍ക്കു അതി കഠിനമായ ദേഷ്യം തോന്നി.

ഉണർവിൽ കിടക്കുന്ന സമയങ്ങളില്‍ അവളോട് തമാശ പറയാനും ചിരിക്കാനും വീട്ടു വിശേഷങ്ങളും നാട്ടു വഴക്കുകളും ഒക്കെ പറയാനും എല്ലാവരും ഏറേ ശ്രദ്ധിക്കുന്നു.അവളെ ശുശ്രൂഷിക്കുന്നതിലും സന്തോഷിപ്പിക്കുന്നതിലും എല്ലാവരും അതീവ ശ്രദ്ധയോടേ കൂടെ നില്‍ക്കുന്നു.എങ്കിലും എല്ലാവരുടെയും ഉള്ളിൽ പെയ്യാന്‍ വിതുമ്പി നില്‍ക്കുന്ന ഒരു കാര്‍മേഘം മറഞ്ഞിരിക്കുന്നത് അവൾ അറിയുന്നു. അതാരും പുറമേ കാണിക്കുന്നില്ലാ എങ്കിലും....

കട്ടിലിനരികിൽ ഇരുന്നു കളിക്കുന്ന മക്കളുടെ മുഖത്തേക്ക് അവൾ പാളി നോക്കി .അവരെ കുറിച്ചോർക്കുമ്പോൾ ഉള്ളിൽ ഒരു പിടച്ചിൽ.ഞാൻ അവന്റെ കൂടെ പോയിക്കഴിഞ്ഞാൽ എന്റെ കുഞ്ഞുങ്ങളുടെ ഭാവി എന്താകും.വേണ്ട അതേക്കുറിച്ചൊന്നും ചിന്തിക്കണ്ട.ഏതാനും മാസങ്ങൾകു മുൻപേ തന്നെയും മക്കളേയും വിട്ടു പോയപ്പോൾ തന്റെ ജിതിൻ അതൊന്നും ചിന്തിച്ചില്ലല്ലോ .എനിക്ക് ജിതിന്റെ അടുത്തെത്തണം.അവനെ മറക്കുവതെങ്ങനെ !കഴിഞ്ഞ ജന്മത്തിൽ നമ്മൾ മരഞ്ചാടികളായിരുന്നു നിമിഷേ .ഈ ജന്മത്തിലും നമുക്കു വാനരജന്മമാ !
അവന്റെ വാക്കുകൾ ഓർത്തപ്പോൾ അവളുടെ വരണ്ട ചുണ്ടിൽ ഒരു പുഞ്ചിരി വിടർന്നുവോ ?

“അമ്മേ എനിക്കൊന്നു കുളിക്കണം “

അമ്മ വേഗം ചൂടു വെള്ളത്തിൽ അല്പം സോപ്പു കലക്കി തോർത്തു മുക്കി പിഴിഞ്ഞു അവളുടെ ദേഹം തുടച്ചു.ദേഹവും തലയും നന്നായി തുടച്ച ശേഷം മുഖത്തു പൌഡറിട്ടു..നെറ്റിയിൽ ഒരു പൊട്ടു തൊടുവിച്ചു.നെറ്റിയില്‍ ഭസ്മക്കുറി അണിയിച്ചു.
“എനിക്കു സിന്ദൂരം ഇടണം അമ്മേ “

അമ്മ തിരു നെറ്റിയിൽ സിന്ദൂരവും അണിയിച്ചു.അമ്മ കാണിച്ചു തന്ന കണ്ണാടിയിൽ തന്റെ പ്രതിബിംബം കണ്ട് അവൾ തൃപ്തിയോടെ മന്ദഹസിച്ചു.ഇപ്പോൾ ജിതിനു എന്നെ ഇഷ്ടമാകും തീർച്ച!

നിമിഷയ്ക്ക് ഒരു വയ്യായ്ക അനുഭവപ്പെട്ടിട്ട് അധികകാലമായില്ല..ചെറിയ തലകറക്കം പോലെ ആയിരുന്നു തുടക്കം.പിന്നീട് ശക്തിയായ തലവേദനയും ഇടക്കിടെ ബോധം പോകലും പതിവായപ്പോൾ ആണു ഡോകടറെ കണ്ടത്.ഡോക്ടർ പറഞ്ഞ രോഗത്തിന്റെ പേരു കേട്ട് അവൾ ആദ്യം ഒന്നു ഞെട്ടി . ബ്രെയിൻ ട്യൂമർ.ചെറിയ ഒരു ഓപ്പറേഷൻ നടത്തിയാൽ സുഖമാകും എന്നാണു ഡോകടർ അറിയിച്ചത്.ഡോക്ടർക്ക് നല്ല പ്രതീക്ഷയുണ്ട് എങ്കിലും നിമിഷക്ക് ജീവിക്കണം എന്ന ചിന്തയേ മനസ്സിൽ നിന്നും മാഞ്ഞു പോയിരുന്നു.ഒരു ബൈക്ക് ആക്സിഡന്റിന്റെ രൂപത്തിൽ മരണം ജിതിനെ കൂടെ കൂട്ടിയപ്പോൾ പൊട്ടിക്കരഞ്ഞു വീണതായിരുന്നു നിമിഷ.അന്നു മുതൽ ഒരേ ചിന്തയായിരുന്നു.ജിതിന്റെ ഒപ്പം ചേരണം.

എപ്പോളാണു എന്നെ കൊണ്ട് പോകാൻ അവനെത്തുക.അവനെന്താ വരാത്തത്.ഞാൻ സുന്ദരിയായി ഒരുങ്ങിയിരിക്കുന്നത് അവൻ അറിഞ്ഞില്ലെന്നുണ്ടോ ?നിമിഷക്ക് അസഹ്യതയായി. അവനെ പ്രതീക്ഷിച്ച് അവൾ വീണ്ടും റൂമിന്റെ വാതിൽക്കലേക്കു നോക്കി കിടന്നു.

അതാ....... തൂവെള്ള വസ്ത്രം ധരിച്ചു ഇരു കൈകളും അവളുടേ നേരെ നീട്ടി അവളെ തന്റെ ഹൃദയത്തോടൂ ചേര്‍ത്തു പിടിക്കാന്‍ അവന്‍ അവളുടെ അടുക്കല്‍ വന്നെത്തിയിരിക്കുന്നു.അവന്റെ നീട്ടിയ കരങ്ങളിലേക്ക് തന്റെ കൈകള്‍ വെച്ചു കൊടുത്ത് അവനോടൊപ്പം ഒരിക്കലും അവസാനിക്കാത്ത പുതിയൊരു ജീവിതത്തിലേക്ക് അവൾ പോയി.അപ്പോൾ പൊട്ടിക്കരയുന്ന അമ്മയെയും ഒന്നുമറിയാതെ ചിരിക്കുന്ന മക്കളെയും അവൾ കണ്ടില്ല.

തിരനോട്ടം

2009-01-23T22:23:00.009+05:30

“നിന്റെ വീട്ടിൽ നിന്നു കൊണ്ടു വന്നതൊക്കെ കെട്ടിപ്പെറുക്കി വേഗം സ്ഥലം വിട്ടോണം “

“പഠിച്ചോണ്ടിരുന്ന കാലത്ത് എന്റെ പുറകേ എത്രയെത്ര നല്ല ആൺപിള്ളേർ ഉണ്ടായിരുന്നതാ.എനിക്ക് അവരിലാരെ വേണമെങ്കിലും സെലക്റ്റ് ചെയ്യാമായിരുന്നു.അതൊന്നും ചെയ്യാതെ ഇയാളുടെ കൂടെ കൂടീത് ഇയാൾ എന്നെ സ്നേഹിക്കൂന്ന് കരുതീട്ടാ.ഇനി എന്നെ കൊന്നാലും ഞാൻ പോകില്ല.അമ്പടാ എന്നെ ഒഴിവാക്കീട്ട് വേറെ സുന്ദരിമാരെ ലൈനടിക്കാനല്ലേ ! എന്റെ കൊക്കിൽ ജീവനുണ്ടെങ്കിൽ ഞാൻ സമ്മതിക്കൂല്ലാ !ഇതു സത്യം ! സത്യം ! സത്യം ! “

ജനുവരി 24 .വിവാഹം കഴിഞ്ഞിട്ട് 15 വർഷം തികയുന്നു.വർഷങ്ങൾ ഏറെ പിന്നിട്ടു എങ്കിലും ആ ദിവസം ഇന്നലെ എന്ന പോലെ മനസ്സിൽ തെളിയുന്നു.അതിരാവിലെ കുളിച്ചൊരുങ്ങി,വധൂ വേഷമണിഞ്ഞ് ചോറ്റാനിക്കര അമ്മയുടെ നടയിൽ വെച്ച് സുമംഗലിയായ ദിവസം.

വിവാഹം കഴിഞ്ഞ സമയത്തെ ഏറ്റവും വലിയ ആഗ്രഹം എവിടെ ആയിരുന്നാലും ഒരുമിച്ച് കഴിയണം എന്നുള്ളതായിരുന്നു.ഒരിക്കലും സാധിക്കാത്ത ഒരു മോഹമായി അതിന്നും എന്റെ മനസ്സിൽ ഒളിച്ചിരിക്കുന്നു.ഈ പതിനഞ്ചു വർഷങ്ങൾക്കിടയിൽ ആകെ നോക്കിയാൽ ഒരു വർഷം പോലും ഒരുമിച്ച് കഴിയാൻ അവസരം ഉണ്ടായില്ല.അതു കൊണ്ടു തന്നെ ആയിരിക്കും ജീവപര്യന്ത കാലാവധി എന്നു മനസ്സിൽ തോന്നാത്തത് !

ആദ്യ വിവാഹ വാർഷികത്തിനു മാത്രം ഞങ്ങൾ ഒരുമിച്ചുണ്ടായിരുന്നു.പിന്നീട് എന്റെ പഠനം,കണ്ണന്റെ ജോലി ,എന്റെ ജോലി അങ്ങനെ പല കാര്യങ്ങൾ കൊണ്ട് പിരിഞ്ഞു താമസിക്കാൻ വിധിക്കപ്പെട്ടു ! എങ്കിലും ഇന്ന് ഈ ദിവസം ഞാൻ കണ്ണനെ ഓർക്കുന്നു.കണ്ണനു വേണ്ടി പ്രാർഥിക്കുന്നു.

ഞങ്ങളുടെ പൊന്നോമനകൾ.രോഹിതും രോഷ്നിയും

ഈ സന്ദർഭത്തിൽ എന്റെ കൂട്ടുകാരായ എല്ലാ ബൂലോകർക്കും ഞങ്ങളുടെ വക ഒരു സദ്യയും തയ്യാറാക്കിയിരിക്കുന്നു.എല്ലാവരും കൈ കഴുകി ഇരിക്കൂ.ദാ വിളമ്പുകയായി !!

ഈ പായസം കൂടി കഴിച്ചിട്ടേ എണീക്കാവൂ ട്ടോ !

വയറു നിറഞ്ഞല്ലോ അല്ലേ ! അതു മതി ! അതു മാത്രം മതി ! നിങ്ങളുടെ വയറു നിറയുമ്പോൾ ഞങ്ങളുടെ മനസ്സു നിറയുന്നു ! ഈ പാട്ട് കൂടി കേട്ടിട്ടേ എല്ലാവരും പിരിയാവൂ !

ചിത്രങ്ങൾക്ക് കടപ്പാട് : ഗൂഗിൾ

വെസ്പാ വൾഗാരിസ്

2008-12-28T20:49:00.005+05:30

ചെറുപ്പത്തില്‍ സ്ക്കൂൾ വിട്ടു വന്നാൽ ചായകുടി കഴിഞ്ഞു പറമ്പിലൂടെ വെറുതേ ചുറ്റി നടക്കുക എന്നുള്ളതായിരുന്നു എന്റെ ഇഷ്ട വിനോദം.പറമ്പില്‍ ഇല്ലാത്ത മരങ്ങളും ചെടികളും ഇല്ല. ഒരിഞ്ചു സഥലം പോലും വെറുതേ കിടക്കില്ല.നിറയെ തെങ്ങ്,മാവ്,തേക്ക് ,ആഞ്ഞിലി തുടങ്ങിയ മരങ്ങളും അതിനിടയ്ക്ക് കൊക്കോ,ജാതി,വാഴ,വെറ്റില തുടങ്ങിയവ.അല്പം പോലും സ്ഥലം വെറുതേ കിടക്കാത്ത രീതിയിൽ പച്ചക്കറികൾ കൃഷി ചെയ്തിരിക്കുന്നു.ഭൂമിയുടെ അതിരിലൂടെ നല്ല ഭംഗിയുള്ള ശീമക്കൊന്ന.ശീമക്കൊന്നയില്‍ ഉണ്ടാകുന്ന റോസ് നിറം ഉള്ള പൂക്കള്‍ കാണാന്‍ എന്തൊരു ഭംഗിയാണു ! കുല കുലയായി ആണു ശീമക്കൊന്ന പൂക്കുന്നത്.അന്നത്തെ കാലത്ത് ശീമക്കൊന്നയ്ക്ക് ഒരു വിലയും ഇല്ലായിരുന്നു.എങ്കിലും ഏതാനും വർഷങ്ങൾക്കു മുൻപ് വാനില കൃഷി പ്രചരിച്ച സമയത്ത് ശീമക്കൊന്ന കിട്ടാനില്ലായിരുന്നു.ശീമക്കൊന്നയ്ക്കും ദൗർലഭ്യം വന്ന സമയം !

പറമ്പില്‍ നല്ലൊരു കുളവും ഉണ്ടായിരുന്നു.പറമ്പ് മുഴുവന്‍ നനക്കാന്‍ മോട്ടോര്‍ വെച്ചിട്ടുണ്ടായിരുന്നു.നാട്ടിലെല്ലാവരുടെയും കൃഷി നനയ്ക്കാന്‍ ഞങ്ങളുടെ മോട്ടോര്‍ ആണു ഉപയോഗിച്ചിരുന്നത്.ഓസിനല്ലാ ട്ടോ.മണിക്കൂര്‍ വെച്ചു കാശു വാങ്ങും !!
ഞങ്ങൾ അലക്കാനും കുളിക്കാനും ഒക്കെ കുളത്തില്‍ പോകുമായിരുന്നു.നീന്താന്‍ പഠിച്ചതും ഈ കുളത്തില്‍ തന്നെ.പകൽ മുഴുവൻ നാട്ടുകാരുടെ പറമ്പു നനയ്ക്കും.എന്നിട്ട് ഞങ്ങളുടെ പറമ്പു നനയ്ക്കാൻ രാത്രിയിൽ ചൂട്ടും കത്തിച്ച് ഇറങ്ങും.എന്റെ അമ്മയ്ക്ക് അസാമാന്യ ധൈര്യം ആയിരുന്നു.എന്നെയും ചേച്ചിയേയും കൂട്ടി രാത്രി 10 മണിക്കൊക്കെ ഞങ്ങളുടെ പറമ്പു നനയ്ക്കാൻ പോയിട്ടുണ്ട് ഞങ്ങൾ.അമ്മക്കൊപ്പം വെള്ളം തിരിക്കാനും തെങ്ങും ജാതിയും മറ്റും നനയ്ക്കാനും പോയ കാര്യം ഇപ്പോൾ ഓർക്കുമ്പോൾ ഒരു ഉൾഭയം ആണു.അന്നു കള്ളന്മാരുടെ ശല്യം അത്ര രൂക്ഷമല്ല.ഇന്നോ ?

ഇഞ്ചി വിളവെടുക്കുന്ന സീസൺ ആകുമ്പോൾ നല്ല ജോലി ആണു.ജോലിക്കാരെ കൂട്ടി ഇഞ്ചി പറിക്കും.പകൽ ഇഞ്ചി ചുരണ്ടി തൊലി കളയും.അതിനും ജോലിക്കാർ ഉണ്ടാകും. തൊലി കളഞ്ഞ ഇഞ്ചി ഉണക്കി ചുക്ക് ആക്കാൻ വേണ്ടി പാറപ്പുറത്തിടും.രാത്രി പാറപ്പുറത്ത് ടെന്റ് കെട്ടി അവിടെ എല്ലാരും കൂടി താമസിക്കും.പകൽ ഉണങ്ങിയ ഇഞ്ചി ,രാത്രി തണുപ്പ് ആകുമ്പോളേ വാരി വെയ്ക്കൂ.രാത്രി ആണു ഇഞ്ചിയുടെ “ഇട കുത്തുന്നത് “. സന്ധ്യാ നേരത്തും പാറയുടെ ചൂടു കൊണ്ട് ഇഞ്ചി ഉണങ്ങും.രാത്രി ടെന്റിൽ കിടന്ന്,നിലാവ് കണ്ട് ഉറങ്ങാൻ എത്ര രസമായിരുന്നു.അച്ഛൻ പറയുന്ന കഥകളും അമ്മയുടെ പാട്ടും കേട്ട് രാത്രികൾ കഴിഞ്ഞിരുന്ന ആ കാലം ജീവിതത്തിൽ ഒരിക്കലും മറക്കാൻ പറ്റാത്തവ ആൺ.ഒരിക്കലും തിരിച്ചു കിട്ടാത്തവയും.

അങ്ങനെയിരിക്കേ ഒരു ദിവസം പറമ്പിലൂടെ വെറുതേ ചുറ്റി നടന്നപ്പോള്‍ കുലയോടു കൂടി ഒരു പാളയങ്കോടന് വാഴ വീണു കിടക്കുന്നു.കുല മൂപ്പായിട്ടില്ല.അവിടെ കിടന്നു മൂക്കാന്‍ വേണ്ടി കുല വെട്ടിയിട്ടില്ല.വീണു കിടക്കുകയാണെങ്കിലും കുടപ്പന്‍ ദിവസവും വിടരും.വാഴത്തേൻ നുകരുക എന്നത് അന്നത്തെ ഇഷ്ടങ്ങളിൽ ഒന്നാണു.അതു പോലെ തന്നെ ആണു ചെത്തിപ്പൂവിന്റെ തേനും വലിച്ചു കുടിക്കാൻ ഇഷ്ടമാണു.വീണു കിടക്കുന്ന വാഴത്തേൻ എന്നും പോയി എടുക്കുക എന്റെ പതിവ് ചര്യ ആയി മാറി.

ഒരു ദിവസം സ്കൂള്‍ വിട്ടു വന്ന കാപ്പി കുടി ഒക്കെ കഴിഞ്ഞു തേന്‍ എടുക്കാന്‍ ചെന്നപ്പോള്‍ വാഴക്കുടപ്പനരികില്‍ വാഴയിലകള്‍ക്കിടയില്‍ ഒരു ഉപ്പനും രണ്ടു കുഞ്ഞുങ്ങളും ! കുഞ്ഞുങ്ങള്‍ക്ക് ചിറകു മുളച്ചു തുടങ്ങിയിട്ടില്ല

ഇവരെന്നാണു ഇവിടെ താമസിക്കാന് വന്നത്.ഇന്നലെ വന്നപ്പോഴൊന്നും ഞാൻ കണ്ടില്ലല്ലോ എന്ന ആശ്ചര്യത്തോടേ ,കുഞ്ഞുങ്ങളെ ഒന്നു കൂടി അടുത്തു കാണാനായി ഞാന് ഉപ്പന്റെ അടുത്തേക്ക് നീങ്ങി ! ആളനക്കം കണ്ടിട്ടാവും ഉപ്പന്‍ പറന്നകന്നു.

കുഞ്ഞുങ്ങളെ ഓമനിക്കാനായി അടുത്തേക്ക് നീങ്ങിയ എന്റെ നേര്‍ക്ക് എവിടെ നിന്നെന്നറിയില്ല ഒരു കൂട്ടം കടന്നലുകള്‍ വന്നു എന്നെ പൊതിഞ്ഞു.

ഉറക്കെ കരഞ്ഞു കൊണ്ട് അന്നു ഓടീയ ഓട്ടം ഇന്ന് ഓടിയിരുന്നെങ്കില് ഇക്കഴിഞ്ഞ ഒളിമ്പിക്സ്സില് ഇന്ത്യക്കൊരു മെഡൽ ഉറപ്പായേനെ !!

വൈകുന്നേരമായപ്പോളെക്കും കടന്നലിന്റെ കുത്തു കിട്ടിയ സ്ഥലം ഒക്കെ നീരു വന്നു മെത്തി.എന്തു തിന്നിട്ടും എന്റെ കൊച്ചിനു വണ്ണം വെക്കുന്നില്ലേ എന്നു ദിവസവും പരാതി പറയുന്ന അമ്മക്ക് ആ പ്രയാസം മാറിക്കിട്ടി.ഉണങ്ങിയ വാനില പോലിരുന്ന ഞാൻ വൈകുന്നേരം ആയപ്പോളെക്കും കല്പനചേച്ചിയെ പോലെ സുന്ദരി ആയി !

അന്ന് ആ വേദന മാറാൻ വേണ്ടി അമ്മ ,മുക്കുറ്റി സമൂലം അരച്ചത് പുതു വെണ്ണ കൂട്ടി ചാലിച്ച് ദേഹമാസകലം പുരട്ടി തന്നു.അതു തന്നെ അലപം കഴിക്കാനും തന്നു.
തുമ്പപ്പൂവിന്റെ നീരും നെയ്യും കദളിപ്പഴവും ചേര്‍ത്തു കഴിക്കുന്നതും ഒത്തിരി നല്ലതാണു എന്നു പറഞ്ഞു കേട്ടു.
ചുമന്ന തുളസിയില,ചുമന്നുള്ളി ഇവ അരച്ച് കടന്നൽ കുത്ത് ഏറ്റ ഭാഗത്ത് ഇട്ടാൽ വേദനയും നീരും കുറയും.

ഒരു ഓഫ് : ഇനി ആര്‍ക്കെങ്കിലും കടന്നൽ കൂട് എടുക്കണം എന്നുള്ള അതി മോഹം വല്ലതും ഉണ്ടെങ്കിൽ ഞൊങ്ങണം പുല്ല്,അമരിയില,കൃഷ്ണതുളസിയില ഇവ അരച്ച് സര്‍വാംഗം പുരട്ടി കൂട് എടുത്താല് കടന്നലിന്റെ കുത്ത് കിട്ടിയാലും വിഷം ഏല്‍ക്കില്ലാത്രേ !!!

ചിത്രം : ഗൂഗിളിൽ നിന്നു കിട്ടിയത്

ഹലോ ! വെള്ളിത്തിരയിലേയ്ക്ക് സ്വാഗതം !

2008-12-22T08:40:00.001+05:30

ഹലോ...

ഹലോ..

ഹലോ,വെള്ളിത്തിരയിലേക്ക് സ്വാഗതം.ആരാണു സംസാരിക്കുന്നത്?

ഞാൻ വെള്ളായണീന്ന് വേലായുധനാ.

അതെയോ.വേലായുധൻ എന്തു ചെയ്യുന്നു ?

ഞാൻ ഇപ്പോൾ വെള്ളിത്തിരയിലേയ്ക്ക് വിളിച്ചു കൊണ്ടിരിക്കുന്നു.

അതല്ല.വേലായുധനു എന്താണു ജോലി ?

എന്റെ മോനേ ! എനിക്കു ജോലി പശുവളർത്തൽ.ഞാൻ ഒരു ക്ഷീര കർഷകനാ!

അതെയോ! നന്നായി.ചേട്ടനെപ്പോലെ ഉള്ളവർ ഉള്ളതു കൊണ്ടാണല്ലോ ഞങ്ങൾ എല്ലാ ദിവസവും പാലും മുട്ടയും ഇറച്ചിയും കഴിച്ച് ജീവിക്കുന്നത്.

ങ്ങാ..അതെയതെ !

അതേയ് ചേട്ടനു ഇന്നു ഏതു പാട്ടാ കേൾക്കേണ്ടത്?

എനിക്ക് “ നാഴൂരിപ്പാലു കൊണ്ട് നാടാകെ കല്യാണം “ എന്ന പാട്ടു വേണം.ഞാൻ പശുകൃഷി തുടങ്ങിയ കാലം മുതൽ വിചാരിക്കുന്നതാ ഈ പാട്ട് എനിക്കു റേഡിയോയിലൂടെ കേൾക്കണം എന്ന്!

അതൊരു നല്ല പാട്ടാ ചേട്ടാ. രാരിച്ചൻ എന്ന പൗരൻ എന്ന ചിത്രത്തിൽ പി ഭാസ്കരൻ മാഷ് രചിച്ച്, കെ രാഘവൻ മാഷ് ഈണം നൽകി ശാന്ത പി നായരും ഗായത്രി കെ ബി യും കൂടി ആലപിച്ച ഈ പാട്ട് ചേട്ടനായി വയ്ക്കാം..

ഈ പാട്ട് ആർക്കെങ്കിലും വേണ്ടി ഡെഡിക്കേറ്റ് ചെയ്യുന്നോ ?

ഉണ്ട്.എനിക്ക് ദിവസേന 10 ലിറ്റർ പാലു തരുന്ന എന്റെ സ്വന്തം നന്ദിനിപ്പശുവിനും പിന്നെ അവളുടെ പാലു കൊണ്ട് ചായ ഉണ്ടാക്കുന്ന ഈ വെള്ളായണി നിവാസികൾക്കെല്ലാം വേണ്ടി ഡെഡിക്കേറ്റു ചെയ്യുന്നു.

ശരി വെള്ളായണിയിലെ വേലായുധൻ ചേട്ടനും ചേട്ടന്റെ നന്ദിനി പശുവിനും അവളുടെ പാലു കൊണ്ട് കാലത്തെ ചായ കുടിക്കുന്ന എല്ലാ വെള്ളായണിക്കാർക്കുമായി ഈ പാട്ടു സമർപ്പിക്കുന്നു.അപ്പോൾ ഒരു നല്ല പാട്ടു കേട്ടിട്ട് നമുക്ക് തിരിച്ചു വരാം !

തവള വിശേഷങ്ങള്‍..

2008-12-12T18:58:00.001+05:30

ഇപ്പോൾ വംശനാശ ഭീഷണി നേരിട്ടു കൊണ്ടിരിക്കുന്ന ഒരു ജീവി ആണല്ലോ തവള.പണ്ടൊക്കെ രാത്രിയിൽ പാടത്തു കൂടെ പെട്രോമാക്സും കത്തിച്ച് തവള പിടുത്തക്കാ‍ർ പോകുന്നത് ഒരു ഓർമ്മയായി മനസ്സിലിന്നും ഉണ്ട്.അങ്ങനെ കൊന്നൊടുക്കിയതു കൊണ്ടാണല്ലോ ഇന്ന് തവളയെ കാണാൻ പോലും കിട്ടാത്തത്.പ്രീ ഡിഗ്രിക്കു പഠിക്കുമ്പോൾ ഡിസക്ഷൻ ചെയ്യാൻ വേണ്ടി തവളയെ പിടിക്കാൻ രാത്രി അച്ഛനൊപ്പം ചാക്കും തൂക്കി ഇറങ്ങിയിട്ടുണ്ട്.എത്ര നടന്നതിനു ശേഷമാണു ഒരു തവളയെ കിട്ടുക.ചെറുപ്പത്തിൽ ആണെങ്കിൽ വെള്ളം നിറഞ്ഞു കിടക്കുന്ന പാറക്കുഴികളിൽ തവള മുട്ട ഇടുനതും അതു വെള്ളത്തിൽ കിടന്നു വിരിഞ്ഞു വാലുമാക്രി ആകുന്നതും വാലുമാക്രിയുടെ വാൽ പോയി തവള ആകുന്നതും എല്ലാം നിരീക്ഷിക്കുക ഒരു കൗതുകം ആയിരുന്നു.എന്റെ കുഞ്ഞുങ്ങൾക്ക് ആ ഭാഗ്യം ഇല്ലാ എന്നു മാത്രമല്ല ,തവളയെ കാണുമ്പോൾ അയ്യോ അമ്മേ തവള എന്നും പറഞ്ഞ് ചാടി കസേരയിൽ കയറും അവർ !
ലോകത്തിൽ കാണപ്പെടുന്ന വിവിധ തരം തവളകളെ പറ്റി ഒരു അന്വേഷണം.....

1 .ഗോള്‍ഡന്‍ റ്റോഡ്: കോസ്റ്റോറിക്കയില്‍ കാണപ്പെട്ടിരുന്ന ഇവ വംശനാശ ഭീഷണി നേരിട്ടു കൊണ്ടിരിക്കുന്നു.

2.സൌത്ത് ആഫ്രിക്കന്‍ ഗോസ്റ്റ് ഫ്രോഗ്:

3. മലഗസി റെയിന്‍ ബോ ഫ്രോഗ്

4. ഡാര്‍വിന്‍ ഫ്രോഗ്

5. മിഡ്വൈഫ്ഫ് റ്റോഡ് : മുട്ടകളെയും വാലുമാക്രികളെയും ചുമലില് ചുമക്കുന്നു

6.ആഫ്രിക്കന് ജയന്റ് ഫ്രോഗ്:

തവളകളിലെ വമ്പന്‍. ആഫ്രിക്കയില് കാ‍ാണുന്ന ജയന്റ് ഫ്രോഗ് അഥവാ ഗോലിയാത്ത് തവളയാണ് എറ്റവും വലിറ്യ തവള.ഉദ്ദേശം ഒരു ഫീറ്റ് വലുപ്പത്തില് വളരും

7.ക്യൂബന്‍ ഫ്രോഗ്:തവളകളിലെ കുഞ്ഞന്‍.അര ഇഞ്ച് മാത്രം നീളം ഉള്ള കുഞ്ഞന്‍ തവള

8.അമേരിക്കനന്‍ ഹോണ്ഡ് ഫ്രോഗ്: പട്ടി കുരക്കും പോലെ ശബ്ദം ഉണ്ടാക്കുന്ന തവള

9.പോയിസണ് ഡാര്‍ട്ട് ഫ്രോഗ് :ഈ വിഷത്തവളയുടെ തൊലിയിലെ വിഷം അമ്പില് പുരട്ടാന് ഉപയോഗികുന്നു.ഇതിന്റെ വിഷത്തില് നിന്നും വേര്‍തിരിക്കുന്ന എപ്പിബാറ്റിഡിന് എന്ന ആല്ക്കലോയ്ഡ് നല്ലൊരു വേദന സംഹാ‍ാരി അത്രെ !

10.തക്കാളി തവള ;
ശത്രുക്കളില് നിന്നും രക്ഷ നേടാന് ഉള്:ള വിദ്യയായി ശരീരം പെരുക്കി വലുതാക്കുന്നു

11.വൈറ്റ്സ് ട്രീ ഫ്രോഗ്: ഓന്തിന്റെ സ്വഭാവം ഉള്ള തവള.പരിസരത്തിനു യോജിക്കുന്ന വിധം നിറം മാറും

12.ഗാസ്ട്രിക് ബ്രൂഡിങ്ങ് ഫ്രോഗ്:മുട്ടകളെ വിഴുങ്ങി അവ വാല്‍മാക്രി ആയ ശേഷം പുറത്തു തള്ളുന്നു.

13.ക്രിക്കറ്റ് ഫ്രോഗ്:

ഏകദേശം 4 സെ മീ നീളമുള്ള ഇവക്ക് ഇവയുടെ ശരീര വലുപ്പത്തേക്കാള് 40 മടങ്ങു ദൂരത്തേക്ക് ചാടാന് കഴിയും !!

15.ലെപ്പേഡ് ഫ്രോഗ് : സൂത്രക്കാരന് തവള.ശത്രുക്കളില് നിന്നും രക്ഷ നേടാനായി ചത്തതു പോലെ അഭിനയിച്ചു കിടക്കും.ചിലവ ശത്രുക്കള് അടുത്തു വരുമ്പോള് ഉറക്കെ കരയും.ശത്രുക്കളെ കാണുമ്പോള് മൂത്രം ഒഴിക്കുന്ന ഇനവും ഉണ്ട്.മൂത്ര ഗന്ധം കൊണ്ട് പൊറുതി മുട്ടി ശത്രുക്കള് അകന്നു മാറിക്കൊള്ളും!!

ഇത് ഒരു ദിവസം രാത്രി വീട്ടിൽ എത്തിയ അതിഥി.നാടൻ തവള ! പച്ചത്തവള !

ചിത്രങ്ങൾക്കും വിവരങ്ങൾക്കും കടപ്പാട് : ഗൂഗിൾ

പുളിയില ചമ്മന്തി

2008-11-17T18:02:00.000+05:30

ഞങ്ങള്‍ പെരുമ്പാവൂരുകാരുടെ ഒരു ഇഷ്ട വിഭവം.വേറേ ഏതെങ്കിലും നാട്ടില്‍ ഈ ചമ്മന്തി പ്രചാരത്തില്‍ ഉണ്ടോ എന്ന് എനിക്കറിയില്ല.എന്തു തന്നെ ആയാലും ട്രെയിനില്‍ ഒക്കെ ദീര്‍ഘ ദൂര യാത്ര ചെയ്യേണ്ടി വരുമ്പോള്‍ ഞാന്‍ ഇടയ്ക്ക് ഇത് ഉണ്ടാക്കാറുണ്ട്..നാരങ്ങാച്ചോറും ഈ ചമ്മന്തിയും യാത്രക്കിടയില്‍ കഴിക്കാനായി കരുതും.ഇടയ്ക്ക് വീട്ടില്‍ കൊഴുവ മീന്‍ വാങ്ങുന്ന ദിവസങ്ങളിലും ഇതു പരീക്ഷിക്കാറുണ്ട്.

തപ്പുമ്പോള്‍ കയ്യില്‍ തടയേണ്ട സാധനങ്ങള്‍

വാളന്‍ പുളിയുടെ തളിരില - ആവശ്യത്തിന് ( പുളിമരത്തില്‍ എത്രത്തോളം ഉണ്ടോ അത്രത്തോളം എടുക്കാം)
കാന്താരി മുളക് - മനോധര്‍മ്മം പോലെ എടുക്കാം
ഉപ്പ് - പാകത്തിന്

ഉണ്ടാക്കുന്ന വിധം

വാളന്‍ പുളിയുടെ നല്ല തളിരില പറിക്കുക.നാരു കളഞ്ഞു വൃത്തിയാക്കിയ പുളിയില കാന്താരി മുളകും ഉപ്പും ചേര്‍ത്ത് അമ്മിക്കല്ലില്‍ വച്ച് നന്നായി അരയ്ക്കുക.മിക്സിയിലും അരക്കാം .പക്ഷേ ചമ്മന്തി എന്ന പേരിനു പകരം കുമ്മന്തി എന്നു പേരിട്ട് വിളമ്പുന്നതായിരിക്കും ഉത്തമം എന്നെന്റെ അച്ഛന്‍ പറയും.അമ്മിക്കല്ലില്‍ അരച്ചാല്‍ അതിന്റെ സ്വാദ് ഒന്നു വേറെ തന്നെയാണു എന്നാണ് എന്റെ അഭിപ്രായം !

അരച്ച കൂട്ട് നല്ല വാഴയിലയില്‍ പരത്തുക.അല്പം വെളിച്ചെണ്ണ ആവശ്യമെങ്കില്‍ ചേര്‍ക്കാം.ഓണത്തിനു നമ്മള്‍ പൂവട ഉണ്ടാക്കില്ലേ.അതു പോലെ അട പരത്തുന്നതു പോലെ പരത്തിയ ശേഷം ഇല മടക്കി വറകലത്തില്‍ വെച്ചു ചെറുതീയില്‍ ചുട്ടെടുക്കാം.വറകലം എന്നത് ഈ നാട്ടില്‍ ഞങ്ങള്‍ പറയുന്ന പേരാണു.പുട്ടിനൊക്കെ പൊടി വറുത്തെടുക്കുന്നത് ഈ വറകലത്തില്‍ ഇട്ടാണ്.അട പോലെ ആക്കിയ ചമ്മന്തി ഒരു ഇല കൂടി ചേര്‍ത്തു പൊതിയാം.ഈ മുകളിലെ ഇല കരിയുന്നതാണു പാകം.അട തിരിച്ചും മറിച്ചും ചുട്ടെടുക്കുക.

ഈ ചമ്മന്തിയുടെ സ്വാദ് ഇതു കഴിച്ചവര്‍ ആരും തന്നെ മറക്കില്ല..ഇവിടെ മഴക്കാലത്ത് ഊത്ത പിടിക്കുന്ന സമയത്ത് നല്ല പരല്‍ മീന്‍ കിട്ടും.ഈ പരല്‍ മീന്‍ ഇട്ട് ഈ ചമ്മന്തി ഉണ്ടാക്കിയാല്‍ ബഹു വിശേഷം ! പരല്‍ ഇല്ലെങ്കില്‍ നാട്ടില്‍ കിട്ടുന്ന കൊഴുവ മീനും ഉപയോഗിക്കാം.ഇല അരച്ചതില്‍ മീന്‍ കൂട്ടി ഇളക്കി ചുട്ടെടുക്കാം.എന്റെ നിര്‍ഭാഗ്യം .ഇന്നു ഇതു വഴി മീന്‍ വന്നില്ല.

നന്നായി ഉണങ്ങിയാല്‍ ഒരാഴ്ച്ച വരെ ഈ ചമ്മന്തി കേടാകാതിരിക്കും.ഒന്നു പരീക്ഷിക്കുന്നോ ???

പനച്ചി പുളിയില എന്നു ഞങ്ങള്‍ പറയുന്നത് ഈ ചെടിയെ ആണ്.റ്റോണ്‍സിലൈറ്റിസ് വരുമ്പോള്‍ 7 പനച്ചി പുളിയില എടുത്ത്,ഓരോ പുളിയിലയിലും ഒരു കുരുമുളകും ഒരു കല്ലു ഉപ്പും വെച്ച് ,കിണറിന് 7 പ്രദക്ഷിണം ചെയ്ത ശേഷം കഴിക്കുന്നത് ഞങ്ങളുടെ ഒറ്റമൂലി..അസംബന്ധം എന്നും പറഞ്ഞ് ആരും തല്ലാന്‍ വരണ്ടാ.ഇവിടുത്തെ നാട്ടു നടപ്പാ ഞാന്‍ പറഞ്ഞത് !!

കള്ളിന് ഇങ്ങനെയും ഉപയോഗമോ ????

2008-11-08T22:17:00.000+05:30

എന്നെ ഇവിടെയ്ക്ക് കല്യാണം കഴിച്ചു കൊണ്ടു വന്ന കാലം മുതല്‍ക്കേ വീട്ടില്‍ ഒരിക്കലും ഒഴിവാകാത്ത ഒരു കാര്യം ഉണ്ട്.കള്ള് !!! ഒരു പന എങ്കിലും ചെത്താന്‍ എന്നും ഉണ്ടാകും.അതു കൊണ്ടെന്താ അച്ഛനും മക്കളും നല്ല പോലെ കള്ള് കുടിക്കും. ആദ്യമൊക്കെ എന്റെ മക്കള്‍ക്കും കൊടുക്കുമായിരുന്നു.പക്ഷേ എനിക്കിത്രേം ദേഷ്യം ഉള്ള ഒരു സാധനം വേറെ ഇല്ല.ഞാന്‍ വഴക്കുണ്ടാക്കും.അപ്പോള്‍ കണ്ണനടക്കം എല്ലാരും എന്നോടു പറയും കള്ളില്‍ വിറ്റാമിന്‍ എ ഉണ്ട്..ബി ഉണ്ട്...സി ഉണ്ട്... എന്നൊക്കെ..കള്ള് കുടിപ്പിച്ചിട്ട് എന്റെ മക്കള്‍ക്ക് ആരോഗ്യം ഉണ്ടാകണ്ടാ .ഞങ്ങള്‍ തമ്മില്‍ പിണങ്ങുന്ന ഒരു കാരണം ഇതായിരുന്നു.എന്റെ വഴക്ക് പേടിച്ച് അച്ഛനും ചേട്ടന്മാരും ഒക്കെ കൊടുത്താലും മക്കള്‍ കഴിക്കാതായി.

ആദ്യമൊക്കെ പനയുടെ തൈകള്‍ പറമ്പില്‍ ഓരോ സ്ഥലത്തായി മുളച്ചു വരുമ്പോള്‍ ഞാന്‍ നല്ല തിളച്ച വെള്ളം ആരും കാണാതെ പനം തൈയുടെ ചുവട്ടില്‍ കൊണ്ടു പോയി ഒഴിക്കുമായിരുന്നു.. പന വളരാതെ ഇരിക്കട്ടെ എന്നോര്‍ത്ത്..പക്ഷേ എന്റെ പ്രാര്‍ഥനയൊക്കെ വെറുതേ...പന പോലെ വളര്‍ന്നു എന്നു പറയും പോലെ എല്ലാ പനകളും വളര്‍ന്നു..കുല ഉണ്ടായി..കുല ചെത്തി കള്ളും ഉണ്ടായി.

ഒരു സമയത്ത് ഒരു പനയേ ചെത്താന്‍ ഉണ്ടാവാറുള്ളൂ.എന്തിനാ ധാരാളം അല്ലേ...രാവിലെ ലഭിക്കുന്ന കള്ള് , ചെത്തുകാരന്‍ പയ്യന്‍ കൊണ്ട് പോകും.രാവിലത്തെ കള്ള് ഷാപ്പില്‍ അളക്കാന്‍ ഉള്ളതാണ്.വൈകിട്ടത്തെ കള്ളു നമുക്ക് തരും.പന ചെത്താന്‍ അനുവദിക്കുന്നതിന്റെ കൂലി കള്ള് ആയിട്ടാണു തരുക.അതു ചിലപ്പോള്‍ ഒക്കെ അപ്പം ഉണ്ടാക്കാന്‍ എടുക്കും..ആഴ്ച്ചയില്‍ ഒന്നോ രണ്ടൊ ദിവസം അല്ലേ അപ്പം ഉണ്ടാക്കാന്‍ പറ്റൂ.അതിന് ആണെങ്കിലും ഒരു ഗ്ലാസ്സ് കള്ള് മതിയാകും.ബാക്കിയുള്ള കള്ള് അച്ഛന്‍ കുടിക്കും..ചേട്ടന്മാര്‍ക്കു രണ്ടു പേര്‍ക്കും കൊടുത്തു കഴിഞ്ഞും ചിലപ്പോള്‍ മിച്ചമുണ്ടാകും.അതു ഞാന്‍ വിനാഗിരി ആക്കും.

കള്ളില്‍ നിന്നു നല്ല വിനാഗിരി ( ചൊറുക്ക എന്ന് ഞങ്ങള്‍ നാടന്‍ ഭാഷയില്‍ പറയും ) ഉണ്ടാക്കാം.2 ലിറ്റര്‍ കള്ളില്‍ 1 ഗ്രാം യീസ്റ്റും 20 ഗ്രാം പഞ്ചസാരയും ചേര്‍ത്ത് ഒരു ഭരണിയില്‍ അടച്ചു തുണി കൊണ്ട് മൂടി കെട്ടി വെക്കുക.21 ദിവസം കഴിയുമ്പോള്‍ കള്ളിലുള്ള പഞ്ചസാര 5 % വീര്യം ഉള്ള അസറ്റിക് ആസിഡ് അഥവാ വിനാഗിരി ആയി മാറുന്നു.നല്ല കള്ളാണെങ്കില്‍ പ്രത്യേകം പരിചരണങ്ങള്‍ ഇല്ലാതെ തന്നെ നല്ല വിനാഗിരി കിട്ടും.

കള്ളില്‍ നിന്നു ചില ഇടങ്ങളില്‍ “ പനം പാനി “ ഉണ്ടാക്കും എന്ന് പറഞ്ഞു കേട്ടിട്ടുണ്ട്.കള്ളു തിളപ്പിച്ചു വറ്റിച്ചാണു ഇതുണ്ടാക്കുന്നത്.ഉദ്ദേശം 7 മണിക്കൂറോളം ചെറുതീയില്‍ കള്ളു വറ്റിയ്ക്കണം.തീ അണയ്ക്കരുത്.എന്നാല്‍ തീ അധികമായി കള്ളു തിളച്ചു തൂവുകയും അരുത്.

പണ്ടൊക്കെ കോട്ടയം സൈഡിലെ ക്രിസ്ത്യന്‍ കുടുംബങ്ങളില്‍ വിവാഹ സദ്യയ്ക്ക് ഒഴിച്ചു കൂടാനാവാത്ത ഒരു വിഭവം ആയിരുന്നത്രേ പനമ്പാനി.സദ്യ കഴിയുമ്പോള്‍ പാനിയും പഴവും കൂടി കഴിക്കും.ഹിന്ദു സദ്യകളില്‍ പായസം കഴിക്കുന്നതു പോലെ.തേന്‍ പോലെ സ്വാദിഷ്ടമായ പനമ്പാനി റൊട്ടിയുടെയും പുട്ടിന്റെയും കൂടെ കഴിക്കാനും അവല്‍ നനക്കാനും ഒക്കെ നല്ലതാണെന്നു പറയുന്നു.ഔഷധ ഗുണം ഉണ്ടെന്നും പറയുന്നു.ചിക്കന്‍ പോക്സ് ഉണ്ടാകുമ്പോള്‍ പനമ്പാനി രോഗിക്കു നല്‍കാറുണ്ട് എന്നു പറയപ്പെടുന്നു,..ഇതിനെ കുറിച്ചുള്ള ശാസ്ത്രീയത ഒന്നും എനിക്കറിയില്ല ട്ടോ..

അപ്പോള്‍ ഞാന്‍ പറയാന്‍ തുടങ്ങിയത് ഈ കള്ളൊക്കെ മനുഷ്യര്‍ കുടിക്കാതെ, ഇതു പോലുള്ള ബൈ പ്രോഡക്റ്റ്സ് ആക്കിയാല്‍ പോരേ.?

ചിത്രത്തിനു കടപ്പാട് : ഗൂഗിള്‍

ജാതിക്കാരിഷ്ടം

2008-10-25T17:11:00.003+05:30

നമ്മുടെ നാട്ടില്‍ ധാരാളം ജാതിക്കാ ഉണ്ടല്ലോ..ജാതിക്കയും ജാതി പത്രിയും എടുത്ത ശേഷം ജാതി തൊണ്ട് നമ്മള്‍ കളയാറാണു പതിവ്..പണ്ടു സ്കൂളില്‍ പോയിരുന്ന കാലത്ത് ജാതിതൊണ്ട് ഉപ്പു ചേര്‍ത്ത് തിന്നാനുള്ള ഒരു രസം..ഇപ്പോളും ജാതി തൊണ്ട് തിന്നുക എന്നത് എനിക്കു പ്രിയം തന്നെ.ഇപ്പോള്‍ ജാതി തൊണ്ട് അച്ചാറ് ഇട്ട് കൂട്ടാറുണ്ട്.നല്ല രുചിയാണ് ഈ അച്ചാറിന്.

ജാതിക്കയുടെ ഔഷധ ഗുണങ്ങള്‍ കുറെയൊക്കെ അതിന്റെ തൊണ്ടിലും ഉണ്ട്.അല്പ സമയം ചെലവാക്കാന്‍ ഉണ്ടെങ്കില്‍ ജാതിതൊണ്ടും നമുക്ക് പ്രയോജനപ്പെടുത്താം.ഇതു കൊണ്ട് നമുക്ക് ജാതിക്കാരിഷ്ടം/ ജാതിക്കാ വൈന്‍ ഉണ്ടാക്കാം.അമ്മ എണീറ്റു നടക്കുന്ന കാലത്ത് ഇവിടെ ഇത് ഉണ്ടാക്കാറുണ്ടായിറ്രുന്നു.ഇപ്പോള്‍ ഉണ്ടാക്കാന്‍ ഞാന്‍ മെനക്കെടാറില്ല.എങ്കിലും സമയം കിട്ടുമ്പോള്‍ ഒന്നു കൂടി ഉണ്ടാക്കി നോക്കണം എന്നു വിചാരിക്കുന്നു. ഞങ്ങള്‍ ഇത് ഉണ്ടാക്കാറുള്ള വിധം നിങ്ങള്‍ക്കായി ഞാന്‍ എഴുതട്ടെ.

തപ്പുമ്പോള്‍ കൈയ്യില്‍ തടയേണ്ട സാധനങ്ങള്‍

ജാതിക്കാതൊണ്ട് - 10 കിലോ
ശര്‍ക്കര -3 കിലോ
താതിരിപ്പൂവ് - 100 ഗ്രാം ( അങ്ങാടിമരുന്നു കടയില്‍ നിന്നും വാങ്ങാന്‍ കിട്ടും.ഇതിനു വേറെ വല്ല പേരും ഉണ്ടോ എന്നെനിക്കറിയില്ല )
കോലരക്ക് - 100 ഗ്രാം
ഗ്രാമ്പൂ,ഏലം - കുറച്ച്
ഗോതമ്പ് - ഒരു പിടി

ഉണ്ടാക്കുന്ന വിധം

ജാതിക്കാതൊണ്ട് നന്നായി കഴുകിയെടുത്ത് വെള്ളം വാര്‍ന്നു പോയതിനു ശേഷം ഭരണിയില്‍ അട്ടിയായി നിരത്തുക.ഒരട്ടി ജാതിക്കാതൊണ്ട് നിരത്തി അതിനു മേലേ ശര്‍ക്കര ഇടുക.ഇങ്ങനെ ജാതിക്കാതൊണ്ടും ശര്‍ക്കരയും അട്ടികളായി നിരത്തുക.ഇതിനിടയില്‍ കുറെശ്ശെ താതിരിപ്പൂവും കോലരക്കും ഗ്രാമ്പൂവും ഏലവും പൊടിച്ചു വിതറാം.അരിഷ്ടം എളുപ്പം പുളിക്കുന്നതിനായി ഒരു പിടി ഗോതമ്പു ചതച്ചിടാവുന്നതാണ്.ഭരണി നിറഞ്ഞതിനു ശേഷം ഭദ്രമായി അടച്ചു വെക്കുക.41 ദിവസം കഴിയുമ്പോള്‍ ഭരണി തുറന്ന് അരിഷ്ടം ഊറ്റിയെടുക്കാം.
ദഹനക്കേടിനും വയറ്റിലുണ്ടാകുന്ന മറ്റ് അസുഖങ്ങള്‍ക്കും നല്ലതാണ് ഈ അരിഷ്ടം.ഇത് ഉണ്ടാകുമ്പോള്‍ വെള്ളം അതില്‍ കലരാതിരിക്കാന്‍ ശ്രദ്ധിക്കണേ....

അപ്പോള്‍ നാട്ടില്‍ ഉള്ളവര്‍ ഇതുണ്ടാക്കി നോക്കിയിട്ട് വിവരം അറിയിക്കണേ...

പോയ ബുദ്ധി ആന പിടിച്ചാല്‍ കിട്ടുമോ ??

2008-09-20T08:15:00.000+05:30

2002 ആഗസ്റ്റ് മാസത്തിലെ ഒരു തണുത്ത പ്രഭാതം ! നനുത്ത ചാറ്റല്‍ മഴ ഉണ്ടായിരുന്നു രാവിലെ.ഹണി നാട്ടിലുണ്ട് അന്ന്.ഞാനന്ന് 7 മാസം ഗര്‍ഭിണി ആണ്.എല്ലാ മാസവും ചെക്ക് അപ്പിനു പോകണം.ഗര്‍ഭം ഒരു രോഗം അല്ലെങ്കിലും അതൊഴിവാക്കാന്‍ വയ്യല്ലോ.ഹോസ്പിറ്റലില്‍ പോകാനായി സാരി മാറി ഇറങ്ങിയപ്പോള്‍ കണ്ണന്‍ ബൈക്കിന്റെ കീയും എടുത്ത് റെഡിയായി നില്‍ക്കുന്നു

“ ഈ മഴയത്ത് ബൈക്കില്‍ പോകാനോ ? കാറെടുക്ക് കണ്ണാ “

“ഓ..ഇത്ര ദൂരമല്ലേ ഉള്ളൂ.ടൌണിലെ ട്രാഫിക് ജാമില്‍ പെട്ടാല്‍ ആകെ കുരിശാകും .നമുക്ക് ഇതില്‍ പോകാം “

ഹോ ! ഈ മനുഷ്യന്റെ ഒരു കാര്യം.ഇങ്ങനെ ഒരു സ്വഭാവം ! ഇനി ഇതെന്നു നന്നാവുമോ ?

എന്നൊക്കെ മനസ്സില്‍ പ്രാകികൊണ്ട് ബൈക്കില്‍ കയറിയിരുന്നു.റെയിന്‍ കോട്ട് കണ്ണനു മാത്രേ ഉള്ളൂ.എനിക്കില്ല.ബൈക്കില്‍ കയറി യാത്ര തുടങ്ങി അല്പദൂരം കഴിഞ്ഞപ്പോളേക്കും മഴ കൂടി തുടങ്ങി.കണ്ണന്‍ പറഞ്ഞു ആ കുട എടുത്ത് ചൂടിക്കോ.

ഹും കുട ! എനിക്കെങ്ങും വേണ്ടാ..ഈ മഴ നനഞ്ഞ് ഞാനങ്ങ് ചത്തു പോകട്ടെ.അപ്പോള്‍ നിങ്ങള്‍ക്ക് വേറെ കല്യാണം കഴിക്കാല്ലോ.എന്നോട് അല്പം എങ്കിലും സ്നേഹം ഉണ്ടെങ്കില്‍ ഈ മഴയത്ത് ഈ ബൈക്കിനു പുറകില്‍ ഇരുത്തി ഇങ്ങനെ കൊണ്ടു പോകുമോ ? “

ഇങ്ങനെ ഒക്കെ മനസ്സില്‍ പറഞ്ഞ് കൊണ്ട് കണ്ണന്‍ പറഞ്ഞത് കേള്‍ക്കാത്ത മട്ടില്‍ ഞാന്‍ ഇരുന്നു.എത്ര നിര്‍ബന്ധിച്ചാലും ഞാന്‍ കുട ചൂടില്ലെന്ന് മനസ്സിലാക്കി കണ്ണനും റെയിന്‍ കോട്ട് ധരിച്ചില്ല..പാവം..... ഭാര്യയെ സ്നേഹിക്കുന്ന ഭര്‍ത്താവ് തന്നെ........

യാത്ര തുടങ്ങിയപ്പോള്‍ മുതല്‍ എന്റെ ദേഷ്യവും സങ്കടവും പ്രകടിപ്പിക്കാനായി കക്ഷിയുടേ ദേഹത്ത് മുട്ടാതെ ശ്രദ്ധിച്ചാണ് എന്റെ ഇരിപ്പ്.അല്ലെങ്കില്‍ പുള്ളിക്കാരന്റെ വയറ്റില്‍ ചുറ്റിപിടിച്ചിരിക്കുന്നതാണ് ഏറ്റവും സുഖം.ഒരു കാലത്ത് കാറില്‍ പോകുനതിനേക്കാളും ബൈക്കിലെ യാത്ര ആയിരുന്നു ഞാന്‍ കൂടുതല്‍ ഇഷ്ടപ്പെട്ടിരുന്നതും !!

എന്റെ വീര്‍ത്ത മുഖം കണ്ണാടിയിലൂടെ കണ്ണനു കാണാം.ഒരു ചെറു ചിരി ആ ചുണ്ടില്‍ വിരിയുന്നത് കണ്ടിട്ടും കണ്ടില്ലെന്ന് നടിച്ച് സ്വതവേ വീര്‍ത്ത മുഖം അലപം കൂടെ വീര്‍പ്പിച്ച് ഞാന്‍ ഇരുന്നു.അല്ലെങ്കിലും അതു ഗര്‍ഭിണി ആയ ഭാര്യയുടെ അവകാശമല്ലേ !അല്ലാത്ത സമയത്ത് ഈ വക സ്വഭാവം കാണിച്ചാല്‍ എന്റെ പുറം എപ്പോള്‍ പൊളിഞ്ഞൂ എന്നു ചോദിച്ചാല്‍ പോരേ..ഇത് കുഞ്ഞിനെ ഓര്‍ത്ത് നമ്മളെ ഒന്നും ചെയ്യില്ലല്ലോ..

സ്പീഡ് വളരെ കുറച്ചാണ് കണ്ണന്‍ വണ്ടി ഓടിച്ചിരുന്നത്.എന്നിട്ടും ഒരു വളവു തിരിഞ്ഞപ്പോള്‍ വണ്ടിയുടെ ടയറുകള്‍ മണ്ണില്‍ ഉരയുന്ന ഒച്ച..എന്താ സംഭവിക്കുന്നതെന്ന് മനസ്സിലാക്കുമ്പോളേക്കും ഞാന്‍ മണ്ണില്‍ രണ്ടു കൈയ്യും കുത്തി വീണിരുന്നു.

റോഡില്‍ നിറയെ മഴവെള്ളം ആയിരുന്നു.ആ ചെളിവെള്ളത്തിലേക്കാണു ഞാന്‍ സ്ലോ മോഷനില്‍ പോയി വീണത്.ആകെ നനഞ്ഞ് സാരിയൊക്കെ ദേഹത്ത് ഒട്ടി.

കണ്ണന്‍ വണ്ടി ഒതുക്കി വെച്ച് ഓടി വന്നു എന്റെ അടുത്തേക്ക്.എണീക്കാന്‍ പോലും വയ്യാതെ കിടക്കുന്ന എനിക്ക് ആകെ വിറഞ്ഞു കയറി.സങ്കടവും ദേഷ്യവും എല്ലാം മനസ്സില്‍ ഒതുക്കി രൂക്ഷമായി ഞാന്‍ കണ്ണനെ ഒന്നു നോക്കി.

കനിവൂറുന്ന കണ്ണുകളോടെ എന്നെ നോക്കിയ കണ്ണന്റെ മുഖത്തെ വിഷമം കണ്ടപ്പോള്‍ എനിക്കും സങ്കടം തോന്നി.

“ മോളേ ..വല്ലതും പറ്റിയോടാ “ എന്ന ചോദ്യം കൂടെ കേട്ടതോടെ സങ്കടം അണ പൊട്ടിയൊഴുകി.നടുറോഡാണ് എന്നു പോലും ഓര്‍ക്കാതെ ഉറക്കെ കരഞ്ഞു.

അല്ലെങ്കിലും എത്ര പിണക്കമാണെങ്കിലും “ മോളേ “ എന്ന ഒറ്റ വിളിയില്‍ എല്ലാ പിണക്കവും അലിയാറുണ്ട് എന്നത് കണ്ണനും അറിയാം ..

അപ്പോഴേക്കും നാട്ടുകാരും ഓടികൂടി.അപ്പുറത്ത് അമിത സ്പീഡില്‍ പാഞ്ഞു വന്ന ഒരു ടിപ്പര്‍ ലോറി ആയിരുന്നു.കണ്ണന്‍ സമയത്ത് ബ്രേക്ക് ഇട്ടതു കൊണ്ട് ഒന്നും സംഭവിച്ചില്ല.

ദൈവം എപ്പോഴും കൂടെ ഉള്ളതു കൊണ്ട് ആ വീഴ്ചയില്‍ എന്റെ കുഞ്ഞിനും ഒന്നും സംഭവിച്ചില്ല.വയര്‍ ഇടിച്ചായിരുന്നു വീണിരുന്നതെങ്കിലോ ...അതെനിക്കോര്‍ക്കാന്‍ പോലും വയ്യ..ഏതു പ്രതിസന്ധി ഘട്ടത്തിലും എനിക്ക് താങ്ങായി ദൈവം ഉണ്ടെന്ന് എനിക്ക് പലപ്പോഴും തോന്നിയിട്ടുണ്ട്.

തൊട്ടടുത്ത വീട്ടിലേക്ക് അവര്‍ ക്ഷണിച്ചു.അവിടെ കയറി അവര്‍ തന്ന കട്ടനും കുടിച്ച് ഇരുന്നപ്പോള്‍ ആ വീട്ടിലെ ചേച്ചി ചേച്ചിയുടെ ഒരു സാരി എനിക്കെടുത്തു തന്നു ..ഞാനാകെ നനഞ്ഞു കുളിച്ചിരിക്കുകയല്ലേ.

ഞാന്‍ പറഞ്ഞു വേണ്ട.ചേച്ചീ..എനിക്ക് വീട്ടില്‍ പോകണം

കണ്ണനെയും വിളിച്ച് വീട്ടില്‍ പോയി സാരി മാറി ആണു അന്നു പിന്നെ ഹോസ്പിറ്റലില്‍ പോയത്.രണ്ടാമതു പോയപ്പോള്‍ ബൈക്ക് അല്ലാ എടുത്തത്.കാറായിരുന്നു.
പോകും വഴിക്ക് ഞാന്‍ ചോദിച്ചു ഈ ബുദ്ധി ആദ്യം തോന്നിയിരുന്നെങ്കില്‍ എനിക്ക് ഈ വേദന സഹിക്കേണ്ടി വരുമായിരുന്നോ ??

അപ്പോള്‍ കണ്ണന്‍ പറഞ്ഞ മറുപടി അപ്പോള്‍ കാറിലായിരുന്നു നമ്മളെങ്കില്‍ നമ്മളേ റോഡില്‍ നിന്നും വാരിയെടുക്കേണ്ടി വന്നേനേ !!!!

ഈ മഹത്തായ സംഭവം കാരണം എനിക്കൊരു വാശി കയറി.ഡ്രൈവിംഗ് പഠിച്ചേ തീരൂ എന്ന്..പ്രസവം കഴിഞ്ഞു ഞാന്‍ അതു സാധിക്കുക തന്നെ ചെയ്തു..അതൊരു വലിയ സംഭവം ആയിരുന്നു.ഡ്രൈവിങ്ങ് പഠിച്ചതിന്റെ വിശേഷങ്ങള്‍ ഇനിയൊരു പോസ്റ്റില്‍ എഴുതാം.

ഇന്നലെ ഓണമായിരുന്നു !!!!

2008-09-13T09:33:00.001+05:30

ഇന്നലെ ഓണമായിരുന്നു.മലയാളികള്‍ എല്ലാ വര്‍ഷവും സന്തോഷത്തോടെ മാവേലിയുടെ വരവ് ആഘോഷിക്കുന്ന സുദിനം.പ്രജകളുടെ ക്ഷേമം കാണാന്‍ മാവേലിത്തമ്പുരാന്‍ എഴുന്നള്ളുന്നു.ഐശ്വര്യത്തിന്റെയും സമ്പല്സമൃദ്ധിയുടെയും ആശംസകള്‍ ഏറേ എസ് എം എസ് വഴിയും മെയിലുകള്‍ വഴിയും ലഭിച്ചു.എങ്കിലും ഓണം സന്തോഷമാണോ നല്‍കിയത് എന്നു ചോദിച്ചാല്‍ അല്ലാ എന്നു തന്നെ ആണ് എന്റെ ഉത്തരം.അതിനു കാരണം അന്വേഷിച്ചാലോ ? എല്ലാവര്‍ക്കും ഒരു പക്ഷേ ചിരി വരും.പക്ഷേ എനിക്ക് വരുന്നത് നൊമ്പരക്കണ്ണീരാണ്.ഇന്നലെ വിരഹത്തിന്റെ ദിനമായിരുന്നു.വിരസത നിറഞ്ഞു നിന്ന മറ്റൊരു ദിനം ! എത്രയോ വര്‍ഷങ്ങളായി കുടുംബ സമേതം ഓണം ഉണ്ടിട്ട്.

പ്രവാസിയായ ഭര്‍ത്താവ് ഫോണിലൂടെ ഓണാശംസകള്‍ അറിയിച്ചു.മക്കള്‍ ഓണാവധി ആഘോഷിക്കാനായി എന്റെ വീട്ടിലേക്കും പോയി.അവിടെ എന്റെ ആങ്ങളയുടെ മക്കള്‍ ഉള്ളതിനാല്‍ അവര്‍ക്ക് രസം അവിടെ ആണ്.ഓണം ഇവിടെ കൂടാം മക്കളേ എന്നു പറഞ്ഞപ്പോള്‍ ഞങ്ങള്‍ ഇത്തവണ മാമന്റെ വീട്ടിലാ ഓണം ഉണ്ണുന്നേ എന്നു പറഞ്ഞു മക്കള്‍ !!

പുലര്‍ച്ചെ എണീറ്റ് മാവേലിക്ക് പൂവട നേദിച്ചപ്പോള്‍ തുടങ്ങി എന്റേ ഓണാഘോഷം.പൂവിളി വിളിക്കല്‍ ഇപ്പോള്‍ പതിവില്ലല്ലോ.അതിനു ശേഷം അടുക്കളയിലേക്ക്.മക്കള്‍ അടുത്തില്ലെങ്കിലും ഭര്‍ത്താവിന്റെ അച്ഛനും അമ്മയും ഉണ്ട്.അമ്മ ശയ്യാവലംബി ആയിട്ട് ഒരു വര്‍ഷത്തിലേറേയായി.ശരീരത്തിന്റെ വലതു ഭാഗം പൂര്‍ണ്ണമായും തളര്‍ന്ന് കിടക്കുന്നു.അവരെ ഓണമൂട്ടാതെ വയ്യ.അതിനാല്‍ മടി ഒക്കെ മാറ്റി വെച്ച് സദ്യ ഉണ്ടാക്കാനുള്ള ഒരുക്കങ്ങള്‍ ആരംഭിച്ചു.സാമ്പാര്‍.അവിയല്‍.തോരന്‍.ഇഞ്ചിക്കറി.ഉള്ളിക്കറി,കാളന്‍ എന്നിവ ഉണ്ടാക്കി.അച്ചാര്‍ 2 കൂട്ടം ഉത്രാടത്തിന്റന്നേ ഉണ്ടാക്കിയിരുന്നു.ഉപ്പേരി ഒക്കെ പാക്കറ്റ് ആയി വാങ്ങി.പിന്നെ ഉള്ളത് പായസം ആണ്.പാലട ഉണ്ടാക്കി.പപ്പടവും കാച്ചിയതോടെ സദ്യയുടെ ഒരുക്കങ്ങള്‍ പൂര്‍ത്തിയായി

അമ്മയെ കുളിപ്പിച്ചു ചോറ് വാരിക്കൊടുത്തു.അച്ഛനും ഇലയിട്ട് സദ്യ കൊടുത്തു.ഇനി എന്റെ ഊഴം! ഒറ്റക്ക് ഇരുന്നു സദ്യ.കണ്ണില്‍ നിന്നും നീര്‍ത്തുള്ളികള്‍ ഇറ്റിറ്റു വീഴുന്നു.പറയാനാവാത്ത ഒരു നൊമ്പരം! എനിക്ക് കണ്ണനെ വിളിക്കണം എന്നു തോന്നി.വിളിച്ചു .കുറെ സങ്കടവും പരാതിയും പരിഭവവും ഒക്കെ പറഞ്ഞു..എനിക്കിങ്ങനെ ജീവിക്കണ്ടാ ന്നൊക്കെ പറഞ്ഞു കുറെ കരഞ്ഞപ്പോള്‍ എനിക്ക് ആശ്വാസം..പാവം അദ്ദേഹത്തിന് സങ്കടം .എന്തു ചെയ്യാന്‍ പറ്റും.ഒന്നും ചെയ്യാനില്ല.

ഓണം എങ്ങനെ ഉണ്ടായിരുന്നു എന്നു കണ്ണന്‍ ചോദിച്ചു.ഇതാണോ ഓണം ? ഇതാണോ സന്തോഷം ?ഇങ്ങനെ ആണൊ സമാധാനം ?
തിരുവോണമായിട്ടും നല്ല മഴ ആയിരുന്നു.പുറത്ത് പെരുമഴ.മനസ്സില്‍ കണ്ണീര്‍ മഴ !

ഒരുമിച്ച് ഓണം ഉണ്ണണ്ണമെങ്കില്‍ ഇനി എത്ര കാലം കഴിയണം ? മക്കളുടെ കല്യാണം ഒക്കെ കഴിഞ്ഞ് കുഴിയിലേക്ക് കാലു നീട്ടുമ്പൊള്‍ പറ്റുമായിരിക്കും .

ഓണം പിറന്നാലും ഉണ്ണി പിറന്നാലും
ഓരോ കുമ്പിള്‍ കണ്ണീര്...

എന്ന് മനസില്‍ പാടിക്കൊണ്ട് ഞാന്‍ ഇരിക്കുന്നു.എല്ലാ പ്രവാസിമാരുടെയും ഭാര്യമാര്‍ക്ക് ഈ അവസ്ഥ തന്നെ ആയിരിക്കുമല്ലോ അല്ലേ.നാട്ടില്‍ അച്ഛനും അമ്മയും ഉള്ളതിനാല്‍ കൂടെ പോകാന്‍ പറ്റില്ല.ജീവിതത്തിലെ പല പ്രതിസന്ധി ഘട്ടങ്ങളിലും ഒറ്റക്ക് തീരുമാനം എടുക്കേണ്ടി വരുന്നു.വീട്ടുകാര്യങ്ങളും മക്കളുടെ കാര്യങ്ങളും ഒപ്പം ഓഫീസ് ജോലികളും.വല്ലാത്ത റ്റെന്‍ഷന്‍ തോന്നുമ്പോള്‍ ഒരു ഫോണ്‍ കാളിന്റെ അകലം മാത്രമേ ഉള്ളല്ലോ എന്നതാണ് ഒരു സമാധാനം !

ഒരു യാത്രയുടെ സ്മരണക്ക്

2008-09-05T06:46:00.001+05:30

വിവാഹം കഴിഞ്ഞ് ഭര്‍തൃ ഭവനത്തില്‍ എത്തി ആദ്യം നടത്തിയ യാത്ര വീടിന് അടുത്ത് തന്നെ ഉള്ള കാവിലേക്കാണ്.ഞങ്ങളുടെ വീട്ടില്‍ നിന്നും നടന്നു പോകാന്‍ ഉള്ള ദൂരമേ അന്നുണ്ടായിരുന്നുള്ളൂ..ഇന്നാണെങ്കില്‍ വണ്ടിയും സൌകര്യങ്ങളും ഒക്കെ ആയപ്പോള്‍ നടക്കുന്ന കാര്യം അല്പം വിഷമം ആണ് എന്നു മാത്രം !!

കേരളത്തിലെ ഏറ്റവും വലിയ കാവ് ആണ് ഇരിങ്ങോള്‍ കാവ്.പെരുമ്പാവൂര്‍ നഗര പരിധിക്കുള്ളിലല്‍ ഏകദേശം 20 ഹെക്ടര്‍ ചുറ്റളവിലുള്ള ഒരു വനത്തിനു നടുവില്‍ ഉള്ള ഒരു ദേവീക്ഷേത്രം ! നഗരത്തിനുള്ളിലെ ഈ കാടു തന്നെ ഒരു വിസ്മയം ആണ്. 20.234 ഹെക്ടര്‍ വിസ്തീര്‍ണ്ണം ഉള്ള ഇരിങ്ങോള്‍ കാവിലെ പ്രതിഷ്ഠ ദേവി ആണു.ഭഗവതി ഇവിടെ 3 രൂപത്തില് കാണുന്നു. രാവിലെ സരസ്വതീ ദേവി,ഉച്ചക്ക് വന ദുര്‍ഗ്ഗ,രാ‍ത്രിയില്‍ ഭദ്രകാളി എന്നിങ്ങനെ ആണു ദേവിയുടെ രൂപങ്ങള്‍.

ചെത്തി,തുളസി, താമര എന്നിവ മാത്രമേ ഇവിടെ പൂജക്ക് ഉപയോഗിക്കാറുള്ളൂ.ഇവിടെക്കുള്ള ചന്ദനം ഈ കാട്ടില്‍ നിന്നു തന്നെ ആണു എടുക്കുന്നത്.അന്നന്നത്തെ ആവശ്യത്തിനുള്ള ചന്ദനവേര് ക്ഷേത്രക്കുളത്തിലേക്ക് വളര്‍ന്നു വരും എന്നാണു വിശ്വാസം !!

ഉപദേവന്മാര്‍ ഇല്ലാത്ത കേരളത്തിലെ തന്നെ അത്യപൂര്‍വ്വമായ ക്ഷേത്രങ്ങളില്‍ ഒന്നാണിത്.

പണ്ട് ഇരിങ്ങോള്‍ കാവ് 32 ഇല്ലങ്ങളുടെ ഭരണത്തിന് കീഴിലായിരുന്നു.ഇപ്പോള് അതു തിരുവിതാംകൂര് ദേവസ്വം ബോര്‍ഡ് ആണു നിയന്ത്രിക്കുന്നത്.

പ്രകൃതി ക്ഷോഭങ്ങളെയും മനുഷ്യന്റെ അത്യാര്‍ത്തിയെയും അതിജീവിച്ച വനപ്രദേശം ! നഗര പ്രദേശത്തെ ശ്വാസം മുട്ടിക്കുന്ന മലിനമായ അന്തരീക്ഷത്തില്‍ നിന്ന് ഒരു മോചനം ലഭിക്കണമെങ്കില്‍ ഇവിടേക്ക് വരാം.കഠിനമായ വേനല്‍ക്കാലത്തു നട്ടുച്ചക്കു പോലും പ്രകൃതി നല്‍കുന്ന കുളിര്‍മ്മ അനുഭവിച്ചറിയാന്‍ ഇവിടെ വന്നാല്‍ മതി.പ്രകൃതി നല്‍കുന്ന എ സി യില്‍ മനം കുളിര്‍ന്നിരിക്കാം.മരച്ചില്ലകളില്‍ നിന്നുള്ള പക്ഷികളുടെ കള കൂജനങ്ങള്‍ നമ്മളെ മറ്റൊരു ലോകത്തെത്തിക്കും തീര്‍ച്ച. !

കുട്ടികള്‍ക്കും മുതിര്‍ന്നവര്‍ക്കും അവധിക്കാലം ചിലവഴിക്കാന്‍ പറ്റിയ സ്ഥലമാണിത്.സാധാരണ വനങ്ങള്‍ എന്നു പറയുമ്പോള്‍ അവിടേക്ക് എത്തിപ്പെടാന്‍ ഉള്ള ബുദ്ധിമുട്ട് ഒക്കെ ആണു നമ്മുടെ മനസിലേക്ക് വരിക.പക്ഷേ ഇവിടെ വനത്തില്‍ എത്താനും എളുപ്പമാണ്.വനത്തിനുള്ളിലൂടെ നടക്കാനോ എത്ര രസം ആണെന്നറിയാമോ ? ശല്യം ഉണ്ടാക്കുന്ന തരത്തില്‍ ഉള്ള കുറ്റിച്ചെടികളും മുള്‍ച്ചെടികളും ഇവിടെ കുറവാണ്.

ഈ വനത്തിനുള്ളില്‍ 500 വര്‍ഷം വരെ പ്രായം ഉള്ള മരങ്ങള്‍ ഉണ്ടത്രെ ! ഇവിടെയുള്ള അപൂര്‍വ്വ സസ്യജാലങ്ങളില്‍ തിപ്പലി,കുരുമുളക്,പാതിരി തുടങ്ങിയ വിലയേറിയ ഔഷധ സസ്യങ്ങള്‍ ,നിത്യ ഹരിത വനങ്ങളില്‍ മാത്രം കാണാറുള്ള കാവ് ,തമ്പകം,വെള്ളപൈന്‍ തുടങ്ങിയ വൃക്ഷങ്ങളും ഉള്‍പ്പെടുന്നു.കൂടാതെ ഇവിടെ തത്ത,കുയില്‍,മൈന,പരുന്ത്,പുള്ള്,നത്ത് തുടങ്ങിയ പക്ഷികളും മുയല്‍ ,കുരങ്ങ് എന്നീ മൃഗങ്ങളും കാണപ്പെടുന്നു. നട്ടുച്ച സമയത്തു പോലും സൂര്യ പ്രകാശം ഉള്‍വനങ്ങളില്‍ നിലത്ത് പതിക്കില്ലാത്രേ !നല്ല പെരുവന്‍ തേരട്ട ഈ കാട്ടില്‍ സുലഭം ആണ്.

ഇവിടുത്തെ കുരങ്ങന്മാരെ കൊണ്ട് ഒരു കാലത്ത് ശല്യമായിരുന്നു. എന്ന് അയല്‍ വാസികളില്‍ പലരും പറഞ്ഞു.ഭക്ഷണ സാധനങ്ങള്‍ മോഷ്ടിക്കുക എന്നത് ഒരു കലയായി എടുത്തിരുന്നു വാനരന്മാര്‍..ദേവിയുടെ മക്കള് ആയതിനാല് നാട്ടുകാര് ഒന്നും ചെയ്യുകയും ഇല്ലായിരുന്നു.

ഈ കാവിനെയും കാടിനെയും ചുറ്റി പറ്റി അനേകം കേട്ടു കേള്‍വികള്‍ ഉണ്ട്.അതിലൊന്നു താഴെ പറയും പോലെയാണ്.

ഒരു കാലത്ത് ഈ വനത്തില് നിറയെ ചന്ദന മരങ്ങള് ഉണ്ടായിരുന്നു.ഈ മരങ്ങള്‍ മുറിക്കാനായി ഒരിക്കല്‍ കള്ളന്മാര് വന്നു.പകല്‍ വന്നു മുറിക്കേണ്ട ചന്ദന മരങ്ങള് ഒരു ചുവന്ന റിബ്ബണ്‍ കൊണ്ട് കെട്ടി അടയാളം വെച്ചു പോയി. പകല്‍ മാര്‍ക്ക് ചെയ്ത മരങ്ങള്‍ രാത്രി മുറിക്കാനായി കള്ളന്മാര്‍ എത്തിയപ്പോള്‍ ആ വനത്തിലെ എല്ലാ മരത്തിലും ചുവന്ന റിബ്ബണ്‍.അങ്ങനെ അവര്‍ക്ക് ഒന്നും മുറിക്കാന്‍ പറ്റാതെ വന്നു !

കഥ ആണെങ്കിലും അല്ലെങ്കിലും ഈ കാവിനുള്ളിലെ മരങ്ങള്‍ ആരും മുറിക്കാറില്ല.കാറ്റത്തു മറിഞ്ഞു വീഴുന്ന മരങ്ങള്‍ വിറകിനായി പോലും ആരും എടുക്കാറില്ല. അതു വെറുതേ മണ്ണില്‍ ദ്രവിച്ചു ചേരുകയേ ഉള്ളൂ..അതു കൊണ്ട് തന്നെ ആയിരിക്കണം ഈ കാവ് അതു പോലെ തന്നെ നില്‍ക്കുന്നത്.

1983 ഇല് വീശിയടിച്ച കൊടുങ്കാറ്റില്‍ നിന്ന് തദ്ദേശീയരെ രക്ഷിച്ചത് ഈ ഈ കാവ് ആണെന്ന് പരിസരവാസികളില്‍ ചിലര്‍ പറയുകയുണ്ടായി.

ആലുവ – മൂന്നാര്‍ റോഡില്‍ പെരുമ്പാവൂരിനും കുറുപ്പം പടിക്കും ഇടയില്‍ ആയാണ് ഇരിങ്ങോള്‍ കാവു സ്ഥിതി ചെയ്യുന്നത്.പെരുമ്പാവൂരില്‍ നിന്നു കുറുപ്പം പടി വഴി കോതമംഗലം,അകനാട്,മൂവാറ്റുപുഴ തുടങ്ങിയ ഭാഗങ്ങളിലേക്കുള്ള ബസില്‍ കയറീ “ ഇരിങ്ങോള് പോസ്റ്റ് ഓഫീസ് ജംഗഷനില്‍ “ ഇറങ്ങുക.ഈ സ്റ്റോപ്പ് പെരുമ്പാവൂരില്‍ നിന്നും ഏകദേശം 2 കി മീ മാത്രം അകലെയാണ്.ഇവിടെ ഇറങ്ങി തെക്കോട്ടേക്കുള്ള വഴിയില്‍ ഉദ്ദേശം 500 മീറ്റര്‍ നടന്നാല്‍ ഇരിങ്ങോള്‍ കാവിലെത്താം.

മറ്റു വിനോദ സഞ്ചാര കേന്ദ്രങ്ങളില് നിന്നും വ്യത്യസ്തമായി ഇവിടെ പ്രവേശന ഫീസോ അല്ലെങ്കില്‍ സന്ദര്‍ശനത്തിനു പ്രത്യേക സമയമോ ഇല്ല.ദേവിയെ തൊഴാന്‍ ഉദ്ദേശിച്ചു വരുന്നതാണെങ്കില്‍ ആ സമയത്ത് വരാന്‍ ശ്രദ്ധിക്കുക. അതല്ല വിനോദ സഞ്ചാരം മാത്രം ആണുദ്ദേശമെങ്കില്‍ ഇഷ്ടമുള്ള സമയത്തു വരിക.

ഞങ്ങള്‍ കാവില്‍ പോയി തൊഴുത് വനത്തിലൂടെ അല്പം നടന്നു “ രാമനോടും കൃഷ്ണനോടും കിന്നാരം പറഞ്ഞു,പക്ഷികളുടെ ഗാ‍നം ആസ്വദിച്ച് ഉച്ച വരെ അവിടെ ചെലവഴിച്ചു..വഴിക്കു കണ്ട കടയില്‍ നിന്നും തണ്ണിമത്തങ്ങയും വാങ്ങി കഴിച്ചു അവിടെ ചെലവഴിച്ച നിമിഷങ്ങള്‍ ജീവിതത്തില്‍ ഒരിക്കലും മറക്കാന്‍ പറ്റാത്തവയാണ്.വേറെ പല സ്ഥലങ്ങളിലും പിന്നീട് ഒരുമിച്ച് പോയിട്ടുണ്ടെങ്കിലും ആദ്യത്തെ യാത്രയുടെ മധുരം .. അതൊന്നു വേറെ തന്നെയല്ലേ.

പെരുമ്പാവൂര്‍ വഴി വരുന്ന എല്ലാ ബൂലോകരും ഇവിടെ ഇറങ്ങി നഗരത്തിനുള്ളിലെ ഈ വനപ്രദേശത്തു പോയി കാടിന്റെ സൌന്ദര്യം ആസ്വദിച്ചു വേണം പോകാന്‍ ..എല്ലാവരെയും ഹാര്‍ദ്ദമായി സ്വാഗതം ചെയ്യുന്നു .!! ഒപ്പം എന്റെ വീട്ടിലേക്കും.കപ്പയും കാന്താരിച്ചമ്മന്തിയും കട്ടന്‍ കാപ്പിയും തന്നു സല്‍ക്കരിക്കുന്നതായിരിക്കും !

* രാമനും കൃഷ്ണനും കാട്ടിലെ കുരങ്ങന്മാര് ആണ്..

ചിത്രത്തിനു കടപ്പാട് : ഗൂഗിള്‍

ജീവിതത്തിലെയ്ക്കൊരു ഫ്ലാഷ് ബാക്ക്...!

2008-08-29T21:14:00.002+05:30

വര്‍ഷങ്ങള്‍ക്ക് മുന്‍പുള്ള ഒരു ദിവസം.ഞാന്‍ പെരുമ്പാവൂരിന്റെ മരുമകള്‍ ആയിട്ട് അധികമായിട്ടില്ല.ഭര്‍ത്താവിന്റെ വീട്ടില്‍ ഒരു മാതിരിപെട്ട എല്ലാ കൃഷികളും ചെയ്യുന്നുണ്ട്.നെല്ല്,വാഴ,തെങ്ങ്,റബ്ബര്‍,പച്ചക്കറികള്‍ എല്ലാം.കൂട്ടത്തില്‍ 5 പശുക്കളും എരുമയും അതിന്റെ കിടാങ്ങാളും.കോഴി,പട്ടി,പൂച്ച,താറാവ്,പന്നി ഇവയുടെ കാര്യം പിന്നെ പറയുകയേ വേണ്ടല്ലോ.

പ്രണയിച്ചു നടന്നപ്പോള്‍ ഒന്നും കൃഷിപ്പണി ഇത്ര ബുദ്ധിമുട്ടായിരിക്കും എന്ന് ഞാന്‍ ചിന്തിച്ചതേ ഇല്ലായിരുന്നു.അല്ലെങ്കിലും അതെങ്ങനെ ... പ്രണയത്തിനു കണ്ണും മൂക്കും വാലും ഒന്നും ഇല്ലാന്നല്ലേ പറയുക.

52 പറ നിലവും അതിനൊത്ത സെറ്റപ്പും ഉണ്ടായിരുന്നു ഭര്‍ത്തൃ പിതാവിന്.എല്ലാ കൃഷികളും ഉണ്ടെങ്കിലും പ്രധാനമായും നെല്‍കൃഷി ആണു ഉള്ളത്. മൂന്നു പൂവും കൃഷി ചെയ്തിരുന്നു.ഞാറു നടാനും പാടത്ത് കള പറിക്കാനും കൊയ്യാനും കറ്റ ചുമക്കാനും ഒക്കെ പണിക്കാര്‍ക്കൊപ്പം അമ്മയും ഇറങ്ങും.ഞാറേതാ കളയേതാ എന്നു തിരിച്ചറിയാന്‍ പാടില്ലെങ്കിലും ഒരിക്കല്‍ പുല്ലു പറിക്കാന്‍ അമ്മയോടൊപ്പം ഞാനും ഇറങ്ങി.അന്നു പണിക്കാരി പെണ്ണുങ്ങള്‍ ഇല്ലായിരുന്നു.അമ്മ തനിയെ നിന്നു പുല്ലു പറിക്കുന്നത് കണ്ടുള്ള വിഷമം മൂത്ത് ഇറങ്ങിയതാണ് ട്ടോ.

പുത്തനച്ചി പുരപ്പുറം തൂക്കും എന്നല്ലേ പ്രമാണം .ഞാറിന്റെ കൂടെ വളരുന്ന പുല്ല് ഇവിടങ്ങളില്‍ അതിനെ “ക്ടാപുല്ല് “എന്നു പറയും.കണ്ടാല്‍ ഞാറ് പോലെ തന്നെ. അതിന്റെ കടക്കു മാത്രമേ വ്യത്യാസം ഉള്ളൂ.

പുല്ലിന്റെ ഒപ്പം തന്നെ ഞാറും ഞാന്‍ വലിച്ചു പറിക്കുന്ന കണ്ട് അമ്മ പറഞ്ഞു “മോളീ പണിക്കു നിക്കണ്ടാ കേറി വീട്ടില്‍ പൊക്കോളാന്‍ !“കാരണം ഞാന്‍ ഞാറാണു പുല്ലാണെന്നും പറഞ്ഞ് പറിച്ചു മാ‍റ്റുന്നത്.ഞാന്‍ പറിച്ചു കളയുന്ന ഞാറ് വീണ്ടും നടേണ്ട പണിയും അമ്മക്കാവും !!

രോഗി ഇച്ഛിച്ചതും വൈദ്യന്‍ കല്പിച്ചതും ..... യേത് ?

പഠിച്ചു നടക്കുന്നതിനിടയില്‍ പാടത്തും പറമ്പിലും ഒന്നും പണി എടുത്തിട്ടില്ലാത്ത എനെ സംബന്ധിച്ചിടത്തോളം ഭര്‍ത്തൃ ഭവനം ഒരു നരകം ആകാന്‍ അധികം താമസം വന്നില്ല എന്നു പറഞ്ഞാല്‍ അത് ഒരു അതിശയോക്തി ഒന്നും അല്ല.ഇക്കാലത്ത് പഠിച്ചിട്ടൊന്നും ഒരു കാര്യവും ഇല്ലെന്നേ ..ഇവിടത്തെ തെങ്ങ്,വാഴ,നെല്ല്,കപ്പ ഒക്കെ നോക്കി അവനോന്റെ കുടുംബത്തെ ജോലികള്‍ നോക്കി നടന്നാല്‍ ഉദ്യോഗം എന്തിനാ എന്ന് ഇടക്കിടെ വീട്ടില്‍ നിന്നും വായ്ത്താരികള്‍ കേള്‍ക്കാമായിരുന്നു എങ്കിലും തലയണ മന്ത്രം പലതും ഓതി ഭര്‍ത്താവിന്റെ മനമിളക്കി തുടര്‍ന്നും പഠിക്കാനുള്ള അനുവാദം അദ്ദേഹത്തില്‍ നിന്നും വാങ്ങുകയും അങ്ങനെ പഠിക്കുകയും ജോലി വാങ്ങുകയും ആണ് ഉണ്ടായത്.

അപ്പോള്‍ ഞാന്‍ പറഞ്ഞു വന്നത് ഞങ്ങളുടെ നാട്ടിലെ സ്ഥിരം പണിക്കാരികള്‍ ആയിരുന്നു ശ്രീമതി ചിന്നു,കാര്‍ത്തു,വള്ളോത്തി എന്നിവര്‍.കൊയ്ത്ത് സീസണ്‍ ആകുമ്പോള്‍ ഇവരുടെ ഡേറ്റ് കിട്ടാന്‍ നാട്ടുകാര്‍ പരക്കം പായും.എല്ലാവര്‍ക്കും നെല്ല് കൃഷി ഉള്ളതാണ് .ഒരു വീട്ടിലെ കൊയ്ത്ത് കഴിയുമ്പോളേക്കും അടുത്ത വീട്ടിലേത് റെഡി ആകും

ഇതിനിടക്ക് പാടത്ത് നിന്നു കൊയ്ത് കറ്റ വീട്ടില്‍ എത്തിച്ച്,അതു മെതിക്കാതെ അടുത്ത വീട്ടിലെ കൊയ്യാന്‍ പോകുന്ന കാലുവാരല്‍ പണിയും ഇവര്‍ കാണിക്കാറുണ്ട്.

**** രാമേശ്വരത്തെ ലത് പോലെ...

അങ്ങനെയിരിക്കേ ഒരു കൊയ്ത്തു കാലം വന്നെത്തി.ഞങ്ങളുടെ പാടത്തും കൊയ്ത്തു തുടങ്ങി.രാവിലെ 8 മണിയോടെ കൊയ്ത്തുകാര്‍ പാടത്തെത്തും.ഓരോരുത്തര്‍ക്കും കൊയ്യാനുള്ള ഭാഗം ചാലിട്ട് തിരിച്ച് കൊടുക്കും.അവരവര്‍ക്കു കിട്ടിയ ഭാഗത്ത് നിര നിരയായി നിന്ന് പെണ്ണുങ്ങള്‍ താളത്തില്‍ കൊയ്യുന്നത് കാണാന്‍ ഒരു പ്രത്യേക രസമാണ്.

കൊയ്ത്തുകാര്‍ക്ക് സമയാസമയങ്ങളില്‍ ആഹാരം എത്തിക്കുക എന്നുള്ളത് തന്നെ നല്ലൊരു ജോലി ആയിരുന്നു.അടുപ്പിനു ഒരു നേരവും വിശ്രമം ഉണ്ടാവില്ല.ഇന്നത്തേ പോലെ ഉള്ള സൌകര്യങ്ങള്‍ ഒന്നും അന്നില്ലല്ലോ .വിറകടുപ്പില്‍ തന്നെ വേണം തന്നെ എല്ലാം ചെയ്യാന്‍.രാവിലെ ചായ,പലഹാരം,11 മണിയോടെ കട്ടന്‍ ചായ,ഉച്ചക്കുള്ള ഊണ് എല്ലാം സമയാ സമയങ്ങളില്‍ പാടത്തെത്തിക്കണം

പരദൂഷണങ്ങളും പയ്യാരങ്ങളും പറഞ്ഞു പാടവരമ്പില്‍ ഇരുന്നാണു കൊയ്ത്തുകാര്‍ ഭക്ഷണം കഴിക്കുന്നത്.

അങ്ങനെ ഒരു ദിവസം കൊയ്ത്ത് കഴിഞ്ഞ് പാട വരമ്പത്തിരുന്നു അയലുവക്കത്തെ കുട്ടപ്പന്‍ ചേട്ടന്റെ മോന്‍ പ്രേമിച്ചു കല്യാണം കഴിച്ചതിനെ കുറിച്ചും കിഴക്കേലെ ചന്ദ്രനു കല്യാണം കഴിഞ്ഞു 5 വര്‍ഷം ആയിട്ടും കുട്ടികള്‍ ഉണ്ടാകാത്തതിനെ കുറിച്ചും ഒക്കെ പറഞ്ഞു ഊണു കഴിക്കുകയായിരുന്നു.ചുറ്റുവട്ടത്ത് നടക്കുന്ന പ്രേമങ്ങള്‍,ഒളിച്ചോട്ടങ്ങള്‍,ഡൈവോഴ്സുകള്‍,ആത്മഹത്യകള്‍ അവയുടെ എല്ലാം കാരണങ്ങള്‍ തുടങ്ങിയ കാര്യങ്ങള്‍ എല്ലാം അപ്പോള്‍ ആണു ചര്‍ച്ചാവിഷയം ആകുന്നത്.

ഊണു കഴിഞ്ഞ് വയറു നിറഞ്ഞു കഴിഞ്ഞപ്പോള്‍ ശ്രീമതി ചിന്നു വായ് തുറന്ന് വലിയൊരു കോട്ടു വായ് വിട്ടു.ചില കാര്യങ്ങള്‍ വേണ്ടാ വേണ്ടാ എന്നു വിചാരിച്ചാലും നമ്മള്‍ ചെയ്തു പോകും. അല്ലെങ്കില്‍ പിന്നെ ചിന്നു ചേച്ചിക്ക് ആ സമയത്ത് കോട്ടുവായ് വിടണ്ട വല്ല കാര്യവും ഉണ്ടോ ??

വയറു നിറഞ്ഞാല്‍ കുറുക്കന്‍ പോലും ഓരിയിടുന്നു.പിന്നെയാണോ പാവം ചിന്നു ചേച്ചി

സമയം നീങ്ങുന്നു,സെക്കന്റുകള്‍ മിനുട്ടുകളും മിനിട്ടുകള്‍ മണിക്കൂറുകളും ആകുന്നു

ചിന്നു ചേച്ചിക്ക് വായ് അടക്കാന്‍ പറ്റുന്നില്ല

കൂടെ ഇരുന്നവര്‍ പഠിച്ച പണി പതിനെട്ടും നോക്കി.നോ രക്ഷ...

ചിന്നുവിന്റെ കണ്ണില്‍ നിന്നും നീര്‍ത്തുള്ളികള്‍ ഇറ്റിറ്റു വീഴാന്‍ തുടങ്ങിയത് അടുത്തിരുന്ന കാര്‍ത്തു നുള്ളിയത് കൊണ്ടല്ലായിരുന്നു..വായ് അടക്കാന്‍ എന്തു ചെയ്യും എന്നോര്‍ത്തിട്ടായിരുന്നു.

പിന്നെ താമസിയാതെ അയലത്തെ സുകുവിന്റെ ഓട്ടോ വിളിച്ച് വാ പൊളിച്ചിരിക്കുന്ന ചിന്നു ചേച്ചിയെ ഓട്ടോയില്‍ കയറ്റി ആശുപത്രിയില്‍ കൊണ്ടു പോയി.സ്ഥാനം തെറ്റി പോയ താടിയെല്ല് പിടിച്ച് നേരെ പിടിച്ചിടുന്നത് വരെ ഉദ്ദേശം 1 മണിക്കൂറോളം ചിന്നു ചേച്ചിയുടെ വായ് തുറന്നു തന്നെ ഇരുന്നു.

എന്തായാലും ആ സംഭവത്തിനു ശേഷം ചിന്നു ചേച്ചി കോട്ടുവായ് ഇട്ടിട്ടില്ലാത്രെ !!!

******രാമേശ്വരത്തെ ലത് = ക്ഷൌരം.
അവിടെ തിരക്കാവുമ്പോള്‍ ഒരാളെ പകുതി ഷേവ് ചെയ്തിട്ട് അടുത്തയാളെ ഷേവ് ചെയ്യും അതും പകുതിയാക്കിയിട്ട് അടുത്തയാളെ പിടിക്കും.അപ്പോള്‍ കസ്റ്റമര്‍ പോകുകയുമില്ല കാര്യങ്ങള്‍ നടക്കുകയും ചെയ്യും .

ഒരു പോത്തിന്റെ കഥ..

2008-08-24T18:35:00.005+05:30

വര്‍ഷങ്ങള്‍ക്കു മുന്‍പിലെ ഒരു നട്ടുച്ച നേരം.ഉച്ച ഭക്ഷണം ഒക്കെ കഴിഞ്ഞു പതിവു പോലെ കടുക്കാച്ചി മാവിന്റെ ചുവട്ടിലേക്കു നടന്നു.മാവു നില്‍ക്കുന്ന പറമ്പ് വീട്ടില്‍ നിന്നും അല്പം അകലെ ആണ്.അച്ഛന്‍ പേരു കേട്ട കൃഷിക്കാരന്‍ ആയതിനാല്‍ ഏകദേശം അഞ്ചേക്കറോളം വരുന്ന പറമ്പില്‍ കപ്പ,വാഴ,ഇഞ്ചി,മഞ്ഞള്‍.പച്ചക്കറികള്‍ തുടങ്ങി എല്ലാ വിളകളും കൃഷി ചെയ്തിട്ടുണ്ടായിരുന്നു.

മാവു നില്‍ക്കുന്ന പറമ്പില്‍ ഇഞ്ചിയും മഞ്ഞളും ആണു മെയിന്‍ കൃഷി.ഇഞ്ച്ചി വാരങ്ങള്‍ക്ക് നടുവില്‍ ആയാണു മാവിന്റെ സ്ഥാനം.അന്നേ സമ്മിശ്ര കൃഷിയില്‍ താല്പര്യം ഉള്ള ആളായതിനാല്‍ " നിന്നെ ഒക്കെ വളര്‍ത്തുന്ന നേരം കൊണ്ട് 10 തെങ്ങിന്‍ തൈ വെച്ചാല്‍ വയസ്സുകാലത്ത് അതിനുള്ള അനുഭവം ഉണ്ടാകും " എന്ന പഴമൊഴിയില്‍ മുറുകേ പിടിച്ചു ഇഞ്ചിവാരത്തിനിടയില്‍ തെങ്ങിന്‍ തൈ നടാനായി കുഴികളും കുത്തി ഇട്ടിട്ടുണ്ടായിരുന്നു.

മാവിന്‍ ചുവട്ടില്‍ വീഴുന്ന മാമ്പഴം അപ്പപ്പോള്‍ പോയി എടുത്തില്ലെങ്കില്‍ അന്നത്തെ എന്റെ ഒന്നാം നമ്പര്‍ ശത്രുവായ എന്റെ പൊന്നാങ്ങള പോയി എടുക്കും എന്നതു കൊണ്ട് ഓരോ അര മണിക്കൂര്‍ കൂടുമ്പോഴും മാവിന്‍ ചുവട്ടില്‍ പോയി നോക്കുക എന്നുള്ളതു അക്കാലത്ത് എന്റെ പതിവായിരുന്നു

എന്നേക്കാള്‍ അവന്‍ ഇളയതാണു എന്നു പറഞ്ഞിട്ടൊന്നും ഒരു കാര്യവും ഇല്ല. ഓട്ടത്തിന്റെ കാര്യത്തില്‍ ഗുണ്ടുമണീ പോലെ ഇരിക്കുന്ന എന്നേക്കാള്‍ വേഗം ഓടിയെത്താന്‍ അവനു കഴിയും അവന്റെ പുറകെ പ്ലിക്കു പ്ലിക്കൂ എന്ന തടിയും വെച്ച് ഉരുണ്ടുരുണ്ടു പോകുന്ന ,ഞാന്‍ താഴെ വീണു കിടക്കുന്ന മാമ്പഴം ചൂണ്ടി അവനോടു പറയും :

" എടാ ചെറുക്കാ, അതു ഞാന്‍ കണ്ട മാമ്പഴമാ.. അതെന്റെയാ, അതു നീ എടുക്കരുത് "

ആദ്യം ഓടിയെത്തിയ അവനുണ്ടോ അതു കേള്‍ക്കുന്നു.അവനെക്കാള്‍ 2 വര്‍ഷം മുന്‍പ് ഈ ഭൂമിയിലേക്ക് വന്നതല്ലേ ഞാന്‍.. മൂത്തവര്‍ വാക്കും മുതു നെല്ലിക്കയും എന്ന കാര്യം ഓര്‍ക്കുക പോലും ഇല്ലാതെ ഞാന്‍ കണ്ടു വെച്ച മാമ്പഴം തന്നെ അവന്‍ ആദ്യം ചാടി എടുക്കും

മാവിന്‍ ചുവട്ടില്‍ വേറെ മാമ്പഴം ഉണ്ടെങ്കിലും ഇതു തന്നെ എടുക്കുന്ന ഇവന്‍ എങ്ങനെ എന്റെ നമ്പര്‍ വണ്‍ ശത്രു ആകാതിരിക്കും

" എന്റെ മാമ്പഴം ഇങ്ങു താടാ.. അതു ഞാന്‍ അല്ലേ ആദ്യം കണ്ടെ"

" ഇന്നാടീ ..ഇതു നീ എടുത്തോ !"

ഹും അവന്റെ വിളി കേട്ടില്ലേ..എടീ എന്ന്

എന്നാലും ആശയോടെ മാമ്പഴം വാങ്ങാന്‍ കൈ നീട്ടി ചെല്ലുന്ന എന്നോട് ഉം.... .".ഇന്നാ നീ മുട്ടു കടിച്ചോ "

എന്നും പറഞ്ഞു കൈയ്യുടെ മുട്ട് നീട്ടിക്കാണിക്കുന്ന അവന്‍ എങ്ങനെ ശരിയാകും?

അങ്ങനെ ഒരു അഭിശപ്ത ദിവസം അവനെ കാണാതെ , മാവിന്‍ ചുവട്ടില്‍ പോയി മാമ്പഴം പെറുക്കിയെടുത്ത് പാവാടയില്‍ തന്നെ ശേഖരിച്ച്,ഇനിയും മാമ്പഴം ചാടുമെങ്കില്‍ എടുക്കാം എന്ന വിചാരത്തോടെ മാവിന്റെ മുകളിലേക്കും നോക്കി " താമസം എന്തേ വരുവാന്‍ "എന്ന പാട്ടും പാടി നടക്കുന്ന സമയം...പാടുന്നതിനൊപ്പം തന്നെ കടുക്കാച്ചി മാമ്പഴം അതിന്റെ ഞെട്ടു കടിച്ചു കളഞ്ഞു ചപ്പി കുടിക്കുന്നും ഉണ്ട്.ആസ്വദിച്ചുള്ള പാട്ടും മാമ്പഴം തീറ്റയും നടക്കുന്നതിനിടെ ഒരു ശബ്ദം !

ഭൂമി കുലുങ്ങുന്നതാണോ അല്ല.എന്തോ ബഹളം ഒക്കെ കേള്‍ക്കുന്നു.എന്തോ സംഭവിക്കാന്‍ പോകുന്ന പോലെ എന്താണെന്ന് മനസ്സിലാവുന്നില്ല. അങ്ങനെ അന്തം വിട്ട് കുന്തം വിഴുങ്ങിയ പോലെ നില്‍ക്കുമ്പോള്‍ അതാ കറുകറുത്തൊരു സാധനം ഇഞ്ചികണ്ടത്തിലേക്കു പാഞ്ഞു വരുന്നു.

എന്റമ്മേ !!! ഇതൊരു പോത്താണല്ലോ.. ആകേ കൂടി സിനിമാ നടന്‍ ജയന്റെ സൌന്ദര്യം ഉള്ള മുഖം.എന്താ ബോഡി ! നല്ല നീണ്ടു വിടര്‍ന്ന കണ്ണുകള്‍ ! നല്ല എണ്ണക്കറുപ്പുള്ള ദേഹം.പക്ഷേ ആ സൌന്ദര്യത്തിനു മങ്ങലേല്പിച്ചു കൊണ്ട് അവിടവിടെ പാടത്തെ ചെളി പുരണ്ടിരിക്കുന്നു.

അല്ല ഇവനെന്തിനാ ഇങ്ങനെ ഓടുന്നേ..അവന്റെ കാമുകിയെ ആരാണ്ട് തട്ടിക്കൊണ്ട് പോയിട്ട് വിറളി പിടിച്ച് ഓടുന്നതു പോലെ.

ഇഞ്ച്ചി വാരങ്ങള്‍ ഒന്നും പ്രശ്നം അല്ലെന്ന മട്ടില്‍ അവന്‍ ഓരോ വാരങ്ങളും ഈസിയായ് ചാടിക്കടന്ന് എന്റെ തൊട്ടടുത്തെത്തി.ഇവന്റെ പുറപ്പാട് എന്തിനെന്നറിയാതെ നോക്കി നിന്ന ഞാന്‍ പിന്നീടു പറക്കുന്ന പോലെ ഒരു തോന്നലായി...

തോന്നല്‍ അല്ല.ശരിക്കും പറക്കുക തന്നെ ആണു.

പെട്ടെന്ന് ധിം എന്നൊരു ഒച്ച. ഒപ്പം എന്റെ എവിടെയൊക്കെയോ ചതയുന്ന പോലെ വേദനയും!! തെങ്ങിന്‍ തൈ നടാനായി അച്ഛന്‍ കുഴി എടുത്തിട്ടിരിക്കുന്നതിലേക്ക് ഞാന്‍ സ്മൂത്തായി ലാന്‍ഡ് ചെയ്ത ഒച്ച ആണു കേട്ടത്.

കണ്ണും മിഴിച്ചു നോക്കിയപ്പോള്‍ അതാ പോത്ത് കൊമ്പും കുലുക്കി എന്റെ നേരെ വീണ്ടും വരുന്നു.

എന്റമ്മോ !!!!!!!!!!!!!!!

ഞാന്‍ ഫുള്‍ ട്രെബിളിലും ബാസിലും ആറരക്കട്ടയിൽ തന്നെ നാലു നെലോളി പാസാക്കി....അല്പം പോലും ഒച്ച പുറത്തു വന്നില്ലെങ്കിലും !!

തെങ്ങും കുഴിയില്‍ ഒടിഞ്ഞു മടങ്ങിക്കിടക്കുന്ന എന്നെ കണ്ടിട്ട് പാവം തോന്നിയിട്ടോ എന്തോ വെട്ടാന്‍ വന്ന പോത്ത് എന്നെ വിട്ടു പാഞ്ഞു.

പോത്ത് ഇഞ്ച്ചിപ്പറമ്പിലേക്കു കയറി വരുന്നതു കണ്ട അമ്മയും അച്ഛനും ഒക്കെ ഞാന്‍ വടിയായിക്കാണും എന്ന ധാരണയില്‍ ഉറക്കെ കരഞ്ഞ് ,പറമ്പിലേക്ക് ഓടിക്കയറി വരുന്നുണ്ടായിരുന്നു..പറമ്പിലെങ്ങും എന്നെ കാണാഞ്ഞ് ഉറക്കെ കരഞ്ഞ അമ്മയുടെ ഒച്ച കേട്ടപ്പോള്‍ ഞാന്‍ എന്റെ വോളിയം ഒന്നൂടെ കൂട്ടി..

" .അമ്മേ !!!! " ഇത്തവണ ഒച്ച പുറത്തു വന്നു

തെങ്ങിന്‍ കുഴിയില്‍ നിന്നും എന്നെ വാരിയെടുത്ത് വീട്ടിലേക്ക് കൊണ്ടു പോയപ്പോളും, അര്‍ദ്ധ ബോധാവസ്ഥയിലും ഞാന്‍ അമ്മയോട് പറഞ്ഞത് "ആ മാമ്പഴം അനിയനു കൊടുക്കല്ലേ" എന്നായിരുന്നുവത്രേ!!

പോത്ത് ആ ഓട്ടത്തില്‍ നേരെ അടുത്ത വീട്ടിലെ മുറ്റത്ത് പുഴുങ്ങിയ നെല്ലു മുറ്റത്തെ പനമ്പില്‍ ഇട്ടു ചിക്കിക്കൊണ്ടിരുന്ന സുബൈദത്താത്തയെ വെട്ടിയിട്ടിട്ടാണ് കടന്നത്.ഇടത്തേ വയറില്‍ കൊമ്പു കുത്തിക്കേറി ഒരു മാസത്തോളം ഇത്ത ആശുപത്രിയില്‍ ആയിരുന്നു.

ഇത്തയെ കുത്തിമലര്‍ത്തി വീണ്ടും പാഞ്ഞ പോത്തിനെ അവസാനം കോട്ടപ്പടി പോലീസ് സ്റ്റേഷനില്‍ നിന്നും പോലീസ് എത്തി വെടി വെച്ചു കൊന്നു എന്നാണേ പിന്നീട് അറിഞ്ഞത്.

പക്ഷേ അന്നു വെടി വെക്കേണ്ടിയിരുന്നത് ആ പോത്തിനെ അല്ലായിരുന്നു.പാടത്തു ഉഴുവാന്‍ വേണ്ടി നിര്‍ത്തിയിരുന്ന പോത്ത് നല്ല പോലെ ഉഴുവാന്‍ വേണ്ടി അല്പം കള്ള് കുടിപ്പിച്ച സാക്ഷാല്‍ ഉഴവുകാരന്‍ പോത്തിനെ ആയിരുന്നു.കള്ളു കുടിച്ചാല്‍ മനുഷ്യന്‍ തന്നെ 4 കാലിലാ നടക്കുന്നെ..പിന്നെ പാവം പോത്തിന്റെ കാര്യം പറയണോ ?

എന്തായാലും ആ സംഭവത്തിനു ശേഷം ഞാന്‍ എന്തു കുരുത്തക്കേടു കാണിച്ചാലും എന്നെ എല്ലാവരും സ്നേഹപൂര്‍വ്വം എടീ പോത്തേ എന്നേ വിളിക്കുമായിരുന്നുള്ളൂ..നല്ലോര് പെങ്കൊച്ചായ എന്നെ വിളിക്കുന്ന പേരേ...കലികാലം അല്ലാതെന്താ ??

തുമ്പപ്പൂ പെയ്യണ പൂനിലാവ്...

2008-08-22T15:36:00.000+05:30

രണ്ടിടങ്ങഴി എന്ന സിനിമ അതിന്റെ അന്‍പതാം വാര്‍ഷികം ആഘോഷിക്കുകയാണ്.അതിനെ കുറിച്ചു ഒരു കുഞ്ഞ് പോസ്റ്റ് ഇട്ടു എങ്കിലും അതു അഗ്രെഗേറ്റര്‍ കാണിക്കുന്നില്ല.ആ പോസ്റ്റ് ഇവിടെ കാണൂ..

തുമ്പപ്പൂ പെയ്യണ പൂനിലാവ്...

2008-08-22T13:42:00.000+05:30

തകഴി ശിവശങ്കര പിള്ളയുടെ ശക്തമായ തൂലികയിൽ വിരിഞ്ഞ കുട്ടനാടിന്റെ മണമുള്ള രണ്ടിടങ്ങഴി എന്ന നോവലിന്റെ ചലചിത്രാവിഷ്കാരം ആയ രണ്ടിടങ്ങഴി റിലീസ് ആയത് 1958 ആഗസ്റ്റ് 24 നാണ്.ഈ മാസം ഗോള്‍ഡന് ജൂബിലി ആഘോഷിക്കുന്ന ഈ സിനിമയെ കുറിച്ചുള്ള ഓര്‍മ്മകള് ആകട്ടെ ഇന്ന്.

കുട്ടനാട്ടിലെ ഒരു ജന്മിയുടെ അടിയാന്‍ ആയിരുന്നു ഇട്ടിത്തറ കാളി.കാളിയുടെ സുന്ദരിയായ മകള് ചിരുതക്കു വിവാഹ പ്രായമായി.കരയിലെ ചെറുപ്പക്കാരായ ചാത്തനും കോരനും ചിരുതയെ ഇഷ്ടമായിരുന്നു.എന്നാല് ആദ്യം പെണ് പണം ആര് നല്‍കുന്നുവോ അവര്‍ക്ക് ചിരുതയെ നല്‍കാം എന്നു ദുരാഗ്രഹിയായ കാളി പ്രഖ്യാപിച്ചു.

കുറച്ച് പണം കടം കിട്ടാനായി കോരന് ജന്മിക്കു അടിമ ആകാന് തീരുമാനിക്കുന്നു. അങ്ങനെ ലഭിച്ച പണം പെണ് പണം കൊടുത്ത് കോരന് ചിരുതയെ സ്വന്തമാക്കുന്നു.

എന്നാല് കല്യാണ സമയത്ത് ജന്മി തമ്പ്രാന് പണം ആവശ്യപ്പെടുന്നു.അടിയാളരുടെ കല്യാണത്തിനു ജന്മികള്‍ക്ക് അവകാശപ്പെട്ടതത്രെ ഇത്. അന്ന് ചാത്തന് കോരനു പകരം തമ്പ്രാന്റെ അടിമ ആകുന്നു.

കോരനും ചിരുതയും കൂടെ അടുത്ത ഗ്രാമത്തിലേക്കു പോകുന്നു. അവിടെ പാടത്തു പണി ചെയ്തു സന്തുഷ്ട ദാമ്പത്യ ജീവിതം നയിക്കുന്നു.

ഇവിടുത്തെ ജന്മി ഔസേപ്പ് ഒരു ക്രൂരനായിരുന്നു.ജോലിക്കാരെ ഭീകരമായി ചൂഷണം ചെയ്യുന്ന ഒരു പ്രകൃതക്കാരന്.ചൂഷണത്തിനെതിരെ കോരന് പ്രതികരിക്കുന്നു.തൊഴിലാളികളുടെ അവകാശങ്ങള് സംരക്ഷിക്കാനായി അവരെ ഒരുമിച്ചു കൂട്ടുന്നു.

ഇതിനു പ്രതികാരമെന്നോണം ജന്മി അവനെ ക്രൂരമായി മര്‍ദ്ദിക്കുന്നു.ചാട്ടവാറിനടി കിട്ടിയ കോരന് ശരിക്കും ഒരു വിപ്ലവകാരി ആയി മാറുകയാണ്.ജന്മിക്കെതിരെ തൊഴിലാളികളേ സംഘടിപ്പിക്കാനും പാടത്ത് സമരം ചെയ്യാനും തയ്യാറാവുന്നു.

ജന്മി കോരനെതിരെ ഒരു ഗൂഡാലോചന നടത്തി അവനെ ഒരു കെണിയില് പെടുത്തുന്നു.മോഷണ കുറ്റം ചുമത്തി അവനെ അറസ്റ്റു ചെയ്യിക്കാന് നീക്കം നടത്തുന്നു.പോലീസ് അറസ്റ്റു ചെയ്യും എന്നു ഭയന്ന കോരന് അവിടെ നിന്നും ഓടി രക്ഷപ്പെടാന് ശ്രമിക്കുന്നു.

ഇതിനിടെ ജന്മിയുടെ മകന് ചാക്കോ ചിരുതയെ മാനഭംഗപ്പെടുത്താന് ശ്രമിക്കുന്നു.തക്ക സമയത്ത് അവിടെ എത്തിയ കോരന് ആ ശ്രമത്തെ പരാജയപ്പെടുത്തി എങ്കിലും അന്നു ചാക്കോ കൊല്ലപ്പെടുന്നു.

കൊലപാതക കുറ്റത്തിനു അറസ്റ്റിലായ കോരന് 10 വര്‍ഷത്തെ ജയില് ശിക്ഷ ആണു ലഭിച്ചത്.ജയിലിലേക്ക് പോകുന്നതിനു മുന്‍പ് തന്റെ ഗര്‍ഭിണി ആയ ഭാര്യ ചിരുതയെ തന്റെ ഉറ്റ കൂട്ടുകാരന് ആയ ചാത്തനു നല്‍കുന്നു.എന്നാല് കോരന് ജയില് ശിക്ഷ കഴിഞ്ഞു പുറത്തു വരുന്നതു വരെ ചാത്തന് ചിരുതയെ സ്വന്തം പെങ്ങളെ പോലെ സംരക്ഷിക്കുന്നു.

ഈ സിനിമയുടെ പ്രധാന ആകര്‍ഷണം എന്നത് തകഴി രചിച്ച സംഭാഷണങ്ങള് ആണു.ഈ സിനിമയില് ആകെ 9 ഗാനങ്ങള് ഉണ്ടായിരുന്നു.എല്ലാം തന്നെ അക്കാലത്തെ ഹിറ്റുകളും ആയിരുന്നു.
കെ പി എ സി സുലോചന ആദ്യമായി സിനിമക്ക് വേണ്ടി പിന്നണീ ആലപിച്ചതും ഈ സിനിമയില് ആണ്.കമുകറ പുരുഷോത്തമനോടൊപ്പം തുമ്പപ്പൂ പെയ്യണ പൂ നിലാവ് എന്ന പാട്ട്..അവറ് തന്നെ ആലപിച്ച പൂമഴ പെയ്തല്ലോ എന്ന ഗാനവും സൂപ്പര് ഹിറ്റ് ആയിരുന്നു..
മലയാള സിനിമയിലെ അനുഗൃഹീത നടനായ ശ്രീ.പി ജെ ആന്റണീ കോരൻ എന്ന കഥാപാത്രത്തെ അവതരിപ്പിച്ചുകൊണ്ട് അരങ്ങേറ്റം കുറിച്ചതും ഈ സിനിമയില് ആയിരുന്നു. ഇതിൽ ചാത്തന് മുത്തയ്യയും ചിരുതയ്ക്ക് മിസ് കുമാരിയും ജീവൻ നൽകി. കേരളത്തില് അന്നു നിലവിലിരുന്ന ഫ്യൂഡല് വ്യവസ്ഥിതിയെ തുറന്നു കാണിച്ച ആദ്യത്തെ സിനിമയും രണ്ടിടങ്ങഴി തന്നെ

1958 ഇല്‍ പുറത്തിറങ്ങിയ രണ്ടിടങ്ങഴി എന്ന ചിത്രത്തിന്റെ അന്‍പതാം വാര്‍ഷികമാണ്.തിരുനൈനാര്‍ കുറിച്ചി എഴുതി തൃശൂര്‍ പി രാധാകൃഷ്ണന്‍ ഈണം നല്‍കി കമുകറ പുരുഷോത്തമനും കെ പി എ സി സുലോചനയും ചേര്‍ന്ന് ആലപിച്ച ഈ ഗാനം ഇപ്പോളും എത്ര മധുരതരമാണ്.

Get this widget

Track details

eSnips Social DNA

തുമ്പപ്പൂ പെയ്യണ പൂനിലാവേ ഏനു നെഞ്ചി നെറയണ പൂക്കിനാവേ
എത്തറ നാള് കൊതിച്ചിരുന്ന് നിന്നെ
ഏനെന്നും തേനൂറും പൂവാണെന്ന്
നിന്നെ
ഏനെന്നും തേനൂറും പൂവാണെന്ന്

പൂവാണ് തേനാണു നീയെന്നെല്ലാം ഏനു
പുന്നാരം ചൊല്ലി മയക്കിയല്ല്
പുട്ടിലും കൊണ്ടേനീ പുഞ്ചവരമ്പേലു
കൂട്ടിന്നു പോരുവാന്‍ കാത്തിരുന്ന്
ഏനീ പാട്ടൊന്നു കേക്കുവാന്‍ പാത്തിരുന്ന്

പുഞ്ചിരിപാലു കുറുക്കിത്തന്ന് ഏനു
നെഞ്ചിലൊരിത്തിരി തേന്‍ ചുരന്ന്
പൊള്ളും വെയിലത്തു വേലചെയ്യും ഏനു
പൊന്നായി മാറ്റുമീ പൂവരമ്പ്
ഏനു
പൊന്നായി മാറ്റുമീ പൂവരമ്പ്

ഞാറു നടുമ്പമടൂത്തു വന്ന് ഒരു
കാരിയം ചൊന്ന മറന്നതെന്ത്?
കൂട്ടായിരിപ്പാന്‍ കൊതിച്ചതല്ലെ നമ്മെ
കൂറൊള്ള ദൈവമിണക്കിയല്ല്
നമ്മെ
കൂറൊള്ള ദൈവമിണക്കിയല്ല്

ഉറ്റോരും പെറ്റോരും വിട്ടൊയിഞ്ഞ്
നമ്മളുള്ളാലിണങിക്കയിഞ്ഞതല്ല്
എങെങ്ങിരുന്നാലും എന്തെല്ലാം വന്നാലും
എന്നാളുമൊന്നാണ് നമ്മളെന്ന്
നമ്മളെല്ലാം മറന്ന് കളിക്കുമിന്ന്
നമ്മളെല്ലാം മറന്ന് കളിക്കുമിന്ന്

കടപ്പാട് : അപ് ലോഡഡ് ബൈ "ബയക്കല്‍ ഫ്രം ഹിസ് ഫോൾഡർ " നഷ്ട സ്വപ്നങ്ങളേ" ഇൻ ഇ സ്നിപ്സ്.ചിത്രത്തിനും വിവരത്തിനും കടപ്പാട് ഹിന്ദു ദിനപ്പത്രം

എന്റമ്മച്ചിയേ !!!!! ദേ ഒരു പഴുതാര......

2008-08-17T18:18:00.002+05:30

സെന്റിപീഡ് എന്ന് ആംഗലേയ നാമധേയം ഉള്ള പഴുതാരയെപറ്റിയുള്ള ഓര്‍മ്മകള്‍ ആകട്ടെ ഇന്ന്.പഴുതാരയെ കാണാത്തവരായി ആരും കാണില്ല.പഴുതാരയുടെ കടി കിട്ടിയിട്ടുള്ളവര്‍ വിരളമായിരിക്കും അല്ലേ.. ആ മഹാ ഭാഗ്യം എനിക്കുണ്ടായിട്ടൂണ്ട്.

പഴുതാരക്ക് ഏതാനും മില്ലി മീറ്റര്‍ മുതല്‍ 30 സെ.മീ വരെ നീളം കാണും.ചുമപ്പുകലര്‍ന്ന തവിട്ടു നിറമാണു ഇവക്കുള്ളത്.പരന്നു നീണ്ട ശരീരം ! നിരവധി ഖണ്ഡങ്ങള്‍ ആയാണു ശരീരം.ഓരോ ഖണ്ഡത്തിലും ഓരോ ജോടി കാലുകള്‍ ഉണ്ട്.ആദ്യ ജോടി കാലുകള് രൂപാന്തരം പ്രാപിച്ചു വിഷപ്പല്ലുകള്‍ ആയി കാണുന്നു.ഇവ മുട്ടയിട്ടാണു പ്രത്യുല്പാദനം നടത്തുന്നത്.ചൂടുകാലത്ത് മണ്ണില്‍ മുട്ടയിട്ട് ആ മുട്ട വിരിഞ്ഞു കുഞ്ഞുങ്ങള്‍ ഉണ്ടാകുന്നു.

എന്നാല്‍ അപൂര്‍വം ചില പഴുതാര ഇനങ്ങള്‍ കുഞ്ഞുങ്ങളെ പ്രസവിക്കാറുമുണ്ടത്രെ !!ചെറു ജീവികളായ പാറ്റ,ഈച്ച തുടങ്ങിയവയാണു ഇവയുടെ ഭക്ഷണം.ശരാശരി ആയുസ്സ് 6 വര്‍ഷമാണ്.

വര്‍ഷങ്ങള്‍ക്കു മുന്‍പാണു എനിക്ക് ആ കടി കീട്ടിയിട്ടുള്ളതു എങ്കിലും അതിന്റെ വേദന ഇപ്പോഴും എന്റെ ഓര്‍മ്മയില്‍ ഉണ്ട്.ഞാന്‍ ഏഴില്‍ പഠിക്കുന്ന പ്രായം..നല്ല മഴ ഉള്ള സമയം.മഴയുള്ള സമയത്തു എനിക്കു പൊതുവേ വിശപ്പു കൂടുതല്‍ ആണ്.. അമ്മ ചോദിക്കും നിന്റെ വയറ്റിലെന്താടീ കോഴികുഞ്ഞുണ്ടോ ഇത്ര വിശപ്പുണ്ടാകാന്‍ എന്നു ?വിശപ്പു മാറ്റാന്‍ ഞാന്‍ തന്നെ വഴിയും കണ്ടെത്തി..കപ്പ പറിച്ചതു ഇരുപ്പുണ്ടായിരുന്നു. അതെടുത്തു ചെണ്ട പുഴുങ്ങി.. അതില്‍ അല്‍പ്പം കാന്താരി മുളകരച്ചതും പച്ചവെളിച്ചെണ്ണയും അലപം തേങ്ങാ ചുറണ്ടിയതും കൂടി കൂട്ടി ഇളക്കി കഴിക്കാന്‍ നല്ല റ്റേസ്റ്റ് ആണ്.കാന്താരി മുളകു തപ്പിയപ്പോള്‍ അതു സ്റ്റോക്ക് ഇല്ല. പറംബില് ഇഷ്ടം പോലെ കാന്താരിച്ചെടി ഉണ്ട്.നിറയെ മുളകും.. അതില് നിന്നു അഞ്ചാറു മുളകു പൊട്ടിച്ചെടുക്കാം

ഇറയത്തു ചാരി വെച്ചിരുന്ന തൊപ്പിക്കുട എടുത്തു തലയില്‍ വെച്ചു.പണ്ടൊക്കെ പാടത്തു പണിയാനും ഞാറു നടാനും ഒക്കെ പോകുമ്പോള്‍ തൊപ്പിക്കുടയാണൂപയോഗിച്ചിരുന്നത്.ചൂരലും പനയോലയും കൊണ്ട് ഉണ്ടാക്കിയ കുട. അതു തലയില്‍ ലെവലായി ഇരിക്കാന്‍ പാകത്തിനു പാള കൊണ്ട് ഒരു ചുറ്റും ഉണ്ടാക്കും.

എന്തായാലും തൊപ്പിക്കുട എടുത്തു തലയില്‍ വെച്ചു കാന്താരിചെടിയുടെ അടുത്തു ചെല്ലുന്നതിനു മുന്നേ ചെവിയുടെ പുറകില് കിട്ടി ഒരു കടി !!!

കടി കിട്ടിയതും തൊപ്പിക്കുട വേഗത്തില്‍ തലയില്‍ നിന്നെടുത്തു താഴെ ഇട്ടു. അപ്പോള്‍ പാളചുറ്റിനിടയില്‍ കൂടി ഓടുന്നു ഒരു യമണ്ടന്‍ സാധനം !! നല്ല ചുവന്ന നിറത്തില്‍ നല്ല സുന്ദരി ഒരു പഴുതാര. !!!ഹോ ഇത്ര സുന്ദരിയായ ഒരു പഴുതാര കടിച്ചാല് ഇത്ര വേദനയോ..

കടി കിട്ടിയിടത്തു നീരു വെച്ചു തുടങ്ങിയപ്പോള്‍ വലിയ വായില്‍ നിലവിളിച്ചു കൊണ്ട് വീട്ടിലേക്കോടി.

എന്താടീ മോങ്ങുന്നേ ??

അമ്മയുടെ ചോദ്യം കേട്ടതും കരച്ചിലിന്റെ വോള്യം കൂട്ടി...അല്ലെങ്കിലും മറ്റുള്ളവരുടെ ശ്രദ്ധ പിടിച്ചു പറ്റാന്‍ ഏറ്റവും നല്ല വഴി ഉറക്കെ കരയുക ആണെന്നു അന്നേ എനിക്കറിയാരുന്നു..

പഴുതാര കടിച്ചിട്ടു വേദന സഹിക്കാന്‍ വയ്യേ എന്നും പറഞ്ഞു ഉറക്കെ കരഞ്ഞപ്പോള്‍ അമ്മ വേഗം കുറച്ചു തുമ്പയിലയും കുരുമുളകും കൂടി കൂട്ടി അരച്ച് ചെവിയില്‍ പുരട്ടി.കുറെ സമയം വേണ്ടി വന്നു ആ കരച്ചിലിന്റെ വോള്യം ഒന്നു കുറയാന്‍ .

അന്നു ആ തൊപ്പിക്കുട ഒന്നു കുടഞ്ഞു നോക്കിയിട്ട് തലയില് വെച്ചിരുന്നെങ്കില്‍ എനിക്കു തൊണ്ട കീറി കരയേണ്ടി വരില്ലായിരുന്നു..
ഇതു കണ്ടോ ലോകത്തിലെ എറ്റവും വലിയ പഴുതാര! ആമസോണിയന്‍ ജയന്റ് സെന്റിപീഡ് എന്നാണു നാമധേയം !!!

എന്തായലും പഴുതാര വിഷത്തിനുള്ള മരുന്നുകള്‍ കൂടി പറഞ്ഞില്ലെങ്കില് എനിക്കൊരു സമാധാനവും ഇല്ല.

1.പച്ച മഞ്ഞള് ഇടിച്ചു പിഴിഞ്ഞ നീരില് കായം ചാലിച്ചു പുരട്ടുക.
2.തുമ്പയില ഗോമൂത്രത്തില് അരച്ചു പുരട്ടുക
3.പഴുത്ത പ്ലാവില ഞെട്ട് തുമ്പച്ചാറില് അരച്ചു പുരട്ടുക
4.ആനച്ചുവടി അരച്ചു പുരട്ടുക
5.പച്ച മഞ്ഞളും തുളസിയിലയും കൂടെ മുറിവില് പുരട്ടുക
6.അശോകത്തൊലി ചതച്ചു പിഴിഞ്ഞെടുത്ത നീരു പുരട്ടുക
7.ചുണ്ണാമ്പു തുപ്പലില് ചാലിച്ചു പുരട്ടുക
8.കറി വേപ്പിലയും മഞ്ഞളും കൂടെ അരച്ചു പുരട്ടുക.

ഇത്രയും കാര്യങ്ങള് ഒക്കെയേ എനിക്കറിയാവൂ കെട്ടൊ..ഇനി നിങ്ങളുടെ സംഭാവന കൂടി ആകുമ്പോള് ഈ പോസ്റ്റ് പൂര്ണ്ണമാകും..
ചിത്രങ്ങള്‍ക്കും വിവരങ്ങള്‍ക്കും കടപ്പാട് : ഗൂഗിള്‍

കൂടൊഴിയുന്ന പക്ഷി...

2008-08-13T21:47:00.000+05:30

കേള്‍ക്കുന്നു ഞാനെന്റെ ഹൃദയ സ്പന്ദനം
നിലയ്ക്കാന്‍ വെമ്പുന്ന തുടിതാളം പോലെ
കാലത്തിന്‍ മുള്‍പ്പടര്‍പ്പില്‍ തട്ടി
കീറി മുറിഞ്ഞൊരു പെണ്‍ഹൃദയം..

ഉദയ സൂര്യന്റെ ദീപ പ്രഭ തട്ടി
ഉദിക്കുന്നു സ്വപനം ഒരു മഴവില്ലു പോലെ
രാത്രിയില്‍ വിടര്‍ന്നു മടങ്ങി പോയ
നിശാഗന്ധി പോലെയായ് എന്റെ സ്വപ്നങ്ങള്‍

ഞാനെന്റെ ജീവിതം വീണ്ടും ഓര്‍മ്മിച്ചു പോയ്
നോവുന്ന കഥകള്‍ പിന്തുടരുന്നു പോല്‍
ഇന്നു നിന്നോടോതാന്‍ വാക്കുകളെനിക്കില്ല
ഏകാന്തത മാത്രം ആണെന്റെ ജീവിതം

കണ്ണീരില്ല എനിക്കിന്നു ശേഖരിക്കാന്‍
കരയാന്‍ പോലും മറന്നു പോയ് ഞാന്‍
കാലങ്ങള്‍ നല്‍കിയ വേദനകള്‍
കണ്ടും സഹിച്ചും ഞാന്‍ നിന്നിടുന്നു

ഇനിയും ജന്മങ്ങള്‍ ഉണ്ടാകുമെങ്കില്‍
നമുക്കൊരുമിച്ചാ തീരത്തു പോകണം
ഇപ്പോള്‍ പിരിഞ്ഞു ഞാന്‍ പോയിടട്ടെ
ഇനിയും വരാതിരിക്കുവാനായ്
കൂടൊഴിഞ്ഞു ഞാന്‍ പോയിടട്ടെ.....

ഒരു ട്രെയിനിങ്ങ് കഥ

2008-08-09T22:39:00.003+05:30

അങ്ങനെ 28/7/2008 മുതല് 8/8/2008 വരെ നീണ്ട സംഭവ ബഹുലമായ ട്രെയിനിങ്ങ് അവസാനിച്ചു.

ജൂലൈ 27 – ആം തീയതി രാവിലെ ജില്ലാ ഓഫീസില്‍ നിന്നും ഒരു ഫോണ് കാള്.പിറ്റേ ദിവസം മുതല് ഐ എം ജി യില് വെച്ചു നടക്കുന്ന ട്രെയിനിങ്ങ് പ്രോഗ്രാമില്‍ പങ്കെടുക്കണം, എന്ന നിര്‍ദ്ദേശം തരാന്‍ വിളിച്ചതാണ്.. കത്തു രണ്ടാഴ്ച്ച മുന്‍പേ അയച്ചിട്ടുണ്ട് എന്നറിയിചെങ്കിലും നാളിതു വരെ ആ കത്തു എന്റെ ഓഫീ‍ീസില് എത്തിയിട്ടില്ല !!

രേഖാ മൂലം അറിയിപ്പു കിട്ടാതെ പങ്കെടുക്കില്ല എന്ന നിര്‍ബന്ധ ബുദ്ധി അന്നു ഞാന്‍ കാണിച്ചില്ല.കാരണം ഐ എം ജി നടത്തുന്ന ട്രെയിനിങ്ങില്‍ എല്ലാ സര്‍ക്കാരുദ്യോഗസ്ഥരും നിര്‍ബന്ധമായും പങ്കേടുക്കണം.സ്വന്തം ജില്ലയില്‍ നടത്തുന്ന ട്രെയിനിങ്ങില്‍ പങ്കെടുത്തില്ലെങ്കില്‍ ഇതേ ട്രെയിനിങ്ങ് തന്നെ കോഴിക്കോട് അല്ലെങ്കില്‍ തിരുവനന്തപുരത്തു പോയി പങ്കെടുക്കേണ്ടി വരും.നിലവിലെ സാഹചര്യത്തില്‍ ഒരു ദിവസം പോലും വീട്ടില്‍ നിന്നും വിട്ടു നില്‍ക്കാന്‍ പറ്റാത്ത അവസ്ഥ ആണെനിക്ക്.

കൂടാതെ ആ ട്രെയിനിങ്ങിനു പോകുന്ന അത്രയും ദിവസം മടുപ്പിക്കുന്ന ഈ ഓഫീസ് ജോലിയില്‍ നിന്നും ഒരു മോചനം ആകുമല്ലോ.ഫയലുകള്‍ക്കിടയില്‍ നിന്നും മുഖം ഒന്നുയര്‍ത്തി ശുദ്ധ വായു ശ്വസിക്കാന്‍ കിട്ടുന്ന ഒരു അവസരവും പാഴാക്കില്ല എന്നു ഞാന്‍ മുന്‍പേ തീരുമാനിച്ചിരുന്നു.

അങ്ങനെ 28 നു രാവിലെ ട്രെയിനിങ്ങ് സെന്ററില് എത്തി.കോഴ്സ് കോ ഓര്‍ഡിനേറ്റര്‍ കാര്യങ്ങളെ കുറിച്ചൊക്കെ വിശദീകരിച്ചു.പഠിപ്പിക്കാനുദ്ദേശിക്കുന്ന വിഷയങ്ങളെ കുറിച്ചു പറഞ്ഞപ്പോള്‍ വളരെ സന്തോഷമായി.എം എസ് ഓഫീസ് ആണു പഠിപ്പിക്കുന്നത്..ഞാന്‍ സ്ഥിരം ചെയ്യുന്ന ജോലി ..എനിക്കു അധികം പഠിക്കാനൊന്നും ഇല്ല.

ഞങ്ങള് 30 പേര്.കേരളത്തിലെ പല ജില്ലകളില്‍ നിന്നും വന്നവര്‍.ആദ്യത്തെ ദിവസം പരസ്പരം പരിചയപ്പെടുന്ന ചടങ്ങില്‍ .ഞങ്ങളുടെ എല്ലാവരുടെയും കമ്പ്യൂട്ടര്‍ പരിജ്ഞ്ഞാനം ഫാക്കല്‍റ്റി മുന്‍പാകെ വിശദീകരിച്ചു..പലരുടെയും വീട്ടില്‍ കമ്പ്യൂട്ടര്‍ ഉണ്ട് എങ്കിലും മക്കള്‍ അതില്‍ വര്‍ക്കു ചെയ്യുന്നതു നോക്കുക..ഭര്‍ത്താവ് കമ്പ്യൂട്ടറില്‍ ചീട്ടു കളിക്കുന്നതു നോക്കുക..വല്ലപ്പോഴും വല്ല് സി ഡി യും ഇട്ടു കാണുക..ഇത്രത്തോളം അറിവേ പലര്‍ക്കും ഉണ്ടായിരുന്നുള്ളൂ..

ഞങ്ങള് എല്ലാവരും കുടുംബ പ്രശ്നങ്ങളും പ്രാരാബ്ധങ്ങളും ഉള്ളവര്‍!!!!!!!

നരച്ച തല !!! എങ്ങനെ പഠിക്കും !!!!

70 % മാര്‍ക്ക് വേണം.കമ്പ്യൂട്ടറ് പഠനം ഒരു ബാലി കേറാ മലയായി തോന്നി ഞങ്ങളില്‍ പലര്‍ക്കും!!

ക്ലാസ്സില്ലാത്ത സമയങ്ങളില്‍ അന്യോന്യം ചര്‍ച്ച ചെയ്തു ഞങ്ങള്‍ സംശയങ്ങള്‍ തീര്‍ത്തു.എല്ലാവരും ഒത്തു ചേര്‍ന്നു പഠിച്ചു.പല ഇടങ്ങളില്‍ നിന്നെത്തിയ ഞങ്ങള്‍ക്കെങ്ങനെ ഇത്ര ഒരുമയോടെ കഴിയാന്‍ പറ്റി ??

ബുദ്ധി മന്ദീഭവിച്ചു തുടങ്ങിയ ഈ പ്രായത്തില്‍ കമ്പ്യൂട്ടറിന്റെ ആവിര്‍ഭാവം മുതലുള്ള കാര്യങ്ങള്‍ ഞങ്ങള്‍ പഠിച്ചു...

അവസാനം ആ ദിവസം വന്നെത്തി.ഞങ്ങള്‍ ഇത്രയും ദിവസം പഠിച്ചതെന്തൊക്കെ ആണു എന്നു പരീക്ഷിക്കുന്ന ദിവസം.ജോലി കിട്ടിക്കഴിഞ്ഞാല്‍ ഇനി പരീക്ഷ ഒന്നും ഉണ്ടാവില്ല എന്നു പണ്ടുണ്ടായിരുന്ന അഹങ്കാരം വെറുതേ ആയിരുന്നു എന്നു ബോധ്യമായി.

പരീക്ഷാത്തലേന്നു വീട്ടില്‍ എത്തി..പതിവു പോലെ വൈകിട്ടത്തെ ജോലികള്‍ കഴിഞ്ഞു മക്കളുടെ കൂട്ടത്തില്‍ ഞാനും ഇരുന്നു..സാധാരണ അവര്‍ക്കു പറഞ്ഞു കൊടുത്തിട്ടാണു ഞാന്‍ എഴുതാനും വായിക്കാനും ഒക്കെ പോകുന്നത്.

മക്കള്‍ക്കൊപ്പം ഓക്സ് ഫോഡ് ഡിക്ഷണറിയുടെ വലിപ്പമുള്ള ഒരു ബുക്കുമായി പഠിക്കാനിരുന്നു..അമ്മക്കു നാളെ എക്സാം ഉണ്ട്..അതു കൊണ്ട് അമ്മയെ ശല്യപ്പെടുത്തരുതു എന്നു മക്കളോടു നേരത്തെ പറഞ്ഞു വെച്ചു..

അപ്പോള്‍ പുത്രന്റെ വക ഡയലോഗ്

“ ഞങ്ങള്‍ക്കു കിട്ടുന്ന മാര്‍ക്കൊക്കെ അമ്മയെ കാണിച്ചു സൈന്‍ വാങ്ങാറില്ലേ ? അതു പോലെ അമ്മയുടെ ഉത്തര കടലാസും മാര്‍ക്കും ഞങ്ങളെയും കാണിക്കണം “”

ഞാനൊന്നു ഞെട്ടി..മൊട്ടേന്നു വിരിഞ്നിട്ടില്ല ..അവന്റെ ഒരു ആഗ്രഹമേ !
ദിവസവും വൈകുന്നേരം വീട്ടില്‍ വന്നിരുന്നു മക്കളെ തല്ലിയും ചീത്ത പറഞ്ഞും ഒക്കെ ആണു പഠിപ്പിച്ചെടുക്കാറ്...

എനിക്കു മാര്‍ക്കു കുറഞ്ഞു പോയാല്‍ പിന്നെ മക്കളുടേ മുഖത്തെങ്ങനെ നോക്കും ???

ഇന്ദ്രജിത്തിന്റെ ശരമേറ്റു മൃതപ്രായനായ ലക്ഷ്മണന്റെ ജീവന്‍ വീണ്ടെടുക്കാന്‍ സാഗരങ്ങള്‍ താണ്ടി ഹിമാലയ സാനുക്കളില്‍ പോയി മൃത സഞ്ജീവനി കൊണ്ടു വരാന്‍ പോയ ഹനുമാന്റെ ആത്മ വിശ്വാസം മനസ്സില് നിറച്ചു.

പരീക്ഷ കണ്ടു പീടിച്ചവനെ തല്ലി കൊല്ലണം എന്ന പ്രാര്‍ഥനയൊക്കെ മനസ്സില്‍ നിന്നും മായ്ച്ച് എനിക്കിതു എഴുതാന്‍ പറ്റും എന്ന ആതമ വിശ്വാസത്തോടെ പരീക്ഷ എഴുതി.

ട്രെയിനിങ്ങിന്റെ അവസാന ദിവസം സമാപന സമ്മേളനത്തില് ആശംസകള്‍ക്കും നന്ദി പ്രകടനങ്ങള്‍ക്കും ഇടയില്‍ ഞങ്ങളുടെ കൂട്ടത്തിലെ ഒരു ഓഫീസര്‍ പാടി

ഓമന തിങ്കളില്‍ ഓണം പിറക്കുമ്പോള്‍
താമര കുമ്പിളില്‍ പനിനീര്..
ഓണം പിറന്നാലും ഉണ്ണി പിറന്നാലും
ഓരോ കുമ്പിള്‍ കണ്ണീര് മണ്ണില്‍
ഓരോ കുമ്പിള്‍ കണ്ണീര്...

കോഴ്സ് കോ ഓഡിനേറ്ററും ഫാക്കല്‍റ്റി മെംബേഴ്സും വിധി എഴുതി
“എല്ലാത്തിനും മിടുക്കരാണു നിങ്ങള്.അച്ചടക്കമുള്ളവര്‍..ശുഷ്ക്കാന്തിയുള്ളവര്‍..“

കമ്പ്യൂട്ടര്‍ ഫോബിയ എന്ന അസുഖം ഒക്കെ മാറിയാണു ഞങ്ങള് പുറത്തിറങ്ങുന്നത്..

അവസാനം ഞങ്ങളുടെ സര്‍ട്ടിഫിക്കറ്റും കയ്യില് വാങ്ങി ട്രെയിനിങ്ങ് സെന്ററിന്റെ പടി ഇറങ്ങുമ്പോള്‍ ഇനിയും ഓഫീസിലെ വിരസതയിലേക്കു മടങ്ങണമല്ലോ എന്ന വേദനയായിരുന്നു എന്റെ മനസ്സില് !!!

ഈ കുഞ്ഞിന്റെ പോസ്റ്റ് കാണൂ.. അഭിപ്രായം അറിയിക്കൂ...

2008-08-04T19:14:00.001+05:30

മേഘാറോസ് എന്ന നാലാം ക്ലാസ്സുകാരി ഒരു ബ്ലോഗ്ഗ് തുടങ്ങി.ഒരു കുഞ്ഞു കവിതയും എഴുതി..ആ കുഞ്ഞിനു മലയാളം നന്നായി ടൈപ്പ് ചെയ്യാന്‍ അറിയില്ല.എങ്കിലും അവളുടെ അങ്കിളിനെ കൊണ്ട് അതു ടൈപ്പ് ചെയ്യിച്ച് പോസ്റ്റ് പബ്ലിഷ് ചെയ്തു നമ്മുടെ അഭിപ്രായങ്ങള്‍ക്കായി കാത്തു നില്‍ക്കുന്നു..ഇതു വായിക്കൂ.. അഭിപ്രായങ്ങള്‍ പറയൂ..

ഇലഞ്ഞി പൂക്കള്‍.....

2008-07-27T14:20:00.002+05:30

ഇലഞ്ഞിപൂമണമൊഴുകി വരുന്നു
ഇന്ദ്രിയങ്ങളിലതു പടരുന്നു.......

ഈ പാട്ട് ആസ്വദിക്കാ‍ത്ത മലയാളി ഉണ്ടോ ??ഇലഞ്ഞി പൂക്കളുടെ സുഗന്ധം എത്ര ഹൃദ്യമാണ്.എന്റെ വീട്ടില്‍ ഒരു ഇലഞ്ഞി മരം ഉണ്ട്.ഈ ഇലഞ്ഞിക്കു ചുറ്റും തേനീച്ചകള്‍ പാറി നടക്കാറുണ്ടായിരുന്നു..മരത്തിനു കീഴെ പൊഴിഞ്ഞു കിടക്കുന്ന ഇലഞ്ഞി പൂക്കള്‍ക്ക് അനുഭൂതികളെ തഴുകിയുണര്‍ത്തുന്ന ,കൊതിപ്പിക്കുന്ന, മദിപ്പിക്കുന്ന ഗന്ധമാണുള്ളത്..

മനോഹരമായ ഒരു നിത്യ ഹരിത വൃക്ഷമാണ് “ ബകുളി “ എന്നു സംസ്കൃതത്തില്‍ പരാമര്‍ശിക്കപ്പെടുന്ന ഇലഞ്ഞി.മൈമൂസോപ്സ് ഇലഞ്ഞി എന്നാണ് ഇതിന്റെ ശാസ്ത്രീയ നാമം.സ്പാനിഷ് ചെറി എന്നും അറിയപ്പെടുന്നു. നല്ല ഉയരത്തില്‍ പടര്‍ന്നു പന്തലിച്ചു വളരുന്ന ഇലഞ്ഞി നല്ലൊരു തണല്‍ മരമാണ്.

മാര്‍ച്ച് – ജൂലൈ മാസങ്ങളില്‍ ഇലഞ്ഞിയില്‍ നല്ല ക്രീം നിറത്തിലുള്ള കുഞ്ഞു പൂക്കള്‍ വിരിയും..രാത്രികള്‍ ഇലഞ്ഞി ഗന്ധത്തില്‍ മുഴുകുന്ന കാലമാണ് ഇത്.പുലര്‍ച്ചെ ഈ പൂക്കള്‍ മരത്തിനു കീഴെ പൊഴിഞ്ഞു കിടക്കുന്നത് കാണാം..മുറ്റമടിക്കുമ്പോള്‍ ഞാന്‍ പലപ്പോഴും ഈ പൂക്കള്‍ അടിച്ചു കളയാന്‍ മടിച്ച് അതു പെറുക്കി ഇലയില്‍ വെച്ചു എടുത്തു വെക്കും.പിന്നീട് മണക്കാന്‍ !!!

ഇതിനെ പഴത്തിനു ചെറിയ ചവര്‍പ്പു കലര്‍ന്ന മധുരമാണ്..ചെറുതിലേ എത്ര പഴങ്ങള്‍ തിന്നിരിക്കുന്നു..

ഇലഞ്ഞിയെ പറ്റിയുള്ള ഓര്‍മ്മകളില്‍ ഏറ്റവും പ്രധാനം പ്രഥമാനുരാഗം തന്നെയാണ്.അന്നു ഞങ്ങള്‍ കുട്ടികള്‍ ആണ്.ഞങ്ങള്‍ എന്നതു വിശദീകരിക്കേണ്ടതില്ലല്ലോ..പുലര്‍ച്ചെ ഇലഞ്ഞിപ്പൂക്കള് പെറുക്കാന്‍ അയല്പക്കത്തുള്ള കുട്ടികള്‍ എല്ലാവരും കൂടെ പോകും..എന്റെ വീടിനു അടുത്തുള്ള പറമ്പില്‍ ആണ് ഇലഞ്ഞി മരം നില്‍ക്കുന്നത്.. മാമ്മയുടെ കുടി എന്നാണ് അതിനു പറയുന്നത്... അച്ഛാച്ഛന്റെ അമ്മയാണ് മാമ്മ.കവുങ്ങിന്റെ പാളയിലാണ് അന്നൊക്കെ ഇലഞ്ഞി പൂക്കള് ശേഖരിക്കുക..മുകളില്‍ നിന്നും വീഴുന്ന പൂക്കള് നിലം തൊടുന്നതിനു മുന്നേ പിടിക്കുന്നതില് ആണ് ത്രില്ല്.മുകളില് നിന്നു പമ്പരം കറങ്ങുന്നതു പോലെ പൂവ് കറങ്ങി വരുന്നതു കാണാന് നല്ല രസമാണ്.ഒരു പാള നിറയെ പൂവ് കിട്ടും ചില ദിവസങ്ങളില്..

ഇതു കൊരുത്തു മാലയാക്കല്‍ ആണ് അടുത്ത പണി.അങ്ങനെ കൊരുത്ത മാല ഒരു ദിവസം ഞാന് എന്റെ “ ഹണിയുടെ“ കഴുത്തില്‍ ഇട്ടു.ഒന്നും ഓര്‍ത്ത് ചെയ്തതല്ല.അന്നു പ്രണയം എന്താണെന്നു പോലും അറിയാത്ത പ്രായമാണ് എന്റേത്.പക്ഷേ കക്ഷി അന്നതു സീരിയസ് ആയി എടുത്തു.“സ്വയം വരം“ അല്ലേ നടന്നത്.എന്നെ മാത്രേ കെട്ടൂ എന്നു അന്നേ കക്ഷി തീരുമാനിചിരുന്നത്രേ !!!! ( പാവം അന്നു മനസ്സിലായില്ല ..ഇതൊരു താടക ആണെന്നു !!!! )

പിന്നീട് മുതിര്‍ന്നപ്പോള്‍ ,പ്രണയം മനസ്സില്‍ മൊട്ടിട്ടപ്പോള്‍ പഴയ ഈ കഥ ഹണി പറഞ്ഞത് കൌതുകത്തോടെ ആണു ഞാന്‍ കേട്ടിരുന്നത്..ഇപ്പോള്‍ അദ്ദേഹം പറയും ആ ഇലഞ്ഞി മാല കാരണം അദ്ദേഹത്തിന്റെ ജീവിതം : ഒരു കോഞ്ഞാട്ട “ ആയി പോയി എന്ന്..

എന്തൊക്കെ പറഞ്ഞാലും ആദ്യാനുരാഗത്തിനു കാരണമായ ,എനിക്കു നല്ലൊരു ഭര്‍ത്താവിനെ കിട്ടാന്‍ നിമിത്തമായ ആ ഇലഞ്ഞി മരത്തിനു ചില ഔഷധ ഗുണങ്ങള് ഒക്കെ ഉണ്ട്..അതെന്തൊക്കെ എന്നു നമുക്കു നോക്കാം

1 അമിത വിയര്‍പ്പിന് ഇലഞ്ഞിപ്പൂ‍ക്കള് കൊണ്ട് കഷായം വെച്ചു കുടിച്ചാല് നല്ലതാണ്.ശരീരത്തിനു തണുപ്പും അനുഭവപ്പെടും
2. ഇലഞ്നീപ്പൂക്കള് അണുനാശക ലേപനങ്ങള് ഉണ്ടാക്കാന് ഉപയോഗിക്കുന്നു.മുറിവ് ഉണക്കാന് ഇതു സഹായിക്കും
3.പൂക്കള് പൊടിച്ചതു ബുദ്ധി കൂട്ടാന് നല്ലതാണ്
4.മോണ വീക്കത്തിനും പല്ലു വേദനക്കും ഇലഞ്ഞിപ്പട്ട തിളപ്പിച്ചത് വായില് കൊള്ളുന്നത് നല്ലതാണ്..

ഇത്രേം ഗുണങ്ങളെ എനിക്കറിയൂ.. ഇനി വല്ലതുമുണ്ടോ എന്നു നിങ്ങള് പറയൂ......

ഇനിയും പാടാന്‍ തോന്നുന്നു... ഇലഞ്ഞി പൂമണം ഒഴുകി വരുന്നൂ.......

ചിത്രങ്ങള്‍ക്കു കടപ്പാട് : ഗൂഗിള്‍

പുതിയ ഒരു ബ്ലോഗ്ഗറ്

2008-07-26T07:51:00.002+05:30

പുതിയ ഒരു ബ്ലോഗ്ഗറെ പരിചയപ്പെടുത്തട്ടേ.. എന്റെ നാട്ടുകാരിയും എന്റെ സഹ പ്രവര്‍ത്തകയുമായ പുതിയ ഒരാള്‍ ..പുതിയ പോസ്റ്റ് ഇവിടെ വായിക്കൂ.

നായ്ക്കുരണ ചൊറിയുമോ ??

2008-07-22T21:11:00.001+05:30

ഞാന്‍ ഏഴില്‍ പഠിക്കുന്ന കാലം. വീട്ടില്‍ നിന്നും 20 മിനിട്ട് നടക്കാന് ഉള്ള ദൂരമുണ്ട് സ്കൂളിലെക്ക്.ഇന്നത്തെ പോലെ വാഹന സൌകര്യം ഒന്നും അന്നില്ലല്ലോ..രാവിലെ 8.30 ആകുമ്പോഴേക്ക് വീട്ടില്‍ നിന്നിറങ്ങിയാല്‍ 9.30 ഒക്കെ ആകുമ്പോഴേക്ക് പള്ളിക്കൂടത്തില് എത്താം.പോകുന്ന വഴി എല്ലാ കാടും മലയും ഒക്കെ കയറിയിറങ്ങി ഞാറപ്പഴം,ഞാവല്‍പ്പഴം,കുറുക്കന്തൂറി പഴം,ചെത്തിപ്പഴം,ആരം പുളി..വാളന് പുളി ,തൊണ്ടിപ്പഴം തുടങ്ങിയവ എല്ലാം പറിച്ചു കൊണ്ടാണ് യാത്ര.

ഒരു ദിവസം രാവിലെ കുളിച്ചൊരുങ്ങി പുസ്തക സഞ്ചിയുമായി സ്കൂളില്‍ എത്തി.എത്തിയപ്പോള്‍ കണ്ട കാഴ്ച്ച സ്കൂളിലെ കുട്ടികളൊക്കെ നിന്നു ചൊറിയുന്നു..എല്ലാവരും ക്ലാസ്സ് റൂമിന് വെളിയിലാണ്

എന്താപ്പാ കാര്യം ??

നിങ്ങളെന്താ ക്ലാസ്സില് കയറാത്തത് ??

എന്താ എല്ലാരും ചൊറിയുന്നെ ??

എന്റേടീ ക്ലാസ്സിലൊക്കെ ഏതോ അലവലാതി നായംകരണത്തിന്റെ പൊടി ഇട്ടു. ഇപ്പോള്‍ ചൊറിഞ്ഞിട്ട് ഇരിക്കാന് വയ്യ

ഭാഗ്യം! ക്ലാസ്സില് കയറാഞ്ഞതു കൊണ്ട് എനിക്കു ചൊറിയേണ്ടി വന്നില്ല.

ടെസ്റ്റ് പേപ്പര്‍ മാറ്റി വെക്കാന്‍ വേണ്ടി ഏതോ വിരുതന്മാര്‍ ഒപ്പിച്ച പണി ആയിരുന്നു.പെണ്‍കുട്ടികള്‍ ഇറക്കമുള്ള പാവാട ഇടാന്‍ വേണ്ടി ആണ് എന്നൊരു ശ്രുതിയും അന്ന് കേട്ടിരുന്നു

അന്നേതായാലും ക്ലാസ്സ് നടന്നില്ല.പിറ്റേന്ന് ക്ലാസ്സ് ഒക്കെ കഴുകി വൃത്തിയാക്കിയതിനു ശേഷം ആണ് ക്ലാസ്സ് എടുത്തത്.

അന്നു ആ ചൊറിച്ചില് മാറ്റാന്‍ കുട്ടികള്‍ ചെയ്ത പ്രതിവിധികള്‍

അല്ലെങ്കില്‍

ഇനി ആര്‍ക്കെങ്കിലും ഇതു മൂലം ചൊറിയേണ്ടി വന്നാല്‍ ചെയ്യേണ്ടത്

1.വെണ്ണീറിട്ട് ദേഹം മുഴുവന് തിരുമ്മുക
2 തൈര് സര്‍വാംഗം പുരട്ടുക

നായ്കുരണ ഒരു ഔഷധ സസ്യം ആണ് എന്ന് എത്ര പേര്‍ക്കറിയാം ??നായ്ക്കുരണയുടെ ഔഷധ ഗുണങ്ങള്‍ പുരാണ ഗ്രന്ഥങ്ങളില്‍ പ്രതിപാദിച്ചിട്ടുണ്ട്.ലെഗുമിനോസേ കുടുംബത്തില് പെട്ട ഈ ചെടിയുടെ ശാസ്ത്ര നാമം “ മ്യൂക്കുണ പ്രൂറിറ്റ “ എന്നാണ്.സംസ്കൃതത്തില് കഡൂര,ഹിന്ദിയില് കാവച, തമിഴില് പൂനക്കാലി എന്നിങ്ങനെ ആണ് ഇതിനെ വിളിക്കുന്നത്.

ഇതിന്റെ വിത്ത് രക്ത ധമനിയിലെ രക്തയോട്ടം കാര്യക്ഷമമാക്കുന്നു.അതു കൊണ്ടു തന്നെ ഇതിന്റെ ഉപയോഗം ഓജസ്സും ഉന്മേഷവും വര്‍ദ്ധിപ്പിക്കും എന്നു പറയപ്പെറ്റുന്നു..

നായ്ക്കുരണയുടെ ഇല അരച്ച് വ്രണത്തില് തേച്ചാല് വ്രണം പഴുത്തു പൊട്ടി വേഗം ഉണങ്ങും

കായുടെ പുറത്തെ രോമം ( തൊങ്ങല് ) 5 മി ഗ്രാം ശര്‍ക്കരയിലൊ വെണ്ണയിലോ വെറും വയറ്റില് സേവിച്ചാല് ഉദരവിരകള് ശമിക്കും എന്ന് ആയുര്‍വേദം പറയുന്നു.

നായ്ക്കുരണയുടെ വെരും വിത്തും കഷായം വെച്ചു കഴിച്ചാല് വാത രൊഗങ്ങള് ശമിക്കും

വിത്തു ഉണക്കി പൊടിച്ചു ചൂറ്ണ്ണമാക്കി 3 ഗ്രാം വീതം രാവിലെയും രാത്രിയും പാലില് കഴിച്ചാല് ധാതു പുഷ്ടി ഉണ്ടാകും

നായ്ക്കുരണയുടെ വേരും ഞെരിഞ്ഞിലും സമമേടുത്ത് കഷായം വെച്ചു കഴിച്ചാല് വൃക്കരോഗങ്ങള് ശമിക്കും

ഇത്രയേറെ ഗുണങ്ങള് ഉള്ള ഈ ചെടി ചൊറിയും എന്ന ഒറ്റക്കാരണം കൊണ്ട് നമ്മള് നശിപ്പിക്കണോ ?? ഇതും നമുക്കു കൃഷി ചെയ്യാവുന്നതല്ലേ ???

ചിത്രങ്ങള്‍ക്കു കടപ്പാട് : ഗൂഗിള്‍

ചക്രവാക പക്ഷി....

2008-07-19T18:28:00.000+05:30

വൃശ്ചിക മാസത്തിലെ ഒരു തണുത്ത പുലര്‍കാലം.ഉറക്കമുണരാന്‍ വൈമനസ്യത്തോടെ കിടക്കുമ്പോള്‍ ഫോണ്‍ ബെല്ല് അടിക്കുന്ന ഒച്ച കേട്ടു.തന്നെ പുണര്‍ന്നിരുന്ന മീരയുടെ കൈകള്‍ മെല്ലെ മാറ്റിയിട്ട് റിസീവര്‍ കൈയ്യിലെടുത്തു.അങ്ങേത്തലക്കല്‍ നിന്നു പരിചയമുള്ള ശബ്ദം.

“ ഞാന്‍ പ്രഭാകരനാണ് സംസാരിക്കുന്നത്..ഇന്നു വെളുപ്പിനു നിമിഷ മരിച്ചു..ആത്മഹത്യ ആയിരുന്നു “

നെഞ്ചിലൂ‍ൂടേ ഒരു ഇടിമിന്നല്‍ പാഞ്ഞു പോയി. നിമിഷ മരിച്ചു.അതും ആതമഹത്യ .എന്തിനു അവളിതു ചെയ്തു ??

നിമിഷ.......

ചന്ദനക്കാതല്‍ കടഞ്ഞെടുത്ത പോലെ സുന്ദരി.പഠിക്കാന്‍ മിടുക്കി.പ്രസംഗിക്കാനും കവിത ചൊല്ലാനും കവിത എഴുതാനും പാടാനും എല്ലാം നിമിഷ മിടുക്കി ആയിരുന്നു.

എപ്പോഴാണ് താന് അവളെ കണ്ടു മുട്ടിയത് ??

ഏകാന്തതയെ സ്നേഹിചിരുന്ന നിമിഷക്ക് അധികം കൂട്ടുകാരൊന്നും ഉണ്ടായിരുന്നില്ല. വായനയായിരുന്നു അവളുടെ ഹോബി.ലൈബ്രറിയുടെ ഒഴിഞ്ഞ മൂലയില് ഒറ്റക്കിരുന്നു ഷെല്ലിയുടെയും കീറ്റ്സിന്റെയും ഷേക്സ്പിയറിന്റെയും ലൊകത്തിരുന്ന അവളെ പരിചയപ്പെട്ടു.. ആദ്യം ഒന്നും അവള്‍ അധികം സംസാരിക്കുമായിരുന്നില്ല

പതിയെ പതിയെ മനസ്സുകള്‍ തമ്മിലടുത്തു.മഹത്തായ ഒരു പ്രണയ ബന്ധം അവിടെ തുടങ്ങി.

പക്ഷേ ആ ബന്ധം പൂര്‍ണതയില്‍ എത്തിയില്ല.നിമിഷയെ വിവാഹം കഴിച്ചാല്‍ ആത്മഹത്യ ചെയ്യും എന്ന അമ്മയുടെ പിടിവാശിക്കു മുന്നില്‍ വേദനയോടെ തനിക്കവളെ മറക്കേണ്ടി വന്നു..

പിന്നെ അമ്മയുടെ നിര്‍ബന്ധ പ്രകാരം മീരയെ വിവാഹം ചെയ്തു.നിമിഷ എന്തു ചെയ്യുന്നു എന്നു പിന്നീട് അന്വേഷിച്ചതേയില്ല.വേറെ വിവാഹം കഴിച്ചു സുഖമായി ജീവിക്കട്ടെ എന്ന് മനസ്സില്‍ ആഗ്രഹിച്ചു.അവള്‍ക്കും കുടുംബവും കുഞ്ഞുങ്ങളും ആയിക്കാണും എന്നു ആശ്വസിച്ചു..

എന്നാലിപ്പോള് ??

അവള്‍ക്കു തന്നെ മറക്കാന് കഴിഞ്ഞിരുന്നില്ലെന്നോ?

പ്രഭാകരന്‍ പറഞ്ഞു ...

”പല പല വിവാഹാലൊചനകള് വന്നിട്ടും നിമിഷ ഒന്നിനും വഴങ്ങിയില്ല.അവസാനം നിമിഷയുടെ സമ്മതം ഇല്ലാതെ ഒരു എഞിനീയറുടെ ആലോചന ഉറപ്പിക്കും എന്ന ഘട്ടം വന്നപ്പോള് ആണ് അവളിതു ചെയ്തത്...“

അവളെ അവസാനമായി ഒന്നു കാണണം..അവളെ യാത്രയയക്കാന് ഞാന്‍ വേണം..

രാവിലെ അവളുടെ വീട്ടു പടിക്കല്‍ എത്തിയപ്പോളേ ചന്ദനത്തിരിയുടെയും അഷ്ട ഗന്ധത്തിന്റെയും മണം കാറ്റില്‍ പരക്കുന്നതു അറിഞ്ഞു.

“ജനിമരണങ്ങളെനിക്കിനി വേണ്ടാ
പരിപാലയമാം നാരായണ ജയ“

ശോക നിര്‍ഭരമായ പ്രാര്‍ഥനാ ശകലം

വാതില്‍ക്കലെത്തി അകത്തേക്ക് നോക്കി

കോടിത്തുണി പുതച്ച് ഒരു നിശ്ചല ശരീരം !!
പുകയുന്ന ചന്ദനത്തിരി.......
മലര്‍ത്തി വെച്ച തേങ്ങാമുറി..........
നിലവിളക്ക്......

എന്റെ നിമിഷേ ....... നീ എന്നെ തോല്‍പ്പിച്ചു കളഞ്ഞല്ലോ...

ഒരു ഗദ്ഗദം തൊണ്ടയില് വന്നു വിതുമ്പുന്നത് ഞാന്‍ അറിഞ്ഞു.. ഇണയെ ഓര്‍ത്തു തേങ്ങുന്ന ഒരു ചക്രവാക പക്ഷിയുടെ തേങ്ങല് പോലെ അതു തൊണ്ടയില് ഒരു ഞരക്കമായി....

കല്ലുവാഴ

2008-07-17T12:51:00.002+05:30

കല്ലുവാഴയെ കുറിച്ചു ഒത്തിരി കേട്ടിരുന്നു എങ്കിലും അതെന്തു സാധനം ആണെന്നു മനസ്സിലാക്കാന് ഒത്തിരി വൈകി.ബഷീറിക്ക പിസാങ് സെറിബു എന്ന മലയന്‍ വാഴയുടെ പടം പോസ്റ്റ് ആക്കി ഇട്ടപ്പോള് ആണ് ഇതിനെ കുറിച്ച് കൂടുതല്‍ അറിയണം എന്ന ഒരു വാശി എനിക്കു തോന്നിയത്..വാശി കേറിയാല്‍ പിന്നെ അതു സാധിച്ചിട്ടേ അടങ്ങൂ..അതെന്റെ നാളിന്റെ ഗുണം.

കല്ലുവാഴയും മൂസേസിയേ എന്ന വാഴ കുടുംബത്തിലെ ഒരു അംഗമാണ്.( Botanical name : Ensete superba (Roxb) cheeseman ( Musa superba Raxb) ഇതു ദേവ കേളീ,കാമാക്ഷി, കൃഷ്ണ തമാര എന്നൊക്കെ സംസ്കൃതത്തില് അറിയപ്പെടുന്നു.ഇംഗ്ലീഷില്‍ ഇതിനെ Wild plantain, Indian bead എന്നൊക്കെ അറിയപ്പെടുന്നു

രൂപത്തിലും ഭാവത്തിലും ഏറെക്കുറെ വാഴകളോട് സാദൃശ്യമുള്ളതാണ് ഇവ. വാഴയിലകളേക്കാള്‍ തടിച്ചതും പത്തടിയോളം നീളമുള്ളതുമായ ഇലകള്‍ ആണ് ഇവയുടേത്.കാണ്ഡഭാഗം മുറുകി തടിച്ചതാണ്.ഇലകള്‍ക്കൊത്തു കുറുകി ഉയരുന്ന ഈ വാഴയുടെ കാണ്ഡഭാഗം സാധാരണ വാഴയെക്കാള്‍ കട്ടി കൂടിയതാണ്.

ഇതു സാധാരണ വനാന്തരങ്ങളില്‍ ആണ് സാധാരണ കാണപ്പെടുന്നത് .സാധാരണ വാഴകള്‍ക്കുള്ളതിനേക്കാള്‍ കട്ടിയുള്ള തണ്ടുകള്‍ ഉള്ളതിനാല്‍ ആകും ഇതിന്റെ ഇലകള്‍ ജലം നിറച്ച കുടത്തിനു ചുറ്റും തിരുകിയ ഇലകള്‍ പോലെ മുകളിലേക്കു ഉയര്‍ന്നു നില്‍ക്കുന്നു.വനാന്തരങ്ങളില്‍ ആ‍ണ് കാണപ്പെടുന്നതെങ്കിലും ഈ വാഴയെ വന്യ ജീവികള് വെറുതേ വിടാറാണ് പതിവ്. അതിനു കാരണം ഒരു പക്ഷേ ഇതിന്റെ കട്ടി കൂടിയ ഇലകളോ പോളകളില് നിന്നു ഊറി വരുന്ന പശ പോലുള്ള ദ്രാവകമോ ആയിരിക്കാം.

കല്ലുവാഴയുടെ കട ഭാഗം ഏകദേശം ഒന്നര മീറ്റര്‍ ചുറ്റളവിലാകുമ്പോള്‍ തട ഗോപുരത്തിന്റെ ആകൃതിയില്‍ ഉയര്‍ന്ന് ഏകദേശം 4 അടിയോളം പൊക്കത്തില്‍ എത്തുമ്പോള്‍ അവിടെ നിന്നും സാധാരണ വാഴയുടെ രൂപത്തില് 10 അടിയോളം ഉയര്‍ന്നു പൊങ്ങി കുടമെടുത്ത് താഴേക്ക് വളഞ്ഞു കുല വിരിയുന്നു.ഇതിനു കുറഞ്ഞത് ഏതാണ്ട് 7 വര്‍ഷം സമയം വേണ്ടി വരും.കുല വിരിഞ്ഞു ഒരു വര്‍ഷത്തോളം സമയം എടുത്ത് കുല പഴുത്ത് തുടങ്ങുന്നു,അതോടെ ഇലകള് കരിഞ്ഞു തുടങ്ങുന്നു.

കല്ലുവാഴപ്പഴം അധികം ആരും കഴിക്കാറില്ല.കാരണം വേറെ ഒന്നും അല്ല.പഴത്തിനുള്ളില് കാണുന്ന പുളിയരി പോലുള്ള കല്ലുകള്‍ തന്നെ.കഴിക്കുന്നവര് തൊലി കളഞ്ഞു പഴം നുണഞ്ഞ് തുപ്പുകയാണ് ചെയ്യുന്നത്.പഴത്തിനുള്ളിലെ ഈ കല്ലുകള്‍ കിളിര്‍ത്താണ് പുതിയ കല്ലുവാഴ ഉണ്ടാകുന്നത്..

പത്തിരുപതു വര്‍ഷത്തോളം ഒരു സ്ഥലത്തു തന്നെ ഉറച്ചു നില്‍ക്കാനുള്ള കല്ലുവാഴയുടെ ശേഷി അപാരമാണ്. അതു കൊണ്ടാകാം ഒരു വിദ്വാന്‍ കല്ലുവാഴ എന്നാല് കല്ലു പോലെ ആണെന്ന് പറഞ്ഞത്..ബഷീറിക്കയെ അല്ലാട്ടോ ഞാന്‍ ഉദ്ദേശിച്ചെ .. ഹി ഹി

പഴം മുഴുവന് കല്ലുകള്‍ ആണ് എന്നതു കൊണ്ട് ഇതിനെ ഒരു മൂലക്കിരുത്താന് വരട്ടെ..ഇതിനു താഴെ പറയുന്ന ഔഷധ ഗുണങ്ങള് ഉണ്ട്

* കല്ലുവാഴയുടെ മാണം ശുദ്ധിയാക്കി അരിഞ്ഞു വെയിലത്ത് ഉണക്കി പൊടിച്ചെടുക്കുന്ന മാവ് നല്ലൊരു ഉത്തേജക ഔഷധം ആണ്

* കല്ലുവാഴയുടെ കല്ലു പൊട്ടിച്ച് തോടു കളഞ്ഞെടുക്കുന്ന വെള്ള നിറത്തില് ഉള്ള മാവ് കരിക്കിന് വെള്ളത്തില് ചേര്‍ത്ത് വെറും വയറ്റില് കൂടിച്ചാല് “ കിഡ്നി സ്റ്റോണ് “ പോലുള്ള മൂത്രാശയ രോഗങ്ങള്‍ക്ക് നല്ലതാണ്

* മുറിവുണക്കാന്‍ കല്ലുവാഴയുടെ പോള മുറിച്ച് അതില് നിന്നൂറി വരുന്ന പശ പോലുള്ള ദ്രാവകം പുരട്ടുന്നത് നല്ലതാണ്

കല്ലുവാഴ എന്നാല് അലക്കുകല്ലിന്റെ ചോട്ടില് വളരുന്ന വാഴ അല്ലെന്ന് ഇപ്പോള് മനസ്സിലായില്ലേ..ഹോ എന്റെ ഒരു ബുദ്ധിയേ !!! ഞാന്‍ ഓര്‍ത്തു കല്ലുവാഴയില് ആണ് കന്മദം ഉണ്ടാകുന്നത് എന്ന്.. അതിനി കണ്ടു പിടിക്കണം..കന്മദം എന്താ എന്നു..കരിമ്പാറകള്‍ക്കുള്ളീലും കന്മദം നിറയും എന്നൊരു പാട്ട് മാത്രം അറിയാം..കന്മദത്തെ കുറിച്ചു ആര്‍ക്കെങ്കിലും എന്തേലും അറിയാവോ...അറിയാമെങ്കില്‍ പറഞ്ഞു തരണേ

ചിത്രങ്ങള്‍ക്കും വിവരങ്ങള്‍ക്കും കടപ്പാട് : ഗൂഗിള്‍

വനിതാ ബ്ലോഗര്‍മാരെ കുറിച്ചുള്ള ഇന്റര്‍വ്യൂ........മലയാള മനോരമ ചാനലില്‍........

2008-07-13T14:28:00.000+05:30

ജൂണ് 29 ഞായറാഴ്ച്ച. ഉച്ചയുറക്കത്തിന്റെ ആലസ്യത്തില്‍ കിടക്കുമ്പോള്‍ ഒരു ഫോണ്‍ കാള്‍ .നെറ്റ് ഫോണില്‍ നിന്നാണ് വിളി.കണ്ണന്‍ ആയിരിക്കും എന്നു കരുതി ചാടി എണീറ്റു.

അപ്പോള്‍ ഒരു കിളിമൊഴി

ഹലോ കാന്താരിക്കുട്ടി അല്ലേ?

അതേ.. ആരാ വിളിക്കുന്നത് ?

ഞാന്‍ മലയാള മനോരമ ചാനലില്‍ നിന്നാണ്.പേരു കാര്‍ത്തിക.ഞങ്ങള്‍ ചാനലിനു വേണ്ടി വനിത എന്ന പേരില്‍ ഒരു പ്രോഗ്രാം ചെയ്യുന്നുണ്ട്..അതില്‍ വനിതാ ബ്ലോഗര്‍മാരെ കുറിച്ചു ഒരു എപ്പിസോഡ് ചെയ്യുന്നു..കാന്താരിക്കുട്ടിയെ ഇന്റെര്‍വ്യൂ ചെയ്യാന് താല്പര്യം ഉണ്ട്.

ഞാന്‍ ഒന്നു ഞെട്ടി..എന്റെ ഉറക്കം ഏതിലേ പോയി എന്നറിയില്ല..

ബൂലോകത്തു ഞാന്‍ ഒരു തുടക്കക്കാരി.എന്റേതായി ഒത്തിരി പോസ്റ്റുകള്‍ ഒന്നും ഇല്ല.ഉള്ളതില്‍ തന്നെ നിലവാരം ഉണ്ടെന്നു പറയാവുന്ന ഒന്നും ഇല്ല. എന്നിട്ടും ഇവര് എന്നെ ഇന്റര്‍വ്യൂ ചെയ്യാനോ ?

എന്തായാലും വരട്ടെ എന്നു വിചാരിച്ചു..സമ്മതം അറിയിച്ചു.ശനിയാഴ്ച്ച അല്ലെങ്കില് ഞായറാഴ്ച്ച ഇന്റര്‍വ്യൂ ചെയ്യാം
ശരി എന്നു പറഞ്ഞു ഫോണ് വെച്ചൂ.

ജൂലൈ 2 ബുധനാഴ്ച്ച ഉച്ചക്കു ഞാന്‍ ഓഫീസില്‍ ഇരിക്കുമ്പോള്‍ വീണ്ടും കാര്‍ത്തിക വിളിച്ചു

നാളെ ഹര്‍ത്താല് അല്ലേ ? നാളെ വരട്ടെ വീട്ടില്

ഹര്‍ത്താല്‍ ദിവസം ആണെങ്കില് ലീവ് എടുക്കണ്ടാ..അതുകൊണ്ട് വരാന് പറഞ്ഞു.

നാളേ ഹര്‍ത്താലിന്റെ പ്രശ്നങ്ങള് തുടങ്ങുന്നതിനു മുന്നേ രാവിലെ 8.30 ഒക്കെ ആകുമ്പോളേക്കും ഞാനും ക്യാമറാമാനും കൂടി വരാം...

എന്റമ്മച്ചിയേ !!!!! ക്യാമറാമാനോ ?

അപ്പോള് ശബ്ദം മാത്രം പോരാ അല്ലേ .നമ്മുടെ രൂപം കൂടി...
അതുവരെ ഞാന് കരുതിയിരുന്നത് നമ്മള് സ്വന്തം പേരില് അല്ലല്ലോ ബ്ലോഗെഴുതുന്നത്. കാന്താരിക്കുട്ടി എന്ന ഓമനപ്പെരില് അല്ലെ.അതു കൊണ്ട് സ്വന്തം ഐഡന്റിറ്റി വെളിപെടാന്‍ ഉതകുന്ന ഒന്നും ഇന്റര്‍വ്യൂവില് കാണില്ലായിരിക്കും എന്നാണ്..

പക്ഷേ ഇപ്പോള്‍ ...
നെഞ്ചില്‍ നിന്നൊരു തീ ജ്വാല മുകളിലോട്ടു പൊങ്ങുന്നതു പോലെ..ഒരു ധൈര്യക്കുറവ്...

ഇതു ആദ്യത്തെ അനുഭവം ആണ് ക്യാമറക്കു മുന്നില്..

അന്നു രാത്രി ഉറങ്ങാന് പറ്റുന്നില്ല.തിരിഞ്ഞും മറിഞ്ഞും കിടന്നു നേരം വെളുപ്പിച്ചു..മക്കള് എന്നോട് ഇടക്കു ചോദിക്കുന്നുണ്ട്..ഈ അമ്മക്കു എന്താ പറ്റിയേ ?? പേടി ആവുകയാ എന്നു അവരോട് പറയാന് പറ്റുമോ??

ഒന്നും ഇല്ല മക്കളെ ഉറക്കം വരാഞ്ഞിട്ടാ....

രാവിലെ പതിവിലും നേരത്തെ എണീറ്റു.ബ്രേക്ക്ഫാസ്റ്റ് ഒക്കെ റെഡി ആക്കി.കുളിച്ചൊരുങ്ങി കാത്തിരുന്നു.

8.30 നു എത്താം എന്നു പറഞ്ഞിരുന്ന അവര് വന്നപ്പോള് 9.30 മണി ആയി.ക്യാമറ ഒക്കെ ശരിയാക്കി ഇന്റര്‍വ്യൂ തുടങ്ങി..ചോദ്യങ്ങള് ഒക്കെ സിമ്പിള്.എളുപ്പം ഉത്തരം പറയാവുന്നവ.പക്ഷേ പേടി കാരണം വായില് നിന്നും വല്ലതും വരണ്ടെ..എന്തൊക്കെയാ പറഞ്ഞതെന്നു ഇപ്പോളും നല്ല ബോധം ഇല്ല എന്നുള്ളതാ സത്യം !!

ബ്ലോഗ്ഗിങ് തുടങ്ങാ‍നുണ്ടായ സാഹചര്യം,ബ്ലോഗില് നിന്നും അസുഖകരമായ വല്ല അനുഭവങ്ങളും ഉണ്ടായിട്ടുണ്ടൊ ?? ഭാവിയില് ബ്ലോഗിങ്ങ് രംഗത്തു എന്തെങ്കിലും ചെയ്യാന് ഉദ്ദേശമുണ്ടോ എന്നിങ്ങ്െ കുറച്ചു ചോദ്യങ്ങള് മാത്രേ അവര് ചോദിച്ചുള്ളൂ. പക്ഷേ ക്യാമറ കണ്ടപ്പോള് കവാത്തു മറന്നു എന്നതു സത്യം.

ഇതിന്റെ റ്റെലികാസ്റ്റ് ഈ ചൊവ്വാഴ്ച്ച ഉച്ചക്കു 2.30 നു ആണ്.റിപ്പീറ്റ് ബുധനാഴ്ച്ച രാവിലെ 9.30 നും കാണും
ബൂലോകത്തെ പ്രധാന വനിതകളേ ഒന്നു കാണാമല്ലോ എന്നൊരു അനല്പമായ സന്തോഷം എനിക്കുണ്ട്..തൂലികാനാമത്തിലൂടെ മാത്രം പരിചയമുള്ള ആളുകളേ കാണാം.അവര് ആരൊക്കെ എന്നറിയാം എന്നോര്‍ക്കുമ്പോള് ഒരു ഉല്ലാ‍ാസം...

വേഴാമ്പല്‍

2008-07-11T21:16:00.002+05:30

ജനലിലൂടെ നോക്കി നില്‍ക്കാന്‍ തുടങ്ങിയിട്ട് എത്ര നേരമായി !! മഴത്തുള്ളികള് വന്നു വീണ് കുമിളകളായി പൊട്ടി പോകുന്നതു കാണാന്‍ പണ്ടേ എനിക്കിഷ്ടമായിരുന്നു.. ആ കുമിളകള്‍ ഉണ്ടാകുന്നതും പൊട്ടി പോകുന്നതും എത്ര പെട്ടെന്നാണ്.എന്റെ സ്വപ്നങ്ങള്‍ പോലെ !

എന്റെ സ്വപ്നം... ഞാനും ബാലുവേട്ടനും നമ്മുടെ ഓമനമക്കളും .... എന്നും പൊട്ടിച്ചിരിയും ആഹ്ലാദവും നിറഞ്ഞൊഴുകുന്ന നമ്മുടെ വീട്..എല്ലാം എത്ര പെട്ടെന്നാണ് ഇല്ലാതെയായത്...

“ നമ്മുടെ ആദ്യത്തെ കണ്മണി ഒരു ആണ്‍കുഞ്ഞായിരിക്കണം.. അവനെ എനിക്കു കലൂപി എന്നു വിളിക്കണം “

മധുവിധു രാവുകളിലൊന്നില്‍ ബാലുവേട്ടന്റെ വാക്കുകള്‍ കേട്ട് ഞാ‍ന്‍ ഉള്‍പ്പുളകത്തോടെ ചിരിച്ചു !

മാസങ്ങള്‍ കടന്നു പോകെ താനൊരച്ഛനാകാന് പോകുന്നു എന്ന് അറിഞ്ഞ ദിവസം എന്നെ സ്നേഹം കൊണ്ട് വീര്‍പ്പു മുട്ടിച്ചു..ഒരായുഷ്കാലം മുഴുവന് അനുഭവിക്കേണ്ടിയിരുന്ന സ്നെഹം ഏതാനും ദിവസങ്ങള് കൊണ്ടെനിക്കു തന്നു.

എന്നിട്ട്...

ലേബര്‍ റൂമിനുള്ളില് ,നൊംബരത്തിന്റെയും ആലസ്യത്തിന്റെയും ഇടയില് ഓര്‍മ്മ വീണു കിട്ടിയപ്പോള് ഞാന് തിരക്കി.

എന്റെ കുഞ്ഞ് ????

“നല്ല മിടുക്കി മോളാ...“

സിസ്റ്റര്‍ ചിരിച്ചു കൊണ്ടറിയിച്ചു.

കുഞ്ഞിനെ കണ്ടു കൊണ്ട് അന്നു പൊയ നിങ്ങള് പിന്നെ വന്നില്ല

ഒരു പെണ്‍കുഞ്ഞിനെ പ്രസവിച്ചതായിരുന്നു ഞാന്‍ ചെയ്ത കുറ്റം എന്നു അന്ന് ഞാന്‍ അറിഞ്ഞില്ല..എന്റെ അച്ഛനും അമ്മയും അന്നെന്നോട് അതു പറഞ്ഞില്ല.

ഓരോ ദിവസവും ഞാന്‍ കാത്തിരുന്നു..നിങ്ങളുടെ പാദ പതന ശബ്ദം കേള്‍ക്കാന്‍ കാതോറ്ത്തിരുന്നു..പക്ഷേ നിങ്ങള്‍ വന്നില്ല

നമ്മുടെ മോള് പാല് പുഞ്ചിരി പൊഴിക്കുമ്പോഴൊക്കെ എന്റെ കണ്ണില് നിറയുന്നത് കണ്ണുനീരായിരുന്നു.വെറും 2 വര്‍ഷത്തെ ദാമ്പത്യം ! സ്വപ്നങ്ങള് ഒക്കെ ചില്ലുകൊട്ടാരം വീണുടയുന്നതു പോലെ തകര്‍ന്നടിഞ്ഞല്ലോ..

പുരുഷന് ഇത്ര സ്വാര്‍ഥനാണൊ ?

പുരുഷന് ഇത്ര ക്രൂരനാണൊ ?

നിങ്ങളുടെ മാറില് മുഖമമര്‍ത്തി ആ ഹൃദയത്തിന്റെ മന്ത്രധ്വനി കേട്ടുറങ്ങാന് എത്ര നാളുകള് ഞാന് കാത്തിരിക്കണം ??

എങ്ങും ഇരുട്ടു പരന്നു തുടങ്ങി.മഴ തീര്‍ന്നു.നീര്‍ക്കുമിളകള് അവസാനിച്ചു.എല്ലാം ശാന്തം..എന്റെ മനസ്സു പോലെ.

ആഞ്ഞിലിപുരാണം

2008-07-09T20:59:00.001+05:30

എന്റെ വീടിന്റെ അതിരില്‍ നിറയെ ആഞ്ഞിലി മരങ്ങള്‍ ആണ്.. കുഞ്ഞായിരുന്നപ്പോള്‍ പണ്ട് ഞാന്‍ തന്നെ നട്ട തൈകള്‍ ആണ്..വലുതാവുമ്പോള്‍ ഇതു വിറ്റാല്‍ കാശ് ആണ് എന്നു അമ്മ പറയുമായിരുന്നു.

ഇന്നു ആ മരങ്ങള്‍ ഒക്കെ വലുതായി.കഴിഞ്ഞ ദിവസം അതു വെട്ടാന്‍ ആളു വന്നു.അപ്പോള്‍ ആണ് ആ പഴയ ഓര്‍മ്മകള്‍ മനസ്സില്‍ വന്നത്

ആ മരത്തെ കുറിച്ചോര്‍ക്കുമ്പോള്‍ ആദ്യം മനസ്സില്‍ വരുന്ന ഓര്‍മ്മ ആഞ്ഞിലി ചക്ക പഴത്തിന്റെ മധുരം ആണ്. ആഞ്ഞിലി ചക്ക ചെറുതാണ്.ഇതു പഴുത്തു കഴിയുമ്പോള്‍ അതിന്റെ മുള്ളു കലര്‍ന്ന തൊലി കളഞ്ഞു കഴിയുമ്പോള്‍ ഉള്ളില്‍ മഞ്ഞ കലര്‍ന്ന ഓറഞ്ചു നിറത്തില്‍ ഉള്ള മനോഹരമായ ചുളകള്‍ കാണാം.ഇതു വായിലിട്ടു നുണയുമ്പോള്‍ കിട്ടുന്ന സുഖം ...വായിലൂടെ കപ്പലോടിക്കാന്‍ ഉള്ള വെള്ളം !!!!!

ഇപ്പോള്‍ ആഞ്ഞിലി മരം നല്ല പോലെ പൊക്കം വെച്ചതിനാല്‍ ചക്ക പറിക്കാന്‍ പ്രയാസം ആണ്.എന്നാലും അതില്‍ ആദ്യം ഉണ്ടായ ചക്ക പറിച്ചതു ഞാന്‍ ആണെന്നതു എനിക്കു ഇപ്പോളും അഭിമാനം പകരുന്ന കാര്യം തന്നെ..മരത്തില് വലിഞ്ഞു കയറിയതിന്റെ പേരില് അമ്മയുടെ വക ചൂരല് കഷായം വാങ്ങിയതും പെണ്ണുങ്ങള് മരത്തില് കയറിയാല് എന്താ ആഞ്ഞിലി ചക്ക പഴം തിന്നാല്‍ പോരേ എന്നു ശക്തമായി പ്രതിഷേധിച്ചതും ഇന്നലെ എന്ന പോലെ തന്നെ ഞാന്‍ ഓര്‍ക്കുന്നു.അന്നു മരത്തില് കയറിയതിനു ഓര്‍മ്മ എന്നും നില്‍ക്കത്തക്ക വിധം ശരീരം മുഴുവന്‍ തോലു പോയതും കുളിക്കുമ്പോള്‍ ആ നീറ്റല്‍ സഹിക്കാന്‍ കഴിയാതെ ശബ്ദം പുറത്തു കേള്‍ക്കാതെ കരഞ്ഞതും ഇന്നലെ ആയിരുന്നല്ലോ..

അന്നത്തെ ഏറ്റവും മധുരമുള്ള ഓര്‍മ്മ ആഞ്ഞിലിക്കുരു വറുത്തു തിന്നുന്നതായിരുന്നു.എന്തു രുചിയാണ് അതിന്...

ആഞ്ഞിലിക്കുരു പെറുക്കി, അതു വെള്ളത്തിലിട്ടു കുതിര്‍ക്കും.പിന്നെ വെയിലത്തു വെച്ചു ഒന്നുണക്കിയിട്ട് കപ്പലണ്ടി വറുക്കുന്ന പോലെ മണലിലിട്ട് വറുത്തെടുക്കും. വറുത്ത കുരു തണുത്ത ശേഷം മുറത്തില് നിരത്തി ചിരട്ട കൊണ്ട് ഉരച്ചു തൊലി മാറ്റുന്നു.ഈ കുരുവിന്റെ സ്വാദ് !!! നാവില് ഇപ്പോളും വെള്ളമൂറുന്നു..വറുത്ത കശുവണ്ടിപ്പരിപ്പു ഇതിന്റെ ഏഴയലത്തു വരില്ലാ...

ആഞ്ഞിലിയെ പറ്റിയുള്ള മറ്റൊരു ഓര്‍മ്മ വിഷുക്കാലവുമായി ബന്ധപ്പെട്ടുള്ളതാണ്.അന്നു പടക്കം പൊട്ടിക്കാന് ആഞ്ഞിലി പ്ലാവിന്റെ തിരി ആണ് ഉപയോഗിച്ചിരുന്നത്.ഉണക്കി എടുത്ത തിരി കത്തിച്ചാല് ഏറേ നേരം അതു പുകഞ്ഞു നില്‍ക്കും,.പടക്കം ഒരു കൈയ്യിലും കത്തിച്ച തിരി മറുകയ്യിലുമായി അച്ഛന്‍ നില്‍ക്കും.ചെവി പൊത്തിക്കൊണ്ട് ഞാനും..ചേച്ചിക്കു പടക്കം പൊട്ടിക്കാന് അറിയാമായിരുന്നു.ചിലപ്പോളൊക്കെ ചേച്ചി ഏറ്റെടുക്കും പടക്കം പൊട്ടിക്കുന്ന വിദ്യ

ഇനി ഇതൊന്നും ഇല്ലല്ലൊ എന്നോര്‍ക്കുമ്പോള് ഉള്ളില് ഒരു വിങ്ങല് . ആ ആഞ്ഞിലി വില്‍ക്കണ്ടായിരുന്നു അമ്മേ എന്നു ഞാന്‍ അമ്മയോട് അറിയാതെ പറഞ്ഞു പോയി..ഇനി എല്ലാം ഓര്‍മ്മകള്‍ മാത്രം..

എന്റെ വീട്ടില്‍ ഇനി നാലു തൈ നട്ടു പിടിപ്പിക്കണം..മക്കളും അറിയട്ടെ ഈ രുചികള്....

ചിത്രം : ഗൂഗിളില്‍ നിന്നു ലഭിച്ചത്

അമ്മേ എന്നെ തേളു കടിച്ചേ.................

2008-07-06T18:12:00.002+05:30

എന്റെ മോനു 7 വയസ്സു പ്രായം ഉള്ളപ്പോള്‍ നടന്ന ഒരു സംഭവം.രാവിലെ ഞാന്‍ അടുക്കളയില്‍ പാചക കസര്‍ത്തില് .കണ്ണന്‍ അന്നു നാട്ടിലുണ്ട്.സിറ്റൌട്ടില് പത്രം വായിച്ചിരിക്കുന്നു.മോന്‍ രാവിലെ അപ്പൂപ്പന്റെ കൂടെ പറമ്പിലേക്കു പോയി.ജാതി മരച്ചുവട്ടില് വീഴുന്ന ജാതിക്കാ രാവിലെ തന്നെ പെറുക്കിയില്ലെങ്കില്‍ ആരെങ്കിലും കൊണ്ടു പോകും ( നാട്ടിന്‍പുറം നന്മകളാല്‍ സമൃദ്ധം !! )

അവര്‍ പറമ്പിലേക്കു ഇറങ്ങി ഒരു 10 മിനിട്ട് കഴിഞ്ഞു കാണില്ല . മോന്റെ ഉച്ചത്തിലുള്ള കരച്ചില്‍ കേട്ടു.

ഞാന്‍ പേടിച്ചു..എന്താ പറ്റിയേ കുട്ടാ.....

കണ്ണനും അപ്പോളെക്കും ഓടി വന്നു..മോന്‍ വലിയ വായിലെ നിലവിളിക്കുകയാണ്..

എന്നെ തേളു കടിച്ചു അമ്മേ...എനിക്കു വേദന സഹിക്കാന്‍ പറ്റണില്ലാമ്മേ.........

എന്താ ചെയ്യണ്ടെ ?? എനിക്കാകെ വെപ്രാളമായി. എന്തു മരുന്നാ കൊടുക്കേണ്ടതു എന്നു ഒരു രൂപവും ഇല്ല.തേളു കടിച്ചാല് വിഷം ഇല്ലാ എന്നറിയാം.എന്നാലും വേദന കുറക്കാന്‍ എന്താ ചെയ്യേണ്ടതു എന്നറിയില്ല
അപ്പൂപ്പന് കടിച്ച തേളിനെ കൊന്നു അവിടെ ഇട്ടിട്ടുമുണ്ട്..അതു കാണും തോറും മോന്‍ പിന്നേം കരച്ചില്..

വേഗം ഡ്രെസ്സ് മാറ്റി മോനെ കൊണ്ട് ഞങ്ങള് ഹോസ്പിറ്റലിലേക്കു പാഞ്ഞു.വിവരം പറഞ്ഞപ്പോള് ഡോക്ട്റ്ക്കു ചിരി.

വേദന കുറയാന്‍ ഒരു ഇഞ്ചക്ഷനും ഗുളികയും ഒക്കെ കൊടുത്തു.എന്നിട്ട് പറഞ്ഞു വീട്ടില് ചെന്നു രണ്ടു കഷണം തേങ്ങാകൊത്തു കൊടുത്താല്‍ മതി എന്ന് ..വിഷം ഏല്‍ക്കാതിരിക്കാന്‍ തേങ്ങാ കൊത്തു ബെസ്റ്റ് ആണെന്ന്

മോന്റെ കരച്ചിലിനും സങ്കടത്തിനുമിടയില് ഞാന് ചിരിച്ചു പോയി.ഇത്ര എളുപ്പം കിട്ടുന്ന ഒരു മരുന്നുണ്ടായിട്ടാണോ ഞാന്‍ റ്റെന്‍ഷന്‍ ആയി ആശുപത്രിയിലോട്ട് ഓടിയത് ??

അന്നു തേള്‍ വിഷത്തിനു പറ്റിയ മരുന്നുകളെ കുറിച്ചു ചെറിയ ഒരു അന്വേഷണം നടത്തി ..എനിക്കു കിട്ടിയ വിവരങ്ങള്‍ ഞാന്‍ നിങ്ങളുമായി പങ്കു വെക്കുന്നു.

 കുരുമുളക്,കറിവേപ്പില എന്നിവ അരച്ചു കടിവായില് പുരട്ടുക

 കുരുമുളക്,കറിവേപ്പില എന്നിവ മോരില് അരച്ചു കലക്കി കടിവായില് ധാര കോരുക

 ഉങ്ങിന് തളിര് കയ്യിലിട്ട് തിരുമ്മി കടിവായില് പുരട്ടുക

 തുമ്പക്കുടം,ചുവന്നുള്ളി,തുളസിയില എന്നിവ ഗോമൂത്രത്തില് അരച്ചു പൂശുകയും ധാരയിടുകയും ചെയ്യുക

 വേപ്പിന്‍ തൊലി,കുരുമുളക് ഇവ പുളിച്ച മോരില് അരച്ചു ,തിളപ്പിച്ചു ധാര കോരുക

 ഉമി, തല രോമം എന്നിവ സമം കനലില് ഇട്ട് ,കുറച്ചു നെയ്യും ഒഴിച്ചു പുകച്ച് ആ പുക കടിവായില് ഏല്‍പ്പിച്ചാല് കടച്ചില് ,വേദന എന്നിവക്കു ഉടനടി ആശ്വാസം ലഭിക്കും

കൂടുതല് ചികിത്സ അറിയുന്നവര് ഇവിടെ ആ അറിവു പങ്കു വെക്കുമല്ലോ..

സ്നേഹത്തോടേ കാന്താരിക്കുട്ടി

ചിത്രത്തിനു കടപ്പാട്:ഗൂഗിള്‍

ഇതിനെന്തു മറുപടി കൊടുക്കണം ഞാന്‍ ???

2008-07-04T19:43:00.001+05:30

നാലാം ക്ലാസ്സില്‍ പഠിക്കുന്ന എന്റെ മോന്‍ ഇന്നു സ്കൂള്‍ വിട്ടു വന്നപ്പോള്‍ ഞാന്‍ അടുക്കളയില്‍ ചായ ഉണ്ടാക്കുന്ന തിരക്കില്‍ ആയിരുന്നു..യൂണിഫോം മാറ്റി അവന്‍ അടുക്കളയില്‍ വന്നു..മുഖത്തൊരു കള്ളച്ചിരി !!!

എന്താ കുട്ടാ ? ഇന്നു സ്കൂളില്‍ എന്തൊക്കെയാ വിശേഷങ്ങള്‍ ?

അമ്മേ ,,,,ഞങ്ങളുടെ ക്ലാസ്സിലെ ആദിത്യയും അമലും തമ്മില്‍ ഭയങ്കര ഇഷ്ടത്തിലാ !!!!!!!

അതിനെന്താ മോനേ ? അമ്മക്കു മോനെ എന്തിഷ്ടമാ..അമ്മുക്കുട്ടിക്കു മോനെ എന്തിഷ്ടമാ ..അതു പോലെ അല്ലേ ??

ഓ .... ഇതതു പോലെ അല്ല അമ്മേ.

അവരു തമ്മില്‍ വേറേ ഇഷ്ടത്തിലാ

അതെന്തു ഇഷ്ടമാടാ ??

ഓ .. ഈ അമ്മക്കു ഒന്നും അറിയില്ല.അമ്മ ഇത്രേം വലുതായിട്ടെന്താ കാര്യം.,.. അമ്മക്കു ഒരു വിവരവും ഇല്ല

( കാര്യം മോന്‍ പറഞ്ഞതാണേലും അതു സത്യമാ..കണ്ണന്‍ എപ്പോളും പറയും കന്നാലി കോളേജില്‍ അല്ലേ പഠിച്ചതു... ഒരു വിവരവും ഇല്ലാ എന്ന്...........)

അവരു തമ്മില് പ്രേമമാ അമ്മേ. !!!!!!!!!!!!!!!!!!

ഇതിനെന്തു മറുപടി ഞാന് കൊടുക്കും ഞാന്...ടി വിയില് അവന് പൊതുവേ കാര്ട്ടൂണ് ചാനലുകള് മാത്രേ കാണാറുള്ളൂ..ഇതിനെ ചൊല്ലി അവന്റെ അച്ഛാച്ഛനും അവനും തമ്മില് മിക്കവാറും വഴക്കും ഉണ്ടാകും..എന്നിട്ടും ഇത്രേം വിവരം ഇവനെവിടുന്നു കിട്ടി എന്നോര്‍ത്തു ഞാന് അന്തം വിട്ടു..പിള്ളേരുടെ ഒരു ബുദ്ധിയേ...

ആദിവാസികളുടെ ആന്റിവെനം – അണലി വേഗം

2008-06-30T18:39:00.000+05:30

കാടിനുള്ളിലെ കോരിച്ചൊരിയുന്ന മഴ തുടങ്ങീട്ട് ആഴ്ച ഒന്നായി. കുടീലെ അടുപ്പ് പുകഞ്ഞിട്ടും അത്രെം നാളായി. ചീതയ്ക്കിരുപ്പുറച്ചില്ല മാതേവനോട് ചീത പറഞ്ഞു കാട്ടിനുള്ളിൽ പോയി നോക്കിയാൽ വല്ല മലങ്കിഴങ്ങും കിട്ടിയാലോ നമുക്കൊന്നു പോയി നോക്കാമോ? ദേഹത്ത് കുത്തിക്കേറൂന്ന തണുപ്പിനെ ശപിച്ചുകൊണ്ട് മാതേവൻ മനസ്സില്ലാമനസ്സോടെ കാട്ടിലേയ്ക്ക് പോയി കൂടെ ചീതയും. നടന്നു നടന്ന് കാടിനുള്ളിലെത്തി. കുറെ ദൂരെ കാട്ടുകിഴങ്ങിന്റെ വള്ളി പിണഞ്ഞു കിടക്കുന്നത് കണ്ട് മാതേവൻ ചിരുതയേയും കൂട്ടി അവിടെയ്ക്ക് പോയി. കിഴങ്ങ് കുത്തിയെടുക്കാൻ തുടങ്ങി. ചീത മരത്തിന്റെ ചില്ലകൾ വീണുകിടന്നത് പെറുക്കി കൂട്ടാനായി പോയി. ഇത്തിരി നേരം കഴിഞ്ഞപ്പോൾ ചീതയുടെ വിളി കേട്ട് മാതേവൻ അവിടേയ്ക്ക് ചെന്നപ്പോൾ കണ്ടത് കാൽ വണ്ണപൊത്തിപ്പിടിച്ച് ചീത തളർന്നിരിക്കുന്നതാണ്. ഏനെ പാമ്പ് കൊത്തി. ചീത പറഞ്ഞൊപ്പിച്ചു. എന്റെ തൈവങ്ങളേ അണലിയാണല്ലോ കരിയിലയ്ക്കിടയിൽ പതുങ്ങിയിരുന്ന പാമ്പിനെ മാതേവൻ കണ്ടു. എന്താ ചെയ്ക ചീതയേയും വാരിയെടുത്ത് മാതേവനോടി കാട്ടിലെ തേവരുടെ നടയിൽ കിടത്തി. കരളുരുകി, നെഞ്ചുരുകി മാതേവൻ തേവരെവിളിച്ചു കരഞ്ഞു. ഏന്റെ ചീതയെ കാത്തൊണേ തേവരേ..

എവിടെനിന്നോ ഒരു അശരീരി കേട്ടു മാതേവൻ “ ദാ ആ മരത്തിന്റെ തോലെടുത്ത് ചതച്ച് പുരട്ടിക്കോളൂ” കേട്ടതാമസം മാതെവൻ അടൂത്ത് കിടന്ന കല്ലെടുത്ത് തൊട്ടടുത്ത് നിന്ന മരത്തിലിടിച്ച് അതിന്റെ തോലെടുത്ത് ചതച്ച് പാമ്പു കടിച്ച മുറിവിൽ വച്ചു. അൽ‌പ്പനേരം കഴിഞ്ഞപ്പോൾ ദാ ചീത കണ്ണു തുറന്നു. മാതേവനും ചീതയും തേവരെ തൊഴുത് കുടിയിലേയ്ക്ക് മടങ്ങി.

ഇതിനു ശേഷം ആ ഊരിലെവിടെയെങ്കിലും ആർക്കെങ്കിലും സർപ്പദംശമേറ്റാൽ മാതേവന്റെ കുടിയിലെത്തിയ്ക്കും ഈ മരത്തിന്റെ പട്ടയെടുത്ത് മാതെവൻ ചികിത്സിക്കും ഇത് കാട്ടിലെ കഥ. ഊരുകളിൽ നിന്നും ഊരുകളിലേയ്ക്ക് വായ് മൊഴിയിലൂടെ കാട്ടു തീയ് പോലെ പരന്ന കഥ. ഇന്ന് നാട്ടിൻ പുറത്തും ഈ മരം വച്ച് പിടിപ്പിച്ചിട്ടുണ്ട്. സർപ്പ ദംശനമേറ്റവരെ ചികിത്സിക്കാൻ.

ഇതിന്റെ ശാസ്ത്രീയ വശം അറിയില്ലെങ്കിലും കാട്ടിൽ നിന്നും നാട്ടിലേയ്ക്ക് പറിച്ചു നടപ്പെട്ട ചെടിയാണ് അണലിവേഗം.

ഞാന്‍ ഈയിടെയാണ് അണലിവേഗം എന്ന മരത്തെക്കുറിച്ചു കേട്ടത്. ഈ ചെടി പറമ്പിലുണ്ടെങ്കില്‍ പാമ്പ് അതിന്റെ ഏഴയലത്തു വരില്ലത്രെ. പാമ്പിന് വിഷത്തിനു ഉത്തമപ്രതിവിധിയും ആണ് ഇത് ..ഈ മരത്തില് അറിയാതെ ചുറ്റിയ പാമ്പുകള് മയങ്ങി വീണിട്ടുണ്ടത്രേ..

ഈ മരം കൊണ്ട് കൂടുതലായി പ്രയോജനം കിട്ടുന്നത് ആദിവാസികള്‍ക്കാണ് .അണലി വേഗത്തിന്റെ പട്ട ആദിവാസികളുടെ ആന്റിവെനം ആണ്.പാമ്പ് കടിച്ച മുറിവില് ഇതിന്റെ പട്ട മുറിക്കുമ്പോള് വരുന്ന ചാറ് പുരട്ടുന്നതു നല്ലതാണ്..പക്ഷേ പട്ട മുറിക്കാന് വേണ്ടി ലോഹം കൊണ്ടു നിര്‍മ്മിച്ച ആയുധം ഉപയോഗിക്കരുത് എന്ന ഒരു വിശ്വാസം നിലവില്‍ ഉണ്ട്..കല്ലു കൊണ്ട് ഇടിച്ചാണു ഇതിന്റെ പട്ട വേര്‍തിരിക്കേണ്ടത്.
ഒരു ഔഷധ വൃക്ഷമായ അണലി വേഗത്തിന്റെ ശാസ്ത്രീയ നാമം അല്‍സ്റ്റോണിയ വെനിനേറ്റ (Alstonia venenata )
എന്നാണ്...ഈ മരത്തിന്റെ പട്ടയിലും കായിലും അടങ്ങിയിരിക്കുന്ന ഇന്‍ഡോള് എന്ന പദാര്‍ഥമാണ് ഇതിന്റെ പ്രത്യേകതക്കു കാരണം

പാമ്പിനെ പേടി ഉള്ളവര് ഇനി പേടിക്കണ്ടാ..വീട്ടു വളപ്പില് ഒരു അണലിവേഗം നട്ടു വളര്‍ത്തൂ...വനം വകുപ്പിന്റെ നഴ്സറികളില് ഇതിന്റെ തൈ ലഭിക്കും..പാമ്പിനെ തുരത്തുന്ന പ്രത്യൌഷധം അടിമുടി നിറച്ച് പാമ്പുകളുടെ യമദൂതനായി നില്‍ക്കുന്ന ഈ മരത്തെ കുറിച്ചു കൂടുതല് അറിയുന്നവര് അറിവ് ഇവിടെ പങ്കു വെക്കണേ......

ചിത്രങ്ങള്‍ക്കു കടപ്പാട് : ഗൂഗിള് സേര്‍ച്ച്

ഇതൊരു വധം അല്ലേ. ??????????????

2008-06-26T17:39:00.003+05:30

ഏതെങ്കിലും ഒരു പൊതു പരിപാടിയുടെ നോട്ടീസ് കൈയ്യില്‍ കിട്ടുമ്പോള്‍ തന്നെ ഇപ്പോള്‍ ഒരു ഞെട്ടല്‍ ആണ്.അദ്ധ്യക്ഷ പ്രസംഗം,സ്വാഗത പ്രസംഗം, ഉദ്ഘാടന പ്രസംഗം, ആശംസാ പ്രസംഗങ്ങള്‍ എന്നിങ്ങനെ വിവിധ തലങ്ങളിലായി പ്രസംഗ വധം സഹിക്കണമല്ലോ എന്നോര്‍ക്കുമ്പോള്‍ അറിയാതെ തന്നെ ഞെട്ടും..
ആശംസകളില്‍ നമ്മുടെ പേരു കൂടി ഉണ്ടെങ്കില്‍ കോളായി.പ്രസംഗകരിലൊരാളായി വേദിയിലേക്ക് കയറുന്നതു തന്നെ പെരുമ്പറ കൊട്ടുന്ന ഹൃദയവുമായി ആയിരിക്കും..സത്യം പറഞ്ഞാല്‍ നമുക്കു നാലു വാക്കു പറയാനുണ്ടെങ്കില്‍ മറ്റുള്ളവര്‍ പറയുന്നതു പലപ്പോഴും ശ്രദ്ധിക്കാന്‍ കൂടി കഴിയാറില്ല."വിറ താങ്ങി" എന്നൊരു സാധനം സ്റ്റേജില്‍ ഉള്ളതു കൊണ്ടാണ് പലപ്പോഴും വീഴാതെ പിടിച്ചു നില്‍ക്കുന്നത് എന്നെനിക്കു തോന്നാറുണ്ട്..

സ്വാഗത പ്രസംഗകന്‍ തൊട്ട് എല്ലാവരും നോട്ടീസ് നോക്കി ,വേദിയില്‍ ഇരിക്കുന്ന സകലരുടെയും പേരു എടുത്തു പറഞ്ഞാണ് തന്റെ " കടമ "യിലേക്ക് കടക്കാറ്
ബഹുമാനപ്പെട്ട മന്ത്രി, സ്ഥലം എം എല്‍ എ, എം പി, ജില്ല ,ബ്ലോക്ക്,ഗ്രാമ പഞ്ചായത്തു പ്രസിഡണ്ടുമാര്‍,ത്രിതല പഞ്ചായത്തു മെമ്പര്‍മാര്‍...തുടങ്ങി ചോട്ടാ നേതാക്കളെ വരെ പേരു വിളിച്ചു സംബോധന ചെയ്തു കഴിയുമ്പോഴെക്കും ഒരു 20 മിനിട്ട് കഴിഞ്ഞിട്ടുണ്ടാകും.. അപ്പോഴേക്കും സദസ്സിന്റെ മുന്‍ നിരയില്‍ ഇരിക്കുന്നവര്‍ പലരും കോട്ടു വായ് ഇടാനും തുടങ്ങിയിട്ടുണ്ടാകും...

എന്റെ ഒരു കുഞ്ഞു സംശയം ആണ് ശരിക്കും ഇതിന്റെ ഒരു ആവശ്യം ഉണ്ടൊ ??
ഞാന്‍ അനുവര്‍ത്തിച്ചു വരുന്ന ഒരു രീതി " വേദിയിലിരിക്കുന്ന ബഹുമാന്യരേ,പ്രിയപ്പെട്ട നാട്ടുകാരെ " ഇങ്ങനെ 2 വരി കൊണ്ട് എല്ലാവരേം സംബോധന ചെയ്യുകയാണ്..എന്റെ മേലുദ്യൊഗസ്ഥര്‍ എന്നോട് പറയാറുണ്ട് അങ്ങനെ പോരാ‍ എല്ലാവരുടെയും പേരു എടുത്തു പറഞ്ഞു വേണം പ്രസംഗം തുട്ങ്ങാന്‍ എന്ന്..എന്നാലേ അവരെ നമ്മള്‍ പരിഗണിച്ചൂ എന്നു അവര്‍ക്കു തോന്നൂ എന്ന്...

പക്ഷേ സാ‍ധാരണ ഗതിയില്‍ ഒരു പരിപാടിയില്‍ കുറഞ്ഞതു 30 പ്രസംഗകര്‍ എങ്കിലും കാണും..ഈ 30 പേരും എല്ലാവരെയും പേരു വിളിച്ചു സംബോധന ചെയ്യുമ്പോള്‍ എത്ര വിലപ്പെട്ട സമയം പോകും..ഈ സമയം മാത്രമല്ലല്ലോ..ഇതിനു ശേഷം അല്ലേ ശരിക്കുള്ള വധം....

ഒന്നു രണ്ടു പേരുടെ പ്രസംഗ വധം കഴിയുമ്പോള്‍ ആണ് ഉദ്ഘാടന മഹാമഹം..അപ്പോള്‍ സ്റ്റേജില്‍ നിന്നു ഒന്നു ഒഴിഞ്ഞു മാറി നിന്നില്ലെങ്കില്‍ നമ്മള്‍ വീണതു തന്നെ !!! എല്ലാവരും കൂടെ ഒരു ഓളം ആണു..നിലവിളക്കിനു ചുറ്റും ഉദ്ഘാടകനു ചുറ്റും നില്‍ക്കാന്‍ വേണ്ടി ഒരു പരക്കം പാച്ചില്‍..ഫോട്ടോയില്‍ മുഖം വരാനുള്ള തത്രപ്പാട്..പുറകില്‍ സീറ്റില്‍ ഇരുന്നവരൊക്കെ മുന്നിലേക്ക് ചാടി വരുന്നതു കാണുമ്പോള്‍ സത്യം എനിക്കു സഹതാപം ആണ് തോന്നാറ്.

ഈ പ്രസംഗ വധത്തെ കുറിച്ചു എന്തു തോന്നുന്നു ബൂലോകരെ ???

ചേരിന്‍ പക

2008-06-21T19:09:00.004+05:30

ഇക്കഴിഞ്ഞ ചൊവ്വാഴ്ച്ച.വൈകിട്ട് ഓഫീസു ജോലി കഴിഞ്ഞു ഞാന് വീട്ടിലേക്കു നടന്നു വരുന്നു. ഞങ്ങളുടെ അടുത്ത വീട്ടിലെ പൊന്നമ്മ ചേച്ചിയുടെ വീട്ടില് കുറച്ചു പേരു കൂടി നില്‍ക്കുന്നു...എന്താ കാര്യം എന്നറിയാന് വേണ്ടി ഞാന് അങ്ങോട്ടു കയറി ചെന്നു.എന്തൊരദ്ഭുതം !!!!!! രാവിലെ കണ്ട പൊന്നമ്മ ചേച്ചി അല്ല ഇത്. രാവിലെ നന്നേ മെലിഞ്ഞു പ്രീതി സിന്റയെ പോലെ ഇരുന്ന പൊന്നമ്മ ചേച്ചിയുടെ ഇപ്പോഴത്തെ രൂപം കവിയൂര് പൊന്നമ്മ ചേച്ചിയുടെ പോലെ ഉണ്ട്. ഇത്ര പെട്ടെന്നു ഏതാനും മണിക്കൂറുകള് കൊണ്ട് തടിച്ചുരുണ്ട് സുന്ദരി ആകാന് പാകത്തിനു എന്തു ടോണിക്ക് ആണ് ചേച്ചി കഴിച്ചത് ??

“ എന്റെ കൊച്ചേ , ഇതു എന്നെ ചേര് പിണഞ്ഞതാ “

“ ചേരയോ ??? ചേര കടിക്കുമോ ? കടിച്ചാല് തന്നെ തടിക്കുമോ ??? “

“ ചേരയല്ല..ചേരു മരം..രാവിലെ ചവറു മുറിക്കാന് വേണ്ടി ഞാന് പറമ്പിലേക്കിറങ്ങിയതാ...അവിടെ ഒരു ചേരിന്റെ തൈ നിന്നതു ഞാന് കണ്ടില്ല...ചവറു മുറിച്ച കൂട്ടത്തില് അതും ഞാന് മുറിച്ചു“

ചേരു പിണഞ്ഞാല് പിന്നെ ദേഹം മുഴുവന് ചൊറിഞ്ഞു തടീക്കും...നീരു വന്നു വെള്ളം ഒലിക്കും

“ഞാന് രാവിലെ മുതല് ഇരുന്നു ചൊറിയുന്നതാ..ചൊറിഞ്ഞു തരാന് ആരെയെങ്കിലും കിട്ടിയിരുന്നെങ്കില് ??? “

“ ഈശ്വരാ ഈ ചൊറിച്ചിലു മാറാന് എന്തു ചെയ്യണം..ചേച്ചി അല്പം പൌഡറ് എടുത്തു ദേഹത്തിട്ടു നോക്കൂ..ചിലപ്പോള് മാറും “

“ ഹോ പഠിച്ച പണി പതിനെട്ടും നോക്കിയതാ ഞാന് !! അപ്പുറത്തെ അമ്മിണി ചേച്ചി പറഞ്ഞതിന് പ്രകാരം പഴയ കുറ്റിച്ചൂലു കരിച്ചു ആ ചാരം മുഴുവന് ദേഹത്തു തേച്ചതാ...എന്നിട്ടും മാറിയില്ല “”

ഇതിനു ഒരു മരുന്നേ ഉള്ളൂ എന്നാ പറയുന്നേ

അതെന്തു മരുന്നാ ചേച്ചീ ???

താന്നിയേം മക്കളേം വലത്തു വെച്ചു തൊഴണം

“ ഇവിടെ അടുത്തു താന്നി മരം ആ ജോര്‍ജ്ജിന്റെ വീട്ടില് ഉണ്ടെന്നു പറഞ്ഞു കേട്ടു..ഞാന് അങ്ങോട്ടു പോകാന് തുടങ്ങിയപ്പോളാ കൊച്ചു വന്നേ “

“എന്നാല് ചേച്ചി വേഗം പോയി വലത്തു വെച്ചിട്ടു വാ...“

അവസാനം താന്നിമരത്തിനെ വലത്തു വെച്ചു താന്നിയില അരച്ചു ശരീരം മുഴുവന് പുരട്ടി താന്നിയിലയും തൊലിയും ഇട്ടു തിളപ്പിച്ച വെള്ളം കൊണ്ടു കുളിച്ചു കഴിഞ്ഞപ്പോള് ചേച്ചിയുടെ ചൊറിച്ചില് കുറഞ്ഞു

ഞാന് പറഞ്ഞു വന്നത് ചേര് എന്നു പറയുന്ന മരം നമ്മുടെ വീടിനടുത്തൊന്നും നിര്‍ത്താന് കൊള്ളില്ലത്രേ..അതു പൈശാചിക ശക്തികളെയും ദുഷ്ട ശക്തികളെയും ആകര്‍ഷിക്കും എന്നു പറയപ്പെടുന്നു..നമ്മളെ ചേരു പിണഞ്ഞാല് എന്തു ചെയ്താലാ ചൊറിച്ചില് ഒന്നു മാറ്റാന് പറ്റുക..എന്റെ അന്വേഷണത്തില് കണ്ടെത്തിയ മരുന്നുകള് താഴെ പറയുന്നവയാണ്

1. പുതു വെണ്ണ കഴിക്കുക.അതു തന്നെ ദേഹത്തു പുരട്ടുകയും ചെയ്യുക
2. 2.എള്ള് അരച്ചു ദേഹത്തു പുരട്ടുക.ഒപ്പം പാല് കുടിക്കുക
3. നാല്പാമരം കൊണ്ട് കഷായം വെക്കുക,അതില് പശുവിന് നെയ്യൊഴിച്ചു ആ നെയ്യ് ദേഹത്തു തേച്ചു ഇരിക്കുക
4. താന്നിയില ഇട്ടു തിളപ്പിച്ച വെള്ളത്തില് കുളിക്കുക

നിങ്ങളുടെ നാട്ടില് ചേരിന് പകക്കു വേറെ മരുന്നുകള് വല്ലതും പ്രചാരത്തില് ഉണ്ടെങ്കില് അതിവിടെ പങ്കു വെക്കണേ ??

വാല്‍ക്കഷണം : പൊന്നമ്മചേച്ചി തടിച്ചു സുന്ദരി ആയതു കണ്ടിട്ടു അടുത്ത വീട്ടിലെ സിന്ധു ചേച്ചി ചേരില പറിച്ച് മുഖത്തൊന്നു തടവി നോക്കി..സിന്ധു ചേച്ചി ഇപ്പോള് തടിക്കും എന്നോര്‍ത്ത് ആകാംക്ഷാഭരിതരായി കാത്തിരുന്ന ഞങ്ങള് നിരാശരായി..വൈകുന്നേരം ആയിട്ടും ഒന്നും സംഭവിച്ചില്ല..അല്ല അതിനു മനസ്സു നന്നാവണം അല്ലേ...

ചേരിന്റെ ചിത്രങ്ങള്‍ ആഷ തന്ന ലിങ്കില്‍ നിന്നും എടുത്തതാണ്....ആഷക്കു നന്ദി..

കയ്പനരഞ്ചി

2008-06-19T19:51:00.004+05:30

ആദിവാസികളുടെ ഇടയില് കാണുന്ന ഒരു അദ്ഭുത ഔഷധ ചെടിയാണ് കയ്പനരഞ്ചി.മെലിയ ഓറിയന്റാലിസ് എന്നാണ് ഇതിന്റെ ശാസ്ത്ര നാമം.ഇംഗ്ലീഷില് ഇതിനെ ഇന്‍ഡ്യന് നീം എന്നും സംസ്കൃതത്തില് വന ബിംബം എന്നും വന മാലിനി എന്നും അറിയപ്പെടുന്ന ഈ ചെടി കാഴ്ചയില് വേപ്പിനെ പോലെ ഇരിക്കും.ഒരു ചെറിയ പൂമരമായി വളരുന്ന ഇതിനെ വേലിച്ചെടിയായി വളര്‍ത്താവുന്നതാണ്..

എല്ലാത്തരം വിഷ ചികിത്സക്കും ഇതു പയോഗിക്കുന്നു എന്നതാണ് ഇതിന്റെ പ്രത്യേകത. മൂര്‍ഖ വിഷത്തിനുള്ള ചികിത്സയില് ഇതിന്റെ ഫലം വളരെ അതിശയകരമാണ് എന്നു ആദിവാസികള് പറയുന്നു.ഇതിന്റെ ഇലയുടെ നീരു ഒരു ഔണ്‍സ് കഴിക്കുന്നതോടൊപ്പം സമൂലം അരച്ചു പുരട്ടുകയും ഇല കടിച്ചു തിന്നുകയും ചെയ്യുന്നതു നല്ലതാണെന്ന് പറയപ്പെടുന്നു..മൂര്‍ഖ വിഷം ഏല്‍ക്കാതിരിക്കാന് ചില കാട്ടുജാതിക്കാര് ഇതിന്റെ ഇല ദിവസവും കഴിക്കാറുണ്ട് എന്നു പറയപ്പെടുന്നു..

പാമ്പിന് വിഷം.നീര് ,പ്രമേഹം,രക്ത സ്രാവം തുടങ്ങിയ അസുഖങ്ങള്‍ക്ക് ഇതു നല്ല മരുന്നാണ്..മാരകമായ പക്ഷ വാത ചികിത്സയിലും ഈ ഔഷധം ഗുണപ്രദമാണ്.കൈപ്പനരച്ചി നീരു എല്ലാ ദിവസവും അര ഔണ്‍സ് വീതം കഴിച്ചാല് “ ഓടാം ചാടാം നടക്കാം ഇതിനാല് യഥേഷ്ടം “ എന്നു വാഗ്ഭടന് പറഞ്ഞതു പോലെ ആരൊഗ്യവാന്മാരാകും എന്നതില് സംശയം ഇല്ല.

ഇതിന്റെ ഗുണങ്ങളെ പറ്റി കൂടുതല്‍ അറിയുന്നവര്‍ അറിവ് ഇവിടെ പങ്കു വെക്കണേ...

വിവരങ്ങള്‍ക്ക് കടപ്പാട് :http://ayurvedicmedicinalplants.com/plants/1475.html

വിരഹം

2008-06-12T18:01:00.005+05:30

എരിയുമീ വേനലില്‍ ഒരു നേര്‍ത്ത
തെന്നലായ്നീയെന്നുമരികിലുണ്ടായിരുന്നൂ
മാമരം കോച്ചും തണുപ്പത്ത് നീയെന്നെ
കമ്പിളിയെന്ന പോല്‍പൊതിഞ്ഞിരുന്നൂ

ഒരോ ഋതുക്കളും വന്നു പോകുമ്പോഴും
നീയെന്നരികിലുണ്ടായിരുന്നൂ
നീ വാരി തന്നിടും ഓരോ ഉരുളയും
അമൃതെന്ന പോല്‍ ഞാന്‍ നുണഞ്ഞിരുന്നൂ

നിന്റെയും എന്റെയും ദു:ഖങ്ങളൊക്കെ നാം
ഒന്നുപോല്‍ പങ്കിട്ടെടുത്തിരുന്നു
തീരത്തെ പുല്‍കുന്ന തിരമാല പോലെ നാം
പിരിയാതിരിക്കാന്‍ ശ്രമിച്ചിരുന്നൂ

എന്തു വന്നാലും പിരിയില്ല നാമെന്നു
പലവട്ടം എന്‍ കാതില്‍ നീ ചൊല്ലിയില്ലെ
എന്നിട്ടുമെന്തേയീ വര്‍ഷക്കാലത്തു നീ
എങ്ങോ മറഞ്ഞതെന്‍ കൂട്ടുകാരാ......................

നിന്നെയും കാത്ത്

2008-06-08T18:14:00.002+05:30

നിന്നെയുമോര്‍ത്തു കൊണ്ടീ പടിയില്‍
കണ്ണീര്‍ക്കണവുമായ് കാത്തിരിപ്പൂ
ഓരോ വിമാനമിങ്ങെത്തുമ്പോഴും
നീയതില്‍ കാണുമെന്നാശ്വസിപ്പൂ

നിദ്രയിലെന്നെ തഴുകിടുമ്പോള്‍
എല്ലാം മറന്നു ഞാന്‍ ഉല്ലസിക്കും
ആ ക്ഷണം ഞെട്ടി പിടഞ്ഞെണീക്കും
സ്വപനമെന്നോര്‍ത്ത് മിഴിച്ചിരിക്കും

നിന്‍ മൃദു സ്പര്‍ശനമേറ്റു വാങ്ങാന്‍
നിന്റെ ചെംചുണ്ടിലെ തേന് നുകരാന്‍
“മാങ്ങാച്ചൊന“ യെന്ന കൊഞ്ചല് കേള്‍ക്കാന്‍
നിന്‍ മന്ദഹാസത്തിലൂയലാടാന്‍

വര്‍ഷങ്ങളെത്ര ഞാന്‍ നോമ്പു നോറ്റു
എന്തേ നീ വൈകുന്നു പ്രാണ നാഥാ
എന്നെയും കൂടങ്ങു കൂട്ടിടുവാന്‍
എന്നിനി തീരുമെന്‍ വേദനകള്‍?

ലോക സുന്ദരിപ്പട്ടം നേടിയ തവള.

2008-05-29T08:58:00.003+05:30

ലോകത്തിലെ ഏറ്റവും വിഷമുള്ള ജീവി ഏതെന്നു പറയാവോ ബൂലോകരെ..പലരുടെയും നാവില് വരുന്ന ആദ്യ ഉത്തരം രാജ വെമ്പാല എന്നായിരിക്കുമല്ലോ...അല്ലെങ്കില് ഏതെങ്കിലും ചിലന്തിയോ തേളോ എന്നൊക്കെ മനസ്സില് വരുന്നവര് ഉണ്ടാകും..എന്നാല് ശരി ഉത്തരം ഇതൊന്നും അല്ല..

ലോകത്തിലെ ഏറ്റവും വിഷമുള്ള ജീവി ഒരു പാവം തവള ആണ്..തെക്കേ അമേരിക്കയിലെ മഴക്കാടുകളില് കാണുന്ന “ കൊക്കോയ് “എന്ന ഇനം തവള..വിശ്വസിക്കാന് പ്രയാസമാണ് അല്ലേ...ആദ്യം ഞാനും വിശ്വസിച്ചില്ല..പിന്നീട് ഇതിനെ കുറിച്ചു പഠിച്ചപ്പോള് വിശ്വാസമായി..

ലോകത്തിലെ ഏറ്റവും വിഷമുള്ള ജീവി എന്ന ബഹുമതിക്കൊപ്പം മറ്റൊന്നിനു കൂടി അര്‍ഹരാണ് ഇവര്..ലോകത്തിലെ ഏറ്റവും സുന്ദരന്മാരായ തവളകള് എന്ന വിശേഷണം...

മഞ്ഞ ,ചുവപ്പു,നീല തുടങ്ങി കടുത്ത നിറങ്ങളിലുള്ള ഈ തവളകളെ കാണാന് നല്ല ഭംഗിയാണ്.കടുത്ത നിറം ഉള്ളതിനാല് എവിടെ ഇരുന്നാലും ഈ തവളകള് വളരെ വേഗം ശത്രുക്കളുടെ കണ്ണില് പെടും...പക്ഷേ ശത്രുക്കളൊന്നും ഇവരുടെ അടുത്തേക്കു വരില്ല..അടുക്കാന് പേടിയാണ്..അത്രക്കു ഭയങ്കര വിഷം ആണു ഇവയുടെ തൊലിയില് ഉള്ളത്.ഇതില് ഒരു മൈക്രോ ഗ്രാം മതി മനുഷ്യന്റെ കഥ കഴിക്കാന് !!!!!!!

തേക്കേ അമേരിക്കയിലെ ആദിവാസികള് കൊക്കോയ് തവളകളുടെ ശരീരത്തിലെ വിഷം അമ്പുകളില് പുരട്ടാനായി ഉപയോഗിക്കാറുണ്ട്..അതു കൊണ്ടു ഈ തവളകളെ ആരോ ഫ്രോഗ് അഥവാ ശരത്തവള എന്നു കൂടി വിളിക്കാറുണ്ട്.....
കൂടുതല്‍ വിവരങ്ങള്‍ക്കു ഇവിടെ നോക്കൂ

ചിത്രങ്ങള്‍ക്കും വിവരങ്ങള്‍ക്കും കടപ്പാട് : ഗൂഗിള്‍ സേര്‍ച്ച്,വിക്കിപീഡിയ

സന്തോഷം കൊണ്ടെനിക്കിരിക്കാന്‍ വയ്യേ !!!!!!!!!!!

2008-05-25T19:55:00.003+05:30

കള്ളന്റെ ചിത്രം പത്രത്തില്‍ വന്നതു കാണൂ.....

കുറച്ചു നാളുകള്‍ക്കു മുന്‍പു രണ്ടു മാസങ്ങള്‍ക്കു മുന്‍പു എന്ന പേരില്‍ ഒരു പോസ്റ്റ് ഞാന്‍ ഇട്ടിരുന്നു.അന്നെന്റെ വീട്ടില്‍ കയറി എന്റെ മൊബൈലും സ്വര്‍ണവും മോഷ്ടിച്ച് എന്നെ ദിവസേന വിളിച്ചു ഭീഷണിപ്പെടുത്തിയിരുന്ന കള്ളനെ ഇന്നു പിടിച്ചു.

സംഭവം ഇങ്ങനെ............................

२०.5.2008
സമയം രാത്രി 10.30 ലാന്‍ഡ് ഫോണിലേക്ക് ഒരു കാള്‍.പരിചയമില്ലാത്ത നമ്പരാണ്.എങ്കിലും എടുത്തു
“ഹലോ .........................മാഡം അല്ലേ ??
അതേ,ആരാ സംസാരിക്കുന്നെ ?
മാഡത്തിനെന്നെ മനസ്സിലായില്ലേ..മാഡം അങ്ങനെ എന്നെ മറക്കില്ലല്ലോ??

ഉള്ളില്‍ ഒരു വെള്ളിടി വെട്ടി..ഈ ശബ്ദം .....ഒരാഴ്ച .....അല്ല...... മാസങ്ങളോളം എന്റെ ഉറക്കം കെടുത്തിയ ഇതേ ശബ്ദം..ഒരക്ഷരം പോലും പുറത്തേക്കു വരാതെ ഫോണും പിടിച്ചു ഞാന്‍ നിന്നു
ഫോണിലൂടെ വീണ്ടും അവന്റെ ശബ്ദം..

ചേച്ചി പേടിക്കുന്നതെന്തിനാ?എന്നെ ചേച്ചീടെ കൂട്ടുകാരന്‍ ആയി കരുതികൂടേ ???

ഹും കൂട്ടുകാരന്‍ ആക്കാന്‍ പറ്റിയ ഒരാളേ...

ഞാന്‍ ഒരക്ഷരം പോലും മിണ്ടാതെ ഫോണ്‍ കട്ട് ചെയ്തു.ഇനിയും കാള്‍ വരാതിരിക്കാന്‍ റിസീവര്‍ മാറ്റി വെച്ചു
എന്നിട്ടു പോലീസില്‍ ഇവന്‍ വിളിച്ച വിവരവും വിളിച്ച നമ്പറും അറിയിച്ചു..പിന്നേ കണ്ണനെ വിളിച്ചു കാര്യങ്ങള്‍ പറഞ്ഞു..കണ്ണന്‍ ഏറേ സമാധാനിപ്പിച്ചു എങ്കിലും ഒരു പോള കണ്ണടക്കാന്‍ പറ്റാതെ രാത്രി കടന്നു പോയി
രാവിലെ തന്നെ കണ്ണന്‍, മുഖ്യമന്ത്രി,ആഭ്യന്തര മന്ത്രി,ഡി .ജി.പി റൂറല്‍ എസ് .പി എന്നിവരുടെ ഓഫീസ് അഡ്ഡ്രസ്സും ഇ മെയില്‍ ഐ ഡി യും ഫാക്സ് നമ്പരുമൊക്കെ തപ്പിപ്പെറുക്കി അയച്ചു തന്നു..രാവിലെ തന്നെ വിശദമായ പരാതി തയ്യാറാക്കി എല്ലാവര്‍ക്കും ഫാക്സ് ചെയ്തു

ഫാക്സ് ചെയ്തു കൊണ്ടിരിക്കുന്നതിനിടക്കു എനിക്കൊരു കാള്‍..ഞാന്‍ ഒന്നു പേടിച്ചു ,കള്ളന്‍ ആണോ...

ഫോണ്‍ എടുത്തു॥കാര്യം ഇതാണ് ..കള്ളന്‍ തലേന്ന് എന്നെ വിളിച്ച ഫോണിന്റെ യഥാര്‍ഥ ഉടമസ്ഥന്‍ ആണ് വിളിക്കുന്നത്...അവന്റെ വീട്ടില്‍ കയറി കള്ളന്‍ മൊബൈലും സ്വ്ര്ണവും മോഷ്ടിച്ചു.ആ ഫോണില്‍ നിന്ന് കള്ളന്‍ ആദ്യം വിളിക്കുന്നതു എന്നെ ആണ്‍..ഞാനും കള്ളനും തമ്മില്‍ എന്താ ബന്ധം എന്നറിയാന്‍ വന്നതാണ്.

കാര്യങ്ങള്‍ പറഞ്ഞ് വന്നപ്പോള്‍ ഞങ്ങള്‍ തുല്യ ദുഖിതര്‍ ആണ്‍..പിന്നെ അദ്ദേഹം ഒരു കാര്യം കൂടി പറഞ്നു.മോഷണം പോയ മൊബൈലില്‍ ഉള്ള പെണ്‍കുട്ടികളുടെ നമ്പരിലേക്കു കള്ളന്‍ വിളിക്കുന്നു..ആണുങ്ങള്‍ ആണ്‍ ഫോണ്‍ എടുക്കുന്നതെങ്കില്‍ ഫോണ്‍ കട്ട് ചെയ്യുന്നു

ഈ ഞരമ്പു കള്ളനെ പിടിക്കാന്‍ ഇതു തന്നെ അല്ലേ മാര്‍ഗ്ഗം...... അതേ ഈ മാര്‍ഗ്ഗത്തിലൂടെ തന്നെ ആണ് കള്ളനെ ഇന്നു പിടിച്ചത്..ഒരു പെണ്‍കുട്ടിയേ കൊണ്ട് അവനു ഫോണ്‍ ചെയ്യിച്ചു..കുറെ ഒക്കെ പഞ്ചാര അടിച്ചു..എന്നിട്ട് പറഞ്ഞു എന്റെ മൊബൈലില്‍ ഇനി വിളിക്കാന്‍ കാശ് ഇല്ല..കുറച്ച് കാശ് തരാമോ??
കള്ളന്‍ സമ്മതിച്ചു..ഫ്ലെക്സി വഴി റീചാര്‍ജ് ചെയ്യുന്നതു എവിടെ നിന്നാണെന്നു മനസ്സിലാക്കി

എന്നിട്ടു അവനോട് പറഞ്ഞു .... സ്ഥലത്തു ഞാന്‍ വരാം..അവിടെ വരാമോ... കള്ളന്‍ സന്തോഷത്തോടെ സമ്മതിച്ചു,,,

അവിടെ വന്നപ്പോള്‍ പെണ്‍കുട്ടിയുടെ ഫോണില്‍ നിന്നും ഒരു എസ് എം എസ്

“പ്ലീസ് കാള്‍ മീ “

ആ എസ് എം എസ് വരുന്ന ശബ്ദം കാത്തു നിന്നവര്‍ കേട്ടു.അപ്പോള്‍ തന്നെ കള്ളന്‍ ഈ നമ്പരിലേക്ക് വിളിക്കുന്നതും കണ്ടു..
പിന്നെ താമസിച്ചില്ല..കള്ളന്‍ കസ്റ്റഡിയില്‍.......നാട്ടുകാര്‍ ശരിക്കും പെരുമാറി.....കള്ളന്‍ വന്ന ബൈക്കിലെ ബോക്സ് നിറയെ വീടു കുത്തിപ്പൊളിക്കാനുള്ള ആയുധങ്ങള്‍ ഒക്കെ ആയിരുന്നു എന്ന്.. നാട്ടുകാരുടെ തലോടല്‍ ഏറ്റ് കള്ളന്‍ ഇപ്പോള്‍ ഹോസ്പിറ്റലില്‍ ആണ്‍...

അവനു അത്രെം കിട്ടിയാല്‍ പോരാ..എനിക്കു അവനെ അമ്മിക്കല്ലില്‍ വെച്ചു അരച്ചു എടുക്കാന്‍ ഉള്ള ദേഷ്യം ഉണ്ട്..എന്റെ താലിമാല ഉള്‍പ്പെടെ പൊട്ടിച്ചതിനു..എന്നെ വിളിച്ചു ഭീഷണിപ്പെടുത്തിയതിന്...എല്ലാത്തിനും........

ഹോസ്പിറ്റലില്‍ കിടക്കുന്ന അവനെ ചേട്ടന്മാര്‍ പോയി കണ്ടു॥അത്രേമ്ം തലോടല്‍ കിട്ടിയിട്ടും ഒരു കൂസലുമില്ലാതെ കിടക്കുന്നു.. മെല്ലിച്ച ഒരു കരിമുട്ടി..

ഇവനെ എന്തു ചെയ്യണം ബൂലോകരേ ???????

നട്ടെല്ലില്ലാത്ത പെരും കള്ളന്‍....

2008-05-23T20:02:00.003+05:30

ഈയിടെ ബാലഭൂമി വായിച്ചപ്പോളാണ് നട്ടെല്ലില്ലാ‍ത്ത ജീവികളില്‍ ഏറ്റവും വമ്പന്‍ ഒരു പാവം ഞണ്ട് ആണെന്നു മനസ്സിലായത്.ഇവന്‍ ഒരു കായകുളം കൊച്ചുണ്ണി തന്നെ !! ഇവന്റെ പേരു നോക്കൂ...റോബര്‍ ക്രാബ് !!!! നല്ല പേര് അല്ലേ ? ഇവന്‍ ഏറ്റവും കൂടുതല്‍ മോഷ്ടിക്കുന്നതു നമ്മുടെ തേങ്ങ ആയതു കൊണ്ട് ഇവനു ഒരു ഇരട്ടപ്പേരു കൂടി ഉണ്ട്..കോക്കനട്ട് ക്രാബ് അഥവാ തേങ്ങാക്കള്ളന്‍.

ശാന്തസമുദ്രത്തിന്റെയും ഇന്ഡ്യന് മഹാസമുദ്രത്തിന്റെയും തീരങ്ങളില്‍ ആണ് ഈ പെരുംകള്ളന്‍ കൂടുതല്‍ കാണപ്പെടുന്നത്.ഈ ഭീമസേനനു ഏകദേശം 75 സെന്റി മീറ്റര് നീളവും 4 കിലോയോളം ഭാരവും ഉണ്ടാവും.ഇവന്റെ പ്രധാന പണി കടല്‍ക്കരയില് ഉള്ള തെങ്ങില് കയറി ഇളം കരിക്കു തുരന്നു തിന്നുകയാണ്.പിന്നെ കൈയില് ഒതുങ്ങുന്ന എന്തു സാധനം കണ്ടാലും എന്റെ സ്വഭാവമാണ്..അടിച്ചു മാറ്റല്...

ഇവനെ കുറിച്ചു കൂടുതല്‍ അറിയണോ ? ഇവിടെ നോക്കൂ..

ചിത്രങ്ങള്‍ക്ക് കടപ്പാട് : ഗൂഗിള്‍

ഒരു യാത്രയുടെ സ്മരണക്ക്

2008-05-18T19:41:00.002+05:30

19 വര്‍ഷങ്ങള്‍ക്കു മുന്‍പു ഞാന് അധ്യാപക വിദ്യാര്‍ഥിനി ആയിരുന്ന കാലം. കൂടെ പഠിച്ചിരുന്നവര് മിക്കവാരും പേരു മറ്റു ജില്ലകളില് നിന്നും ഉള്ളവര് ആയിരുന്നു..അവര്‍ക്കു വീട്ടില് നിന്നു പിരിഞ്ഞു നില്‍ക്കുന്നതിന്റെ വിഷമം മാറുന്നതു ഞങ്ങളുടെ വീട്ടില് വരുമ്പോള് ആയിരുന്നു..എന്റെ ഒരു സഹപാഠി എന്റെ വീട്ടില് വന്നതിനു ശേഷം എഴുതിയ ഒരു കവിത ആണിത്..ഇന്നലെ പഴയ പുസ്തകങ്ങളും ബുക്കുകളും ഡയറിയും ഒക്കെ അടുക്കി വെക്കുന്നതിനിടയില് പഴയ ഒരു ബുക്കില് നിന്നും കിട്ടിയതാണ് ഇത്.പഴയ ഓര്‍മകളിലേക്കു ഒരു മടക്കയാത്ര..

ഓര്‍മ്മയില് തിരയുന്നൂ കഴിഞ്ഞ സായം കാലം
ഇന്നലെ കണ്ടൂ വീണ്ടും ഇന്നെന്നു തോന്നീടുന്നു
അലി തന് വിളി കേട്ടിട്ടുണരുന്നുറങ്ങുന്നൂ
പതിവായ് നിന് ഗ്രാമവും നിങ്ങളുമൊരു പോലെ

ഒറ്റവരിപ്പാതയാം വഴി തന്നരികിലായ്
ഒറ്റയായ് നില്പൂ ദൃശ്യ സുന്ദരം മരങ്ങളും
സമ്പന്ന സമൃദ്ധിയെ വിളിച്ചു പറയുന്നൂ
ഇമ്പത്തില് ഓളം തല്ലും ശീതള കുളങ്ങളും

താരിളം തളിര് തെന്നല് തരളിതമായ് പെയ്തു
പൊന്നിള്‍ം വെയില് വീണ്ടും പുല്‍കുന്നൂ സുദൃഡ്ഡമായ്
പൂവണിഞ്ഞൊരു കൊന്ന മരവും പൂതിയോടെ
പാലൊളി പകരുന്നൂ പൂങ്കരള് പുളക്കുവാന്

എത്തി നിന് പടിയിങ്കല് കത്തുന്ന മനസ്സോടെ
പുത്തനായ് തന്നെ നീയും ശീതോപചാരം ചെയ്തു
കൊഴിഞ്ഞൂ നിമിഷങ്ങള് വഴിഞ്ഞൂ നിമേഷങ്ങള്
കഴിഞ്ഞൂ വിശേഷമാം മധ്യാഹ്ന ഭക്ഷണവും

പച്ച വിരിച്ച പാടം പിച്ച വെച്ചാടീടുന്നു
വെറ്റിലക്കൊടിയെല്ലാം കാറ്റിലുലഞ്ഞീടുന്നു
അകലെ കാണായ് വന്നൂ പകലിന് വെളിച്ചത്തില്
അരുമയോടെ പാറും അരുമപ്രാവുകളെ

എത്തിയെന് സവിധത്തില് പറന്നൂ തത്തി തത്തി
ഓടിപ്പോയ് വീണ്ടും ദൂരെ പാടത്തിന് മുകളിലായ്
ചെളിയില് കുതിര്‍ന്നു കൊണ്ടവിടെ പണിയുന്നൂ
അളിയും മനസ്സോടെ പട്ടിണി പേക്കോലങ്ങള്

ഞാറെല്ലാം പറിക്കുന്നൂ കരിമണ്ണിളക്കുന്നൂ
ചോറ് മാത്രം മതിയെന്നു വദനം പറയുന്നൂ
കറുത്ത മെയ്യോ ചുടും വിയര്‍പ്പാല് കുതിരുന്നു
കറുകപ്പുല്ലിന് നാമ്പും വിളിച്ചു കരയുന്നൂ

ഒരു സങ്കീര്‍ത്തനം പോലൊഴുകും ജലം കാണാന്‍
പര സമ്മോദത്തോടെ നടന്നൂ മന്ദം മന്ദം
“തുരങ്കം കണ്ടോ “എന്നു തിരക്കി വന്നൂ നീയും
പരവശയായ് കണ്ടെന്നുറക്കെ പറഞ്ഞൂ ഞാന്‍

വിഷാദത്തോടെ വിട പറഞ്ഞൂ പുറപ്പെട്ടു
പനിച്ചയം സ്റ്റോപ്പിലേക്കുടനെ നടപ്പായി
തിരിഞ്ഞു തിരിഞ്ഞു ഞാന്‍ തിരിച്ചു നടക്കുമ്പോല്‍
ഇത്തിരി വെട്ടവും കെട്ടു നില്‍ക്കുന്നൂ തുമ്പപ്പൂക്കള്‍

ഈ തീറ്റ വീരനെ കണ്ടിട്ടുണ്ടോ ???????

2008-04-20T18:31:00.000+05:30

ദേ.... ഇവനെ കണ്ടോ പൂവും കടിച്ചുപിടിച്ചോടുന്ന തൊരപ്പനെലി? ഒറ്റനോട്ടത്തിന് ഇവനെ കണ്ടാല്‍ ആരും അങ്ങിനെയല്ലെ പറയൂ.. പക്ഷെ ഇവന്‍ നമ്മുടെ നാട്ടുകാരനേയല്ല. വടക്കെ അമേരിക്കയിലെ കിഴക്കന്‍ പ്രവിശ്യകളില്‍ കാണപ്പെടുന്ന തൊരപ്പനെലി വര്‍ഗ്ഗത്തില്‍ പെട്ട ഇവന്റെ പേരോ അതി ഗംഭീരം "സ്റ്റാര്‍ നോസ്ഡ് മോള്‍ " (ഇനിയിപ്പം മോളല്ല മോനാണെങ്കിലും മോളെന്നു തന്നെ വിളിച്ചേ പറ്റൂ!) അഥവാ നക്ഷത്ര മൂക്കന്‍ തുരപ്പനെലി അപ്പനും അമ്മയും ഇട്ട പേര് കോണ്ടിലൂറ ക്രിസ്റ്റാറ്റ എന്നാ‍ണ്। കറുത്ത നിറം॥ദേഹം നിറയെ പതുപതുത്ത രോമം, കൈ കാലുകളില്‍ കൂര്‍ത്ത നഖങ്ങള്‍ മുഖത്തു കണ്ണോ വായോ ഒറ്റനോട്ടത്തില്‍ ആരും കാണില്ല ഉള്ളതു ചുവന്ന പൂവ് വീടര്‍ന്നു നില്‍ക്കുന്ന പോലൊരു മൂക്കു മാത്രം

വടക്കേ അമേരിക്കയിലൊക്കെ കാണുന്ന എലി വര്‍ഗ്ഗത്തില്‍ പെട്ട ഇവന്‍ അത്ര മോശക്കാരന്‍ ആണെന്നു ആരും വിചാരിക്കണ്ടാ ജന്തു ലോകത്തിലെ ശാപ്പാട്ടുരാമന്‍ തന്നെയാണ് ഇവന്‍ നമ്മുടെ "തീറ്റ റപ്പായി" യെ പോലെ

ഒരു സെക്കന്‍ഡ് കൊണ്ട് അഞ്ചു പ്രാണീകളേ വരെ അകത്താക്കാന്‍ മിടുക്കനാണ് ഇവന്‍ ഇവന്റെ ഇഷ്ട ഭോജ്യം നമ്മുടെ മണ്ണീരയാണ് എങ്കിലും മീനുകളെയും ഞണ്ടുകളേയും പുഴുക്കളെയുമൊന്നും വെറുതേ വിടാന്‍ ഇവന്‍ ഒരുക്കമല്ല താനും।

പ്രായപൂര്‍ത്തിയെത്തിയ ഒരു നക്ഷത്രമൂക്കന് ഏകദേശം 15 മുതല്‍ 20 വരെ സെന്റീമീറ്റര്‍ നീളവും 75 ഗ്രാം വരെ തൂക്കവുമുണ്ടാവും। 44 പല്ലുകളും. പിങ്ക് നിറത്തിലുള്ള ഇരുപത്തിരണ്ടോളം സ്പര്‍ശനികളാണ്‍ ഇവയുടെ മൂക്കിനു ചുറ്റും വിടര്‍ന്ന പൂവ് പോലെ കാണപ്പെടുന്നത്। ഇവന്‍ നല്ലൊരു നീന്തല്‍ വിദഗ് ധനും മുങ്ങല്‍ വീരനും ഒക്കെയാണ് തുരപ്പന്റെ വര്‍ഗ്ഗത്തില്‍ പെട്ടതിനാല്‍ മണ്ണു മാന്തുന്ന കാര്യത്തില്‍ ഇവന്‍ ബഹുമിടുക്കനും അര മീറ്റര്‍ വരെ കുഴിച്ചാണ് ഇവ മാ‍ളമുണ്ടാക്കുന്നത്...

ഇവന്റെ മറ്റൊരു പ്രത്യ്യേകത വാലാണ്। മറ്റുള്ള ജീ‍വികളെ അപേക്ഷിച്ച് ഇവന്റെ വാലിനൊരു പ്രത്യേകതയുള്ളത് തണുപ്പുകാലമായിക്കഴിഞ്ഞാല്‍ അത് മൂന്നു നാലിരട്ടി വീര്‍ക്കും। കൊഴുപ്പ് തണുപ്പുകാലത്ത് ശേഖരിച്ചു വയ്ക്കാ‍നാണത്രെ??

രണ്ടു വര്‍ഷം വരെ ചിലയിനം മോളുകള്‍ ജീവിച്ചിരിക്കാറുണ്ട്, പലപ്പോഴും വെള്ളത്തിനടിയില്‍ കഴിയുമെങ്കിലും കൂടുതല്‍ സമയവും കരയില്‍ കഴിയുന്ന ഈ നക്ഷത്രമൂക്കന്മാരെ എവിടെ കണ്ടാലും മൂങ്ങകള്‍ വെറുതെ വിടാറീല്ല ഓടിച്ചിട്ട് പിടിച്ച് ഭക്ഷിക്കും।

ചതുപ്പു നിലങ്ങളുള്ളിടത്താണ്‍ ഇവയെ ധാരാളമായി കണ്ടു വരുന്നത്। മനുഷ്യന്‍ ചതുപ്പു പ്രദേശങ്ങള്‍ വാസസ്ഥലങ്ങളായി മാറ്റിക്കൊണ്ടിരിക്കുന്ന ഈ കാലഘട്ടത്തില്‍ നക്ഷത്രമൂക്കനെലികളേയും കാലക്രമേണ ചില്ലിട്ട് വയ്ക്കേണ്ടി വരും ॥ഒരു കാലത്ത് ഇവരും ഭൂമിയിലുണ്ടായിരുന്നു എന്ന തെളിവിനു വേണ്ടി..!!!

എന്തു നല്ല നെക് ലേസ് !!!!!!!!!!!!!

2008-04-17T14:41:00.000+05:30

ചില സംഭവങ്ങള്‍ അങ്ങിനെയാണ്, കാരമുള്ളു പോലെ മനസ്സിലേയ്ക്ക് ആഴ്ന്നിറങ്ങും. രക്തം വാര്‍ന്നൊലിച്ച് വേദനിപ്പിച്ച് അതങ്ങിനെയിരിക്കും വര്‍ഷങ്ങളോളം..... അത്തരത്തില്‍ എന്റെ മനസ്സിനെയും പിടിച്ചുലച്ച ഒരു ദിവസമായിരുന്നു 2004 ഡിസംബര്‍ 26.

മനുഷ്യര്‍ എത്ര നിസ്സാര ജീവികള്‍ ആണെന്ന സത്യം എത്ര നിശിതമായാണ് രണ്ടായിരത്തി നാല് ഡിസംബര്‍ ഇരുപത്തി ആറിനു സുമാത്രാ ദ്വീപു മുതല്‍ ആഫ്രിക്കയുടെ തീരങ്ങളിലൂടെ മരണതാണ്ഡവമാടിയ രാക്ഷസ തിരമാലകളിലൂടെ നമ്മെ ഓര്‍മിപ്പിച്ചത്। ആര്‍ത്തികള്‍,മത്സരങ്ങള്‍,വെട്ടിപ്പിടിക്കലുകള്‍ എല്ലാം നിമിഷ നേരം കൊണ്ട് അവസാനിക്കുന്നു॥നമുക്കു വെള്ളവും വെളിച്ചവും തരുന്ന പ്രകൃതി അമ്മ മാത്രമല്ല സംഹാര രുദ്ര കൂടിയാണെന്നു ഓര്‍മിപ്പിക്കുമ്പോള്‍ നാം കൂടുതല്‍ വിനയാന്വിതരാകേണ്ടിയിരിക്കുന്നു ചതിച്ചും കൊന്നും കെട്ടിപ്പടുക്കുന്ന മഹാ സൌധങ്ങളും ശാസ്ത്രത്തിന്റെ ശൂന്യാകാശത്തേക്കുള്ള പറക്കലുകളും പ്രകൃതിയുടെ ചെറിയ ഒരു കലി തുള്ളലിനു മുന്നില്‍ ഒന്നുമല്ല എന്നു നാം മനസ്സിലാക്കിയ ദിനമാണ് സൂനാ‍മി തിരമാലകള്‍ ഇന്ത്യന്‍ തീരം ഉള്‍പ്പെടെയുള്ള കടലോരങ്ങളില്‍ നിന്നും പതിനായിരങ്ങളെ കവര്‍ന്നെടുത്ത ദിനം.

ഞാനന്നു ഇടുക്കിയില്‍ ജോലി ചെയ്യുന്നു പുലര്‍ച്ചെ മുതല്‍ എല്ലാ ചാനലുകളിലും തല്‍ സമയ സം പ്രേഷണങ്ങള്‍ നടക്കുന്നു॥മനുഷ്യരും മൃഗങ്ങളും വാഹനങ്ങളും എല്ലാം വെള്ളത്തിലൂടെ ഒഴുകി നടക്കുന്ന ഭീതിതമായ കാഴ്ച ആരെയും വേദനിപ്പിക്കും।ആര്‍ക്കും കണ്ടു നില്‍ക്കാന്‍ പോലും പറ്റാത്ത ദൃശ്യങ്ങള്‍ ആയിരുന്നില്ലെ അവ. ഞാന്‍ അന്നു എന്റെ ഒരു സുഹൃത്തിന്റെ വീട്ടില്‍ ഇരുന്നു ആ രംഗങ്ങള്‍ കാണുകയായിരുന്നു. ചാനലില്‍ അവതാരക സംഭവങ്ങള്‍ വിവരിച്ചു കൊണ്ടിരിക്കുന്നു॥ഒപ്പം തല്‍ സമയ സം പ്രേഷണവും

ശ്രീലങ്കന്‍ തീരത്തുള്ള ഒരു റിസോര്‍ട്ടിലേക്ക് തിരമാലകള്‍ ആഞ്ഞടിക്കുന്നു റിസോര്‍ട്ടിന്റെ മുറ്റത്തുള്ള ഒരു പോസ്റ്റില്‍ ഒരു വൃദ്ധന്‍ അള്ളിപ്പിടിച്ച് വിറങ്ങലിച്ചിരിക്കുന്നു അദ്ദേഹത്തിന്റെ മേലേക്കു തിരമാലകള്‍ അടിച്ചു കയറുന്ന ഭീദിതമായ ദൃശ്യം ആണു സ്ക്രീനില്‍ അപ്പോള്‍! ജീവനും മരണത്തിനുമിടയില്‍ പെട്ടുപോയ ആ വൃദ്ധന്റെ പരിതാപകരമായ അവസ്ഥയോര്‍ത്ത് എന്റെ മനസ്സു പിടഞ്ഞു.. എന്റെ ദൈവമെ ആ വൃദ്ധനു ഒന്നും സംഭവിക്കല്ലേ അദ്ദേഹത്തിന്റെ ജീവന്‍ തിരികെ കിട്ടണേ എന്ന നിശബ്ദ പ്രാര്‍ഥനയോടെ ഞാന്‍ ഇരിക്കുന്നു

ഇല്ല ... തൊട്ടടുത്ത നിമിഷം ഒരു വലിയ തിരമാല ആഞ്ഞടിച്ചപ്പോഴേക്ക് അദ്ദേഹത്തിന്റെ കൈകള്‍ വിട്ടു പോയി. മരണത്തിലേക്കു അദ്ദേഹം ഒഴുകി നീങ്ങുന്നത് നിസ്സഹായതയോടെ കണ്ടിരിക്കുമ്പോള്‍ ആണ് സുഹൃത്തിന്റെ ഭാര്യ ഞങ്ങള്‍ക്കു ചായയുമായി കടന്നു വന്നത്.

ടി വി യിലെ വാര്‍ത്ത ഒന്നു നോക്കി അവര്‍ പറഞ്ഞു

“ ഹോ എന്തു നല്ല നെക് ലേസ് "

സുനാമിയെ പറ്റിയോ ഇത്രയും ജനങ്ങളുടെ ജീവന്‍ നഷ്ടപ്പെട്ടതിനെ പറ്റിയോ അവര്‍ ഒരു വാക്കും മിണ്ടിയില്ല॥അങ്ങനെയൊരു സംഭവം ലോകത്ത് നടക്കുന്നുണ്ടെന്നു പോലും അവരറിഞ്ഞില്ലാനു തോന്നും അവരുടെ മുഖഭാവം കണ്ടാല്‍ . അവിടെ ഒഴുകിനീങ്ങിയ മനുഷ്യരുടെയും വളര്‍ത്തു മൃഗങ്ങളുടെയും ശരീരങ്ങള്‍ അവര്‍ കണ്ടില്ല.. അലമുറയിടുന്ന ജനത്തിന്റെ ആരവങ്ങള്‍ അവര്‍ കേട്ടില്ല..! പകരം അവരുടെ കണ്ണുകള്‍ ചെന്നെത്തിയത് ആ വാര്‍ത്താ വായനക്കാരിയുടെ കഴുത്തിലെ മാലയില്‍ ആയിരുന്നു!!!.

ആകെ മൂകമായിരുന്ന അന്തരീക്ഷത്തില്‍ അവരുടെ ഈ വാക്കുകള്‍ ഒരു പെരുമ്പറയില്‍ നിന്നും വന്നപോലെ എന്നെ ഭീതിപ്പെടുത്തി.. എത്ര നിസ്സാരമായാണാ സ്ത്രീ പ്രതികരിച്ചത്..

ആ സ്ത്രീയില്‍ നിന്നും ഈ വാചകം കേട്ടപ്പോള്‍ ചിരിക്കുകയാണോ കരയുകയാണോ വേണ്ടതു എന്നു ചിന്തിക്കാന്‍ പോലും കഴിയാതെ ഏറെ നേരം ഞാന്‍ മരവിച്ചിരുന്നുപോയി..

ചിലര്‍ അങ്ങിനെയാണ് സാഹചര്യങ്ങളോട് പൊരുത്തപ്പെടാന്‍ കഴിയാത്തവര്‍. ചുറ്റും എന്തു നടക്കുന്നു എന്ന് മനപ്പൂര്‍വ്വമോ അല്ലാതെയോ ശ്രദ്ധിക്കാത്തവര്‍. ആഡംബരങ്ങളില്‍ മാത്രം എപ്പോഴും മനസ്സൂന്നുന്നവര്‍.. അങ്ങിനെയുള്ളവരോട് സഹതപിക്കുകയല്ലാതെ മറ്റെന്തു ചെയ്യാന്‍..!!!

വര്‍ഷം മൂന്നു കഴിഞ്ഞിട്ടും സുനാമിയുടെ ഓര്‍മ്മകളില്‍ ഈ ഒരു സംഭവം കറുത്ത പാടായി എന്റെ മനസ്സില്‍ പതിഞ്ഞു കിടക്കുന്നു!!.

പ്രാര്‍ഥന ഒരു ശിക്ഷ ആയപ്പോള്‍........

2008-04-16T18:18:00.000+05:30

ഞാന്‍ ഇടുക്കിയിലെ ചെറുതോണിക്കടുത്തു വാഴത്തോപ്പ് എന്ന സ്ഥലത്തു ജോലി ചെയ്യുന്ന കാലം താമസം വാഴത്തോപ്പില്‍ തന്നെ ഉള്ള കോണ്‍ വെന്റ് കം ഹോസ്റ്റലില്‍ പേര് യേശുനിവാസ് വര്‍ക്കിങ് വിമന്‍ ആയി ഞങ്ങള്‍ അഞ്ചെട്ടു പേരുണ്ട് കൂടുതലും എഞ്ജിനീയറിങ്ങിനു പഠിക്കുന്ന കുട്ടികള്

ഹോസ്റ്റലില്‍ ചേര്‍ന്നപ്പോള്‍ തന്നെ അവിടത്തെ നിയമാവലി മദര്‍ എന്നോട് പറഞ്ഞിരുന്നു

അതില്‍ പ്രധാനമായവ

* രാവിലെയും വൈകിട്ടും പ്രാര്‍ഥനയില്‍ പങ്കു കൊള്ളുക

* ഹോസ്റ്റലില്‍ ഉച്ചത്തില്‍ സംസാരിക്കുകയോ ചിരിക്കുകയോ ചെയ്യരുത്

*രാത്രി പത്തു മണിക്കു ശേഷം റൂമില്‍ ലൈറ്റ് ഇടരുത്

* വൈകിട്ട് ആറരക്കു മുന്‍പു ഹോസ്റ്റലില്‍ തിരിച്ചെത്തണം

...................................................................................................

ഇതില്‍ ആദ്യത്തെ നിബന്ധന എന്നെ സംബന്ധിച്ചിടത്തോളം സഹിക്കാന്‍ വയ്യാത്ത ഒന്നായിരുന്നു വൈകിട്ട് പ്രാര്‍ഥന സന്തോഷം തന്നെ പക്ഷേ രാവിലെ...............

പ്രാര്‍ഥനക്കുള്ള മണി രാവിലെ നാലു മണിക്കു അടിക്കും(ഹോസ്റ്റലില്‍ ഓരോന്നിനും മണി മുഴക്കമാണ് ഭക്ഷണം കഴിക്കാന്‍,പ്രാര്‍ത്തിക്കാന്‍ വായിക്കാന്‍॥ഓരോന്നിനും മണിയടിയുടെ ഈ ണത്തിനും വ്യത്യാസം ഉണ്ട് ) രാത്രികാലങ്ങളില്‍ സഹിക്കാന്‍ വയ്യാത്ത തണുപ്പാണ്।കമ്പിളിക്കുള്ളില്‍ ചുരുണ്ട് വളഞ്ഞ് എസ് ഷേപ്പിലൊക്കെ കിടന്നാണു തണുപ്പിനെ ഓടിക്കുന്നത് പ്രാര്‍ഥനയില്‍ നിന്നും ആരേയും ഒഴിവാക്കിയിട്ടില്ല॥മണിയടി കേള്‍ക്കുമ്പോള്‍ ചാടി എണീറ്റ് പല്ല് ബ്രഷ് ചെയ്ത് എല്ലാരും പ്രേയര്‍ ഹാളില്‍ എത്തണം

ഈ പ്രാര്‍ഥന കണ്ടു പിടിച്ചവനെ തല്ലിക്കൊല്ലണം എന്ന പ്രാര്‍ഥനയോടെ മെല്ലെ പുതപ്പിനടിയില്‍ നിന്നു എണീറ്റ് ഉറങ്ങിക്കൊണ്ട് തന്നെ പല്ലു തേച്ചു എന്നു വരുത്തി ആടിയാടി പ്രേയര്‍ ഹാളില്‍ എത്തും॥ഞാന്‍ എത്തുമ്പോളേക്കും കുട്ടികള്‍ പ്രാര്‍ഥനാ ഗാനം പാടിതീര്‍ന്നു ബൈബിള്‍ വായന തുടങ്ങി കാണും॥ഞാന്‍ മെല്ലെ ചെന്നു അവരുടെ കൂടെ ഇരിക്കും॥ഇരുന്നു കൊണ്ട് ഒന്നു കൂടി ഉറങ്ങും॥ഇങ്ങനെ കുറെ ദിവസമായപ്പോള്‍ കുട്ടികള്‍ പറഞ്ഞു ചേച്ചി അവിടെങ്ങാനും കിടന്ന് ഉറങ്ങിക്കോളൂ...എന്തിനാ ഇവിടെ വന്നിരിക്കുന്നെ॥അപ്പോള്‍ ഹോസ്റ്റലിലെ നിയമം ?

നിയമം മണ്ണാങ്കട്ട !!!

ഞാനൊന്നാലോചിച്ചു॥കുട്ടികള്‍ ആണെങ്കിലും അവര്‍ പറഞ്ഞതില്‍ കാര്യം ഉണ്ട്॥ഞാനെന്തിനാ ദൈവത്തിന്റെ മുന്നില്‍ വന്നിരുന്നു ഉറങ്ങുന്നേ

അവരുടെ ഉപദേശം സുന്ദരിയും സുശീലയും വിവാഹിതയും രണ്ടു കുട്ടികളുടെ അമ്മയും സര്‍വ്വോപരി ഗസറ്റഡ് ഉദ്യോഗസ്ഥയുമായ ഞാന്‍ സസന്തോഷം സ്വീകരിച്ചു॥

പിറ്റേന്നു മണിയടി കേട്ടിട്ടും കേട്ടില്ലാ എന്ന മട്ടില്‍ കമ്പിളി ഒന്നു കൂടെ തല വഴി വലിച്ചിട്ട് ഞാന്‍ കിടന്നു...പ്രേയര്‍ ഹാളിനുള്ളില്‍ നിന്നു കുട്ടികളുടെ പ്രാര്‍ഥന ഉയര്‍ന്നു കേള്‍ക്കാം

ആരാധിക്കുന്നേ കുമ്പിട്ടാരാധിക്കുന്നേ......

ആത്മനാഥന്‍ യേശുവിനെ ആരാധിക്കുന്നേ

പെട്ടെന്നാണു കതകില്‍ മുട്ടു കേട്ടത്॥ഡും ഡും ഡും

ആരപ്പാ ശല്യപ്പെടുത്താന്‍ വന്നിരിക്കുന്നെ ? മനുഷ്യനെ സ്വസ്ഥമായി ഒന്നുറങ്ങാനും സമ്മതിക്കില്ലേ ?

കണ്ണും തിരുമ്മി പിറുപിറുത്തു കൊണ്ട് ഞാന്‍ ചെന്നു വാതില്‍ തുറന്നു॥

ഒരു നിമിഷം എന്റെ ഉറക്കം ഏതു വഴിക്കു പോയി എന്നറിയില്ല॥മുന്‍പില്‍ മദര്‍ !!!!! മദറിന്റെ മുഖം ചുവന്നിരിക്കുന്നു॥ദേഷ്യം കൊണ്ട് മൂക്കൊക്കെ വിറക്കുന്നു...

താമസിച്ചില്ല മഴ തുടങ്ങി॥ഇവിടുത്തെ നിയമം കാന്താരിക്കു അറിയാവുന്നതല്ലേ॥അവിടെ കുട്ടികള്‍ പ്രാര്‍ഥിക്കുന്നതു കാണുന്നില്ലേ അവര്‍ക്കു മാതൃക കാണിക്കേണ്ടതല്ലേ ?പോത്ത് പോലെ ഉറങ്ങുന്നു ആസനത്തില്‍ വെയിലു വന്നാലും എണീകില്ലല്ലോ .........പെരു മഴ തുടര്‍ന്നു ..........

.മദറേ ഞാന്‍ ...............
ഞാന്‍ പറയാന്‍ ശ്രമിച്ചു॥ഇയാള്‍ ഒന്നും പറയേണ്ടാ॥ഞാന്‍ പറയുന്നതു അങ്ങ് കേട്ടേച്ചാല്‍ മതി

ശരി മദര്‍ പറയൂ ?

ഇപ്പോള്‍ നടന്ന പ്രാര്‍ഥന മൊത്തം കാന്താരി ഒറ്റക്കു പ്രാര്‍ഥിക്കണം॥ദൈവമെ ചതിച്ചോ എന്റെ ഗുരുവായൂരപ്പാ॥എന്തൊരു പരീക്ഷണം

എനിക്കാണേല്‍ ബൈബിള്‍ അതിന്റെ ഈണത്തില്‍ വായിക്കാനൊന്നും അറിയില്ല...എന്നാലും ശിക്ഷയല്ലേ അനുഭവിച്ചേ പറ്റൂ...

ഞാന്‍ പ്രേയര്‍ റൂമിലേക്കു നടന്നു।കുട്ടികള്‍ പഠനം തുടങ്ങിയിരിക്കുന്നു॥പ്രാര്‍ഥന കഴിഞ്ഞാല്‍ പിന്നെ അതു പഠന മുറി ആയി ഉപയോഗിക്കുന്നു॥

കുട്ടികള്‍ ചെയ്ത പ്രാര്‍ഥന മൊത്തം ഞാന്‍ ഒന്നു കൂടി നടത്തേണ്ടി വന്നു॥എനിക്കാണെങ്കില്‍ക്രിസ്തീയ ഭക്തിഗാനങ്ങള്‍ എല്ലാം ഒന്നും അറിയില്ലാ॥കൂട്ടത്തില്‍ കൂടുമ്പോള്‍ പാടും എന്നല്ലാതെ.....ഞാന്‍ എങ്ങനെയൊക്കെയോ ഇസ്രായേലിന്‍ നാഥന്‍ എന്ന പാട്ടൊക്കെ പാടി പ്രാര്‍ഥന മുഴുമിപ്പിച്ചു॥

എന്റെ പ്രാര്‍ഥന തീരുന്നതു വരെ മദര്‍ അവിടെ തന്നെ നിന്നു।കുട്ടികളുടെ മുഖത്തു സഹതാപം॥എനിക്കു ഇഞ്ചി കടിച്ച കുരങ്ങന്റെ ഭാവം॥ഇത്രേം വലിയ നാണക്കേട് ഇനി ഉണ്ടാവാനുണ്ടോ ? ഇനിയീ കുട്ടികളുടെ മുഖത്തെങ്ങനെ നോക്കും...

തിരിച്ചു റൂമില്‍ എത്തി॥തിരിഞ്ഞും മറിഞ്ഞും, കമഴ്ന്നും കിടന്നിട്ടും ദേഷ്യം പോകുന്നില്ല॥എന്റെ ഭര്‍ത്താവു പോലും ഇങ്ങനെ ചീത്ത പറഞ്ഞിട്ടില്ല എന്നെ ...ഞാനെന്താ കൊച്ചു കുട്ടി ആണോ ചീത്ത പറഞ്ഞു അനുസരിപ്പിക്കാന്‍...

മദര്‍ പറഞ്ഞതു കേട്ടില്ലെങ്കില്‍ വേറെ ഹോസ്റ്റല്‍ ഒന്നും അവിടെ ഇല്ലാ॥വീട്ടില്‍ നിന്നും എന്നും പോയി വരുക എന്നതു ബുദ്ധിമുട്ടും ആണ്॥അതിനാല്‍ പ്രതികരിക്കാന്‍ വയ്യാ...എന്തു പറഞ്ഞാലും സഹിച്ചേ പറ്റൂ।ദേഷ്യം വന്നതു വിഴുങ്ങിയെ പറ്റൂ॥ഇവിടെ തന്നെ കൂടണമെങ്കില്‍ ...അങ്ങനെ കുറെ നേരം മദറിനെ മനസ്സില്‍ തെറി വിളിച്ചപ്പോള്‍ എന്റെ ദേഷ്യം ഒട്ടൊന്നു കുറഞ്ഞു॥എണീറ്റിരുന്നു നേരം വെളുപ്പിച്ചു പിന്നെ..

പ്രശ്നം എന്താന്നു വെച്ചാല്‍ രാവിലെ പ്രാര്‍ഥന അഞ്ചര ഒക്കെ ആകുന്നതോടെ തീരും ।അതു കഴിഞ്ഞാല്‍ എട്ടര വരെ സമയം കളയാന്‍ ഒരു മാര്‍ഗ്ഗവും ഇല്ല॥ടി।വി,റേഡിയോ,ടേപ്പ് റെക്കോറ്ഡര്‍ ഇല്ലാ॥ഇഷ്ട വാരികകളായ മംഗളം ,മനോരമ ഇത്യാദി ഹോസ്റ്റലില്‍ കണ്ടാല്‍ വയറ് നിറയെ ചീത്ത കേള്‍ക്കാന്‍ അതും ഒരു കാരണമാകും॥ഇതൊക്കെ വായിച്ചാല്‍ ഈ കുട്ടികള്‍ ഒക്കെ ചീത്തയാകും എന്നാ മദറിന്റെ വാദം ॥ഉറക്കെ വര്‍ത്തമാനം പറയാനോ ചിരിക്കാനോ പാടില്ല॥പിന്നെ എങ്ങനെ സമയം കളയും ??

എനിക്കു അന്നു തോന്നിയ ഒരു സംശയം ആണ്॥നിര്‍ബന്ധിച്ചു പ്രാര്‍ഥിപ്പിക്കുന്നതില്‍ വല്ല അര്‍ഥവും ഉണ്ടോ ? വിശ്വാസം മനസ്സില്‍ ഉള്ളവര്‍ പ്രാര്‍ഥിച്ചാല്‍ പോരെ...എന്താ നിങ്ങളുടെ അഭിപ്രായം ?????

കണി കണീ വിഷുക്കണി...

2008-04-10T15:49:00.000+05:30

വിളവൊരുക്കലിന്റെ ഉത്സവമായ വിഷു അടുത്തെത്തിക്കഴിഞ്ഞു।കണ്ണിനിമ്പമേകി കര്‍ണികാ‍രങ്ങളെല്ലാം താലമെടുത്തു॥ഓണത്തിനു പൂവായ പൂവൊക്കെ പൂത്തൊരുങ്ങും॥എന്നാല്‍ കൊന്നമരത്തിനു സുന്ദരി ആകണമെങ്കില്‍ വിഷുക്കാലം തന്നെ വരണമല്ലോ॥

കണിക്കൊന്ന പൂത്തതിനെ കുറിച്ചു ഒരു കഥ ഞാന്‍ കേട്ടിട്ടുണ്ട്।ഗുരുവായൂരംബലത്തില്‍ പണ്ട് വളരെ ദരിദ്രനായ ഒരു ബ്രാഹ്മണന്‍ ശാന്തിപ്പണി ചെയ്തിരുന്നു।ശാന്തിക്കാരന്റെ മകന്‍ ഒരിക്കല്‍ വിശന്നു കരയുന്നതു കണ്ട് വഴിപോക്കനായ ഒരു ബാലന്‍ തന്റെ സ്വര്‍ണ അരഞ്ഞാണം ഊരി കുഞ്ഞിനു നല്‍കി॥ശാന്തി കഴിഞ്ഞു ഇല്ലത്തു തിരിചെത്തിയ ബ്രാഹ്മണന്‍ ഗുരുവായൂരപ്പനെ അണിയിക്കാറുള്ള അരഞ്ഞാണം തന്റെ മകന്റെ കൈയില്‍ കണ്ട് ഞെട്ടി॥മകന്‍ പറഞ്ഞതൊന്നും വിശ്വസിക്കാതെ കുട്ടിയെ തല്ലി॥മോഷ്ട്ടിച്ച മുതല്‍ നമുക്കു വേണ്ടാ എന്നും പറഞ്ഞ് അരിശത്തോടെ ആ അരഞ്ഞാണം വലിച്ചൊരേറു കൊടുത്തൂ।അതു ചെന്നു വീണതു മുറ്റത്തു നിന്ന കൊന്നമരകൊമ്പിലാണ്।നിമിഷം കൊണ്ടു കൊന്നമരം പൂത്തുലഞ്ഞു॥അപ്പോഴാണ് ബ്രാഹ്മണനു തനിക്കു പറ്റിയ തെറ്റ് മനസിലായത്।വന്നത് ഭഗവാന്‍ തന്നെ എന്ന തിരിച്ചറിവ് ഉണ്ടായതും।

വിഷുവിനുള്ള കണി തലേന്നു വൈകിട്ട് ഞങ്ങള്‍ ഒരുക്കി വെക്കും।സാധാരണയായി ഓട്ടുരുളിയിലാണ്‍ ഞങ്ങള്‍ കണി വെക്കാറ്।വൃത്തിയാക്കിയ ഉരുളിയില്‍ ഉണക്കലരി,നെല്ല്,കുരുമുളക് ഇവ ഇടും...എന്നിട്ട് കണി വെള്ളരിക്ക നടുക്കു വെക്കും॥ചുറ്റിനും കൊന്ന പൂ‍ക്കള്‍ വെക്കും।വെള്ളരിക്കയുടെ രണ്ടു വശത്തുമായി നാളികേര മുറിയില്‍ മുനിഞ്ഞു കത്തുന്ന തിരി വെക്കും ॥കണി വെള്ളരിയെ ഉണ്ണിക്കണ്ണന്‍ എന്നു സങ്കല്‍പ്പിച്ച് കണ്മഷി കൊണ്ട് കണ്ണും പുരികവും വരച്ച് ഗോപി പൊട്ടും തൊടുവിക്കും॥പിന്നെ സ്വര്‍ണ്ണമാല।സ്വര്‍ണ്ണ അരഞ്ഞാണം ഇവ അണീയിക്കും॥( ഇപ്പോള്‍ സ്വര്‍ണം ഒന്നും അണിയിക്കാറില്ല കേട്ടൊ॥കള്ളനെ പേടിയാ..)

പുലര്‍ച്ചെ അമ്മ ആദ്യം ഉണരും॥കണി കത്തിച്ചു ഞങ്ങള്‍ ഓരോരുത്തരെ വിളിച്ചുണര്‍ത്തും॥കണ്ണു പൊത്തി ഉരിയാടാതെ വന്നു വേണം കണ്ണ് തുറന്നു കണി കാണാന്‍॥കണി കണ്ടു കഴിയുമ്പോള്‍ അച്ച്ഛന്‍ വിഷുകൈനീട്ടം തരും॥ഒറ്റരൂപാ തുട്ടാണു കൈനീട്ടമായി തരിക॥ഉരുളിയില്‍ നിന്നു ഒരു പിടി കൊന്നപ്പൂ,കുരുമുളക്,അരി എന്നിവ വാരി ഓരോരുത്തര്‍ക്കായി കൈനീട്ടം തരും॥അമ്പലത്തില്‍ തിരുമേനിമാര്‍ പ്രസാദം തരുന്ന പോലെയാണ് നമ്മുടെ നീട്ടിപ്പിടിച്ച കൈക്കുമ്പിളിലേക്ക് ഒറ്റരൂപാത്തുട്ട് ഇടുന്നത്॥കൈയില്‍ വന്നു വീഴുന്ന നാണയത്തിന്റെ വശം നോക്കി വിഷു ഫലം നല്ലതോ ചീത്തയോ എന്നു പറയുമായിരുന്നു അച്ച്ഛന്‍।

ഞങ്ങളുടെ കണികാണല്‍ കഴിഞ്ഞ് ഞങ്ങള്‍ വീടിനെയും തൊഴുത്തില്‍ നില്‍ക്കുന്ന പശുക്കളെയും പട്ടി,കോഴി എല്ലാവരെയും കണി കാണിക്കും॥ഇതിനു ശേഷമാണു ഞങ്ങള്‍ പിള്ളേരുടെ ആഘോഷം തുടങ്ങുന്നത്॥കമ്പിത്തിരി,പൂത്തിരി,മത്താപ്പൂ,,പാമ്പു ഗുളിക,വാണം॥ചക്രം,കുരവപ്പൂ...എല്ലാം കത്തിക്കും॥എനിക്കു ഇഷ്ടമില്ലാത്ത ഒരു കാര്യം ഉണ്ട്॥പടക്കം॥അതു കേള്‍ക്കുമ്പോള്‍ ചെവിയും പൊത്തി ഇരിക്കും॥

പിന്നെ അടുക്കളയില്‍ ആണ്॥എല്ലാവരും കൂടി വിഭവ സമൃദ്ധമായ സദ്യ ഒരുക്കും।ഉച്ചക്കു ഒരുമിച്ചിരുന്നു ഉണ്ണും॥ഉച്ചക്കു ശേഷം എല്ലാവരും കൂടെ അമ്മാവന്റെ വീട്ടിലേക്കു॥കുട്ടികളായ ഞങ്ങള്‍ക്കു സുഖമാണ് കൈനീട്ടം എല്ലാവരുടെ അടുത്തു നിന്നും കിട്ടും ചാച്ചന്മാര്‍,ആന്റിമാര്‍,മാമന്മാര്‍॥നല്ലൊരു തുക കിട്ടും ।അതു സൂക്ഷിച്ചു വെക്കും॥അമ്പലത്തില്‍ ഉത്സവം വരുമ്പോള്‍ വള,മാല ഒക്കെ വാങ്ങാന്‍॥

ഇന്നു ഞാന്‍ വീട്ടില്‍ വിഷുക്കണി ഒരുക്കുന്നു॥ഒരു വിഷുവിനും ഭര്‍ത്താവ് അരികില്‍ ഉണ്ടാവാറില്ല॥ഫോണിലൂടെ വിഷു ആശംസകള്‍ കിട്ടും।മക്കളും ഞാനും കൂടെ വിഷു ആഘോഷിക്കും॥എങ്കിലും എന്റെ ചെറുപ്പത്തിലെ ഉള്ള വിഷുവിന്റെ മാധുര്യം ഇന്നു എനിക്കു തോന്നാറില്ല।ജീവിതത്തിന്റെ തിരക്കുകളില്‍ പെട്ട് അതു അന്യം നിന്നു പോയിരിക്കുന്നു॥ എങ്കിലും എനിക്കു ഉറക്കെ പാടാന്‍ തോന്നും...

“ മനസ്സിലുണ്ടാവട്ടെ ഗ്രാമത്തിന്‍ വെളിച്ചവും മണവും മമതയും ഇത്തിരി കൊന്നപൂവും.... “

കലാലയ സ്മരണകള്‍...

2008-04-06T18:47:00.000+05:30

വര്‍ഷംആയിരത്തി തൊള്ളായിരത്തി തൊണ്ണൂറ്റി നാല്॥മാസം കൃത്യമായി ഓര്‍ക്കുന്നില്ല॥(മറവി എനിക്കു ജനിച്ചപ്പം മുതല്‍ ഉള്ള അസുഖം ആണ്) മണ്ണുത്തി വെറ്റെറിനറി കോളേജില്‍ പഠിക്കുന്ന കാലം॥ഞാന്‍ അന്നു ഫസ്റ്റ് ഇയര് ക്ലാസ്സ് തുടങ്ങി അധികം ആയിട്ടില്ല।റാഗിങ്ങ് തീര്‍ന്നിട്ടില്ലാ റാഗിങ്ങിനിടക്ക് എന്നെ കൊണ്ട് പാട്ടു പാടിച്ചു അല്പ സ്വല്‍പ്പം ഞാന്‍ പാടും എന്നു ചേച്ചിമാര്‍ കണ്ടു പിടിച്ചു।കോളേജ് ഡേ നടക്കാന്‍ പോകുന്നു..കോളെജിലെ ആര്‍ട്ട്സ് ക്ലബ് സെക്രട്ടറി ആണു സിന്ധു ചേച്ചി॥ചേച്ചി പറഞ്ഞു കോളെജ് ഡേക്കു ഇയാള്‍ ഒരു പാട്ട് പാടിയേ തീരൂ॥

ഞാന്‍ എന്റെ ജീവിതത്തില്‍ സ്റ്റേജില്‍ കയറി പാട്ട് പാടിയിട്ടില്ല॥വീട്ടില്‍ കുളിക്കുമ്പോഴും അടുക്കളയില്‍ മേയുമ്പോഴും മൂളുന്നതാണു ഇക്കാര്യത്തില്‍ ഉള്ള മുന്‍ പരിചയം।എന്തൊക്കെ പറഞ്ഞിട്ടും ചേച്ചി സമ്മതിക്കുന്നില്ല।റാഗിങ്ങിനെ പേടി ഉള്ളതു കൊണ്ട് അധികം എതിര്‍ത്തു പറയാനും വയ്യ॥ചെയ്യാന്‍ പറ്റില്ല എന്നു പറഞ്ഞാല്‍ അതിന്റെ പേരില്‍ വീണ്ടും റാഗ് ചെയ്താലോ ?പിന്നെ ഞാന്‍ ഓര്‍ത്തു॥എനിക്കു പാടാന്‍ പറ്റില്ല എന്ന കാര്യം ഞാന്‍ പറഞ്ഞു॥ഇനിയും അവര്‍ക്കു നിര്‍ബന്ധമാണേല്‍॥സഹിക്കട്ടേ॥അല്ലാ അറിയാത്ത പിള്ളക്കു ചൊറിയുമ്പോള്‍ അറിയും എന്നാണല്ലോ...

അങ്ങനെ ആ ദിവസം വന്നു ചേര്‍ന്നു॥കോളേജിലെ പരിപാടികള്‍ എല്ലാം വൈകിട്ട് ആണു॥കോളേജിലെ തന്നെ സ്റ്റുഡന്റ്സ് അവതരിപ്പിക്കുന്ന ഗാനമേളയാണ് മുഖ്യ ഐറ്റം।ഓര്‍ക്കസ്ട്ര പുറത്തു നിന്നും വരും।ഗായകര്‍ എല്ലാം കുട്ടികള്‍॥എല്ലാവരും സീനിയേഴ്സ് ആണു॥ഞാന്‍ ആണു ജൂനിയേഴ്സിന്റെ ഭാഗത്തു നിന്നുള്ളത്॥

ഉച്ച വരെ എങ്ങനെയോ ഞാന്‍ കഴിച്ചു കൂട്ടി॥ഉച്ച കഴിഞ്ഞപ്പോള്‍ മുതല്‍ പരീക്ഷാ സമയത്തു മാത്രം എനിക്കു വരാറുള്ള ഒരു പ്രത്യേക അസുഖം (“ ബവത്സ് സിന്‍ഡ്രോം “ എന്നോ മറ്റോ ആണു അതിന്റെ പേര്॥എന്നു തോന്നുന്നു॥) തുടങ്ങി ।എനിക്കു കക്കൂസില്‍ നിന്നും ഇറങ്ങാന്‍ നേരം ഇല്ല॥അന്‍പതു പൈസ തുട്ട് വെക്കണോ എന്നു ചേച്ചിമാര്‍ ചോദിക്കുന്നതു വരെ എത്തി കാര്യങ്ങള്‍ ।എന്ിക്കും തോന്നി തുട്ട് വെച്ചില്ലെങ്കില്‍ ചിലപ്പോള്‍ കാര്യങ്ങള്‍ കുഴയും ...എങ്ങനെയോ ഒരു തരത്തില്‍ വൈകുന്നേരം ആക്കി

പരിപാടി തുടങ്ങി॥സിന്ധു ചേച്ചിയുടെ പാട്ടു കഴിഞ്ഞു॥”കണ്ണുക്കു മയ്യഴകു॥കവിതക്ക് പൊയ്യഴകു....”ചേച്ചി നന്നായി പാടി॥സദസ്സില്‍ നിന്നു നിലക്കാത്ത കരഘോഷം॥ അതു കഴിഞ്ഞു മാണിക്യ വീണയുടെ പാട്ട്॥ആ ചേട്ടന്റെ പേര് എനിക്കറിയില്ല॥കോളേജിലെ ഏതു പരിപാടിക്കും മാണിക്യ വീണയുമായെന്‍ മനസ്സിന്റെ താമര പൂവില്‍.....പാടുന്നതു കൊണ്ട് എല്ലാരും ആ ചേട്ടനെ വിളിക്കുന്ന പേരാണു മാണിക്യ വീണ॥ചേട്ടനും നന്നായി പാടി॥എന്റെ നെഞ്ചില്‍ പെരുമ്പറ കൊട്ടുന്നതു കൊണ്ട് ആ പാട്ട് എനിക്കു ആസ്വദിക്കാന്‍ പറ്റിയില്ല...

വേദിയില്‍ അടുത്ത പാട്ടിനുള്ള അനൌണ്‍സ്മെന്റ്॥അടുത്ത പാട്ട് പാടുന്നതു കുമാരി “ കാന്താരിക്കുട്ടി “ ഞങ്ങള്‍ അഭിമാന പൂര്‍വം പുതിയ ഗായികയെ പരിചയപ്പെടുത്തുന്നു.........................................

ഇതൊക്കെ കേള്‍ക്കുന്തോറും എന്റെ പിരിമുറുക്കം കൂടി॥കൈയും കാലും ശരീരവുമൊക്കെ കിലുകിലാ വിറക്കുന്നതു എനിക്ക് തന്നെ അറിയാംതൊണ്ടയിലെ വെള്ളം വറ്റി॥മുഖമൊക്കെ പ്രേതത്തേ കണ്ടതു പോലെ വിളറി വെളുത്ത്॥

സിന്ധു ചേച്ചി ഉന്തി തള്ളി എന്നെ സ്റ്റേജിലേക്കു വിട്ടു॥റാഗിങ്ങ് കണ്ടുപിടിച്ചവനെ കാലപ്പാമ്പു കൊത്തട്ടേ എന്ന പ്രാര്‍ഥനയോടേ ഞാന്‍ സ്റ്റേജില്‍॥നിറഞ്ഞ സദസ്സിനെ കണ്ടപ്പോളെനിക്കു വീണ്ടും ഒന്നും രണ്ടും ഒക്കെ കഴിക്കണം എന്ന തോന്നല്‍ ॥തോന്നലുകള്‍ എല്ലാം മാറ്റി വെച്ച് വിറക്കുന്ന കൈകളോടേ മൈക്ക് എടുത്തു॥കണ്ണുമടച്ച് ധൈര്യം സംഭരിച്ചു ഞാന്‍ പാട്ടു തുടങ്ങി... ഗോപുര മുകളില്‍ വാസന്ത ചന്ദ്രന്‍ ഗോരോചന ക്കുറി വരച്ചു..........ജാനകിയമ്മ പാടി മനോഹരമാക്കിയ ആ പാട്ട് എന്റെ തൊണ്ടയില്‍ നിന്നും പ്രവഹിക്കാന്‍ തുടങ്ങി॥।

കൂയ്॥കൂ‍ൂ കൂ.............കൂയ്....കൂ‍യ്....

ഇതെന്തു കുറുക്കന്മാരുടെ അഖിലേന്ത്യാ സമ്മേളനമോ॥എനിക്കൊന്നും മനസ്സിലായില്ല॥ ശ്രുതി,ടെമ്പോ ഇത്യാദി സംഗതികള്‍ ഒന്നും ഇല്ലായിരിക്കുമോ ? കണ്ണു തുറന്നു ചുറ്റും നോക്കി॥ഓര്‍ക്കസ്ട്രക്കിരിക്കുന്നവര്‍ ചിരിക്കുന്നു॥എനിക്കു പറ്റിയ അബദ്ധം അപ്പോഴാണു മനസ്സിലായത്॥മൈക്ക് കൈയില്‍ കിട്ടിയ ആക്രാന്തത്തില്‍ ഞാന്‍ പാട്ട് തുടങ്ങി॥ഓര്‍ക്കസ്ട്രക്കാര്‍ അവിടെ ഇരുന്നതു ഞാന്‍ ശ്രദ്ധിച്ചില്ല॥അവര്‍ ശ്രുതി ഇടും മുന്നേ ഞാന്‍ പാട്ട് തുടങ്ങി॥ചമ്മല്‍ മറച്ചു ഞാന്‍ ഒന്നു ചിരിച്ചു...

ഓര്‍ക്കസ്ടക്കാരോടു തുടങ്ങാന്‍ പറഞ്നു॥പിന്നീട് ആ പാട്ട് തെറ്റില്ലത്ത വിധം നന്നായി പാടി॥പാട്ട് തീര്‍ന്നപ്പോള്‍ കൈയടിയും കിട്ടി॥“വരമൊന്നും തന്നില്ല ഉരിയാടാന്‍ നിന്നില്ല പറയാതെയെന്തോ പറഞ്ഞു......“ ഈ വരികള്‍ ഇന്നു എന്റെ ഇഷ്ടപ്പെട്ട വരികള്‍ ആണ്...

അന്നു മുതല്‍ എന്നെ ആ കോളേജില്‍ എല്ലാരും അറിയും।അതില്‍ പിന്നെ കുറേ നാളേക്കു എനിക്കു ക്ലാസ്സില്‍ പോകാന്‍ ഭയങ്കര ചമ്മല്‍ ആയിരുന്നു॥എന്തായാലും ആ സംഭവത്തോടെ എന്റെ സ്റ്റേജ് ഫിയറും മാറിക്കിട്ടി॥ഇന്നു ജോലിയുടെ ഭാഗമായി എനിക്കു പലപ്പോഴും സ്റ്റേജില്‍ കയറേണ്ടി വരാറുണ്ട്॥മിക്കവാ‍ാറും ജന പ്രതിനിധികള്‍ പങ്കെടുക്കുന്ന ചടങ്ങുകള്‍॥ അന്നങ്ങനെ ഒരു അബദ്ധം പറ്റിയെങ്കിലും പിന്നീട് അതോര്‍ത്തു ഞാന്‍ എന്നും ചിരിക്കാറുണ്ട്॥