Saturday, September 20, 2008

പോയ ബുദ്ധി ആന പിടിച്ചാല്‍ കിട്ടുമോ ??

2002 ആഗസ്റ്റ് മാസത്തിലെ ഒരു തണുത്ത പ്രഭാതം ! നനുത്ത ചാറ്റല്‍ മഴ ഉണ്ടായിരുന്നു രാവിലെ.ഹണി നാട്ടിലുണ്ട് അന്ന്.ഞാനന്ന് 7 മാസം ഗര്‍ഭിണി ആണ്.എല്ലാ മാസവും ചെക്ക് അപ്പിനു പോകണം.ഗര്‍ഭം ഒരു രോഗം അല്ലെങ്കിലും അതൊഴിവാക്കാന്‍ വയ്യല്ലോ.ഹോസ്പിറ്റലില്‍ പോകാനായി സാരി മാറി ഇറങ്ങിയപ്പോള്‍ കണ്ണന്‍ ബൈക്കിന്റെ കീയും എടുത്ത് റെഡിയായി നില്‍ക്കുന്നു

“ ഈ മഴയത്ത് ബൈക്കില്‍ പോകാനോ ? കാറെടുക്ക് കണ്ണാ “

“ഓ..ഇത്ര ദൂരമല്ലേ ഉള്ളൂ.ടൌണിലെ ട്രാഫിക് ജാമില്‍ പെട്ടാല്‍ ആകെ കുരിശാകും .നമുക്ക് ഇതില്‍ പോകാം “

ഹോ ! ഈ മനുഷ്യന്റെ ഒരു കാര്യം.ഇങ്ങനെ ഒരു സ്വഭാവം ! ഇനി ഇതെന്നു നന്നാവുമോ ?

എന്നൊക്കെ മനസ്സില്‍ പ്രാകികൊണ്ട് ബൈക്കില്‍ കയറിയിരുന്നു.റെയിന്‍ കോട്ട് കണ്ണനു മാത്രേ ഉള്ളൂ.എനിക്കില്ല.ബൈക്കില്‍ കയറി യാത്ര തുടങ്ങി അല്പദൂരം കഴിഞ്ഞപ്പോളേക്കും മഴ കൂടി തുടങ്ങി.കണ്ണന്‍ പറഞ്ഞു ആ കുട എടുത്ത് ചൂടിക്കോ.

ഹും കുട ! എനിക്കെങ്ങും വേണ്ടാ..ഈ മഴ നനഞ്ഞ് ഞാനങ്ങ് ചത്തു പോകട്ടെ.അപ്പോള്‍ നിങ്ങള്‍ക്ക് വേറെ കല്യാണം കഴിക്കാല്ലോ.എന്നോട് അല്പം എങ്കിലും സ്നേഹം ഉണ്ടെങ്കില്‍ ഈ മഴയത്ത് ഈ ബൈക്കിനു പുറകില്‍ ഇരുത്തി ഇങ്ങനെ കൊണ്ടു പോകുമോ ? “

ഇങ്ങനെ ഒക്കെ മനസ്സില്‍ പറഞ്ഞ് കൊണ്ട് കണ്ണന്‍ പറഞ്ഞത് കേള്‍ക്കാത്ത മട്ടില്‍ ഞാന്‍ ഇരുന്നു.എത്ര നിര്‍ബന്ധിച്ചാലും ഞാന്‍ കുട ചൂടില്ലെന്ന് മനസ്സിലാക്കി കണ്ണനും റെയിന്‍ കോട്ട് ധരിച്ചില്ല..പാവം..... ഭാര്യയെ സ്നേഹിക്കുന്ന ഭര്‍ത്താവ് തന്നെ........

യാത്ര തുടങ്ങിയപ്പോള്‍ മുതല്‍ എന്റെ ദേഷ്യവും സങ്കടവും പ്രകടിപ്പിക്കാനായി കക്ഷിയുടേ ദേഹത്ത് മുട്ടാതെ ശ്രദ്ധിച്ചാണ് എന്റെ ഇരിപ്പ്.അല്ലെങ്കില്‍ പുള്ളിക്കാരന്റെ വയറ്റില്‍ ചുറ്റിപിടിച്ചിരിക്കുന്നതാണ് ഏറ്റവും സുഖം.ഒരു കാലത്ത് കാറില്‍ പോകുനതിനേക്കാളും ബൈക്കിലെ യാത്ര ആയിരുന്നു ഞാന്‍ കൂടുതല്‍ ഇഷ്ടപ്പെട്ടിരുന്നതും !!

എന്റെ വീര്‍ത്ത മുഖം കണ്ണാടിയിലൂടെ കണ്ണനു കാണാം.ഒരു ചെറു ചിരി ആ ചുണ്ടില്‍ വിരിയുന്നത് കണ്ടിട്ടും കണ്ടില്ലെന്ന് നടിച്ച് സ്വതവേ വീര്‍ത്ത മുഖം അലപം കൂടെ വീര്‍പ്പിച്ച് ഞാന്‍ ഇരുന്നു.അല്ലെങ്കിലും അതു ഗര്‍ഭിണി ആയ ഭാര്യയുടെ അവകാശമല്ലേ !അല്ലാത്ത സമയത്ത് ഈ വക സ്വഭാവം കാണിച്ചാല്‍ എന്റെ പുറം എപ്പോള്‍ പൊളിഞ്ഞൂ എന്നു ചോദിച്ചാല്‍ പോരേ..ഇത് കുഞ്ഞിനെ ഓര്‍ത്ത് നമ്മളെ ഒന്നും ചെയ്യില്ലല്ലോ..

സ്പീഡ് വളരെ കുറച്ചാണ് കണ്ണന്‍ വണ്ടി ഓടിച്ചിരുന്നത്.എന്നിട്ടും ഒരു വളവു തിരിഞ്ഞപ്പോള്‍ വണ്ടിയുടെ ടയറുകള്‍ മണ്ണില്‍ ഉരയുന്ന ഒച്ച..എന്താ സംഭവിക്കുന്നതെന്ന് മനസ്സിലാക്കുമ്പോളേക്കും ഞാന്‍ മണ്ണില്‍ രണ്ടു കൈയ്യും കുത്തി വീണിരുന്നു.

റോഡില്‍ നിറയെ മഴവെള്ളം ആയിരുന്നു.ആ ചെളിവെള്ളത്തിലേക്കാണു ഞാന്‍ സ്ലോ മോഷനില്‍ പോയി വീണത്.ആകെ നനഞ്ഞ് സാരിയൊക്കെ ദേഹത്ത് ഒട്ടി.

കണ്ണന്‍ വണ്ടി ഒതുക്കി വെച്ച് ഓടി വന്നു എന്റെ അടുത്തേക്ക്.എണീക്കാന്‍ പോലും വയ്യാതെ കിടക്കുന്ന എനിക്ക് ആകെ വിറഞ്ഞു കയറി.സങ്കടവും ദേഷ്യവും എല്ലാം മനസ്സില്‍ ഒതുക്കി രൂക്ഷമായി ഞാന്‍ കണ്ണനെ ഒന്നു നോക്കി.

കനിവൂറുന്ന കണ്ണുകളോടെ എന്നെ നോക്കിയ കണ്ണന്റെ മുഖത്തെ വിഷമം കണ്ടപ്പോള്‍ എനിക്കും സങ്കടം തോന്നി.

“ മോളേ ..വല്ലതും പറ്റിയോടാ “ എന്ന ചോദ്യം കൂടെ കേട്ടതോടെ സങ്കടം അണ പൊട്ടിയൊഴുകി.നടുറോഡാണ് എന്നു പോലും ഓര്‍ക്കാതെ ഉറക്കെ കരഞ്ഞു.

അല്ലെങ്കിലും എത്ര പിണക്കമാണെങ്കിലും “ മോളേ “ എന്ന ഒറ്റ വിളിയില്‍ എല്ലാ പിണക്കവും അലിയാറുണ്ട് എന്നത് കണ്ണനും അറിയാം ..

അപ്പോഴേക്കും നാട്ടുകാരും ഓടികൂടി.അപ്പുറത്ത് അമിത സ്പീഡില്‍ പാഞ്ഞു വന്ന ഒരു ടിപ്പര്‍ ലോറി ആയിരുന്നു.കണ്ണന്‍ സമയത്ത് ബ്രേക്ക് ഇട്ടതു കൊണ്ട് ഒന്നും സംഭവിച്ചില്ല.

ദൈവം എപ്പോഴും കൂടെ ഉള്ളതു കൊണ്ട് ആ വീഴ്ചയില്‍ എന്റെ കുഞ്ഞിനും ഒന്നും സംഭവിച്ചില്ല.വയര്‍ ഇടിച്ചായിരുന്നു വീണിരുന്നതെങ്കിലോ ...അതെനിക്കോര്‍ക്കാന്‍ പോലും വയ്യ..ഏതു പ്രതിസന്ധി ഘട്ടത്തിലും എനിക്ക് താങ്ങായി ദൈവം ഉണ്ടെന്ന് എനിക്ക് പലപ്പോഴും തോന്നിയിട്ടുണ്ട്.

തൊട്ടടുത്ത വീട്ടിലേക്ക് അവര്‍ ക്ഷണിച്ചു.അവിടെ കയറി അവര്‍ തന്ന കട്ടനും കുടിച്ച് ഇരുന്നപ്പോള്‍ ആ വീട്ടിലെ ചേച്ചി ചേച്ചിയുടെ ഒരു സാരി എനിക്കെടുത്തു തന്നു ..ഞാനാകെ നനഞ്ഞു കുളിച്ചിരിക്കുകയല്ലേ.

ഞാന്‍ പറഞ്ഞു വേണ്ട.ചേച്ചീ..എനിക്ക് വീട്ടില്‍ പോകണം

കണ്ണനെയും വിളിച്ച് വീട്ടില്‍ പോയി സാരി മാറി ആണു അന്നു പിന്നെ ഹോസ്പിറ്റലില്‍ പോയത്.രണ്ടാമതു പോയപ്പോള്‍ ബൈക്ക് അല്ലാ എടുത്തത്.കാറായിരുന്നു.
പോകും വഴിക്ക് ഞാന്‍ ചോദിച്ചു ഈ ബുദ്ധി ആദ്യം തോന്നിയിരുന്നെങ്കില്‍ എനിക്ക് ഈ വേദന സഹിക്കേണ്ടി വരുമായിരുന്നോ ??

അപ്പോള്‍ കണ്ണന്‍ പറഞ്ഞ മറുപടി അപ്പോള്‍ കാറിലായിരുന്നു നമ്മളെങ്കില്‍ നമ്മളേ റോഡില്‍ നിന്നും വാരിയെടുക്കേണ്ടി വന്നേനേ !!!!



ഈ മഹത്തായ സംഭവം കാരണം എനിക്കൊരു വാശി കയറി.ഡ്രൈവിംഗ് പഠിച്ചേ തീരൂ എന്ന്..പ്രസവം കഴിഞ്ഞു ഞാന്‍ അതു സാധിക്കുക തന്നെ ചെയ്തു..അതൊരു വലിയ സംഭവം ആയിരുന്നു.ഡ്രൈവിങ്ങ് പഠിച്ചതിന്റെ വിശേഷങ്ങള്‍ ഇനിയൊരു പോസ്റ്റില്‍ എഴുതാം.

98 comments:

ജിജ സുബ്രഹ്മണ്യൻ said...

ഈ ബുദ്ധി ആദ്യം തോന്നിയിരുന്നെങ്കില്‍ എനിക്ക് ഈ വേദന സഹിക്കേണ്ടി വരുമായിരുന്നോ ??

ആദര്‍ശ്║Adarsh said...

ബുദ്ധി അവസാനം തോന്നിയാലെന്താ ?ഡ്രൈവിങ്ങ് പഠിക്കാന്‍ അതൊരു കാരണമായില്ലേ? പണ്ടുള്ളവര്‍ പറയുന്നത് കേട്ടിട്ടില്ലേ? 'കൊണ്ടാലേ പഠിക്കൂന്ന് ...'കാന്താരിക്കുട്ടി വളയം പിടിക്കാന്‍ പോയ കഥക്കായി കാത്തിരിക്കുന്നു...

കാപ്പിലാന്‍ said...

കാന്താരിയുടയൂം ,കുഞ്ഞിന്റെയും ,കണ്ണന്റെയും ,ബൂലോകരുടെയും ഫാഗ്യം :)

അനില്‍ശ്രീ... said...

കാന്താരി ലാഘവത്തോടെ ഒരു കഥ പോലെ പറഞ്ഞെങ്കിലും, ഗര്‍ഭിണികള്‍ ബൈക്കില്‍ സഞ്ചരിക്കുന്നത് ഒഴിവാക്കുന്നതല്ലേ നല്ലത്. ഇത് ഒരു ഒറ്റപ്പെട്ട സംഭവം അല്ല. ഒന്നും പറ്റാതിരുന്നത് നിങ്ങളുടെ ഭാഗ്യം എന്ന് കരുതിയാല്‍ മതി..
ഇത്തരം അനുഭവക്കുറിപ്പുകളില്‍ കൂടി ജനങ്ങള്‍ക്ക് കാര്യങ്ങള്‍ മനസ്സിലായെങ്കില്‍...

Sands | കരിങ്കല്ല് said...

മഴയത്ത് ബൈക്കോടിച്ചു പോണതിനു ചുട്ട അടിയാ കിട്ടേണ്ടതു്‌.
എന്തായാലും ഭാഗ്യം കൂടെ ഉണ്ടായിരുന്നതു്‌ കൊണ്ട്... രക്ഷപ്പെട്ടൂ :)

അനില്‍@ബ്ലോഗ് // anil said...

എന്തായാലും ഒന്നും പറ്റിയില്ലല്ലോ.

ഒറ്റക്കു ബൈക്കില്‍ ഒരു ലക്ഷം കിലോമീറ്റര്‍ ഓടിച്ചു തീര്‍ത്തെങ്കിലും പെണ്ണുമ്പിള്ളയെ കയറ്റി ഒരു കിലോമീറ്റര്‍ ഓടിച്ചു കാണും.
കുട്ടികളെയും മറ്റും തൂക്കിയെടുത്ത് ഓരൊരുത്തര്‍ ബൈക്കില്‍ പറക്കുന്നതു കാണുമ്പോള്‍ പേടിയാണ്.

കുഞ്ഞന്‍ said...

അയ്യൊ..ഒന്നും പറ്റാതിരുന്നത് ഭാഗ്യം..! ആസ്ഥാനത്ത് ഞാനും എന്റെ പെണ്ണുമ്പിള്ളെയുമായിരുന്നുവെങ്കില്‍ അന്ന് രണ്ടുപേരും ഇടിയിട്ട് പിരിഞ്ഞേനേ..

സംഭവിച്ചെതെല്ലാം നല്ലതിന്..!

-: നീരാളി :- said...

നല്ല പോസ്‌റ്റ്‌.

ക്ഷമിക്കുക, ഒരു അന്യവിഷയം :

ബൂലോഗത്തുള്ളവര്‍ ഈ കാന്താരികുട്ടിയുടെ സൃഷ്ടികള്‍ വായിക്കാനിഷ്ടപ്പെടുന്നു
കൂട്ടത്തില്‍ മറ്റുള്ളവരുടെ പോസ്‌റ്റുകള്‍ക്ക്‌ തുടര്‍ച്ചയായും കമന്റിടുന്നു.
നല്ല കാര്യം.

ഗവണ്‍മെന്റ്‌ സര്‍വ്വീസില്‍ ജോലി ചെയ്യുന്ന നിങ്ങള്‍ ലീവെടുത്താണോ
ഇത്രയും സമയം ബൂലോഗ നിവാസികള്‍ക്കായി നീക്കി വെക്കുന്നത്‌ ?
അതല്ലെങ്കില്‍, ജോലി ഭാരം വളരെ കുറവാകും അല്ലെ ?

(മറ്റു ബ്ലോഗര്‍മാരോടു ചെയ്യുന്ന തെറ്റാവരുതേ കാര്യങ്ങള്‍.

എങ്കിലും കാന്താരിക്കുട്ടി, സഹപ്രവര്‍ത്തകരെ സഹായിക്കാമല്ലൊ.
പൊതുജനത്തിന്റെ നികുതി പണമാണേ, ഓര്‍മ്മ വേണം.)

Anoop Technologist (അനൂപ് തിരുവല്ല) said...

:)

ജിജ സുബ്രഹ്മണ്യൻ said...

ആദര്‍ശ് : കൊണ്ടിട്ടും പഠിച്ചില്ല.കാത്തിരിക്കൂ..ഡ്രൈവിംഗ് കഥയുമായി ഞാന്‍ വരുന്നുണ്ട്.

കാപ്പിലാന്‍ : ബൂലോകരുടെ ഭാഗ്യക്കേട് എന്നും കൂടി പറയൂ.. ഹി ഹി ഹി


അനില്‍ ശ്രീ :ഗര്‍ഭിണികള്‍ ബൈക്കിലും ആട്ടോ റിക്ഷയിലും ഉള്ള യാത്ര ഒഴിവാക്കുന്നതു തന്നെ നല്ലത്..പക്ഷേ അന്നൊരു പക്ഷേ ഞങ്ങള്‍ ബൈക്കില്‍ ആയതു കോണ്ടു മാത്രമായിരിക്കും ഒന്നും സംഭവിക്കാതെ രക്ഷപ്പെട്ടത്.

കല്ലേ : എനിക്ക് എന്നും ഭാഗ്യം തുണയായി കൂടെ ഉണ്ടായിരുന്നു..എത്ര അപകടങ്ങള്‍ !! മുഖാമുഖം ഒരു കള്ളനെ കാണാന്‍ ഉള്ള ഭാഗ്യവും കിട്ടി..എല്ലാത്തില്‍ നിന്നും ഒരു പോറല്‍ പോലും ഏല്‍ക്കാതെ രക്ഷപ്പെട്ടു..

അനില്‍ : എനിക്ക് ബൈക്ക് യാത്ര ഒരു സമയത്ത് ഭയങ്കര ഇഷ്ടമായിരുന്നു.


കുഞ്ഞന്‍ ചേട്ടാ : അന്നു 2 ദിവസത്തേക്ക് ഞാന്‍ മിണ്ടിയില്ല ..കക്ഷിയോട്..പക്ഷേ എനിക്ക് അധിക സമയം പിണങ്ങിയിരിക്കാന്‍ കഴിയില്ല.


നീരജ് : സര്‍ക്കാര്‍ സര്‍വീസില്‍ ആണു ജോലിയെങ്കിലും ഓഫീസ് സമയത്ത് ഞാന്‍ ബൂലോകത്ത് ഇരിക്കാറില്ല..അങ്ങനെ ഇരിക്കുന്നെങ്കില്‍ ലീവ് എടുത്ത് ഇരിക്കുന്ന ദിവസങ്ങളില്‍ ആണ്.സര്‍ക്കാരിന്റെ ശമ്പളം വാങ്ങുന്നെന്കില്‍ അതിനനുസരിച്ചുള്ള ജോലിയും ചെയ്യുന്നു എന്ന് എനിക്ക് അഭിമാനത്തോടുകൂടി തന്നെ പറയാനും കഴിയുന്നു.മാത്രമല്ല ഞങ്ങളുടെ സര്‍ക്കാര്‍ ഓഫീസില്‍ കമ്പ്യൂട്ടര്‍ ഇല്ല.അതു കൊണ്ട് കുറെ അധികം ജോലികള്‍ ,(പീരിയോഡിക്കലുകളും റിപ്പോര്‍ട്ടുകള്‍ തയ്യാറാക്കാനും ഒക്കെ ഉള്ളത് )ഞാന്‍ വീട്ടില്‍ ഇരുന്നാണു ചെയ്യുന്നത്.അപ്പോളും ഓഫീസ് ജോലിയും വീട്ടില്‍ ചെയ്യുന്നുണ്ട്.

പിന്നെ ഇട ദിവസങ്ങളില്‍ പോസ്റ്റ് ഇടുന്ന കാര്യം ആണെങ്കില്‍ എന്റ്റെ അവധി ദിവസങ്ങളില്‍ ഒന്നോ രണ്ടോ പോസ്റ്റുകള്‍ ഡ്രാഫ്റ്റ് ആക്കി ഞാന്‍ വെക്കാറുണ്ട്..സമയം കിട്ടുമ്പോള്‍ പോസ്റ്റും

സംശയം മാറി എന്നു കരുതട്ടെ..

Unknown said...

പോയ ബുദ്ധി ആന പിടിച്ചാല്‍ കിട്ടുമോന്നറിയില്ല. പക്ഷേങ്കി കുഴിയാന പിടിച്ചാല്‍ കിട്ടുമെന്നു് കേട്ടിട്ടുണ്ടു്. ഒന്നു് പരൂക്ഷിക്കാന്‍ ബുദ്ധി ഉണ്ടായിട്ടു് വേണ്ടേ? ഇല്ലാത്തബുദ്ധി പോവുന്ന വല്ല സൂത്രവും ഉണ്ടോ പോലും? :)

കനല്‍ said...

ഗര്‍ഭിണിയായ ഭാര്യയെ അതും മഴയത്ത് ബൈക്കില്‍ കയറ്റി (കാറുണ്ടായിട്ടും) ഹോസ്പിറ്റലില്‍ കൊണ്ട് പോയത് വെറും ട്രാഫികിന്റെ പേരില്‍ അല്പം സമയനഷ്ടം ഭയന്ന് , ചെയ്തത് ഒട്ടും ശരിയായില്ലാ.

മുതിര്‍ന്നവര്‍ ആരും ഉണ്ടായിരുന്നില്ലേ? ഈ ഉദ്യമത്തിന് അല്പം നല്ല ഭാഷ പറഞ്ഞുകൊടുക്കാന്‍.

പിന്നെ നീരജ് സര്‍ക്കാര്‍ ജോലി അല്പം ഈസി പണിയായതിന് കാന്താരി ചേച്ചി എന്തു പിഴച്ചു?

ബാക്കിയുള്ള സമയങ്ങള്‍ ഇങ്ങനെ പൊതുസേവ നടത്തുന്നതിന് അഭിനന്ദിക്കുകയല്ലേ വേണ്ടത്.താന്‍ ബൂലോകത്തിന് നഷ്ടം വരുത്തിവയ്ക്കല്ലേ നീരജേ.

:) ഇനി സ്മയിലി ഇല്ലാന്ന് കരുതി എന്നോട് പിണങ്ങല്ലേ......

കുറുമാന്‍ said...

ചില സമയത്ത് ചില തോന്നല്‍ വരും, ബൈക്ക് വേണ്ട, കാറ് വേണ്ട, നടന്ന് പോവാം എന്നൊക്കെ, ചിലപ്പോഴൊക്കെ, ചിലരുടെ കാര്യത്തില്‍ ചിലപ്പോഴൊക്കെ ഇത്തരം തോന്നലുകള്‍ കാരണം പല പല അപകടങ്ങളില്‍ നിന്നും രക്ഷപെട്ടതായും കേട്ടിട്ടുണ്ട്, അപൂര്‍വ്വം ചില കേസുകളില്‍ ഇത്തരം തോന്നലുകള്‍ മൂലം അപകടത്തില്‍ പെട്ടകഥയും കേള്‍ക്കായ്ക ഇല്ല. ഇവിടെ കണ്ണന്റെ ആ തോന്നലാണ് നിങ്ങളെ അന്ന് രക്ഷിച്ചതെന്ന് നമുക്ക് കരുതാം.

എന്തായാലും ഏഴുമാസം തികഞ്ഞിരിക്കെ ബൈക്കില്‍ നിന്നൊക്കെ വീഴുകാന്ന് പറഞ്ഞാല്‍, ഹൌ.....ദൈവം കാത്തു.

നല്ലത് വരുത്തട്ടെ കാന്താരികുട്ടിക്കും കുടുംബത്തിനും.

ഒരു “ദേശാഭിമാനി” said...

ഭാഗ്യം, ദൈവം കാത്തു!

26 കൊല്ലം മുന്‍പു എന്റെ ഭാര്യ 8 മാസം ഗര്‍ഭിണിയിരുന്നു കൊണ്ട് പറമ്പില്‍ കല്ലില്‍ തട്ടി വീണു. അതോടെ ബോധം കെട്ടു പോയി പാ‍വം! അത് കണ്ട് “മിസ്റ്റര്‍ ബീന്‍ “സ്റ്റൈയില്ലില്‍ അലറി കൊണ്ട് ഓടി ചെന്നു അവളെ വാരി എടുത്തു വീട്ടില്‍ കിടത്തിയ രംഗം ഓര്‍മ്മ വന്നു! അന്നു ഞങ്ങളേയും ദൈവം കാത്തു. ശോഭക്കും കുഞ്ഞിനും ഒന്നും സംഭവിച്ചില്ല!

അല്ഫോന്‍സക്കുട്ടി said...

വരാനുള്ളത് വഴിയില്‍ തങ്ങില്ലാ, ബൈക്ക് പിടിച്ചായാലും വരുമെന്നല്ലേ പ്രമാണം, എന്തായാലും ദൈവം കാത്തു. ഡ്രൈവിങ്ങ് പഠിച്ച കഥ വേഗം പോരട്ടേ, അന്നട്ട് വേണം എനിക്ക് ഡ്രൈവിങ്ങ് പഠിക്കണോന്നു തീരുമാനിക്കാന്‍.

Rajesh said...

'' ഹണി അന്നു നാട്ടില്‍ ഉണ്ടായിരുന്നു..'' കാന്താരിക്കുട്ടിയില്‍ ഒരു മാധവിക്കുട്ടി ഉറങ്ങിക്കിടയ്ക്കുന്നു...സ്നേഹം വഴിഞ്ഞൊഴുകുന്ന വാക്കുകള്‍..ഇനിയും എഴുതുക.. :)

ഗോപക്‌ യു ആര്‍ said...

whichever to come wil not wait on the road............

നരിക്കുന്നൻ said...

ഹാവൂ ഭാഗ്യം...കാന്താരി ചേച്ചീ മറിച്ചായിരുന്നു സംഭവിച്ചിരുന്നതെങ്കിലോ? ആലോചിക്കാൻ കഴിയുന്നില്ല.

അല്ലെങ്കിലും ഈ ബൈക്ക്‌ വല്യ രസമൊന്നും ഇല്ല. അതിൽ യാത്ര ചെയ്യുന്നവരെ ആട്ടിയടിക്കണം. എനിക്ക്‌ ബൈക്കോടിക്കാൻ അറിയാത്തതൊ കൊണ്ടൊന്നും അല്ല കെട്ടോ... പിന്നെ കാറോടിക്കാൻ പഠിച്ച വകയിൽ ഒരു പോസ്റ്റ്‌ കാത്തിരിക്കുകയാ...

എല്ലാവിധ ആശംസകളും നേരുന്നു.

ചാണക്യന്‍ said...

പാവം കണ്ണന്റെ ഭാഗ്യം....

GURU - ഗുരു said...

ബൈക്കീന്ന് വീണതും നാണം കെട്ടതും ദൈവം അറിഞ്ഞിലാലയിരിക്കും ബാക്കി എല്ലാം ദൈവഭാഗ്യം എന്തൊക്കെയാണോ മനുഷ്യന്‍റെ വിശ്വാസങ്ങള്‍?
എന്തായാലും ബൂലോകത്ത് ചുറ്റിയടിക്കാന്‍ ആളിവിടുണ്‍ടല്ലൊ നന്നായി.

വികടശിരോമണി said...

കാറിലിരിക്കുമ്പോൾ തോന്നും ബൈക്കിലിരിക്കണമെന്ന്.
ബൈക്കിലിരിക്കുമ്പോൾ തോന്നും
നടന്നുപോകണമെന്ന്.
നടന്നുപോകുമ്പോൾ തോന്നും
പോകാതിരുന്നാലെന്താന്ന്.
ചുരുക്കത്തിൽ,എല്ലാം മായയാണ്.
(രണ്ടാംക്ലാസിലൊപ്പം പഠിച്ച മായയല്ല)
ബൈക്ക് യാത്ര ആരോഗ്യത്തിനു ഹാനികരമെന്ന് സ്വയം നന്നായി ആക്സിഡന്റി തെളിയിച്ച ഒരനിയൻ

ശ്രീ said...

കാറായാലും ബൈക്കായാലും വരാനുള്ളത് വഴിയില്‍ തങ്ങില്ലല്ലോ ചേച്ചീ... ഒന്നും പറ്റാതിരുന്നത് ഭാഗ്യം.


[ദൈവമേ... ഡ്രൈവിങ്ങ് പരീക്ഷണവും കഴിഞ്ഞതാണല്ലേ? ആ വഴി വരുമ്പോള്‍ സൂക്ഷിയ്ക്കണമല്ലോ]
;)

ഹരീഷ് തൊടുപുഴ said...

എന്റെ അളിയന്റെ അമ്മായി ഉത്രാടത്തിന്റെ അന്ന് ബൈക്കില്‍ നിന്നു വീണു. തലയാണ് റോഡിലിടിച്ചത്. പെട്ടന്നുതന്നെ വൈക്കത്ത് ഇന്‍ഡോ-അമേരിക്കയില്‍ കൊണ്ടുപോയെങ്കിലും, ചതയത്തിന്റെ അന്ന് ഇഹലോകവാസംവെടിഞ്ഞു. തലച്ചോറിനേറ്റമുറിവായിരുന്നു 40കാരിയും, 2 മക്കളുടെ അമ്മയുമായ അവരുടെ മരണകാരണം. ഈ പോസ്റ്റ്വായിച്ചപ്പോള്‍ അതാണ് ഓര്‍മ്മവന്നത്.

Munna-pia said...

നല്ല അനുഭവക്കുറിപ്പുകള്‍!

ശ്രീനാഥ്‌ | അഹം said...

പോരട്ടേ...

:)

Typist | എഴുത്തുകാരി said...

പോട്ടെ, സാരമില്ല, ഒന്നും പറ്റിയില്ലല്ലോ.

krish | കൃഷ് said...

പഴയ ദേഷ്യം തീര്‍ക്കാന്‍, ഡ്രൈവിംഗ് പഠിച്ചിട്ട് ടിപ്പര്‍ ലോറിക്കിട്ട് താങ്ങിയോ, കാന്താരീ.
:)

amantowalkwith@gmail.com said...

sookshikkatheyum rakshapedam...baagyam..blog lokathinteyum baagyam..

puTTuNNi said...

ഇവിടെയൊക്കെ ഇപ്പോഴും കാണുന്നതില്‍ സന്തോഷം...അച്ഛനമ്മമാരുടെ വീരശൂര പരാക്രമങ്ങള്‍ മക്കളോട് പറഞ്ഞിട്ടുണ്ടോ?

മോന്ത വീര്‍പ്പിച്ചു തട്ടാതെയും മുട്ടാതെയും ഇരുന്നിട്ടല്ലേ.. വയറ്റില്‍ ചുറ്റിപ്പിടിച്ചിരുന്നെന്കില്‍ വീഴുമായിരുന്നോ? (ഹണിവീണില്ലെന്നു കരുതുന്നു)

ഡൈവം എന്ന് പറയണ ഗഡിയുടെ അനുഗ്രഹം ഉണ്ടെങ്കില്‍ ബൈക്കല്ല, കാറല്ല, നടന്നു പോയാ വരെ കുഴപ്പം ഉണ്ടാവില്ല.

പെരുമ്പാവൂര്‍ വരുമ്പോള്‍ സൂക്ഷിക്കണല്ലോ... കാന്താരിക്കുട്ടി ബൈക്ക്/കാര്‍ ഇപ്പോഴും ഓടിക്കുന്നുണ്ടോ?

Indiascribe Satire/കിനാവള്ളി said...

ഇരു ചക്ര വാഹന യാത്ര കഴിയുന്നതും ഒഴിവാക്കുകയാണു ആയുസ്സിനു നല്ലത്. സ്ത്രീകള്‍ വശം ചെരിഞ്ഞ് ഇരിക്കുന്നതും അപകടമാണ്. വീഴുമ്പോള്‍ തല ഇടിക്കും . നല്ല ഹെല്മെറ്റ് ധരിച്ചാല്‍ കുറച്ചു രക്ഷ കിട്ടും . കാറിലും സീറ്റ് ബെല്റ്റ് ധരിക്കുന്നതു ആവശ്യമാണ്. ചെറിയ ഇടിയില്‍ നിന്നൊക്കെ രക്ഷപെടാം . പോലീസിനെക്കാള്‍ യമനെയാണു പേടിക്കേണ്ടതു.

ജിജ സുബ്രഹ്മണ്യൻ said...

സി കെ ബാബു : ഇല്ലാത്ത ബുദ്ധി പോവാന്‍ ഒരു സൂത്രം ഉണ്ട്..കിനാവള്ളിയുടെ വേര് അല്പം എടുത്ത് പാറപ്പുറത്ത് ഇട്ടുണക്കി ശുദ്ധമായ ഒട്ടകപ്പാലില്‍ കലക്കി 4 നേരം സേവിക്കണം.


കനലേ : വേണ്ടാ ട്ടോ..കൊത്തി കൊത്തി മുറത്തേക്കേറി കൊത്തല്ലേ മകനേ മൂസേ !!


കുറുമാന്‍ ജി : ചില തോന്നലുകള്‍ നമ്മളേ അപകടത്തില്‍ നിന്നും രക്ഷിക്കും എന്നു പറയുന്നത് എത്ര ശരിയാ അല്ലേ..ഇവിടെ വരാന്‍ തോന്നിയ സന്മനസ്സിനു നന്ദി ട്ടോ

ദേശാഭിമാനി മാഷേ : അങ്ങയുടെ ഭാര്യക്കും ഇതേ അവസ്ഥ വന്നു എന്നത് അല്‍ഭുതമായി തോന്നുന്നു..ഈശ്വരന്‍ കൂടെ ഉള്ളത് കൊണ്ട് രക്ഷപ്പെട്ടു.


അല്ഫുണ്ണീ : ഡ്രൈവിംഗ് പഠനത്തിന്റെ കാര്യം ഒന്നും പറയാതിരിക്കുകയാ ഭേദം..ഹി ഹി ഹി

രാജേഷ് : ഇങ്ങനെ കളിയാക്കരുത് കേട്ടോ..പിന്നെ ഹണി എന്ന വാക്കു ബൂലോകത്തു നിന്നൊരാള്‍ ചാര്‍ത്തി തന്നതാ..കടപ്പാടു വക്കാന്‍ മറന്നതാ..എന്റെ ബ്ലോഗ് സ്ഥിരമായി വായിക്കുന്നവര്‍ക്കറിയാം ആളേ..



ഗോപക് : നന്ദി


നരിക്കുനന്‍ : ഇപ്പോള്‍ മനസ്സിലായി ബൈക്കോടീക്കാന്‍ അറിയില്ല അല്ലേ..ആരോടും പറയണ്ടാ..വേഗം പോയി പഠിച്ചോളൂട്ടോ !!!


ചാണക്യന്‍ : കണ്ണന്റെ ഭാഗ്യം ??

ഗുരു : ഞാന്‍ ദൈവ വിശ്വാസി ആണു.അതു കൊണ്ട് ദൈവത്തിന്റെ കൃപ കൊണ്ടു മാത്രമാണു അന്നൊന്നും സംഭവിക്കാതിരുന്നത് എന്ന് ഇപ്പോളും വിശ്വസിക്കുന്നു.

വികട ശിരോമണി : ആക്സിഡന്റിന്റെ വേദന അറിയാം ല്ലേ... ഒന്നും സംഭവിക്കാതിരുനത് കാര്‍ന്നോമ്മാരുടെ പ്രാര്‍ഥനയുടെ ഫലം !!


ശ്രീ : ച്ഛേ ! ഇങ്ങനെ സത്യങ്ങളൊക്കെ പരസ്യമായി വിളിച്ചു പറയാതെ..ഒന്നുമല്ലേലും ഞാന്‍ ഒരു ലൈസന്‍സ് കിട്ടിയ ഡ്രൈവറാ.. ഹി ഹി ഹി
എന്നാലും പെരുമ്പാവൂര്‍ വഴി വരുമ്പോള്‍ നോക്കീം കണ്ടുമൊക്കെ വന്നാല്‍ മതി !!


ഹരീഷ് : എന്റെ വീടിന്റെ തൊട്ടടുത്ത വീട്ടിലെ ചേച്ചി ബൈക്കീന്ന് വീണു തുടയെല്ലു പൊട്ടി ഇരിപ്പാണു..ഓണത്തിന്റെ തലേന്നു പറ്റിയതാ.വണ്ടി ബ്രേക്കിട്ടപ്പോള്‍ തെറിച്ചു വീണു..
അളിയന്റെ അമ്മായിക്ക് ആദരാഞ്ജലികള്‍


മായ :
ശ്രീ നാഥ് /അഹം
എഴുത്തുകാരീ:


കൃഷ് : ടിപ്പര്‍ ലോറിക്കിട്ട് താങ്ങാനുള്ള ഗട്ട്സ് ഒന്നും എനിക്കില്ലായേ !!

എ മാന്‍ റ്റൂ വാക്ക് വിത് : നന്ദി

പുട്ടുണ്ണി : വീര ശൂര പരാക്രമങ്ങള്‍ മക്കളോട് വര്‍ണ്ണിക്കാന്‍ ഉള്ള പ്രായം ആയില്ല അവര്‍ക്ക്.അല്പം കൂടെ കഴിയുമ്പോള്‍ പറഞ്ഞു കൊടുക്കാം

കിനാവള്ളി : ഇവിടെ ആദ്യമാണല്ലോ.സ്വാഗതം കേട്ടോ.പിന്നെ അപകടം എവിടെയും വരാം.വീട്ടിനകത്തു കിടന്നുറങ്ങുന്ന ആള്‍ക്കാര്‍ വണ്ടിക്കടിയില്‍ പെട്ട് മരിക്കുന്നു..പിന്നെയാണോ ?

ഇവിടെ വന്ന എല്ലാര്‍ക്കും നന്ദി

Ranjith chemmad / ചെമ്മാടൻ said...

വായിച്ചു,
എന്തായലും അങ്ങിനെയവസാനിച്ചത് നന്നായി
എല്ലാം നല്ലതിന് അല്ലേ.....

j.p (ജീവിച്ച്‌.പൊക്കോട്ടെ ) said...

സ്ലോ മോഷനില്‍ പോയി വീണത്.........ആ വീഴ്ച്ചയെക്കുറിച്ച് ആലോചിച്ചപ്പോ ഓര്‍മ്മവരുന്നത്........പുതുതായി വാങ്ങിയ ബജാജ് സ്കൂട്ടര്‍ ഉല്‍ഘാടനം ചെയ്യാന്‍ ഭാര്യയെകൊണ്ട് പള്ളിക്കു പോയ ജോസപ്പ്ഏട്ടനെ പറ്റിയാണ്.

പുളിഞ്ചോട് വളവിലെ ഹബ് ചാടിച്ചപ്പോ പുറകീന്ന് ഭാര്യ തെറിച്ചു പോയ വിവരം പള്ളീലെത്തി വണ്ടിനിര്‍ത്തിയപ്പോഴാ പുള്ളിക്കാരന്‍ മനസ്സിലാക്കിയത്......

മാംഗ്‌ said...

എങ്ങിന ഇതിനു കഴിയുന്നതു കുറെ പരിചയക്കാരും അതിലേറെ ആപരിചിതരും. അവരൊടൊക്കെ വീട്ടുകാരൊടും സുഹൃത്തുക്കളൊടും എന്നപോലെ ഇങ്ങനെ.... ബ്ലോഗിലൂടെ ജീവിക്കുകയാണോ!!വീട്ടിൽനിന്നൊക്കെ അമ്മയോ കുഞ്ഞമ്മയോ ഒക്കെ വിളിച്ചു വിശേഷം പറയുമ്പോലെ ഇഷ്ടമായി. അറിയാതെ ഒരടുപ്പം തോന്നിപോകുന്നു.

നിരക്ഷരൻ said...

കാന്താരിക്കുട്ടീ...

ഞാന്‍ നിങ്ങളുടേയും ‘ഹണി’യുടേയും ആ ഒര് ഇതില്ലേ?? അതാണ് ഈ പോസ്റ്റില്‍ കൂടുതല്‍ ശ്രദ്ധിച്ചത്. ഭാഗ്യവതി.

ഓ:ടോ: നമ്മുടെ കാപ്പിലാന്‍ ഒന്ന് ആക്കീട്ടാണോ പോയതെന്ന് എനിക്കൊരു സംശയം. ഞാന്‍ ഓടീ.......

Lathika subhash said...

'അല്ലാത്ത സമയത്ത് ഈ വക സ്വഭാവം കാണിച്ചാല്‍ എന്റെ പുറം എപ്പോള്‍ പൊളിഞ്ഞു എന്നു ചോദിച്ചാല്‍ പോരേ?’
കാന്താരിക്കുട്ടീ......................
ബഷീറിന്റെ ‘പൂവന്‍പഴം’ വായിച്ചിട്ടുണ്ടോ?
പാവം ആ പെണ്‍കൊച്ചിന് ഗര്‍ഭിണിയായിട്ടും നല്ല ‘പെട’കിട്ടി.(കൈയിലിരിപ്പുകൊണ്ടാ)
നല്ല പോസ്റ്റ് കാന്താരിക്കുട്ടീ................

പൊറാടത്ത് said...

...കണ്ടിട്ടും കണ്ടില്ലെന്ന് നടിച്ച് സ്വതവേ വീര്‍ത്ത മുഖം അലപം കൂടെ വീര്‍പ്പിച്ച് ഞാന്‍ ഇരുന്നു..

കാന്താരിയ്ക്ക്, ‘തൊട്ടാവാടി’ എന്ന പേരായിരിയ്ക്കും കൂടുതൽ യോജിയ്ക്കുക എന്ന് പലപ്പോഴും തോന്നിയിട്ടുണ്ട്.

എന്നാലും, ഏഴാം മാസത്തിൽ, മഴയത്ത്, കാറുണ്ടായിട്ടും ബൈക്കിൽ യാത്ര ചെയ്യാൻ തോന്നിയ ‘ഹണി’യുടെ മനോധൈര്യം അപാരം തന്നെ. കഴിഞ്ഞ പോസ്റ്റിലെ,“ഒന്നിച്ച് ഓണമുണ്ണാൻ കുഴിയിലേയ്ക്ക് കാല് നീട്ടുന്ന സമയം വരെ കാത്തിരിയ്ക്കേണ്ടിവരും” എന്നതും ഇതും കൂട്ടി വായിച്ചപ്പോൾ കാന്താരിയെക്കുറിച്ച് അപ്പോൾ തോന്നിയ വിഷമം ഒന്നു കൂടി അധികമായി.

എല്ലാമുണ്ടായിട്ടും ഒന്നുമില്ലാത്ത അവസ്ഥ.. അല്ലേ..??

കാവാലം ജയകൃഷ്ണന്‍ said...

പരസ്പരമുള്ള ധാരണയും, ഒരു നോട്ടം കൊണ്ടു പോലും പരസ്പരം മനസ്സിലാക്കാന്‍ കഴിയുന്ന സുതാര്യതയുമാണ് ദാമ്പത്യത്തിന്‍റെ ഏറ്റവും കരുത്തുള്ള അടിത്തറ. സ്നേഹത്തിന്‍റെയും, ഐക്യത്തിന്‍റെയും ഒരു പൂക്കാലമായി ജീവിതം ആഘോഷിക്കാന്‍ സര്‍വ്വേശ്വരന്‍ അനുഗ്രഹിക്കട്ടെ...

ആശംസകള്‍

Joji said...

വെറും ആന പോര .. '
ഗജരാജപ്പന്‍ ശൊ ഗജരാജപൊട്ടന്‍  അല്ല ഗജരാജപ്പ്ട്ടം  കിട്ടിയ വെള്ളാന തെന്നെ വേണം 

smitha adharsh said...

ശോ.....സാരല്യ കാ‍ന്താരി ചേച്ചി..ഒന്നു പറ്റിയില്ലല്ലോ..ഭാഗ്യം...അപ്പൊ,മുഖം വീര്‍പ്പിക്കാനും,മിണ്ടാതിരിക്കാനും ഒക്കെ അറിയാം അല്ലെ?സൂത്രക്കാരീ....

smitha adharsh said...

ശോ.....സാരല്യ കാ‍ന്താരി ചേച്ചി..ഒന്നു പറ്റിയില്ലല്ലോ..ഭാഗ്യം...അപ്പൊ,മുഖം വീര്‍പ്പിക്കാനും,മിണ്ടാതിരിക്കാനും ഒക്കെ അറിയാം അല്ലെ?സൂത്രക്കാരീ....

ബഷീർ said...

സംഗതി തമാശയായി എഴുതിയെങ്കിലും ഗര്‍ഭിണികളെ ബൈക്കിലിരുത്തി യാത്ര ചെയ്യുന്നത്‌ അപകടം തന്നെയെന്ന സന്ദേശം മറ്റുള്ളവര്‍ക്ക്‌ നല്‍കുന്നു. പിന്നെ പിണങ്ങിയ പെണ്ണിനെ എങ്ങി നെ ഇണക്കാം എന്ന സൂത്രവിദ്യകളും .. എല്ലാം നന്നായി..

നല്ലത്‌ മാത്രം വരട്ടെ..

തൊട്ടാവാടി.. അതും ചേരും... ഇത്‌ പറഞ്ഞതിനു ചേരുമായി വരല്ലേ.. ഞാന്‍ ഇവിടില്ല

ചാത്തങ്കേരിലെ കുട്ടിച്ചാത്തന്‍. said...

ദൈവം എപ്പോഴും കൂടെ ഉള്ളതു കൊണ്ട് ആ വീഴ്ചയില്‍ എന്റെ കുഞ്ഞിനും ഒന്നും സംഭവിച്ചില്ല.

the same thing happened in my life also [not pregnent!!!]while travelling from villupuram to pondichery [tamil nadu]

a tipper lorry and my bike. by god's grace i am still alive.

i never advice bike as a family vehicle. it's meant for collage boys. [thats why with stern objection from my father, i bought a car] i hate seeing people travel in bike [especially while raining] wife/husband and 2 kids.... it's cruel.

രസികന്‍ said...

വരാനുള്ളത് വിമാനത്തിനുള്ളിലേക്കും കേളപ്പന്റെ ഓട്ടോയും പിടിച്ചു വരും എങ്കിലും നമ്മൾ ശ്രദ്ധിക്കേണ്ട കാര്യങ്ങൾ ശ്രദ്ധിക്കുകതന്നെ വേണം. ഒന്നും പറ്റാതെ രക്ഷപ്പെട്ടതിനു ദൈവത്തിനു നന്ദിപറയുക കൂട്ടത്തിൽ പാവം കണ്ണനെ വെറുതെ വിടുക.

siva // ശിവ said...

ഈ ബുദ്ധി ആദ്യം തോന്നിയിരുന്നെങ്കില്‍..ഇത് നാം പലപ്പോഴും പറഞ്ഞു പോകുന്ന ഒരു കാര്യമാണ്. രസകരമായി ഈ വായന...

പിള്ളേച്ചന്‍ said...

ഞങ്ങളുടെ കമ്പിനിയിലേക്ക് ഒരു വനിത ഡ്രൈവറെ ആവശ്യമുണ്ട് കാന്താരിക്കുട്ടി പോരുന്നോ
എന്തായാലും വാശിക്കുള്ള ഡ്രൈവിങ്ങ് പഠിത്തം ഇഷടപെട്ടു

ജിജ സുബ്രഹ്മണ്യൻ said...

രണ്‍ ജിത്ത് : നന്ദി ട്ടോ
ജീവിച്ചു പൊക്കോട്ടേ : ജോസപ്പേട്റ്റന്റെ കഥ കലക്കീ..സംഭവിച്ചതു തന്നെയാണോ ?

മാംഗ് : അമ്മയെപോലെയും ചിറ്റയെപോലെയും ഒക്കെ എന്നെ കാണാന്‍ കഴിയുന്നല്ലോ..പരസ്പരം അറിയില്ലെങ്കിലും എല്ലാരും തമ്മില്‍ ഒരു അടുപ്പം അറിയാതെ ഉണ്ടാകുന്നു..അതാണു ഈ ബൂലോകത്തിന്റെ ഒരു മാസ്മരികത ! ഇനി ബ്ലോഗിങ്ങ് നിര്‍ത്താം എന്നു വിചാരിച്ചാലും പറ്റണില്ല ആ ഒരു കാരണം കൊണ്ടു തന്നെ...നന്ദി ട്ടോ


നിരക്ഷരന്‍ ജീ : കാപ്പിലാന്‍ എന്നെ ആക്കീതു തന്നെയാ..ഒരു സംശയവും ഇല്ല..കാപ്പിലാന്‍ മാത്രം അല്ല വേറെ ചിലരും !!

ലതി ചെച്ചീ : അതു തന്നെ ..കൈയ്യിലിരുപ്പു മോശമായതു കൊണ്ടാ അന്നങ്ങനെ വന്നത്..


പൊറാടത്ത്. : മനുഷ്യരെ മനസ്സിലാക്കാന്‍ ഒരു പ്രത്യേക കഴിവുണ്ട് അല്ലേ..പറഞ്ഞത് അക്ഷരം പ്രതി ശരിയാണു..തൊട്ടാവാടി തന്നെയാണു ഞാന്‍..ഈ വക വിഷമങ്ങള്‍ മാറാനാണ് ഞാന്‍ ബ്ലോഗ് എന്നും പറഞ്ഞ് ഇരിക്കുന്നതും..


ജയകൃഷ്ണന്‍ : അമ്പമ്പോ !!

ജോജി :അപ്പോള്‍ വെള്ളാനയെ ഒന്നു കടം തരാമോ ..പോയ ബുദ്ധിയെ കെട്ടി വലിച്ചോണ്ട് പോരാനാ..

സ്മിത : എന്താ സംശയം.പെണ്ണായി പിറന്ന എല്ലാരും അല്പ സ്വല്പം സൂത്ര വിദ്യകള്‍ ഒക്കെ ഭര്‍ത്താക്കന്മാരുടെ അടുത്ത് കാണിക്കും എന്നാ എനിക്കു തോന്നുന്നെ !

ബഷീറിക്കാ : പ്രിയതമയോടു ഒന്നു കാണിച്ചു നോക്കൂ ഈ സൂത്രപ്പണി..കാല്‍ ചുവട്ടില്‍ വന്നു കിടക്കുന്നത് കാണാം !!


കുട്ടിച്ചാത്തന്‍ : ബൈക്ക് മാത്രം ഉള്ള കുടുംബങ്ങള്‍ എന്തു ചെയ്യും.. അവര്‍ക്കും യാത്ര ചെയ്യണ്ടേ ??


രസികന്‍ : നന്ദി ട്ടോ..കണ്ണനെ അന്നേ വെറുതേ വിട്ടല്ലോ

ശിവ : നന്ദി ട്ടോ


പിള്ളേച്ചന്‍ : വനിതാ ഡ്രൈവറായി വരാന്‍ ഞാന്‍ ഇല്ല..ഭാവി ജീവിതം വിദേശത്തെ ജയിലില്‍ കഴിക്കാന്‍ ലവലെശം ആഗ്രഹം ഇല്ല..

വേറെ വല്ല നല്ല ജോലിയും ഉണ്ടെങ്കില്‍ വരാം..


ഇവിടെ വന്ന എല്ലാര്‍ക്കും നന്ദി അറിയിക്കുന്നു

ബിന്ദു കെ പി said...

ഞാന്‍ പറയാന്‍ ഉദ്ദേശിച്ചതൊക്കെ എല്ലാവരും പറഞ്ഞുകഴിഞ്ഞു.ഇനിയെന്തു പറയാനാ കാന്താരീ...
വരാനുള്ളത് എങ്ങിനെയായാലും വരും.വെറുതെ വഴിയിലുടെ നടന്നുപോയാലും.

കാറൊക്കെയായി സൌകര്യപ്രദമായ യാത്രയൊക്കെ ആയെങ്കിലും എനിക്കിന്നും ഇഷ്ടം ഭര്‍ത്താവിനെ കെട്ടിപ്പിടിച്ചുള്ള ആ പഴയ ബൈക്ക് യാത്ര തന്നെയാണ്. അതിന്റെയൊരു രസം! പുത്തന്‍‌വേലിക്കരയില്‍ നിന്ന് എടപ്പാള്‍ വരെ ഒറ്റയടിയ്ക്ക് യാത്ര ചെയ്തതും മറ്റും മറക്കാനാവാത്ത അനുഭവമാണ്.

(എന്തൊക്കെയായാലും ഗര്‍ഭിണിയായിരിക്കുമ്പോള്‍ ബൈക്കില്‍ യാത്ര ചെയ്തത് ഇത്തിരി..കടന്ന കയ്യായി പോയി)

PIN said...

ചുമ്മാതെ ഒരു കഥ പറഞ്ഞുപോയെങ്കിലും അതിൽ വലിയ പല കാര്യങ്ങളും ഉണ്ടായിരുന്നു.

നമ്മൾ പറ്റുന്നത്ര ശ്രദിക്കുക, ചിലപ്പോൾ എത്ര ശ്രദിച്ചാലും സംഭവിക്കാനുള്ളത്‌ സംഭവിക്കും.

ഭാഗ്യം. കാര്യമായി ഒന്നും പറ്റിയില്ലല്ലോ...

അജ്ഞാതന്‍ said...

ദൈവം പെട്ടെന്നൊന്നും വിളിക്കില്ല കാന്താരി..കാരണം ദൈവത്തിനും സമാധാനം വേണമല്ലോ!!

എന്തായാലും ദൈവം കാത്തു

കുറ്റ്യാടിക്കാരന്‍|Suhair said...

എന്തായാലും ഒന്നും പറ്റിയില്ലല്ലോ... സമാധാനം.

പിരിക്കുട്ടി said...

onnum pattiyillallo?
bhagyam....

അരുണ്‍ കരിമുട്ടം said...

ദൈവം അങ്ങനെ കൈവിടില്ലന്നേ.പുള്ളിക്കാരന്‍ ഒന്നു പരീക്ഷിക്കും അത് നമ്മുടെ അഹങ്കാരം മാറ്റാനാ.

അശ്വതി/Aswathy said...

എന്തായാലും ഒന്നും പറ്റാത്തത് ഭാഗ്യമായി.
എഴുതിയത് തമാശ മട്ടിലന്നെന്കിലും വായിച്ചപ്പോ എനിക്ക് ടെന്‍ഷന്‍ ആയി.
ഞാന്‍ ആയിരുന്നികില്‍ ഇടിയും പ്രസവവും ഒന്നിച്ചു കഴിഞ്ഞേനെ .ടെന്‍ഷന്‍ കാരണമേ...

തോന്ന്യാസി said...

കാന്താരിച്ചേച്ചീ.........

ചേച്ചി ഡ്രൈവിംഗ് പഠിച്ച് പുള്ളിക്കാരനെ കൂടെയിരുത്തി ഓടിച്ച് പുള്ളിയെ തള്ളിയിട്ട് പകരം വീട്ടിയ ആ കഥ കൂടെ കേള്‍ക്കാന്‍ ആകാംക്ഷ മൂത്ത് ഇരിക്കപ്പൊറുതിയില്ലാതായി.........

മുസാഫിര്‍ said...

ബൈക്ക് യാത്ര ഒരു അതിസാഹസം തന്നെയായിരുന്നു.എന്തായാലും ഒന്നും പറ്റിയില്ലല്ലോ,ഭാഗ്യം.

ജിജ സുബ്രഹ്മണ്യൻ said...

ബിന്ദു : പുത്തന്‍ വേലിക്കരയില്‍ നിന്ന് എടപാള്‍ വരെ ബൈക്കില്‍ യാത്ര ! ഹോ ത്രില്ലടിക്കുന്നു.

പിന്‍ :
അജ്ഞാതന്‍ : ഹ ഹ ഹ അതു കലക്കീ.ദൈവത്തിനും സമാധാനം വേണം


കുറ്റ്യാടിക്കാരന്‍ :
പിരിക്കുട്ടി :
അരുണ്‍ കായം കുളം:
അശ്വതി :
തോന്ന്യാസി : പുള്ളിയെ തള്ളിയിടാന്‍ എനിക്ക് 2 വീലര്‍ ഡ്രൈവിംഗ് അറിയില്ല.കാറില്‍ പുള്ളി നാട്ടില്‍ ഉണ്ടെങ്കില്‍ എന്നെ തൊടാനും സമ്മതിക്കില്ല..അത്രയും വിശ്വാസമാ എന്റെ ഡ്രൈവിംഗ് !!
മുസാഫിര്‍ : നന്ദി

ചിലപ്പോള്‍ അന്ന് ബൈക്കില്‍ പോയതു കൊണ്ട് മാത്രമായിരിക്കും ഒന്നും പറ്റാതെ രക്ഷപ്പെട്ടത്..കാറായിരുന്നെങ്കില്‍ പെട്ടെന്ന് വെട്ടിച്ചു മാറ്റിയാലും ഒരു ഇടി നടന്നേനേ..എല്ലാവര്‍ക്കും ഒരിക്കല്‍ കൊടി നന്ദി പറയുന്നു.

rainysno said...

ormakalkkenthu sughandham....
en aathmaaavin nashtta sughandham...

Satheesh Haripad said...

കാന്താരി ചേച്ചി, ഈ പോസ്റ്റ് പലര്‍ക്കും ഒരു പാഠമായിരിക്കും. സൂക്ഷിച്ചാല്‍ ദുഖിക്കേണ്ട.

Kichu $ Chinnu | കിച്ചു $ ചിന്നു said...

ഒരു ഓഫ് ടൊപ്പിക്:
പോയ ബുദ്ധി കാടന്‍പൂച്ച പിടിച്ചാല്‍ പോലും കിട്ടൂല ചേച്ചി.. :)
പുതിയ പോസ്റ്റ് ഇട്ടിട്ടുണ്ട്, തലയിലെ മുണ്ട് മാറ്റിക്കോളൂ

രാമചന്ദ്രൻ വെട്ടിക്കാട്ട് said...

അനുഭവക്കുറിപ്പ് നന്നായിട്ടുണ്ട്.
രസകരമായി അവതരിപ്പിച്ചിരിക്കുന്നു.
ആശംസകള്‍.

അജയ്‌ ശ്രീശാന്ത്‌.. said...

നല്ല രസമുണ്ട്‌
കാന്താരിക്കൂട്ടീ...
നിങ്ങളുടെ അനുഭവം
വായിച്ചെടുക്കാന്‍....
എന്തായാലും
അത്യാഹിതമൊന്നും
സംഭവിച്ചില്ലല്ലോ.....ഭാഗ്യം..

ജെ പി വെട്ടിയാട്ടില്‍ said...

ആദ്യം കണ്ടതു വായിചു...
ഗര്‍ഭിണിയുടെ ആശുപത്രിയിലേക്കുള്ള യാത്ര..
വളരെ നല്ല രചന....
മൊത്തത്തില്‍ എല്ലാ‍യിടത്തും ഒന്നു കണ്ണോടിക്കണം....

എല്ലാ ഭാവുകങ്ങളും നേരുന്നു....

സ്നേഹത്തോടെ
ജെ പി
ത്രിശ്ശിവപേരൂര്‍

ജിജ സുബ്രഹ്മണ്യൻ said...

റെയ്നി സ്നോ :
സതീഷ് :
കിച്ചു & ചിന്നു:
രാമചന്ദ്രന്‍ :
അമൃത :
ജെ പി.:
ഇവിടെ വന്നതിനും കമന്റടിച്ചതിനും നന്ദി അറിയിക്കട്ടെ

മനസറിയാതെ said...

ഈ പോസ്റ്റ് കേരള ഹൈ കോടതിയിലെ ജഡ്ജിമാരില്‍ ആരെങ്കിലും കണ്ടാല്‍.. ഒരു side ചെരിഞ്ഞു സ്ത്രീകള്‍ ബൈക്കില്‍ ഇരിക്കരുതു,സാരിയുടുത്തു (ചുരിദാര്‍ ധരിക്കാം)ബൈക്കില്‍ യാത്ര ചെയ്യരുത് എന്നീ നിയമങ്ങള്‍ കൊണ്ടുവരുന്ന കൂട്ടത്തില്‍ ഗര്‍ഭിണികളുടെ ബൈക്കുയാത്രയും നിയമം മൂലം തടയും

Anil cheleri kumaran said...

എന്നാ പിന്നെ ഡ്രൈവിങ് പഠന കഥയാവട്ടെ ഇനി.
നന്നായിട്ടുണ്ട് കേട്ടൊ.

അസ്‌ലം said...

kankanta dhaivam bharthavanennu karuthuka
annu eduthirunnath car ayirunnenkil?

bharthavine snehikkuka vishisikkuka

യാമിനിമേനോന്‍ said...

പ്രഗനന്റായ സമയത്ത് അതും മഴയത്ത് ബൈക്കില്‍ പോയതു വായിക്കുബോള്‍ തന്നെ പേടിതൊന്നിപ്പിക്കുന്നു.........എന്നാലും ഒന്നും സഭവിക്കാങ്ങതു ഭാഗ്യം.

മന്‍സുര്‍ said...

ഒന്നും പറയാനില്ല

ദൈവം കൂടെയുണ്ട്‌....പ്രാര്‍ത്ഥിക്കുക

നന്‍മകള്‍ നേരുന്നു
മന്‍സൂര്‍, നിലബൂര്‍

poor-me/പാവം-ഞാന്‍ said...

peru kettappol oru fire brand aannennu karuthy.ithu vaayichappolum kunjante blogile announcementine kurichulla comment vayichappolum enikku manassilaayi ""innocent"' te anujathi annennu.bloginte peru maattoo."thottal vaady"
Regards Poor-me

poor-me/പാവം-ഞാന്‍ said...

peru kettappol oru fire brand aannennu karuthy.ithu vaayichappolum kunjante blogile announcementine kurichulla comment vayichappolum enikku manassilaayi ""innocent"' te anujathi annennu.bloginte peru maattoo."thottal vaady"
Regards Poor-me

OAB/ഒഎബി said...

പോയ ബുദ്ധി പൂടിച്ച് ഞമ്മള് ഇപ്പോള്‍ പോവുന്നു. നാട്ടിലെത്തിയിട്ട് വന്ന് അഭിപ്രായം പറയാം.

സഹയാത്രികന്‍ said...

ഒന്നും പറ്റിയില്ലല്ലോ ചേച്ചീ... ഭാഗ്യായി....
എന്തായാലും ഏഴാം മാസത്തിലെ ബൈക്ക് യാത്ര ഇത്തിരി കടന്നു പോയി...
:)

ഭൂമിപുത്രി said...

ഇതെന്തോ ആനക്കഥയാണെന്നായിരുന്നു ആദ്യം വിചാരിച്ചത്.അല്ല,കാന്താരിക്കുട്ടി
ഡ്രൈവിങ്ങ് പഠിച്ച കഥയല്ലേ,അങ്ങിനേം പറയാം,ല്ലേ?

വിജയലക്ഷ്മി said...

nallapost,poya bhudhiyaru pidichalumkittilla.kooduthalonnum patathathu bhagyam.nanmakalnerunnu.

K C G said...

കാന്താരീ, ദൈവം കൂടെയുണ്ടുതന്നെ. ഹോ ഓര്‍ക്കാന്‍ കഴിയുന്നില്ല....

അഞ്ചാറു വര്‍ഷങ്ങള്‍ക്കു മുന്‍പ് ഞാനും ഇങ്ങനെ സ്കൂട്ടറില്‍ നിന്നു വീണു.തല റോഡിലെ ഡിവൈഡറില്‍ ഇടിച്ചു. വെട്ടിപ്പൊളിക്കുന്ന വേദനതോന്നിയെങ്കിലും സ്കാന്‍ ചെയ്തപ്പോള്‍ കുഴപ്പമില്ല, പനി പിടിച്ചപോലെ രണ്ടുമൂന്നു ദിവസം കിടക്കേണ്ടി വന്നതല്ലാതെ.

മേരിക്കുട്ടി(Marykutty) said...

kantharikutty...ona katha vayichu. enthu parayanam ennu ariyathathu kondu comment ittilla.
pinne..driving oadicha katha parayoo...enikku cycle chavittan polum ariyilla..pakshe car vanganam ennu valiya aashayum..

kannan paranjathu pole, car eduthirunnenkil, valiya vallathum nadannene...ithippo, thoomba kondu edukkanullathu, soochi kondu eduthu :))

ഹന്‍ല്ലലത്ത് Hanllalath said...

"........അല്ലെങ്കിലും എത്ര പിണക്കമാണെങ്കിലും “ മോളേ “ എന്ന ഒറ്റ വിളിയില്‍ എല്ലാ പിണക്കവും അലിയാറുണ്ട് എന്നത് കണ്ണനും അറിയാം ......"

നല്ല ശൈലി....ഇഷ്ടപ്പെട്ടു...
അന്ന് ഒന്നും പറ്റാതിരുന്നത്‌ കൊണ്ട് നമുക്കിത് തമാശയായി വായിക്കാം...
ദൈവം എന്നും കൂടെ ഉണ്ടാകട്ടെ... എന്ന് പ്രാര്‍ഥിക്കുന്നു

ഹൃദയം നിറഞ്ഞ പെരുന്നാള്‍ ആശംസകള്‍

Appu Adyakshari said...

ഭാഗ്യം. അനില്‍ശ്രീ പറഞ്ഞതിനു താഴെ ഒരു ഒപ്പ്

പ്രയാസി said...

ആന പിടിച്ചാലൊന്നും കിട്ടില്ല! ജുറാസിക് പാര്‍ക്കീന്ന് ദിനോസറിനെ തന്നെ കൊണ്ട് വരണം.:)

എന്തായാലും ഭാഗ്യം, ഇല്ലേല്‍ കാന്താരിയെന്ന ബ്ലോഗറുണ്ടൊ!?

girishvarma balussery... said...

ഭാഗ്യം ... ഒന്നും പറ്റാഞ്ഞത്... ഞങ്ങളുടെയൊക്കെ പ്രാര്‍ത്ഥന ഇല്ലേ ...( അതിലൊരു നുണ മണക്കുന്നുണ്ട് അല്ലേ) ഒന്നാമതു ഗര്‍ഭിണികള്‍ ബൈക്കില്‍ പോകുന്നത് ശരിയല്ല...എന്നാ ഇരുപ്പാ ചിലരുടെ ഒക്കെ... പേടിയാവും കാണുന്നവര്‍ക്ക്... അവര്‍ക്ക് ഒരു കൂസലും ഇല്ല... ഈ ടിപ്പര്‍ കാലന്‍ പരന്നു നടക്കുന്ന സ്ഥലമാ പെരുമ്പാവൂര്‍ ആലുവ വീഥി .. അറിയാലോ? ശ്രധിക്കാ... ഒകെ..? ( ഓ .. ഒരു ഉപദേശി വന്നിരിക്കുന്നു..)

ജിജ സുബ്രഹ്മണ്യൻ said...

മനസറിയാതെ
കുമാരന്‍
മനു
യാമിനി
മന്‍സൂര്‍
പാവം ഞാന്‍
ഭൂമിപുത്രി ചേച്ചീ
സഹയാത്രികന്‍

ഒ എ ബി
കല്യാണി
ഗീതാ ഗീതികള്‍
മേരിക്കുട്ടി
ഹന്‍ലല്ലലത്ത്
അപ്പു ചേട്ടന്‍

പ്രയാസി
ഗിരീഷ് വര്‍മ്മ

ഇവിടെ വന്ന നിങ്ങള്‍ക്കെല്ലാം എന്റെ നന്ദി അറിയിക്കട്ടെ..

smitha adharsh said...

പുതിയ പോസ്റ്റൊന്നും ആയില്ലേ..കാന്താരിചേച്ചീ...തിരക്കിലാണോ?
പാട്ട് മാത്രേ പുതിയതായി ഉള്ളൂ..?

ചിരിപ്പൂക്കള്‍ said...

കാന്താരി ചേച്ചിക്ക്,

ഈശ്വരന്‍ കാക്കുന്ന എത്രയോ മുഹൂത്തങ്ങളിലൂടെയാണു നാം അനുദിനം കടന്നു പോകുന്നത്.. അല്ലേ. നന്ദി ആ വലിയവറ്ന്റെ സനേഹത്തിനു മുന്‍പില്‍.

ആശംസകളൊടെ.

vimal mathew said...

ou nadanna sambhavam parayatte....ent ayalvasi (christian) njan NRI akunnathinu munpe bharye eiduthe nurse pani elpichittu nattil vannu kottaram poloru veedu panithu thamasam thudangi.... pinnepozho thonni thirichu gulfil pokanam ....ellam ready ayi.....appol pazhaya oru parichayackarante abhyarthana kurachu cash veettil wifine elpickanam ivide varumbol riyal tharam ....ravile taxiyo reay ayappol konadan thoompayumayi ethire....annu pocku cancel....pitte divasam ravile veendum poyi.....kooduthalonnu parayunnilla eppol 5-10 ayittu odinju veettilundu (eppol ezhunnettu nadackukoke cheyum tto)....kanthari kutty varanullathe vazhiyilenum lodgil thamasickoola ....athu pole varum....ethayalum ithrayalle pattiyullu....eeshwaranodu mudangathe nandi paranjolluuuuuuuuuu

ജിജ സുബ്രഹ്മണ്യൻ said...

സ്മിത : തല്‍ക്കാലം പുതിയ പോസ്റ്റ് ഒന്നും ഇല്ല..
ചിരിപ്പൂക്കള്‍ : ഇവിടെ വന്നതിനു ന്നദി ട്ടോ
വിമല്‍ :ഒത്തിരി നാളായല്ലോ ഈ വഴിക്ക്..നന്ദി

ഇവിടെ വന്ന എല്ലാര്‍ക്കും ഒരിക്കല്‍ കൂടി നന്ദി

Soha Shameel said...

എഴുത്തില്‍ 'പൈങ്കിളിത്തം' അല്പം കൂടുതലാ. കമന്റു കൂടുമെങ്കിലും അതല്പം കുറക്കാമോ? ചിലയിടങ്ങളില്‍ വായിക്കുമ്പോള്‍ 'അയ്യേ, ഞാന്‍ എന്തൊക്കെയാ വായിക്കുന്നത്' എന്നു തോന്നി.

-അന്ന് രക്ഷപെട്ടത് ഭാഗ്യം!

Unknown said...

ഗംഭീരൻ ബ്ലൊഗ്. പോരെ ...

ബഷീർ said...

കാന്താരിക്കുട്ടി എന്റെ ബ്ലോഗിലിട്ട കമന്റ്‌ വായിച്ചു.. മറുപടി ഇവിടെയും എഴുതാമെന്ന് വെച്ചു.
കമന്റ്‌ മോഡറേഷനും മറ്റും കണ്ടപ്പോള്‍ തന്നെ എന്തോ പന്തികേടു തോന്നി. ഒരു തുറന്ന മനസ്സിന്റെ ഉടമയായി താങ്കളുടെ ഓരോ പോസ്റ്റും വായിച്ചപ്പോള്‍ മനസ്സിലായത്‌ അതിനാല്‍ തന്നെ ഓര്‍മ്മകള്‍ വായിക്കാന്‍ ശ്രമിയ്ക്കാറുണ്ട്‌. ആരെങ്കിലും എന്തെങ്കിലും പറഞ്ഞതാണു കാര്യമെങ്കില്‍ . അവരെ അവരുടെ വഴിക്കു വിടുക. നമ്മുടെ മനസ്സിനെ ത്ര്യപിതിപ്പെടുത്തുന്ന വിധത്തില്‍ ഇനിയും എഴുതൂ. വായിക്കാനിവിടെ അനേകരുണ്ട്‌. ഈ പോസ്റ്റിനു തന്നെ 88 ലധികം അഭിപ്രായങ്ങള്‍ / വായനക്കാര്‍ അതിലധികമായിരിക്കും. ഇനി അഥവാ കമന്റ്‌ 8 ആയി ചുരുങ്ങിയാലും എഴുത്ത്‌ നിര്‍ത്തരുത്‌ എന്നേ എനിക്ക്‌ പറയാനുള്ളൂ..
എന്താണു സങ്കടം. പേള്‍സണല്‍ ആണെങ്കില്‍ എല്ലാം ശരിയാവും .. എന്ന് കൂടി പറഞ്ഞ്‌.. അടുത്ത ഓര്‍മ്മയ്ക്കായ്‌ പ്രതീക്ഷിക്കുന്നു.

കാന്താരിക്കുട്ടിയ്ക്കും കുടുംബത്തിനും നല്ലത്‌ വരട്ടെ .

കാന്താരി കാന്താരിയായിതന്നെയിരിക്കട്ടെ തൊട്ടാവാടിയാവണ്ട. :)

പിരിക്കുട്ടി said...

kaaqntharippenne...
postidooooooooooooooo

|santhosh|സന്തോഷ്| said...

പോയ ബുദ്ധി ആനയല്ല കുഴിയാന പിടീച്ചാലും കിട്ടില്ലാ...
എന്തായാലും ഒന്നു സംഭവിക്കാഞ്ഞതു ഭാഗ്യം.

(നമ്മളേയും പ്രോത്സാഹിപ്പിക്കണേ)

നരിക്കുന്നൻ said...

എന്തു പറ്റി ഈ ബൂലോഗത്തിന്? ഒരു അനക്കവും കാണുന്നില്ല. ബുദ്ദി പോയേപിന്നെ എഴുതാൻ പറ്റിയില്ലേ......?

ജിജ സുബ്രഹ്മണ്യൻ said...

ആല്‍ബര്‍ട്ട് : പൈങ്കിളി അറിയാതെ വന്നു പോകുന്നതാ..കുറയ്ക്കാന്‍ ശ്രമിക്കാം ട്ടോ..പൈങ്കിളിയുടെ പേരില്‍ ആരും ഇവിടെ കമന്റിടരുത്..പോസ്റ്റിനെ കുറിച്ചു മാത്രേ ആകാവൂ..കമന്റില്‍ വലിയ ഭ്രമം ഒന്നും ഇപ്പോള്‍ ഇല്ല.വന്നതിനു നന്ദി ട്ടോ

നജീബ് : നന്ദി
ബഷീറിക്ക : സങ്കടം വരുമ്പോള്‍ അതു മനസ്സിലാക്കാനും ആശ്വസിപ്പിക്കാനും കഴിയുന്ന ഒരു വലിയ മനസ്സുണ്ട് ബഷീറിക്കയ്ക്ക്..കാന്താരിയ്ക്ക് കാന്താരി ആ‍കാന്‍ പലപ്പോഴും പറ്റാറില്ല..എന്തു ചെയ്യാന്‍ ! ഇതു പോലെ ഉള്ള സ്നേഹാന്വേഷണം തന്നെ അല്ലേ ബൂലോകരുടേ ഏറ്റവും വലിയ ഭാഗ്യം..ഒത്തിരി ഒത്തിരി നന്ദി ഉണ്ട് ഇക്കാ..( ഉരലു ചെന്നു മദ്ദളത്തോടു സങ്കടം പറയുന്ന പോലെ അല്ലേ ??)

പിരിക്കുട്ടീ : ഒരിക്കല്‍ കൂടി നന്ദിനി
സന്തോഷ് : സമയം കിട്ടുമ്പോള്‍ പുതിയ പോസ്റ്റുകള്‍ വായിക്കാന്‍ ശ്രമിക്കാറുണ്ട്..ഇപ്പോള്‍ അല്പം തിരക്കിലാണു.ക്ഷമിക്കുമല്ലോ..ഇവിടെ വന്നതിനു നന്ദി



നരിക്കുനന്‍ മാഷേ : ബുദ്ദി മുഴുവന്‍ ആന കൊണ്ടോയി !!! ഇനി എഴുത്തു വരില്ലാ..എന്തു ചെയ്യാനാ മാഷേ..സ്നേഹാനേഷണത്തിനു ഒത്തിരി ഒത്തിരി നന്ദി..

അപ്പോള്‍ എല്ലാവരോടും ഒരിക്കല്‍ കൂടി നന്ദി പറയുന്നു..തല്‍ക്കാലത്തേക്ക് വിട !!

പ്രയാസി said...

കാന്താരീ..

ബ്ലോഗു നിര്‍ത്തിയെന്ന് അറിഞ്ഞു,
കാരണം അറിയില്ല..

ഒരുവന്‍ കമന്റു വഴി എന്റെ ഉമ്മാക്കു വിളിച്ചിട്ടുണ്ട്, ഞാനാ കമന്റ് ഡിലീറ്റിയില്ല, അവസാനം അവന്‍ വന്നു എന്നോട് ഡിലീറ്റാന്‍ പറഞ്ഞു.അങ്ങനെ വേണം

അതോണ്ട് ചില്ലറപ്രശ്നങ്ങള്‍ക്ക് ഇങ്ങനെ നിര്‍ത്തി പോകല്ലെ..

യൂ ആര്‍ കാന്താരി നോട്ട് എ കൊത്തമല്ലി ഓകെ

ബെസ്റ്റ് ബിഷപ്പ്..;)

നരിക്കുന്നൻ said...

കമന്റിൽ എന്തോ പന്തികേട് മണക്കുന്നു.
എന്നിൽ നിന്ന് എന്തെങ്കിലും പറ്റിയതാണോ ഈശ്വരാ...

എന്തിനാ എഴുത്ത് നിർത്തുന്നത്? മനസ്സിലായില്ല. എഴുതൂ..

G. Nisikanth (നിശി) said...

നല്ലെഴുത്ത്, മുഷിപ്പിച്ചില്ല.
ഞാനും ബൈക്കിലാരുന്നു അവളേം കൊണ്ടുള്ളയാത്ര; ഒൻപതാം മാസവും! എന്തിനു പ്രസവത്തിനു കൊണ്ടുപോയത് പോലും എന്റെ ഇരട്ടച്ചാടുള്ള റോൾസ്‌റോയ്സിലല്ലേ !!! വേലേം കൂലീം ഇല്ലാതെ എക്സ് ഗൾഫെന്ന ഒറ്റ അഹങ്കാരത്തിൽ കെട്ടി കാക്കാശുകയ്യിലില്ലാതെ നട്ടം തിരിയുന്ന എന്നോടു കാറുവേണം എന്നുപറയാനൊരു മടി അവൾക്കും, കാറു വിളിക്കട്ടോ എന്നു ചോദിക്കാനുള്ള ഭയം എനിക്കും ഉള്ളതായിരുന്നു കാര്യം. ഏതായാലും നിറവയറുമായി ഒരുപെണ്ണിനേയും കൊണ്ട് പെട്രോൾ ടാങ്ക് തുറന്ന് ഊതിയൂതി ഫുൾ ആക്സിലേറ്ററിൽ ഓടിച്ചു പോകുന്ന എന്നെക്കണ്ട് പ്രസവിക്കാൻ റിഹേഴ്സലെടുത്തിരുന്ന പല സ്ത്രീജനങ്ങളും തലയിൽ കൈവച്ചു കാറുള്ളവന്മാരെയേ കെട്ടൂ എന്ന് ദൃഢപ്രതിജ്ഞയെടുത്തതായി പിന്നീടറിയാൻ കഴിഞ്ഞു. പെട്രോളില്ലാത്തതിനാൽ സ്പീഡുകുറച്ചാൽ അവിടെ നിക്കും. എങ്കിലും ‘മുറുക്കെപ്പിടിച്ചോണേ’ എന്ന എന്റെ സിഗ്നൽ കേട്ട് സർവ്വ ഈശ്വരന്മാരെയും വിളിച്ച് അവളെന്നെ അടങ്കം പിടിച്ച് ഇരിക്കുമ്പോൾ എനിക്കെന്തു പേടി! ചെങ്ങന്നൂരപ്പൻ മുതൽ‌പ്പേരല്ലേ പൈലറ്റും എസ്കോർട്ടുമായി കൂടെ!! അല്ലെങ്കിലും ഒരുമിച്ചു മേലോട്ടു പോകാനും ഒരു ഭാഗ്യം വേണേ....!! :)

ഇതുവായിച്ചപ്പോൾ ആ കാലങ്ങളോർത്തുപോയി. അൽ‌പ്പം പൈങ്കിളിയില്ലാതെ എന്തോന്നു രാധാമാധവ കഥ, അല്ലേ... എഴുതെഴുത്...!

ജിജ സുബ്രഹ്മണ്യൻ said...

പ്രയാസിച്ചേട്ടാ; കൊത്തമല്ലി അല്ലാ ന്നു തെളിയിക്കാന്‍ വേണ്ടി ഒരു പോസ്റ്റ് ഇട്ടു..ഒത്തിരി നന്ദി ണ്ട് ട്ടോ..

നരിക്കുനന്‍ : പ്രശ്നം ഗുരുതരം അല്ലാരുന്നു.ഇനി ഇപ്പോ എന്താ ചെയ്യാ..ഞാന്‍ എഴുതണത് ഒക്കെ സഹിച്ചോളൂ..
ചെറിയനാടന്‍ : എനിക്ക് ഏറെ ഇഷ്ടമായി തുറന്നു പറയുന്ന ഈ രീതി..ആദ്യമൊക്കെ സാമ്പത്തിക ബുദ്ധിമുട്ട് അലപ സ്വല്പം ഒക്കെ ഉണ്ടായിരുന്നു എനിക്കും..പ്രേമിച്ചു കെട്ടിയതിനാല്‍ പ്രസവത്തിന് ഒക്കെ എന്റെ വീട്ടിലേക്ക് വിടില്ലാ ന്നൊരു കുഞ്ഞു വാശി എന്റെ ഹസിനുണ്ടായിരുന്നു.എനിക്കും ഹസിന്റെ അടുത്തു നില്‍ക്കാന്‍ തന്നെ ആയിരുന്നു താല്പര്യവും.

എങ്കിലും പ്രസവത്തിനു ബൈക്കില്‍ കൊണ്ടു പോയത് ! എന്താ പറയുക..ദൈവം സഹായത്തിനു ഉണ്ട് എന്ന് അന്നും ഇന്നും ഞാന്‍ വിശ്വസിക്കുന്നു.
ഇവിടെ വന്നതിനും കമന്റിനും ഒത്തിരി നന്ദി .ഇനിയും വരണേ..

Prathyush PV said...

ഹ ഹ ഹ ഹ ഹ ഹ ഹ ഹ ഹ ഹ ഹ ഹ ഹ ഹ ഹ ഹ
ഹി ഹി ഹി ഹി ഹി ഹി ഹി ഹി ഹി ഹി ഹി ഹി